McCafe

Open Now

Now Closed

早上番工時間員工有水準有訓練可以做到快同埋好味我最鐘意食佢的bagel加咖啡個cream cheese 好好味雖然肥 但真係好正放假時想食都要忍下口好在有時太趕都可以用app落單

本來唔諗住寫，但經過多次之後越諗越嬲真係想表達一下，希望餐廳知道可以改善一下佢哋嘅服務態度 + 整好啲嘢食。所以冇咩專登去影相我喺附近返工所以lunch成日嚟買佢個Combo食 。我次次都係正價買，所以佢哋有張卡俾我儲印仔。平時有個比較有肉地嘅女人態度已經唔好衰過茶餐廳依家有個瘦嘅當自己做咗好耐對客人態度差，對自己嘅同事更大聲夾惡話說今日我再去買 Combo, 見到麥當勞個app可以減$3，咁我當然善用啦！我用嗰時候條女職員問我「 下，咩嚟？」（我心諗：下 你係職員你問我？） 然後等餐嘅時候我多問一句「唔該係咪可以儲人仔㗎？（因為平時都會比張卡我）」比較新入職嘅女職員就好好禮貌地答我「係呀有㗎」嗰條冇禮貌嘅女職員即刻勁大大喝止話「冇啊冇啊！！佢用app減咗$3冇得再比印仔佢！！」唔知我以為自己乞食要咁大聲俾人喝好心啦，冇人貪你個印仔真係冇嘅你咪用返你職員應有嘅禮貌同返個客講囉唔該麥當勞培訓下你啲staff!! 講返個包，《新吞拿魚意式包》呢舊包都廿幾$30蚊 ，我唔明點解我食咗幾次幾次都可以焗到硬身，乾晒！真係成個包邊係食唔落口！入邊嘅餡亦薄到睇唔到！（如圖）真係好垃圾！講真呢間環境又

日日番工諗食咩早餐，好煩惱🤯，剛好經過McCafé 見到新出“厚切 OmniPork Luncheon 新餐肉系列”, 😍😍好吸引wo，去試吓先.今次我叫左新餐肉碎蛋芝士多士，再加一杯細熱意式鮮奶咖啡😏 真係唔講唔知，原來用不經油煎全新純素餐肉製成，味道完全無分別，而且仲好juicy ，另外有埋碎蛋加埋滿滿芝士😍😍 簡直係我的至愛呀🙆🏻‍♀️ 果然一日當中早餐最緊要💪🏻呢個值得一試，味道方面還好

約了Buddy見面咖啡店大概是最好的選擇因為今天我們只想把正事談好由於在下很近的關係早早就到了 先點一杯Latte (M)總不能白坐佔著別人位置吧於是便點餐 服務員好像有特大盲點沒關係 在下有時間等也沒等很久便等到服務員回應可是..原來服務員今天不宜說話咖啡沖好客人應該希望被通知吧而服務員並沒有 只是傻傻呆呆地在那邊忙著做夢咖啡會冷掉..幸好在下拖展了回顏一看發現已能取餐不然真的要懷疑店員的工作效率是否能應付用膳時間好吧 或許只是店員個人狀態不好月有陰晴圓缺嘛而那杯咖啡 雖然可能放了一陣子不過還是暖暖的正好能即時喝綿綿的泡泡 這大概是在下最喜歡的一部份所以在下對Cappuccino 情有獨鍾吧咖啡沒有很香濃倒反而奶味更出喝一口提提神然後可以專心談正事

平時一般都會食McDonald's 早餐，最近見到McCafe有新的款式推介，就去試一下。最近McCafe 推出 熱蜜糖·玫瑰鮮奶咖啡☕、蜜糖·玫瑰朱古力☕、凍蜜糖·玫瑰鮮奶咖啡🥛同蜜糖·桂花蛋糕🍰，於是我就揀咗 熱蜜糖·玫瑰鮮奶咖啡🌹☕ 試吓，再加埋新餐肉蛋沙律意式包🥪做早餐🍽 原來 熱蜜糖· 玫瑰鮮奶咖啡🌹☕係用100%台灣百花蜜💐🐝製成，而且喺冬天飲就特別滋潤，再加上香濃嘅鮮奶咖啡上面舖咗玫瑰花瓣🌹，真喺清香又醒神🥰

Happy Monday 其實心裡是Blue Monday就獎勵自己飯後吃一件cake來到這座位，原來最開心唔係食cake反而係被這耀眼的一大束陽光☀️吸引著他被眼前上下的建築物阻擋著卻被迎接他的鏡面大廈強烈地反射過來站在這裡仿佛有一個大太陽照耀著自己重要是這陽光燦爛耀眼非常卻一點也不刺眼真的好喜歡💕這抺茶紅豆蛋糕🍰是精心挑選的所謂的精挑細選就是看它的第一眼便要它這應該就是傳說/現實中的一見鍾情吧😂不好抺茶的我也覺得這個抺茶紅豆好味因為不太甜，味道真的是「剛剛好」一層層的千層皮質感很有口感抺茶cream又不太多實在係「剛剛好」為開心的午餐經歷刻劃了完美的句號。

