麥當勞 (Closed)

去咗食 M記，見到多左個 10號餐…麥炸雞餐～咁就叫左兩個麥炸雞餐…薯條…可樂走冰…堂食…兩個人食…試下個麥炸雞～熱辣辣…外皮香脆…食落脆卜卜…再咬落肉到…肉汁 Juicy， 嫩滑雞肉…食落已經無得輸…相比賣開炸雞既 KFC. 可以值得一試

M記新出18件麥樂雞，配4款限定醬，包括curry/ teriyaki/ 四川辣醬/honey mustard...4個醬味道都有特色。咖哩醬非常咖哩，四川醬話係美國賣斷巿，味道係有d麻辣，但我食唔慣。最好食都係honey mustard....Shake shake 方面，都係食翻穩陣紫菜同蜜糖，保持水準

今日晏晝行行下街有啲肚餓就去麥當勞食少少野食咗好耐冇食既脆香雞翼！$10兩隻好抵！脆香雞翼點泰式辣醬食真係絕配！雞翼外皮好脆肉又滑食完兩隻仲好想食多啲麥當勞最好食就係脆香雞翼🤤🤤

放大假個人比較懶散，喜歡宅在家中煲下劇，上下網。今朝用左九牛二虎之力，起身落街買早餐。唔知食咩好，甘就要搵麥當勞叔叔幫手。早餐全餐有 Pancake 和有一份解體豬柳蛋漢堡。人就係甘有趣，要自己砌返件漢堡先過癮，所以點解甘多人鍾意砌模型就係甘解。炒蛋我一定會落黑椒，因為可提升炒蛋的香味，而且朝早口寡寡，有啲黑椒醒神啲。反而我唔會加鹽，始終食太咸對身體冇益。Pancake 最緊要落糖醬和牛油，又甜又香，正！鬆包一定一定要搽果醬，這是成個早餐的精髓，缺此不可。奶茶表現平穩，夠濃夠滑。

新年期間，很多餐廳都不開門，而開門的店舖又會加價，或是加一/二服務費，街坊生意加價無謂，我也不光顧了。麥當勞則保留原價，是一年一兩度你覺得它划算的日子。賣相夠大夠多，看似豐富。薯餅夠熱，出煙，一熱遮三醜，味道較佳。甚麽都有的餐，但是炒蛋極碎，賣相已不算討好。熱香餅始終不覺好吃，怎樣也會有磨牙的感覺，吃完之後久久都會有此感覺。熱奶茶味道還好，正正常常，麥當勞早餐奶茶好過咖啡。晨早不太多人，但亦等輪一輪。

麥當勞既頹餐食得多，唔想咁頹，可以加個龍蝦湯， 都係8 蚊，仲有蝦仔係入面！味道都唔錯， 有龍蝦味， 而且幾香幾滑8 蚊既龍蝦湯當然唔可以同出面西餐廳幾十蚊既比，不過算係窮人既高級選擇

裝修之後，分落單位置與取餐位置。現在的青年人好像較有朝氣，值得一讚。明明西九龍中心應該很忙，但是這間麥當勞應該生意不太好，因為這個脆辣雞腿包，好像已經回了氣一般，麵包又林，炸雞腿又好像外皮比雞腿肉還要厚身，而且還要軟林林。此外，汁醬又不夠多，整個包也比較乾，只好像小林尊，用汽水快速送包下嚥。薯條也好像回了氣一般，吃麥當勞薯條，如果不夠新鮮、不夠脆的話那就沒有意思。感覺上，到黃金那邊的麥當勞比較好，人流較多，貨如輪轉。

終於有機會一試麥當勞11蚊系列中新推既芝牛蛋小麥圈， 之前見佢寫住係期間限定 ，仲擔心冇機會食，點知一賣就是兩星期了😆個包賣相不錯， 小麥圈有光澤而飽滿， 但一打開就覺得裏面乾憎憎 ( 見第二幅圖)， 裏面除咗一塊唔溶嘅芝士之外咩醬都冇 ( 於是我攞咗包泰式辣醬加落去😂)。 至於味道其實不錯， 唔太油嘅煎蛋配牛肉 一定冇得輸， 加上芝士，整體配搭幾好， 不過小麥圈有別一般漢堡用嘅麵包， 味道有少少偏甜， 很好不太影響整體味道， 反而增加麵包嘅存在感， 很適合我這個澱粉控😋😋以這個價錢來說 ，今次麥當勞推出啲個特價包， 絕對值得做簡便午餐！

