麥當勞

Open Now

Now Closed

呢排睇電視都會見到謝霆鋒個廣告，就係麥當勞推出左新嘅漢堡包，shakeshake粉同埋雪糕，不過聽人講shakeshake粉麻麻地，咁我就試佢個 “鋒味安格斯肉醬煎蛋漢堡” 先! 呢個包真係唔錯，入面啲料都好多，好似食緊肉醬意粉咁樣! 可以再食多次!食完正餐，之後去左甜品站買脆皮朱古力雪糕。之前竟然售罄，而家出返梗係要去試吓。唔知係咪因為啲雪糕浸左落啲朱古力到，所以好快就溶，食嘅時候要小心啲。不過都好好味!!

最近麥當勞最吸引嘅就係呢一系列：鋒味安格斯肉醬煎蛋漢堡、鋒味港式燒味風味shake shake粉薯條、鋒味橙汁特飲！肥豬妹當然一定要試一試啦個漢堡包其實有齊晒所有食材：肉醬、煎蛋、安格斯扒，冇特別驚喜，因為同signature系列嘅安格斯漢堡係差不多薯條方面：燒味薯條其實都真係唔係好知應該係要咩味道，所以都淨係識得出好鹹、好濃味。反而橙汁特飲幾好味！總結：有謝霆鋒加持嘅鋒味漢堡，特別出色。如果冇咗呢個gimmick，其實都只係一個好普通嘅signature包。完全為咗支持謝霆鋒！ ！ ！

麥當勞最近推出咗份新早餐，煙蔥炒雙蛋早餐！咁我當然即刻試一試、睇吓佢嘅味道如何啦！睇相，其實係普通豬柳包的配件，只係蛋變，但加了煙肉的咸味及洋蔥的味，即刻令到個蛋昇華咗，就算我唔落黑椒、鹽，都覺得好夠味，結論係有別於普通嘅豬柳蛋包，係值得大家一食嘅！另有配薯餅架，不過食左，無影到而且依家有優惠，用WeChat pay買滿$20，就會有張$10嘅現金卷比你下次可以用！煙蔥頭單售都22.5$，套餐就29.5$，所以已經可以享用呢個優惠啦！

榴槤旋風之前出咗兩日就冇晒啦！好怕呢個麥旋風限定到完咗嘅一日我都冇得食，所以我呢個榴槤愛好者，今次再推出當然一定要沖去買啦！從未見過新達甜品站要排長龍，榴槤乜旋風嘅威力真係非同小可。我就試咗最普通$25嘅榴槤乜旋風，我覺得好好味！屋企人覺得有啲甜，但我係一個喜好甜嘅人，所以我覺得甜道合適。榴槤蓉嘅味道一啲都唔假，食完一段時間，口中都仲有D榴槤味出嚟添。不過對於我呢啲好鍾意食榴槤嘅人，應該要濃厚版、多D蓉先滿足到我！！ 而想淺嚐的朋友，其實普通呢款榴槤蓉都足夠。

今日又因工作關係來到了陌生的地方，到了不熟識的地方搵飯食，真的是一個大難題。加上今日天氣不佳，又凍又落雨，真的不想跑到老遠搵野食，在有限的選擇下，唯有再次光顧我的老朋友～麥當勞啦！🤣🤣為了幫自己打打氣，決定要吃一點甜呢！原來mc donald 又再次推出了紅豆批，在我的記憶裡是個不錯的甜點！今年用上布甸狗crossover,包裝上加上一點可愛！紅豆批算是熱烘烘的炸起，內裡的紅豆大大粒，有紅豆香但甜度適中！我覺得它比蘋果批好吃多了！其他食物質素還日老樣子，沒有驚喜！唯一可讚的是奶茶是新鮮用熱水泡茶包，不是像一些mc donald 一早泡起，熱已變得十分深色及變酸了！

雖然我唔係食包裝，不過見到個包裝好似就散就散咁，求祈堆晒喺個盤度，又真係影響食客對食物嘅印象。每次對老麥嘅食物或者服務態度有意見，隨即都會諗埋呢度係一間低工資速食店，仲想要求咁多? 不過咁大規模連鎖速食店之一，真係只能做到咁嘅水準?

是日天氣睛，約左朋友去大埔行山，因為時間關係只可以食個快餐，m記絕對係不二之選😂。嗌左個雙層芝士孖寶餐，加大有Tabasco shake shake 薯條, 我都係鐘意原味多d。(其實本身對Tabasco 冇乜特別喜好)另一樣新野就係牛油果雞堡，如果少d沙津醬就好， 牛油果醬甜品係辣味朱古力新地，肉眼睇上去只係普通朱古力新地，食落去都係朱古力味，但過咗一陣個喉嚨同埋條👅會有d辣嘅感覺，幾過癮😛Total $47, 兩個人食算係好抵。

明顯我本身係沖住minions可愛既模樣而買左傻蛋牛堡新包試下，套餐價31左右，而呢個包比我想像中好食，個蛋好似溫泉蛋個口感，醬汁一流。只係脆薯嘜覺得好似放左好耐唔脆既薯餅下次都係轉食薯條。。。

