麥當勞

Open Now

Now Closed

行行下街突然諗起薯格既美好印象，幻象就不如品嘗，直接衝入麥記解決呢份思食之情，見到生意咁好排曬大隊就不如用點餐機享受下無人服務之便利，薯格真係薯類料理之中既極品，個種好食真係令人難以單靠文字敘述，每一塊都係咁熱辣辣爽口，無親自食過都好難體會個中奧妙，份巨無霸多層牛肉發揮左無肉不歡既精隨，啖啖都係咁好味，杯野飲都幾值得欣賞，清涼解渴，最爽喺有好多粒椰果，有咬口又冰涼，食完份餐大啖飲落去真係相當豪爽既一餐！

一天之計在於晨，起身就要去食早餐先去返工，所以就不加思索地走入去麥記點左份早晨全餐開始美好的早上，最值得讚賞就係個份超好食煎蛋啦，關鍵就係趁熱食，溫度既差別簡直係天堂與地獄的感受，重要的事情就是落胡椒粒粉加少少鹽花在蛋上，兩塊看似不起眼既鬆餅，都係好需要keep住溫度食，食落軟綿綿真係好有滿足感，當然塊薯餅都要把握住有溫度時即刻入口，個塊漢堡牛肉牛味甚佳，加上兩塊軟軔適中既麵包就係一個美嘴美食既早上。

偶然行街經過麥記坐低,叫一份炸雞薯條加漂浮雪糕可樂真係絕配,兩件中等身形炸雞中小辣味又有麥記獨特既脆皮始終系無法被取代,記得留返半杯可樂可以解決食完辣味口渴感,杯內漂浮於可樂上面的雪糕可以做甜品亦都可以同可樂攪勻一齊飲有如街邊既手搖飲品一樣獨特,熱辣辣既薯條記得趁熱食把握住薯條最佳享用時機真係人生當中小小既溫馨享受,份量適中又唔需要等太耐,大熱天時又有舒適冷氣,係一個食得簡單舒服既最佳選擇

大埔墟站上蓋有間新達廣場，早年曾經大裝修並重新將商鋪劃位，但係呢間m記仍然係同一個位！今次用手機app訂餐，揀好晒之後去到一掃QR code 就比得錢，唔洗係部機前篤篤篤（好多人掂過！）但係究竟有冇得唔掃code直接落單呢？係我唔識禁定真係無... 求好心人解答。星期一的5點幾，肚餓就食個6點前完的下午茶offer，17蚊有雪糕新地同芝蛋脆雞飽，超值... 2020年20蚊不用就有2樣主食😂個飽幾足料～士多啤梨味新地就味道不變🍓門口有promotion提示d人app到有coupon😎不過我未用過... 🤐

m記除左平時既精選早晨之外，早餐都係唔少人既選擇。我最愛係呢個珍寶套餐，有齊曬熱香餅，薯餅，漢堡扒，包同炒蛋，仲有杯野飲，都係抵食之選，簡直係平民版既Brunch。

最近睇得麥當勞有個廣告，係以炸雞為主，本身佢有炸雞翼同雞槌已經好好味， 所以我都會試下呢個新產品！兩件雞都係超級大size， 一個主食嚟講，都好夠飽， 雞肉係香滑又嫩嘅， 但表皮嘅脆度係同香辣雞翼冇得比。初初以為係香辣雞翼嘅大隻版 ，原來佢嘅炸漿都唔同， 雖然有啲失望，但整體嚟講都係ok嘅， 但「m」牌呢個出品，比起「k」牌傳統炸雞， 我都會選擇返「k」牌。都明白一個一間公司係需要多元化，但係如果唔係自己主打嘅item， 會有啲難度去取代其他品牌……

飯後甜品這一天吃了午餐,路過見到麥當勞門外貼了新廣告原來這一次的新產品是西尾抹茶系列選用由日本來的抹茶粉製仍而成配上抹茶朱古力脆皮,味道濃郁香甜,也有新地或脆皮筒抺茶脆皮(或朱古力脆皮) 可選外層係黑朱古力或抹茶脆皮,黑朱古力配抹茶雪糕抹茶味脆皮就配原味軟雪糕另外幾款就是大窩夫筒配朱古力指定McCafé亦同時推出Oreo 威化卷西尾抹茶新地窩夫外層脆皮溶得快,抹茶味的確幾濃,但配原味軟雪糕味道就無咁出,原來食黑脆皮配抹茶味雪糕會比較濃郁

