麥當勞

Open Now

Now Closed

近期好多人食開心樂園餐，為咗換佢嘅小侍應玩具，我都整返一套4件麥當勞先。仲有新推出嘅紅豆年糕批，紅豆蓉唔會太甜，仲有煙煙韌韌嘅年糕，加上脆卜卜嘅批皮外層，口感一流

朝早最開心莫過於係食麥當勞早餐，麗港城依家麥當勞由細食到大，算係麗港城商場其中一間屹立不倒嘅餐廳之一🥹呢間分店嘅水準時好時壞，但係整體而言都算唔錯，而且服務都唔錯，有時又會見到佢請啲傷殘人士嚟幫手執枱，知道呢間麥當勞有進度社會責任， 感覺良好就好似今次食嘅呢個早晨全餐咁，可以見到份量都幾多，特別係炒蛋多到滿咗去隔離，我諗都係睇嗰日煮蛋廚師嘅心情，有時份量會少啲食完個靚早餐又講Good morning，又開始新嘅一日

年年新年都出一次，每年都keep住出就知道招財牛堡係有實力。其實佢同黑椒漢堡差唔多，加咗個薯餅就更加有口感，但係卡路里就直線上升，不過食得麥當勞就唔會睇卡路里啦，睇卡路里就唔會食麥當勞啦但係我今次唔係叫招財牛堡，因為食得太多次，亦都太多人食過唔使我點評。話晒都係OpenRice 寫過幾篇食評，算係半個KOL。今次就試佢新出嘅黃金脆薯雞堡，打開睇其實就係薯餅加過板燒雞腿包，加黑椒醬。不過個問題就係佢板燒雞腿根本已經醃左，再加上黑椒醬，成個包非常之鹹。腎功能差嘅朋友記得諗過先叫今次用電話app order去到有得Pick up,係幾方便，不過而家啲coupon優惠冇以前咁好，佢而家講個成日話app可以慳幾百蚊，但係你要叫啲三人餐四人餐，唔好太大期望

其實講多都嘥氣，邊有人未食過麥當勞啊。不過好多人就咁入去嗌幾多號餐就算，一啲都唔考究。等我講吓點樣可以最有效率咁樣買麥當勞，首先薯條一定要走鹽，你覺得唔夠鹹先問佢攞多包鹽，一來健康啲，二來啲薯條多數會新鮮炸起。如果你有order shake shake薯條粉咁最好走鹽,因為兩樣加埋實在太鹹。咁就去到另一個問題如果走鹽嘅話呢就會等太耐，呢個時候你可以用佢嘅電話app order, 行到去即刻有得Pick up, 完全唔駛等。不過呢個方法你需要另一個電話去掃描QRcode(我通常用我隻手錶), 同埋要一個online payment 嘅方法，例如支付寶食物質素喺呢度就唔多講，因為就算同一間每個時段都唔一樣

今日有all day breakfast, 見到加$8 有麥提沙朱古力熱飲，喺度諗有麥提沙味嘅朱古力奶都幾特別。買完再諗真d。。。唔通係野飲配一包麥提沙咁笨柒？點知係真既。。。呢杯野係多左個聖誕老人樣，不過其實聖誕已經過左。第一啖飲落去，好似冇平時飲嘅朱古力奶咁稀，可能心理作用上俾咗8蚊雞，多多少少感覺有啲分別叫做安慰下自己。之後唔q 理成包麥提沙倒晒落去算，得果6 粒， 浸浸下又真係好飲左wo, 濃郁好多，即刻覺得7少左

朱古力新地大窩夫筒（$12）終於食到脆皮朱古力雪糕窩夫🍦😭😭😭😭好感動😭😭😭😭每次經過一係就賣晒，一係就草妹冇心情食食得到真係要夾岩晒天時地利同人和一d都冇誇張🤧!!!!!!!!!雖然俾一般雪糕筒貴，但大杯好多‼️唧雪糕個姨姨仲倒左好多朱古力醬俾我地😍朱古力醬滿到瀉🙊完全覆蓋左雪糕表面過一陣凝固左做好厚嘅朱古力層🍫🍫🍫加埋幼滑嘅朱古力雪糕🍦係天堂嘅享受👼🏻至於大窩夫筒雖然冇特別嘅味，不過就夠晒脆上面仲有條oreo威化卷不過重點喺層朱古力同雪糕到🤟🏻呢個價錢真心抵到爛勁大枝食完超滿足❤️Ps:你地見到草根姐姐一枝雪糕打一大篇文就知我究竟有幾中意🤗

板燒雞腿包終於回歸啦！仲要套餐只係買＄24咋！今日新推出左架七個半銀錢就可以有加大嘅shake shake 薯條同埋檸檬七喜！我覺得之前取消左版燒雞腿包套餐可能係因為成本比較高啦！因為我覺得係幾好食而且比一般嘅餐平！今日飲呢個檸檬七喜都幾好味，相信係加左檸檬酸！多咗檸檬味嘅香味啦！之前面頭加左入媽咪會嘅會籍，只要買滿＄28就會送嗰個月嘅優惠或者小食，今次送嘅係細橙汁！雖然要50蚊入會，只要你幫襯大概五次滿＄28都已經賺返晒！

