麥當勞

Open Now

Now Closed

喜歡飲Mc cafe嘅咖啡，因為我對鮮奶敏感，它卻可選擇用鮮奶或豆奶，而且咖啡濃而不苦澀，很適合我的口味，今日有空來個下午茶，點了一杯cappuccino嘆一嘆, 想必是將近中秋，以往咖啡上的拉花是心心圖案，今日卻是一隻疑似兔仔的圖案，但我反而覺得似個笑面圖案多一點，不管是什麼，都令身為客人的我，不期然發出會心微笑!中秋節快樂!😊

-M記最近新出明太子味的shake shake粉🍟小編我最喜歡明太子口味😍章魚燒要明太子口味😋華御結要明太子飯團🍙 唔知今次明太子味的shake shake粉好正唔正呢？🤗🤗🤗-🍣 明太子shake shake薯條🍟聞落去偏咸香 有別於平時一般明太子的味道🤓但食落去就反而冇乜味道好失望😞-📍 McDonald’s

個promo好似就黎做完吾打緊...照寫果日去老mc, 本想hea食個餐見到佢出左我最中意0既tabasco 系列有包有shakeshake fries, 有雪糕 (嘩, 咁特別, 吾試吾得喎)所以就買了一個來試試真係幾得意個樣同平時gei朱古力新地冇乜分別, 只係冇得食花生個朱古力醬有少少帶紅咁食落去一開頭都冇乜特別..要到最後先feel到有少少辣..個雪糕一如既往的甜lee個配搭幾得意gei, 但係下次吾會再試law另外第二次去試埋個tabasco包包又係伏黎gei..完全感受吾到tabasco味..個炸洋蔥圈仲要超硬..今次新產品好失望...

餐廳環境唔係太好 可能本身人手唔多 再加上多左個送餐服務 所以有好多空枱都有上手食完既盤係到 無人執 另外 唔知係咪啲員工太忙 所以啲枱抹得唔乾淨 有少少痴笠笠 宜間麥當勞有幾部自助點餐機 係繁忙時間係幾幫到手 好快就點到餐 但係去到拎餐個到都係要等一段時間 可能啲員工忙中有錯 所以送錯左野飲比我地 當我要求換個陣佢都冇黑面或者拒絕 反而同送餐黎個陣一樣微微笑同好有禮貌 仲好快幫我換左薯條既份量比較少 比起平時非繁忙時間去食係少左啲

🍟包薯條勁少囉 好嬲 好過份😡有冇人都覺得今次盒新醬好少？少過一般甜酸醬好多我點完一舊雞已經冇左三分一盒平時食甜酸醬都唔係咁 點埋薯條都仲得架喎😓醬姐 大方少少好嗎😢

上次口痕試咗麥叔叔既紫薯味新地×oreo脆筒覺得都平平地ok，前晚食完飯未食甜品又見到有麥叔叔既甜品站，就心思思想試埋個“oero威化紫薯味麥旋風”😂😂見無乜人排隊，唔洗等好耐，咁就去滿足下個雪糕癮啦oero威化紫薯味麥旋風 hkd$14.5 今次都係要全紫薯味其實同上次食既都真係無乜分別😂咪就係多左啲oreo碎同幾粒威化咁撈埋一齊😂😂😂咁雪糕同oreo都夾既，味道正正常常，大家都應該大概估到係點🙊所以其實如果只係口痕想食下有紫薯味雪糕既話，單買一枝hkd$6既紫薯新地筒係最平最抵玩🙈🙈🙊

今日經過麥當勞，終於記得要試Minions 版香蕉批。一向唔鍾意食批既我，咬第一啖已經無反感既感覺，食到中間比較多餡既地方，就已經諗定要一路食到停止供應為止。實在太好食喇！香蕉味好濃而一d都唔甜，非常難道。總之味道調配非常適中，一大成功之作！ 

今期要講嘅係麥記嘅朱古力醬。朱古力醬，顧名思義，即係我地食熱香餅同埋新地會落到個種。如果你試過齋食過麥記嘅朱古力醬嘅話應該知道佢啲醬係幾咁結噠噠仲要係甜到漏水，而朱古力應該有嘅苦味同可可味，就唔係好出到(之前嘅加大我可能我能提過？)我覺得麥記可以未必要加朱古力味，始終有成本限制。但係佢可以落佢哋啲懶喺嘢嘅淡奶嚟溝淡佢，起碼佢啲醬唔會結到好難去食吖。

加大我系列終於出咗十五篇喇，為咗紀念呢個重大嘅日子，小弟決定創下壯舉。。。。燈登燈凳。。。。就係。。。。。係麥記diy自己整嘢食喇上幾回提過，精選早晨套餐喺明智早餐必然之選，今日我又做多次聰明仔，買左呢個餐，為嘅，就係用30秒嘅時間，自己將麥記嘅一個早餐set，變成另外一樣嘢食首先，打開個盒，將一邊嘅包拎埋去另外一個兜先。喺另外一個包上面放番舊豬柳，炒蛋(鐘意嘅話可以連埋舊薯餅都得)，再放埋個舊包上去，咁一個diy豬柳蛋(脆薯)漢堡就完成喇！！味道，size雖然同正印差唔多，但喺勝在就喺diy嘅滿足感，係真係難以言喻架～

