麥當勞 (鯉魚門廣場)

Open Now

Now Closed

上年暑假黑椒漢堡一役一直都想再試過今年終於番炒了...打開一睇,我的天啊...個飽縮水成個漢堡飽咁,只不過比漢堡飽多塊肉賣相更加唔需要多言了而薯條既數量更加係少左3分1望見成個餐,真係有d o嘴...味道方面,個飽味道同之前一樣(呢層當然係理所當然)廿幾蚊好唔抵對比上年既黑椒漢堡,簡直...睇黎12月果個蝦堡都無緣試味了

最近吃早餐都是到大快活 原因是覺得它的炒滑蛋挺有水準比起麥當勞的"硬蛋" 真的過之而無不及所以 早餐時段 很久沒踏足麥記了今天心血來潮 不欲再吃滑蛋魚柳 便選擇了M記不喜歡吃豬柳 一直覺得如果可以把豬柳轉做牛肉就最好所以散叫了一份熱香餅 另加一個薯餅$16.3香餅不算煎得金黃 而且是凍的 失色不少.............幸好牛油和蜜糖為它增加了不少分數 只可憎兩盒牛油太少了 不夠滿足我另外 薯餅真的很脆 亦算夠熱 但可憎過鹹了點 但仍算挺好吃的整體來說 味道不俗吧 價錢也可接受 偶爾一次是不錯的!

雖然麥記cupon過期已有一段時間 但快餐店沒有誰不愛吃而且快捷 方便 味美 這通通是我不欲自己煮食的籍口不用洗 不用抹 不用考慮了 吃吧~我買了板燒雞腿包$15.3和火腿扒芝士漢堡$8特別吩咐了板燒雞腿包要多醬 但也與平常無異 也沒相干吧~即叫昕整 熱辣辣 不會不好吃 雞扒尚算嫩滑 帶微辣味道是不錯的 但價錢略貴呀~買了個貴包 當然要個平點的火腿扒芝士漢堡平衡一下雖然平 但我很喜歡吃這個包 厚版火腿味道真不錯呢平時存7仔買個芝腿三文治也要十多塊 還要冷冰冰但這個只售$8 而且熱辣辣 真的抵很多呢~

又是一人晚餐的時侯懶得煮 當然到附近的快餐店草草吃個晚飯了事一大堆KFC和McDonald's的cupon 想了一會 還是麥記較便宜雙層芝士孖堡超值套餐$19$19孖芝套餐的cupon只可在周一至周五用今天是星期五 當然不會錯過這次芝士是半溶狀態 真的好吃很多有兩片芝士 牛肉吃下也不會乾巴巴的 好吃相反 薯條明顯是炸定有一段時間 吃下去帶點涼雖然還是脆口 鹹度亦夠 但已大打折扣出奇地 這次的汽水竟然夠喝還是那句 飽不是太夠飽 但也與價錢成正比~

今晚屋企人個個都有約 得一個人 唔想開爐煮食見麥記有一大疊cupon 用得當然唔好浪費 一於一支公去麥記開餐我用cupon買了雙層芝士孖堡超值套餐$19係M記 有三種包係我既不二之選 魚柳包 煙肉蛋漢堡當然還有芝士迷必點的雙層芝士孖堡這個餐原價$24.8 現在只須$19 還真是挺化算的是即叫即整即食的關係吧 芝士還未進入溶化階段但有兩片芝士和兩塊牛肉的關係 口感也是挺豐富的但麥當勞的包是縮了水嗎 沒兩口已吃完 亦不太夠飽下次一定要嚐嚐Double足三兩今天薯條份量不少 而且全都是很長身的外脆內軟 鹽巴下得夠 也是挺好食的愈來愈覺得汽水不夠喝 已走了冰 但還是沒兩口便喝清光~$19 飽是不夠飽 但不用$20 有包有薯條有汽水 已是不錯了