指定甜品就是麥記雪糕 ，雪呢拿味道既雪糕味真是百搭。喜愛麥記雪糕夠滑而且夠香濃，有牛奶味道，不會有太多奶粉味。以軟雪糕來講，濃度比例調得幾好。再加上甜甜既士多啤梨味，當中亦有果肉，士多啤梨醬夠甜，加上花生，特別好吃啊。

夜閒人靜 飯後的時光過得特別慢消化了一整個晚飯仍然覺得有少少空虛便走到麥當當 思前想後........食太多又太過OVER食少少又可以怎麽辦??好在幾個月前買落有張「為食咭」 12蚊張好吸引!!因為買A區送B區 其實食多幾次真係乜都返晒黎若果有朋友陪同之下使用 就更加大獻親朋!!!! 開心過開心樂園餐今次買左杯新地樂 拼左兩個批 都只係$13.5無錯!!! 有時食杯雪糕送一杯麥旋風 岩晒而家夏天添呀!!!就係咁樣 買上送下 自己揀!!新地樂 可以揀可樂，無糖可樂，芬達等等我揀左無糖可樂ZERO 無他既 夜媽媽都係少甜為上 有雪糕係面都夠喇無糖可能少左份甜味 但雪糕夾佢又岩岩好 唔會過份甜不過溝埋一齊就好似差咁少少 幾滑既不過無晒雲尼拿味 得返可樂味咁啦新口味 - 菠蘿批講真 麥當奴最KEEP到既食品應該係雪糕同佢既批類熱辣辣有時間限制 拎上手仲係熱之如 外層仲係脆口 菠蘿味我其實唔係特別鐘意 但佢味道唔算好濃 夠菠蘿味而且菠蘿肉都唔少 咬落有肉 唔差既最後係蘋果批 亦係咁耐以黎其中一樣麥當奴最受歡迎既出品之一我諗佢都係最長壽既產品之一黎雖然有肉桂味 但我偏偏就係鐘意佢呢隻味 咁先可以代

麥當當靜靜雞出左新麥旋風 - 香芋味雖然大家都係紫色 但佢出紫薯味個陣 個個都以為係香芋 可惜只有失望夜媽媽 本住肥仔既心態都要食好香 香芋味 佢以oreo 麥旋風作basis 然後加入香芋topping 再用旋風 手法將佢搞勻 就得出香芋味麥旋風 味濃而且不會太甜 香芋沾滿每一啖雪糕 好滿足希望可以保留呢一個味道吧！

我本身唔係住呢區的但係我今日路過肚餓就入左去食咁我就叫麥樂雞餐但係果個呀嬸就要我講3次先聽到我想要咩我講得好清楚的......之後我叫佢拎多隻杯但係我叫左2聲佢地都無拎到lor.........之後番埋位果陣仲發現佢無比麥樂雞醬我.....紙巾就比我一張我茄汁一包都無大佬,漏都唔使漏咁多野丫........之後果個經理係度啤住我好似好唔歡迎我咁...........但d野都ok既...........

賣相差,味道假,不會再試

早排去那吃早餐時,我一向都不喜歡在那吃早餐的,如果不是因為價錢的話,我也不會去吃,味道也不錯,因為這都是因為材料的關係而已,但是我想說的是那些人的態度,我明明叫了那個餐,卻給了另一個餐,什麼事?我分開買了兩次都有錯,一次給少了,一次就是錯餐,真是不怒都怪了,還有在工作的時候,就不要說是什麼百痴,聽不清楚,還以為你在罵客人,真的沒禮貌。新人真的很差劣,該多多訓練,舊人我也認得,舊人的態度好很多。真的要培訓一下呢。

上星期黎呢度叫左個外賣返屋企食,不過不失咁啦~不過個人覺得叫我坐係度食就麻麻地,可能係個裝修已經唔夠「潮」,亦冇乜特色可言啦~