麥當勞 (富榮花園)

Open Now

Now Closed

昨天晚上夜收，想食炸雞🍗所以去左附近呢間，平時都間中黎下，入到去見到有條2-3個人既龍，即刻去自助柯打，叫左個外賣雞桶同雪糕，就伏了！等左足足20分鐘，仲要係無出到我個number,由準備中果攔直接消失！？無得食你唔好叫我等丫，結果是我自己走埋取菜抬問個剛剛由後面走出黎既哥哥仔，話我個號碼消失左，其實係20秒前另一個女仔一出菜就㩒走我個冧把，佢見到我等左好耐同埋見到我同張單影相。我果刻堅想咬人！仲要返到屋企先發現入面咩醬都無。呢個出菜速度都無乜可能係快餐喇掛仲唔係fine dining 速度?!

次次去呢間m記買早餐都比錯野，買個炒蛋牛堡套餐就比左個比佢平既麥芝蛋包，買豬柳蛋包就比左個豬柳包，買雙層芝士包就比左個火腿芝士包，永遠都趁你唔知博你懵，佢地唔係諗住用呢招賺錢？

今次估唔到中伏左, 見新出個小麥圈幾得意, 諗住試下啦! 雞蛋煎得幾靚! 火腿扒我至愛, 個小麥圈就勁硬同乾, 如麵包皮般, 好難食, 我勉強食左半個, 最後都哽唔落, 宣佈投降!

想買M記午餐，誰知超多人在排隊，午餐時間，附近學校的學生都想買食物，排隊的人太多，人們排了出店外。最近比較窮，所以選擇了最平的套餐，但也要$23，沒辦法，其他店的食物只會更貴，唯有硬食。現在的香港，除非是帶飯或索性不吃，否則午餐基本上要用$30，M記$2X有個餐，算是不錯了。不過近年M記也不斷在加價，以前一個餐只要$20，幾年間已加到$23，千萬不要再加了，否則連M記也要吃不起了。服務員不是老婆婆就是從大陸來的新移民，又或者是十來歲的小妹妹，但她們的態度不錯，雖然動作是慢了點，但仍能感覺到她們是在盡心服務的。點了麥樂雞餐，有6件，醬料選了甜酸醬，還是這醬好，其他醬配麥樂雞的話，感覺都不對。$23，至少能飽肚。

細細個好中意食麥當勞 成日要跪求呀媽先有枝雪糕過下口癮🍦而家大大下有返少少經濟能力 但因為通脹 我覺得連食M記都好吃力 以前十幾蚊一個餐 而家變到廿幾蚊一個餐😪之前話就話推出廿蚊餐 點知佢「麥麥」加 而家加到廿三蚊 我預料好快加到三十蚊 叫我地呢啲窮人點算我都係食十蚊一個魚柳包或者豬柳蛋漢堡裹腹算 魚柳包多醬最好食！軟綿綿既麵包皮亦都合我心意 但希望M記唔好再加價 造福人群啦～

來試下新出的麥記早餐 Bagel 先 ! 聽說吃一個 Bagel 等於吃兩碗飯，但我可能唔吃午餐，就沒什麼所謂了！XD 一開始，我有點被張照片給騙到了，以為是類似牛角包的酥皮包，再望落去，已經有點感到後悔，似乎是硬的包。o_o” 這個 Bagel 沒漢堡包鬆軟，也不像豬柳蛋漢堡般 "諧"，幸好也沒有法國長包硬，口感很結實，吃下去沒什麼味道。個人來說不大喜歡這類型的包。入面夾著一塊豬柳和炒蛋，炒蛋已經散晒，被擠出包外，只剩下一點點 =.= (好像豬柳蛋漢堡的蛋不就好嗎？弄什麼炒蛋。。。)。總體而言，這個 Bagel ，我是不會吃第二次。=_=

繼續係麥當勞Crossover Hello Kitty系列，今次推出的是《牛油果雞堡》。Hello Kitty化身成牛油果兵團 ，可愛指數爆燈！包裝是菠蘿x牛油果，顏色鮮豔，也相當可愛！一如以往，賣相相當不討好…不過這是我個第一次品嚐牛油果，牛油果粒感覺Creamy，很像煮過的瓜，軟糯軟糯的，口感特別！再配上香脆的麥香雞塊，和一整片的車打芝士，味道頗為香濃，如果能再多一點辣辣的沙律醬，味道會更好！雖然這包味道不錯，不過定價頗貴呢，再加幾塊錢，可以出去連飲品吃個飯呢～

平常不用上班人日子，家裡下午又沒有人，就會落樓下的麥當當搵野食醫肚，今日就吃$22套餐。六件麥樂雞，中薯條，中可樂。薯條：今日剛剛炸起，很新鮮，香脆。當然都會相對地熱氣！麥樂雞：尚算不錯，暖暖的，點上麥當勞的麥當雞醬，甜甜的，吃了多年都好喜歡！可樂：天氣熱，都算是解渴的。但當然不及罐裝的美味。

今次我要讚一讚個經理,佢拘一種彈性的態度待客,令客人滿意,呢種服務態度值得嘉許!話說未到九點買外賣,想要足三両,問個店員,仲有三個字先九點,可唔可以叫呢?佢答唔到,但個經理一聽到,立即話可以特別做,誠意可嘉!令人十分滿意!我覺得很好!講真,呢間麥當勞少有地今人覺得好的...