手持多張麥記既cupon 梗係有殺錯冇放過啦雖然最近生咗好多飛滋 但係一於少理 實行以毒攻毒咁話板燒雞腿飽餐原價廿六個幾 而家只需要$22 梗係買黎食啦~板燒雞腿飽雞肉嫩滑得黎唔會好似KFC既炸雞咁見唔到纖維醬汁帶微辣 同雞扒同食幾惹味 生菜帶黑唔新鮮 但唔影響整體味道薯條炸得金黃香脆 當然好食$22 味道唔錯 但唔夠飽肚 不過都算幾抵食 有下次呢~

一直都想食麥記個餐再加大去換杯但唔知點解屋企附近間麥當勞既杯成日都貼上售罄今日去睇 終於有啦 不過都係得番黑色同紫色今日得我同家姐食Lunch 家姐要個脆香雞翼餐加大$28.1share食這次的薯條好像鹽下得不夠還是怎的 味道怪怪~我自己另外要兩個超值選既包 煙肉蛋漢堡$9+麥香雞$9麥香雞脆卜卜 味道有點兒像麥樂雞當然沒有脆香雞腿包那般好吃 但一分錢一分貨 味道算是不俗煙肉蛋漢堡是我童年最愛 但近年已被魚柳包取代但其實我仍然喜歡吃 加上最近特價 當然要吃整體味道還是不俗 芝士鹹香 煙肉又不過鹹 配煎蛋同吃很不錯但如果蛋黃能生點 煙肉能肥點就更為妙~加$3換的杯因為紫色要等9月7號才能領取 所以要了黑色樣子還是不錯~ 看看有沒有機會再換其他顏色吧

附近的商場來來去去還是這三兩間食店 選擇不多所以吃的食物很多時也是重複又重複今天 我和媽媽 又到了價錢算是較相宜的麥當勞開餐雖說是價錢較相宜 但麥當勞不斷加價的行為真令人卻步所以 我還是依舊叫兩個魚柳包吃 吃得飽飽的 才不過$20魚柳包雖然只售$10 但亦沒有將貨就價魚柳仍是金黃香脆 咬下去十分Juicy 唯一是芝士還未溶化吃第二個時 魚柳仍是香脆 不錯 而且芝士已是半溶 更吸引媽媽則叫了一個魚柳包 再要了一盒脆香雞翼$13.5跟我share我不喜歡吃雞翼 所以我吃了兩隻雞鎚雞鎚香辣 尚算香脆 但我還是喜歡KFC的炸雞其實我不太喜歡麥當勞的脆香雞翼 總覺得不合我的口味媽媽則吃兩隻雞翼她不能吃辣 一邊吃一邊流眼水 但她說味道還不錯我想 到麥當勞 我還是選擇魚柳包 直至它價錢上升

一個人食午餐 最方便當然就是到快餐店雖然麥當勞拼命的加價 但衡量過後 還是吃麥記最省錢今天不太餓 所以只叫了兩個魚柳包$20當午餐吃第一個的時候 魚柳像是新鮮炸起 熱辣辣 脆卜卜咬下去既有油香 又有肉汁 好吃非常美中不足是那只有半塊的芝士還未溶化但魚柳的美味足以彌補這少少的缺陷吃第二個時 魚柳已沒有剛才般脆 但味道依然吸引有油香另一可取之處 就是芝士已是半溶狀態這次 魚柳和芝士換了角色 變成芝士彌補魚柳的不足吃罷兩個包 剛好夠飽 只售$20 真是超值選!

