麥當勞

Open Now

Now Closed

原本意為麥當奴這次推出的新產品和原有的麥香雞或曾有過的脆辣雞腿飽差不多，甚或應該好。但吃過之後真的有點失望。打開紙盒之後，發覺整個飽頗為細個，可能因為廣告拍多太美，又因為近來麥當奴的新產品都是頗有份量的，才會有這樣的期望吧。- 而味道又如何呢？雞肉表皮太乾身，雖然內裏尚有肉汁，但絶不能給我有肉嫩的感覺。- 那煙肉更是薄得離奇，以致與其它食材一起放進口時，一點都感覺不到它的同在。- 至於辣味就更加令人失望了，絶不能像廣告般說辣到要哭。這是最太的失望。

受著廣告的影響，最終也試了這一款雞翼拼盤。其實，並沒有甚麼特別的期望，因為知道無論廣告做得有多好，實物都會有所參差。今次拼盤有三種口味。1. 一開始食香烤口味，味道一般，可惜肉質太乾。2. 然後吃一直都有的脆香口味。算是可以保持水準，有肉汁。3. 最後是檸蜜口味，很喜歡這個酸酸甜甜的味道。然而，雞翼的體質略嫌太細小了。

The lastest Typhoon / Monsoon weather has been kind of unpredictable. Sometimes you carry around your umbrella for a few days and it doesn't end up raining, but every other time when you leave it at the office or at home, it rains like there's no tomorrow... how many umbrellas have you bought or had accidentally left behind at a shop lately!? I recall my friend telling me I could hire a McDonald's Umbrella for $30. It's actually made very well & sturdy, with a tough canvas top and hard

9點20分到達~order完話板燒雞腿蛋漢堡要等4分鐘反正公司系對面街~返9點30分,咁我27分先走都綽綽有餘一陣之後個包出左,但係俾另一個人拎左servce我果個當無事發生~等到32分,追問我個包仲要等幾耐~"整緊架啦,要煮呀嘛"心諗,要煮~遲過我買果個拎左我個包呀嘛~最後到35分先整食物走得,遲晒到啦!!!!返到公司杯咖啡已經凍晒啦 (因為個包未ready,佢一早執定咖啡)其實眼見好多包種都清晒~好多人圍左系counter附近等野食~要改善下啦~~!!!!講返食物~板燒雞腿蛋漢堡 ---- 件雞本身腌得好夠味~係醒胃既~另外個包無左張紙包住,係環保dd,但係唔方便~一來個muffin本身好多粉,成隻手都係粉;二來,每咬一啖d菜會跌到晒出黎~最後都係要搵張紙巾包住黎食~咁佢不如唔好要個盒,要返張紙包住啦~咖啡 --- 雖然凍冰冰~但係都係好香~薯餅 --- 無咩特別~都係咁啦~食物ok~~但係服務改一改啦~唔係第一次呀啦~>"<

又黎呢度喇, 新口味shake shake點都要試下, 諗住試四川辣味, 點知要過2日先有, 咁唯有食番星洲椒鹽喇, 食落有d似媽咪麵果隻味粉既味, 不過咸左少少, 但唔覺辣囉

夜晚8點半等上堂之際, 突然好想食老麥, 又有coupon, 於是自已一條友, 叫左3號辣雞腿飽餐, 首先食左2條薯條, 只係暖, 食開老麥既朋友就知唔新鮮喇, 初時都諗住由得佢喇, 點知再咬一啖飽, 又係暖既?! 想點...比多次機會你, 連個脆皮都淋淋地, 於是即刻"召"個經理埋黎, 同佢講d野唔新鮮, 佢話我即刻換過比你, 我諗佢係即時做過一份比我, 因為等左成5分鐘, 之後個經理親自拎個餐黎, 叫我試下得唔得...ok哂, 個辣雞腿飽非常非常之熬辣辣, 有煙出, very good service~

唔知係咪天氣凍, 麥當勞又推出左個幾應節又應天氣既食物, 麻辣系列.....不過今次只係試左麻辣麥樂雞, 之前廣告無sell到呢隻新野, 本身食左飯既我地, 緊係食唔落個飽喇, 所以叫左4粒($8)麻辣麥樂雞黎試下, 白痴到以為好似以往既麥樂雞咁有醬蘸, 又以為佢d醬係麻辣醬....通通錯哂, 原來d麻辣係mix左落d雞肉度架喇, 仲要係無醬汁....咬一口....趙左幾下先feel到果種麻辣, 唔係勁辣, 中度辣喇....下次空肚要試埋佢隻麻辣飽先....仲有出番紅豆批....正正

