麥當勞

Open Now

Now Closed

下午起來，笨馬騮說餓餓，已經買好麥當當做午餐（+晚餐？）這也太多了吧？兩個包包餐再加6件雞！（這次馬騮聰明了！終於把兩個餐點了熱奶茶！因為他都不喝！但每次總是點了一個汽水，最後沒人喝！）終於可以試一直很想試的麥雞雞！個盒好正！6件雞有3件搥，3件雞扒。$88來說真心貴！麥雞雞外表看來像肯德基爺爺雞，因為放久了，吃下去已經不脆，不過雞搥的肉真的很滑，也很有肉汁！雞扒就普通，有點像脆辣雞包的扒扒（這個比較大塊，而且有大骨，但比較滑）可是，吃下去辣耶！明明沒紅粉，但就辣，是椒鹽嗎？連裡面的肉都是辣的！吃得嘴唇都熱熱的！不過如果要比，還是比較喜歡肯德基爺爺雞的辣雞，因為凍了皮也是脆脆的！

今日黎到這間麥當勞嘗新品我點餐的小妹妹人很好，我將可以同一單的餐點分開叫便可以用到2張滿$10-$5個coupon在app看到有$10的荔枝什果特飲，當然不能錯過甜度非常高，好像開罐頭連水都飲埋咁中薯條$12+2.5 shake shake粉泡菜味，不是很重味道，也不是很辣可能中午比較多人買薯條都挻熱的

上年食過三文魚堡, 好好味, 今年再encore! 如果這個可以加入恆常menu就好了!叫了多醬, 醬多到滴晒出o黎! 三文魚食到三文魚, 唔係只係打爛晒o既魚膠, 加埋個明太子醬真係prefect! 個魚應該即炸, 都幾脆, 買的時候未做特價$24餐, 要成$20一個包有o的貴!同場加映朱古力批, 又係未做特價($8/2個)的時候買! 都係encore之作~ 牛奶味比朱古力味濃, 冬天食剛剛好! 不過略嫌不太夠熱~

打風例食麥當當，有人請客當然要食貴signature包！上次打風買了2個, 一個牛包一個雞包, 芝味蘑菇牛包包一直都好想試, 但被人搶了，只好食菠蘿辣雞包, 辣到我噴火！(本人不太吃辣, 也不知道原來係辣! 因為有一個雞雞包係唔辣的)(菠蘿辣雞包個包的質地幾特別幾好味, 但個醬真係太辣！件雞比脆辣雞雞包大, 但加了那個特辣醬, 比脆辣雞雞包仲辣！好彩有片菠蘿中和下! 但最後都係要將個醬整走d, 加o的薯條的茄汁先食到)今次搶番芝士蘑菇牛包包，個蘑菇醬真係一級好味！！蘑菇炒過定焗過，好香！加埋個醬真係勁好味！而且仲有2款芝士, 所以夾埋食真係super好味!上次的生菜多啲，今次得幾塊好少, 係沙律那些羅馬生菜, 不是生菜絲~ 蘑菇如果都可以多少少就perfect啦！

M記唔同分店價錢不同是常識吧。這間的珍寶餐單買$22，應該係全港至平，仲抵過食茶餐廳，大前題係你唔仲意飲咖啡奶茶。不過炒蛋真係越來越細隻，以前都無咁細PAT，而家真係少得可憐，不過$22無SAY啦。自己找亮點，唔講咁多啦。

放工時間，傾盆大雨，原本要做的事都因天雨關係，未能進行，拖住疲乏的身軀回到太子。晚市時間，周邊食店燈火通明，人來人往。一個人的晚餐，倍感寂寞。在街上行行逛逛，左望望，右望望，仍未有心水選擇。終於有間較合心意，但回覆是準備中...未有飯兜兜轉轉都是回到起點。M記麥樂雞餐加魚柳包，轉士多啤梨奶昔$37.5，薯條一開始食都不算脆，越食越腍，越食越難食，麥樂雞炸得算脆，飲完奶昔都已經好飽，魚柳包留做明天早餐。外賣回家，舒舒服服坐低慢慢吃，總比堂食好。

得閒無事係屋企口痕痕，落去樓下食返個M記熱氣一下，附近最近就係佢，如果唔係又要走返出地鐵站個頭，個邊人又多，又排得耐，迫住落尼呢間食。因為有新出麥樂雞醬料，所以叫左十八件雞試下，薯條次次買襯都係比得半包，開聲先"不"返滿，慳都唔係咁丫，做生意唔係咁做囉。麥樂雞夠脆，做promo有四款醬，最好食始終係蜜糖芥茉，其他個D都係一般唔啱我口味。有隻沙律醬咁既款，味道奇怪，麥欒雞已經夠肥，加埋個醬，令到食落去個感覺仲油膩。