試左和風芥末雙層魚柳包同埋脆魚手指,感覺係前者比後者好味及抵食。雙層魚柳包既魚柳係同平日的魚柳包一樣厚身,味道依然,個芥末醬唔辣,亦唔會好似真正wasbi咁攻鼻,反而有少少清新既感覺,同埋無沙律醬咁一pat pat咁杰,我覺得都算幾好!脆魚手指好乾,又短,又薄,食落唔太多肉,附送的沙律好普通,感覺麻麻地,令人覺得加$10先有三件好唔抵!我會推介和風芥末雙層魚柳包,但係唔會試多次脆魚手指!

身為粉絲0既我，佢出新嘢當然要試吓啦 - 朱古力軟心批，熱辣辣，個皮脆卜卜 ，唔係好甜，配埋個軟心朱古力餡，一流，好好味呀

其實我想投訴呢間麥記呀!第一,店員唔計計數,找錯錢,仲要擾攘左好耐,搞到買個餐到要等十幾分鐘!第二,成日漏野,前幾漏薯條,呢次漏左俾開心樂園餐既玩具,仲要連續三次話已經齊晒,問我等乜!第三,呢期promote緊既朱古力軟心批,竟然已經連續幾日無得賣,係咪呢間分店以後都唔會賣呀?停一日都尚可接受,竟然停左好幾日,係咪過份左少少?又無交代點解喎!唔快d有番啦!

終於試左板燒烤汁豬柳包套餐喇!個包長方形,似熱狗.幾好拎,唔止外型得,仲好香好香添,一開個盒已經聞到BBQ醬汁味,令人好想食,咬落去,包夠鬆軟,汁夠多,而且呢款汁真係唔錯,唔可以話惹味,但係的確香,同豬柳亦好配合,件豬柳腍而唔硬,比豬柳嘆堡既豬柳好好多,果然一分錢一分貨!我覺得呢個包值得食多兩次!至於個脆薯王,都係咁啦!間唔中出番黎,食下都ok呀!

我真唔明點解次次幫襯親呢間麥當勞都係不快而回,今次仲令我氣憤之極!第一,我一落單,已經講明係外賣,之後先話要乜要物,點解你到最後仲係要問我外賣定當食?我一個人叫兩個餐,如果堂食都食唔晒啦,係咪?第二,我叫個開心樂園餐,已經講明要邊款玩具,我當你聽唔到,再問多次,咁都OK啦,但係點解我答左一次,你再問,我又答,你又再問,重覆左三次你都好似唔知我講乜咁,要隔離個男仔幫手攞個玩具先完成到個交易?第三,亦係令我最氣憤既一點!我俾錢時講得好清楚,而且係故講清楚,因為怕你唔明,我話八達通儲分,但係俾cash,你叫我拍卡,拍完我俾錢你,你無反應,要我出聲叫你收錢,你先同我講話用八達通收左,我唔嬲就假,我就係明知呢個交易會負數,會過我信用卡,先專登話用cash,你同我搞d咁既野?跟手仲話不如收番我果幾十蚊,再入番d錢落去就乜事都無,唔該用下腦啦,咁係唔得架!真係好唔掂呀!呢間分店好多part-time,對店中食物同運作都好唔熟悉,不過以今次最過份!最慘係,佢好時開得一條line,我明知佢係part-time或者知佢做野唔係幾得,都焗住要搵佢serve!唉!!!!!!!!!!!!!!!!!!!

既然麥記出左新口味新地,點都要俾下面試下啦!可能係星期六下午既關係,差唔多全既小朋友都係食緊呢隻香芒熱情果地,果然受歡迎!對於我黎講,熱情果醬似乎太甜,唔係特別好味,似乎傳統既士多啤梨同朱古力好一點,至於名稱中既香芒,應該係指一粒粒既芒果粒,可惜成杯新地只有三小粒,雖然好味,但份量真係唔夠呢!呢款新口味,試過一次都夠了,我都係較喜歡士多啤梨同朱古力新地!另外,真係要向大家推介同推出既美祿麥旋風,雖然貴一點,但係好味好架!