飯膠

Open Now

Now Closed

啱啱去咗間餐廳，心思思想食番個平民味道，決定試吓佢哋嘅「Lunch 2號餐」，真係一個正選擇！剁椒蒸海上鮮飯嚟，一蒸爐鮮蝦鮮味十足，口感Q彈🍤，剁椒夠晒火喉，又唔會嗌到出火，正！蒸魚肉滑得滑，入口即溶，簡直係淋上嗰啲蒜蓉豉油，香噴噴咁一食難忘。湯水均衡，豬骨湯熱辣辣暖笠笠，飲落去暖笠笠實搞！青紅蘿蔔味到鮮甜自然，😋完全冇得輸。飯底面層次分明，啲白飯啖啖粒粒分明，嘩！同埋下面嘅菜心，爽口得嚟又有青菜嘅鮮甜，絲毫無渣，真係一個健康好選擇。食罷呢碟，唔覺得罪惡，反而覺得好滿足。最後嚟杯奶茶，香滑得嚟，啖啖茶香，簡直係perfect結尾🍵！附近嘅朋友記得過嚟嚟吓，這裏啲美食真係會令你回味無窮㗎！

今日去搵朋友不過佢未返到屋企就推介餐廳俾我，話佢附近開咗間新餐廳好抵食，叫我可以食住等🤪餐牌唔係話好多選擇，但咁樣仲好唔洗諗🤘🏻見到”一尺長”蒸海鱸都唔使再諗其他選擇了🔥即刻叫老闆比一碟我😏(習慣咗去茶仔叫得慢就冇晒蒸魚😅)豉汁蒸海鱸飯-$78我覺得魚最好食就係清蒸，師傅蒸嘅時間啱啱好，保留到魚肉既鮮嫩同原汁原味😎最緊要蒸令魚的營養保留得多，加上呢間海鱸好足料有一尺長！真係好抵食✨ 口感鮮嫩而且調味好香好惹味，唔會腥好好食👍🏻餐廳個名叫飯膠都幾特別同易記🤣其實葵芳啲嘢食都貴咗好多，$78分分鐘兩個小食就已經冇咗🫠 雖然呢度唔會話環境特別好，但係性價比真係好高，下次再過嚟呢一頭都會去呢度食👍🏻

餐牌上寫著瑤柱肉碎粥，店鋪都會根據當天的食材，進行調整。☀最近呢兩天，根據店員介紹，佢哋準備的是瑤柱排骨粥。🐷粥底非常綿密，👍瑤柱的香味十分濃郁。另外，我們點的糯米雞也有些特別，裡面加入了輕微的薑味，🐤並且入邊有大塊的雞肉，味道十分濃郁。因為平時喜歡清爽的飲品，🍋也推薦經典茶餐廳檸水。瑤柱排骨粥👍是一道廣東地區非常受歡迎的家常粥品，材料更有瑤柱、🍖排骨、加少少調味料。濃郁鮮美，營養豐富，很受歡迎。

去葵芳上朋友屋企探朋友，諗住買個外賣俾佢食竟然有驚喜👍🏻原條䱽魚仲要配料整到咁靚，蒸到剛剛好，唔會太熟😎你哋睇相係咪已經想去買㗎😍仲要係價錢，只係$52有個飯仲有杯熱飲或者湯😂$52～剁椒蒸海上鮮，白飯加熱奶茶👍🏻(老闆話每日嘅海上鮮都唔同）呢度午餐好抵食，我要叫我朋友多啲嚟呢度買😎

咁啱做嘢經過呢頭，喺附近買埋個飯盒返公司食先。行咗入附近街市尋寶，見到呢間～飯膠～既大排檔， 見佢午餐都幾抵食，四十零蚊已經食到。 午餐仲送冇味精嘅例湯或者熱飯添，抵食。咸魚煎肉餅飯， 肉餅好香口，外層脆卜卜 ，肉質鬆軟，仲有成三大塊厚厚既。幫同事買埋個涼瓜牛肉飯， 偷咗啲嚟試下，涼瓜清甜，牛肉腍，個汁醬好啱送飯，好味到同事成盒飯都清曬。今日個例湯係海底椰海星豬骨湯，好香濃，真材實料，真係無味精，唔會口渴呀，正。