$30 一個套餐 不便宜﹝快餐嘛.....﹞但放眼看罷餐牌 多數套餐都標價$27~$30 ( 特價餐除外 ) 真是通漲惹的禍現在加大要$4 好貴看廣告好吸引人 又生菜又蘑菇的 而且牛肉大大塊等了大概2min ﹝現做﹞ 找位坐下即開動包得公整 打開卻不是生菜都擠在一邊 另一邊卻擠滿醬沒想到這一咬 滿咀都是蘑菇醬的味道再來是濃烈的煙肉味和芝士味肉多厚 足三両喎....可惜肉乾 味淡 重點的蘑菇也是少得可憐 生菜也是..... 唉..... 吃起來就是全靠那醬料和煙肉搭的味兒 況且那煙肉濃得搶去所有鮮味 不值得再買

買咗個單層足三両套餐。足三両其實同普通漢堡包分別不大，淨係覺得塊肉厚咗少少。除咗厚咗之外，塊肉依舊係咁鞋同唔juicy。餐仲包個薯角，呢個反而好好食。好食過又幼又短又乾嘅薯條好多。薯角炸至脆身，但裡面仲好粉，唔會太乾。味道調得幾好，少少咸，幾香口。如果日後都有得將薯條轉薯角就好啦！

之前新推時賣$12/3條，一d都唔抵食。而家梗係無咩人買，所以要推出呢個買一送一優惠。有優惠又抵好多，$12有6條，價錢合理好多。每盒有三條，size唔算太細，亦唔算太薄。無想像中咁薄，超碼真係食到魚肉。炸得幾脆；魚不會削削的；味道剛好，不會太咸。但其中有一條賣想好唔得，面頭好似無層皮。整體黎講係唔錯小食，抵食，比自己在超市買還要平一點點。

已經有好多年無食過M記雪糕，嫌佢食落口感好肥。今次被佢地新推嘅新地吸引，買了杯試試。一俾完錢，杯糕就已經以三秒三嘅速度送上，快得嚇人。芒果熱情果醬都幾多，都食到芒果肉，甜而不酸。但奈何雪糕質地亦是口感很膩，雖然好滑，但就欠缺了雪糕應有的口感。試一次就夠，下次就算有新味雪糕，睇怕都好難吸引我lu~

是日工作完全乏力, 雜務冇咁忙之際, 已達黃昏。感覺要出去避下靜, 使勁開門走出去最就近的麥記。為了明日的油宴做準備, 本只想吃個沙拉; 可是最後拿來的, 是麥樂雞開心樂園餐? 我可能是撞鬼時, 發開口夢錯叫了。麥樂雞是剛炸起, 脆卜卜, 很好; 細薯條放得有點時間, 不慍不火, 幸好只是一客小的, 勉強捱得過。 那件玩具發聲功夫熊貓, 醜是醜了點, 可是響聲都幾過癮。 不過, 如果開心樂園餐可以走玩具, 少收幾蚊, 我一定唔會要呢件玩具。回去的路上, 買了一件都曉發聲比卡超, 把功夫熊貓送了給有心人了。

買了個蕃茄脆辣雞腿包做tea.很唔環保，其實唔洗個盒都得囉！熱辣辣...蕃茄生菜新鮮，嗦嗦聲。脆醬唔算太厚，可接受，炸得真係好脆；雞嫩，算大舊，唔肥，有肉汁，味道唔錯；但就稍嫌唔夠辣，我記得以前ge脆辣雞腿真係幾辣，但而家只係微辣，再辣d會更惹味！

來這裡吃晚餐,散買了一個芝士漢堡飽,細薯條,一杯粟米,朱古力新地再加兩隻雞翼,食到超飽今晩天氣都算幾凍下,於是想飲d熱飲,但來來去去都得嗰熱奶茶咖啡同熱朱,好悶呀!點解唔學下kfc咁供應下熱柑桔ma.,最終叫佢俾左杯水我,因為呢到d奶茶咖啡麻麻地,唔似得茶餐廳咁濃郁香滑ma!

我是ｍ記常客，一見有這早餐便找機會吃，誰知是騙人早餐．雞扒只有個汁好，但肉極　”鞋”．麵包久奉．，不用５分鐘食完．食完等如冇食．寧願食茶餐廳，飽肚好多．這分店沒有足夠坐位．但這間的人態勢一向好好