阿華田新地窩夫筒 ($10)M記出過咁多款口味嘅雪糕，草根最愛始終係阿華田味！❤️❤️❤️之前出抹茶、紫薯....都係唔覺食緊個隻味，但阿華田真係勁濃郁，一食就知食緊咩😋講過草根姊妹係小朋友口味👧🏻，所以呢款真係好岩我地食✌🏻😚識食要食脆筒，今次個脆筒夠晒薄夠晒脆，上面仲有一條朱古力威化條🍫，影相靚d之餘仲多左份脆脆口感，我地又幾like wor!😘Ps.話說左面個枝係唧得勁樣衰，草根姐姐每次見到雪糕唧到咁真係會發顛🤦🏻‍♀️如果唧得大杯，樣衰都算，佢2樣都唔係👊🏻雪糕站個呀叔自己整爛左個筒所以2個筒打孖上話醒我，呀叔，真係多謝晒😑見你地睇到最尾先講......大家有留意嗎？講常小鮮肉會唧得大杯d🙈

請左半日病假要嚟個快食急住返下晝，大多數人都係會揀麥當勞。本來叫脆辣雞腿包餐，突然好隱蔽咁見到11蚊包到有個新包『牛油果蓉雞堡』，所以諗住試下，點知。。。打開個包有啲失望!個一丁點牛油果蓉都ok, 但加埋另一面既沙律醬就not really impressive, 下次真係要再食一定要取消沙律醬! 

傻蛋孖牛堡追不上潮流的我 宜家先食傻蛋孖牛堡🤤其實除左塊牛薄左啲同鞋左啲入面塊蒸蛋係幾滑幾好食的上面又有洋蔥黑椒汁食落唔會乾爭爭 係幾嘢味的🤘🏿其實出post係想重點讚揚一下後面的小兵薯餅們😍話說其實係參加左朋友的麥當當生日派對😂嗌嘅野食都係即叫即整Minions薯餅岩岩炸起外面薄皮炸到脆卜卜 入面薯蓉好滑外脆內軟真心好好食😍特登encore左兩盒🤤🤘🏿之前食過覺得難食嘅朋友都話特別好食😍🤤所以話 快餐店 真係 好睇采數🤤

又係一年一度我之愛「Dim Jack」麥樂雞。一定去麥記試曬佢d 醬我先開心😍😍想最快方法試完一定叫齊18件麥樂雞餐。我女友話驚不飽食多個豬柳蛋漢堡。真係一座山甘多，正呀！麥樂雞醬如下：香草檸檬：好似食緊檸檬夾心餅，回憶童年嘅美味。韓式辣醬：個人比較愛，口味較重，辣辣甜甜幾得意。😍韓國烤肉醬：好重胡椒味，有微辣感覺。蜜糖芥茉：唔使講一定好食，如果唔係麥當勞次次dim jack 都有佢出現。可能今期吹韓風，大部份醬以韓國口味為主。

當見到電視有麥當勞新廣告, 就知道又出新嘢, 今期又推出將軍漢堡系列。行經藍田地鐵站, 見到大大個紫薯雪糕廣告, 賣相都幾吸引。有平時食開嘅威化筒同新嘅oreo窩夫筒, 既然都要食, 就試貴啲嘅窩夫筒。紫色的紫薯雪糕加黑色的oreo窩夫筒, 雪糕上加上一個迷你oreo, 盛惠$9。價錢係貴啲, 但賣相都幾吸引人。紫薯味都算濃, 但偏甜, 雪糕都軟滑, oreo筒脆, oreo味唔濃, 配埋一齊食都唔錯。期待麥當勞下一次新口味雪糕。

呢排麥記又搞返朱古力批同埋有shake shake薯條。梗係要去食啦^^其實我就覺得黑松露粉幾好食，咸咸地，一點完就shake shake shake,yo~~味道幾好，但唔知點解見咁多人話失望@@而朱古力批本身好期待，點知...我覺得唔夠濃味同埋朱古力醬好d唔夠熱，蘋果批仲好食過佢。

四月中旬·有雨早排，參與麥當勞的新品發佈會，幾喜歡佢地個手撕雞漢堡。在懷著看看「推出後會唔會走哂樣？」的心態，昨晚深夜收工，在公司附近的老麥再吃一次（唉！其實在觀塘夜麻麻得佢有嘢食）。感覺很不錯，無論味道及賣相都跟發佈會那天有9成相似，得喎。無吃粗薯條了，因為我是傳統老麥幼身薯條的愛好者。如果真的要在雞蛋內挑骨頭的話，手撕雞加醬汁可以塗得均勻一點就好了，有點「側埋一邊」。

之前食左個白漢堡, 今次就試埋個黑漢堡,入面D野同白漢堡有唔同,有少少薯蓉同埋兩塊排,味道個人認為比白漢堡好食,雖然個包入面有薯蓉好似怪怪地, 但係都算幾夾,值得一試