好多新產品 1. 軟心朱古力批2. 烤汁豬柳飽3. 粟米磨菇湯4. 脆薯皇埋黎睇 埋黎試…軟心朱古力批 好味喎 聽日要再食多個！

上回試過了咖喱味的 shake shake 粉，今次要了魚柳包餐，shake 粉就要韓式泡菜。由於要走芝士的關係，所以先捧過餐到 counter 則的座位。將 shake 粉開封後，連薯條一併倒入紙袋內，跟著起勢咁搖，約是 30 秒，打開紙袋，見到 shake 尚算均勻地沾滿了薯條，便開始吃。我覺得完全唔似泡菜味，只是辣椒粉，不過唔係好辣，都係嗰句，日式紫菜最掂。

唔知係唔係因為有報紙送coupon關係,所以lunch hour真係超...超...超多人,好在有個親善大使(接待員)逐個客問要d咩入定機,埋到counter您只需要比張寫住幾個數字的紙仔個cashier,佢就會知您要d咩,呢個抵讚...^_^要咗個6號餐-至尊漢堡+4件麥樂雞(送的)至尊漢堡-麻麻地,因為件漢堡扒都幾乾,而且d汁淨係响哂一邊仲流哂出黎,另一邊就完全無汁...>_<薯條-一般,個人比較喜歡粗身的可樂-唔會成杯都係冰,可惜唔係好夠汽麥樂雞-不過不失啦,勝在夠熱本來服務係有5分的,但係個cashier成個機械人咁木無表情,攞咗張紙仔,然後去攞野比我,跟住收錢,全程無講過野,就連收錢都係我主動比的,佢無講幾錢,所以扣咗一分...+_+

韓流襲港，有韓式烤餅；東洋風再起，就來個飯tastic…今期興juicy burger，就由美國運個97 年版的至尊漢堡來香港。其實至尊漢堡有點違反本港麥當勞近年來的「製餅模式」：有無發現除咗特別request 多醬之外，D包無以前咁「醬爆」？乾身，是延長僅30 分鐘壽命的漢堡包的竅門之一。這個至尊漢堡，不單爆醬，仲有「原塊生菜」、「新鮮蕃茄」、「多汁牛肉」…恐怕其生命週期比10 分鐘薯條還要短。可幸手上的至尊漢堡，絕對新鮮- 至少芝士都未溶。「多汁牛肉」固然比平日的「牛肉乾」厚而濕潤…「秘製醬汁」也較鹹- 用黑椒、芝士醬調的mayonnaise，還不就是這樣？除了結構像麥香雞、滿腹度像巨無霸之外，實在想不出其$15 身價的理由。可能它加價真的加得有點過份，但又心想，沒有趨之若鶩的demand，那來開天殺價的supply？少吃不等於完全罷吃：如果「文化」被定義為一切週遭的事物，又如果麥當勞壟斷市場已是速食文化中不爭的事實，你能拚棄文化嗎？更何況在港365 日，日日都有超值之選。

晚上十時多由夜校放學，回到中環已經很肚餓，剛巧看到有新推出的至尊漢堡,$24.8有餐，就試一試!原來在24小時的麥記內，在晚上9PM 至凌晨4點來吃這個餐，有一罐黑色的新可樂送，都算幾抵! 包的賣點是有7層，牛肉....是比她一向的牛肉漢堡厚一點，但不是真的很juicy，有少少失望，蕃茄生菜都是大大塊，芝士是和她用開的不同，有少少新意~~最好味的是醬汁，值得一試~!

就算間餐廳有幾common都好, 每個人對佢都會有一定o既評語o既, 唔係話佢係老麥, 就唔需要評分!! 我覺得麥當勞o既service整體上係幾好, 不過環境方面就真係好參差距! 另外, 今期promote o既軟雪糕加朱古力棍仔認真唔錯, 條棍仔好好味呀~~~

就算幾平幾普通都好，都應該有合理水準，就算大家都認識，一樣有service同衛生可以評分，我去過星光行間麥當勞，counter 個姐仔幾冇禮貌，食o左條氣都唔多順。近排個新地筒就真係正，加多條朱古力棍仔，一樣2 蚊，抵！

麥記都要寫食評?!