今日想同大家講下麥記嘅奶茶。論色，佢奶茶嘅顏色其實同出面茶餐廳嘅差唔多，都冇咩好比較論香味，麥記奶茶唔算香，冇乜茶葉味，香醇度麻麻哋，有待改善。論味道，認真唔掂，冇茶味得澀味都不得之，奶味仲要係嚟自個種淡到落咗都唔知，純粹加色嘅脫脂奶。咁點解仲要嗌熱奶茶咁折墮呢？計我話飲都應該飲凍，起碼啲冰可以麻痺吓你條脷，令你無咁飲得出佢嘅缺點

千呼萬盼，加大我之十終於登場喇今期小弟要講嘅係豬柳漢堡。豬柳漢堡，顧名思義，就係豬柳蛋漢堡冇咗塊蛋咁簡單。賣相唔多講喇，大家睇圖啦。食落去如果唔係食蛋黃部分嘅話其實同豬柳蛋漢堡冇咩分别(只係豬柳蛋漢堡食落去會比較厚，同埋豬柳浸味精味太重，食唔到蛋味)，再加埋兩塊幾油嘅包，所以都幾頂肚架。但係，大家需要注意嘅就係豬柳漢堡早餐唔連薯餅，要食就要加錢

同大家講咗咁多老麥嘅嘢食，係時候同大家講吓嘢飲喇，今次想同大家講吓麥記嘅熱朱古力。次次望到杯熱朱古力都會覺得杯嘢係好唔抵。首先麥記嘅姐姐次次裝朱古力都唔滿，扣埋啲泡淨低8成都唔知有冇。麥記樣樣嘢都有得加大，唯獨熱朱古力冇。如果細心少少睇嘅話其實佢啲朱古力喺有少少紫色(點解嘅？？？)味道方面，朱古力粉太少i，可可味道唔濃，反而糖嘅成份就太重，太甜，有啲反客為主，妹仔大過主人婆嘅感覺。不過，我覺得麥記應該解釋吓點解杯嘢會係紫色嘅究竟你地製造過程中落咗啲咩嘢？？

今日想同大家分享下小弟對麥記薯餅嘅睇法。咁小弟不嬲由細到大都好鍾意食麥記嘅薯餅(因為我未食過比麥記仲好食嘅薯餅，梁進話過佢喺美國讀書個時好鍾意食個啲大大份嘅薯餅，自己都想去試下～)。我覺得麥記塊薯餅喺成個早餐嘅靈魂同埋核心，冇薯餅食硬係唔覺得自己食咗早餐咁。但係自己又講唔出原因架喎我覺得麥記個薯餅其實整得唔錯(快餐店嚟講，其他巴絲請手下留情)。麥記好少話會將薯餅炸過龍(炸嘅時間太短都試過，但係仲少過炸過龍)，外脆香口，內軟有薯仔味，食極都停唔到口。不過有樣嘢唔係好滿意嘅就係麥記嘅薯餅食完之後會乸喉(油嘅問題？)同埋太細!兩三淡食晒真心覺得太少，小弟好希望將來麥記可以出個食完唔會乸喉嘅薯餅餐，咁就好喇～

話說上回提到小弟為咗興祝有得ot所以食咗個魚柳包早餐嘅～今日打開銀包，真係一個字：捉襟見肘咁算喇，求求期期食個廿蚊樓下嘅包餐就算數。咁小弟又唔知發左咩花癲又嗌有魚柳嘅嘢今次係芝士魚堡。講真，今次又比佢搵咗老襯。所謂嘅芝士魚堡，就係將豬柳蛋漢堡個包，夾住魚柳包嘅餡，好唔好食已經唔係重點，事實係好。肥。膩。之前都講過話豬柳蛋漢堡個包係搽咗牛油，佢仲要加塊炸物入去喎真係飲幾多杯涼茶都消唔到滯啊ps小弟最尾都係成個包食哂

咁小弟係度利申咗先啦，基於價錢問題呢我好少有機會食魚柳包嘅，既然今日老細咁好死叫我返ot，為咗慶祝人工多咗，今次細佬都決定大破慳囊，食左一個魚柳包早餐～賣相嚟講呢個包都算唔錯(可能因為材料少得滯容易整？)冇缺角冇甩漏都係咁喇。重點嚟喇：首先個包就無咩問題嘅，都係果啲嘉頓麵包。但係個餡呢，就真係唔多妥啦。首先，塊魚柳肉太薄，炸衣太厚，冇肉味(唔只冇魚味咁簡單)，麥記又好鍾意懶係嘢咁加塊芝士又搽啲醬咁(仲要啲醬係加咗好多酸瓜想冚返浸油溢味但係無保於事)唉，一切都係畫蛇添足嚟架咋，要記住魚柳先係重點。