而家連McCafe都搞芝士奶蓋，適逢新推出，有免費試飲優惠，就去攞返杯芝士奶蓋四季春。因為怕肥，叫咗走甜，但係原來冇得走冰喎。攞住杯野返Office諗住倒番啲冰，但係見到啲冰連住啲奶蓋又唔捨得就咁倒左佢，唯有照飲啦。一啖飲落去發現奇奇怪怪，唔係好夠味，奶蓋仲要已經溶得七七八八。啲茶比啲冰沖到淡晒，完全好似飲水咁飲。呢杯野要$25 ，免費就試吓啦，叫我俾錢就咪喇。睇嚟麥記都要加把勁改良下啦，咁嘅質素。

其實好耐冇食麥當勞。之前有一段時間覺得佢啲包好似退步左。但今日實在太夜放工，諗住盡快醫飽個肚。所以就照去麥當勞啦。叫咗佢最近嗰個最新嘅包。就係漢堡牛肉加三文魚。咁個賣相都算唔差嘅。塊牛肉好似細咗啲。但係嗰個煎炸三文魚扒呢都尚算OK嘅，不會亁。但老實說是食不出牛肉及三文魚的任何味道。咬開見到是不多汁。但又未到乾嘅。生菜都算多。不過不失的一個包。如果想快食只為填飽個肚其實都可以。而且成個餐先至三十幾蚊。今時今日香港物價上漲，真係好平。

一早要去醫院抽血，唔想空肚去，嗱嗱臨去最近小巴站嘅老麥攪個快早先，一入門口見到Mc Cafe,呢幾年都鍾意買Mc Cafe嘅咖啡，唔貴兼質素唔錯！入去位置好細，裝修一貫行型格，去到櫃，每個包款都有樣辦展示，揀好麵包及咖啡就八達通比錢！等待期間見有銀行信用卡優惠，問店員先知用指定信用卡比錢，可以免費升級！店員提都無提，客人都已經比晒錢先見到！咁仲做乜擾惠？（快餐嗰邊都會比錢前問兩句，仲加唔加乜乜乜？）芝士火腿牛角包：有個錫紙袋保溫，烘過熱辣辣，芝士同火腿呢個配搭唔會輸！芝士濃味半溶！火腿煙韌鹹香！但個牛角包烘過籠！乾得滯！一啲都無牛角包嘅煙韌！失望！Mocha:夠熱，咖啡幾香，朱古力味濃！幸好都無搶晒咖啡味！好味！店員有點悠閒！唔算勤快！說話有禮！希望下次在比錢前通知有其他優惠！

在干諾道中的McCafe吃早晨，舖滿杏片的牛角包很吸引加熱的杏片牛角包更吸引跟飲品只需$13單點$16.5咖啡有特選信用咭可以免費加大Stella要中SIZE$25鮮奶拉花咖啡免費加大SIZE，真係很大杯杏片牛角包香甜脆大SIZE拉花咖啡滑很飽滿的西式早餐

每年將近聖誕的時候，各大咖啡店總會推出應節的咖啡飲品來提醒大家佳節臨近。今年McCafe依舊有薑餅人咖啡和另一款新出品－黑糖豆奶薑茶，早前在早餐時便把這兩款飲品試過了，提早一點來個溫暖的聖誕。第一天早餐時試的是黑糖豆奶薑茶，我另外再選了一個香蕉合桃鬆餅吃。黑糖豆奶薑茶的賣相特點是一個＂茶＂字在豆奶打成的奶泡上，喝一口時入口先有一陣不太濃的薑味，慢慢地薑的味道越來越明顯，其後也可感受到豆奶的香味和黑糖的味道。這個香蕉合桃鬆餅的味道十分人工化，店員加熱後聞到的只是人工的香蕉精油味，而且有點過濃，把牛油的味道也蓋過了。另一天則試了薑餅人咖啡和藍莓鬆餅作返工前的早餐。薑餅人咖啡入口的薑味比較濃一點，喝來有點蓋過咖啡的味道，奶泡比較粗一點，味道只是一般。不過面層的薑餅人圖案已經夠可愛吸引，每年總會喝上一兩杯。這個藍莓鬆餅切開中間有一團藍莓漿，令到這個鬆餅吃來多了一份藍莓的香甜味。加熱後入口也算鬆軟好吃，作為早餐的份量也算合適。