已經很久沒吃過McDonald's的早餐了難得今天九點鐘便彈起床 便跟媽媽一起出外吃早餐媽媽要了熱香餅(3件)$9.5她說說早上胃口不太大 所以給了我一塊加了牛油和糖醬的熱香餅 真的很好吃但$9.5只有三片 食水真的很深我就要了個精選早晨套餐$20.3 貪其蛋及薯餅蛋雖然沒有蛋汁 但炒得尚算嫩滑 加鹽和黑椒後味道不錯脆薯餅熱辣辣 脆卜卜 但味道過鹹 不過還是很好吃麥當勞的早餐 不太吸引 而且挺貴呢~

好耐都冇黎McDonald's食野啦 見近排魚柳包做特價我又係魚柳包既Fans 所以今晚自己一個去McDonald's開餐我叫咗兩個魚柳包加麥樂雞$32.5魚柳包平就真係平咗 但係好似縮咗水咁喎而家McDonald's sell即叩即整 所以魚柳食落脆卜卜 好味食第二個既時候魚柳都重脆 不過始終半塊芝士唔多夠喉另外口痕叫多六件麥樂雞$12.5 都係熱辣辣 脆卜卜 都唔錯呢好耐冇黎食 食番 感覺都唔錯呀! 不過始終覺得魚柳包係縮咗水

食過其他較為高質數的漢堡包店 逐漸對麥當勞提唔起興趣但因為係師奶仔性格的關係 在報紙剪下了一疊Cupon見好耐都冇食過 今日就同媽媽一齊去食一人一個餐 總共平了十元媽媽要了魚柳包餐冇試魚柳包 唔清楚味道如何 不過也不會有多大出入吧我要了煙肉蛋漢堡餐包身不夠熱 芝士也沒有溶化 有點失望不過由於很難弄得難吃的關係 所以味道不至於太差薯條不會炸得過火 金黃色 挺好吃 不過太多鹽太鹹了

**因為post唔晒D相 所以分兩次post芝士火腿扒漢堡$8由於琴日食咗個好好味既白鱈魚漢堡 所以今日就捨棄咗我最愛既魚柳包簡咗個芝士火腿扒漢堡 其實呢個包出咁耐 我都真係未試過今日一試 味道唔錯 芝士火腿三文治咁既味但因為火腿扒厚身D 所以我覺得好味D漢堡包$6.5一個包點會夠飽丫 所以我叫多個漢堡包食一如以往咁唔會抱咩D奇望 但味道出奇地好包邊脆脆 漢堡出奇地有出汁 配上甜甜酸酸既茄汁 真係唔錯麥樂雞$8食兩個包梗係唔夠喉啦 所以要多盒麥樂雞真係好彩 麥樂雞新鮮炸超 熱 脆卜卜 幾好味家姐想食一隻 但我好決絕咁講"你唔係有薯條啦咩??" 哈哈.......好衰tim蘋果批$5食完鹹野 梗係要食番甜野啦 所以我要多個蘋果批成日都覺得麥當勞既蘋果批好好味 又唔貴熱辣辣 脆卜卜 又唔過甜 正!新地筒@麥當勞$2.5家姐食野食得慢 我食曬 佢都重未食完薯條 食完 佢話想食雪糕雖然好飽 但我好鍾意冬天食雪糕 所以 每人要多杯新地筒好耐冇食過麥當勞既雪糕啦 成日都覺得佢既雪糕好污糟今日食番 第一啖 好重奶味 對於我黎講 太濃奶味啦 而且甜咗少少 所以覺得麻麻

琴日先食完Mos Burger 今日家姐話要食McDonald's真係有少少冇癮但見家姐咁想食新出個個和風滋味蝦堡 好啦 就你一次咁多啦我不嬲對蝦冇咩特別好感 所以對呢個包亦提唔起咩大興趣但鍾意於蝦既家姐 就成日都話想試下呢個包佢話味道都唔錯 但都係雪藏蝦 唔咩味 但就未至於淋bat bat

一向鍾意食魚柳包 今次重要多塊魚 緊係要試下啦實物當然冇相咁靚 但都比我想像中好其實我唔鍾意食芥末醬 甚至有D憎 但係為咗兩塊魚 冇所謂啦其實都係咁既味 反而原始既沙律醬重好食D不過我鍾意佢既芝士由半塊變做一塊 我恨咗好耐架啦魚都幾脆 但炸得有點過火總括黎講 試過就算 唔太值呢個價錢蘋果批係新鮮炸起 我重比佢辣親味道就唔洗多講啦 保持一貫水準咁好味