香港人,想食個早餐都好難,寧靜訓多陣今次有機會食早餐係因為要一早出門,但坐車唔塞車早到了附近茶記都坐滿,就求其入老麥買個早餐最愛熱香餅,多牛油多蜜糖老麥薯餅唔知點解硬係覺得特別好食,咬開有細碎既薯仔粒,食落特別香口,又夠脆口加少少鹽同番茄汁食更加好食大方地唔洗叫都比左2個牛油我另加錢轉左凍檸茶,埋單大約40蚊上下,而家食個早餐都不便宜呢大埔南運路9號新達廣場1樓83-85號舖

得自己一個食飯 通常我都會hea食 留番d quota同男友去食好西 今日除左去試姊妹裙 仲幫男友買左幾對番工鞋 師奶mode on 埋單都下午茶時間了😂 肚仔餓是但搵啲野食下mc Donald既新包我晤會樣樣都試 因為我覺得其實同$25餐質素係一樣 但有一款我一定會試 就係菠蘿啦😂 今次佢既新包係菠蘿脆雞包 我其實幾鐘意食mc Donald既雞 普遍做得好過牛肉會比較juicy 賣相不嬲都係一般 不過快餐店無要求啦凍既菠蘿同熱既脆雞又幾夾 雞件做得幾厚身 亦都炸得好脆口 咬落啖啖肉 加埋蛋黃醬 又幾好味喎 $36跟餐價 新包算合理

麥當奴都有芝士奶蓋，一定要去試下，叫左杯四季春，無論係colour 定taste都合格有餘，價錢都合理，值得一試，McDonald’s 周街都有，係方便又平既選擇。

我女朋友不嬲都好中意飲mccafe話好抵又好食，所以琴日就陪左佢去食。叫左一杯iced cappuccino medium，超抵玩，咁大杯先$18，仲要好好味🤣，再叫左份雞肉菠蘿意式包（加配好似係$14？唔記得了，總之加配唔貴，單買就貴）味道都唔錯，菠蘿酸may may，雞肉咸咸辣辣，咁細個包都可以有咁豐富嘅味道，認真唔錯！個包仲烘過黎tim，所以食落都幾脆架🤣最正係原來mccafe都可以用axxxxx優惠，減左$7，食咁飽又咁好味先$25，真係好抵食！

麥記在2月尾推出了「宮崎風味南蠻炸雞漢堡」和「名古屋風味味噌吉列豬扒漢堡」兩款全新日式風味包，身為老麥常客的蝸阿牛，當然要試下，襯呢晚要自己搵食，就先試食味噌吉列豬扒漢堡。在紙袋時已聞到陣陣味噌醬香味，打開紙盒，麵包有些濕和扁了，賣相認真一般。不過麵包很軟又不痴牙，還有些穀物粒。吉列豬扒炸得挻鬆，過了15分鐘還有點脆，配搭味噌醬和沙律醬，加上椰菜絲和洋蔥，口感爽脆，味道亦不會過鹹。也買了回歸的菠蘿批，和以往一樣，甜酸醒胃，不過菠蘿肉好像比以往少了些。

作為麥當勞的超級fans, 見到香港出左新包，仲要係日本風味ge 「宮崎風味南蠻炸雞漢堡」和「名古屋風味味噌吉列豬扒漢堡」，當然要試下。今次試左南蠻炸雞漢堡，廣告圖片見到炸雞沾滿左醬汁，望落好惹味，令我好期待。可惜，事實我買完個包，打開見到得幾滴汁。好令人失望！不過味道確實唔錯，有蛋沙律、洋蔥同椰菜絲。我會俾多次機會佢ge，可能係呢間分店ge問題啦。希望唔好再令我失望。

買完餸食完lunch，同阿女漫遊大埔，要等到4pm 先上課外活動。遊到去新達廣場，阿女扭食雪糕，之前佢咳左成兩三個星期，連之前出既朱古力脆皮新地筒都無試過，好啦就買一杯比佢食。我試過唔少阿華田既食品，有d好好味（360買到既餅/生產地：歐洲），有d可以好伏（台灣出產既泡芙）。今次麥當勞既阿華田雪糕完全無拎我地失望，啱甜度既阿華田味，$5 一杯的確好平！原本無諗住係Open rice分享呢杯雪糕，點知阿女迫我影相，仲提我要上網分享。

我想表達一下，早前麥當當的脆皮新地筒真的超好食!外面是脆脆的朱古力，入面是麥當當平時充滿奶味的軟雪糕。我選擇了入面是雲尼拿味真的好正，有脆皮雪條的感覺!不過可惜佢出一陣又唔出，好想再食啊!