想試左麥當勞安格斯系列好耐，今晚放工終於有機會試一試。係芝味蘑菇同泰脆洋蔥呢兩款安格斯包入面我簡左呢個<芝味蘑菇安格斯>，食落覺得有好多芝士同一片片大蘑菇，而個安格斯牛就偏向乾身，唔夠juicy。而佢本身個醬都比較少，下次食最好叫多醬先。不過整體尼講35蚊連餐性價比已經算高，因為個包質素同出面餐廳賣$40-$50既手打漢堡包差唔多，所以我覺得值得一試。另外而家係6pm後買安格斯系列套餐仲送<焦糖芭菲 x Oreo>新地一杯，單價要買$13，所以呢個安格斯真係好抵食

今天和朋友午餐，但唔想食飯，所以選擇了美式快餐。 已經多久沒來這裡，童年時期常到這裡，吃喝玩樂，但現在已很少來。😅😅今天我們試試近期推出的加厚版的 巨無霸套餐 及 雞扒沙律 。雞扒沙律，比想像中好味 材料 新鮮西生菜，蕃茄，少許麵包糖粒，煙肉碎和雞扒，加上芝麻醬。感覺新鮮，沙律配上芝麻醬及煙肉碎，酸甜中帶點咸味好味！巨無霸有4塊牛肉厚厚的，牛肉味不重一般，但芝士及洋蔥、生菜配合感覺帶回小時候的味道，加上配菜炸薯角，感覺將整個套餐提升33元基本上合格！有時簡單的午餐可以帶給人快樂，不需要太貴童年的回憶是帶回很多味道

我是一個勇於嘗試麥記新品的人，好醜都要試過才有資格評論嘛。厚切薯條比一般French Fries香，皆因連住薯皮炸，個人認為不錯，起碼比之前出的薄薯格好吃多了！美式手撕雞包味道口感豐盛，包身較有咬感，配合絲絲雞肉、脆炸粉(sorry吃不出是洋蔥圈...只食得到炸粉...但起碼夠脆嘅）同芝士片，整體感覺叫有驚喜，而且是有substance那種 - 即是不是像黑椒/ 將軍漢堡只係靠食個新汁...個人認為用上tandoori dressing是一大突破，這微辣惹味醬料在外國快餐很常見，味道也易接受。支持Maccas繼續將create-your-taste level的食材引入regular menu！如果不看包裝，相信這樣的配撘，你也未必估到係麥記產品！求變總是值得鼓勵的。呂宋芒新地換湯不換藥，幸好芒果香精也不算太假。但不吃也不是損失呢。

麥當勞出了紫薯麥旋風，身為紫薯迷的我，當然要試一試。味道方面，雪糕有濃烈的蕃薯味，而且雪糕很滑，另外雪糕上加了曲奇餅碎，味道不錯。不過麥旋風上的蛋白脆脆味道一般，淡而無味，又太乾。價錢方面，紫薯麥旋風$14.5，價錢都有點貴，不過值得一試！

唔係講笑，👶🏼咬左一啖之後對眼碌大到差d跌出黎，因為呢個新味雪糕真係好高質😍，🍫朱古力味夠濃但又唔會過甜，係第一次👶🏼有興趣試下單味既版本，但扭紋加埋原味既香滑都真係無得輸👑m記出過咁多味，呢個簡直就係第一名中既第一名😭，不過同系列既阿華田新地同麥旋風聽講就偏甜，下次👶🏼要試埋再同大家講！ps.未見過m記甜品站咁多人排

今日去咗大埔嘅麥當勞度食早餐，睇醒神早餐都揀咗個芝士雞堡加豆漿嚟食，一共＄17就有個早餐食，好抵呀！不過我就唔係咁鍾意食芝士所以就走左啦，個漢堡嘅包皮好柔軟，有種好似食糯米嘅咁感覺，同平時係街買到嘅嗰啲漢堡好唔同，仲有雞扒都都好脆，豆漿又夠香。滿足！

近期M記經常重推番D受食客歡迎0既包，繼將軍漢堡同蝦堡後，又一作---"黑白漢堡"。小妹唔食牛，所以今次就食左白漢堡。套餐價無記錯係$28.5，睇盒面個包幾靚仔。同期仲有D黑白椰子批同黑芝麻雪糕推出，但由於呢兩者都唔啱食，所以今次淨係諗白漢堡。打開盒裏面，正面同相都幾似，但側面就，wakaka...佢個設計係包+一塊薯蓉+生菜+煙肉同一片炸雞，但側面睇d菜已經跌曬出嚟，塊煙肉同雞根本就唔係疊埋一齊。最搞笑係初時以為真係有塊薯蓉係裏面，點解D薯蓉少到好似平時包裏面D醬汁，仲要熔曬0既。味道都OK的，包面幾特別，但由於個薯蓉變左汁，雞又好似同煙肉分開食咁，所以小妹覺得同食麥香雞包無分別。既然麥香雞都係賣$10一個包，咁我唔會再想食呢個性價比低D0既包包...