葵芳街市樓下勁多熟食檔，今日咁岩係附近做嘢，就可以試下！Lunch食飯最鍾意食小菜，$52有蒸魚食算係幾抵，仲有埋例湯(仲要係青紅蘿蔔豬骨湯)，叫Lunch 2號餐，有剁椒蒸海上鮮飯(豉椒蒸䱽魚)用嚟送飯，真係冇得輸！蒸䱽魚魚肉鮮嫩，剁椒即係紅辣椒，青辣椒，薑蓉及蒜蓉，帶微微麻辣，但令魚肉更加惹味，香氣和辣味令人難以忘懷。剁椒on top，加上滿滿葱花，靚仔，麻辣過癮，鮮香不腥！最底加堆菜心，搭配白飯很Prefect！

前排去葵芳做野，朋友就推介左呢間大排檔小店 —「飯膠」俾我～～餐廳食物選擇多，中、港、西式都有！午餐都只係$40-$58，仲送例湯或熱飲～係平靚正之選🤩🤩🍱瑤柱菜甫蒸肉餅飯 $40✨份量十足！肉餅肉質爽彈，啖啖肉好juicy😋😋面層鋪滿瑤柱同菜甫，味道好香、有嚼勁！兩者配搭得幾夾，口感好豐富！！是日例湯係粉葛赤小豆豬骨湯🥣，湯底清甜、無味精～推介❤️❤️🍱茄汁豬扒+元貝飯 $40✨另外仲買左個飯盒俾同事食～～賣相都唔錯！豬扒大大塊，肉質軟腍好易咬～元貝厚肉鮮甜，配茄汁食好開胃🤤🤤野飲揀左熱奶茶，味道香濃、唔澀！同事都話讚👍🏻👍🏻

貼地抵食之選🤩位於葵芳嘅親民港式餐廳飯膠真係平、靚、正午市套餐可選是日無味精靚湯或熱飲套餐價錢只需$4X起👍🏻✨午餐A日式燒汁特長鰻魚拼太陽蛋飯鰻魚肉厚肥美，真係特長㗎！好大條👏🏻咬落啖啖肉，配有日式燒汁好惹味仲有健康嘅蛋，蛋底煎得香脆可口✨午餐1鹹蛋蒸肉餅飯無敵嘅組合👏🏻👏🏻看似易整嘅肉餅其實好考功夫😚太腍又無口感太硬會似石頭🤣呢個肉餅軟硬適中，有口感😋入口有汁爆出嚟仲有送飯一流嘅鹹蛋🤤鹹香味十足！可以食晒成碟飯🤣🤣

去咗葵芳做野，係附近搵下野食，見到飯膠嘅午市套餐$40幾$50蚊就包埋例湯同熱飲，價錢都算OK! 同埋有飯亦有意粉，選擇都幾多。餐湯寫明不落味精，感覺上都健康啲▪️蜜椒金薯牛柳粒飯打開飯盒見到好足料，牛柳粒份量都咁少，都幾大粒，成個醬汁用上蜂蜜去調味，食起上嚟咸咸甜甜咁所以叫蜜椒，味道都唔錯喎！薯仔係炸過所以叫金薯，食落覺得幾香口，仲有洋蔥同菜，感覺上健康啲，而飯量亦都好夠！而且仲有青紅蘿蔔豬骨湯，絕對夠食！🍴飯膠📍葵芳葵義路15號葵芳閣街市地下52號舖

🍚 #飯膠早排喺葵芳行街嘅時候，經過呢間「飯膠」茶餐廳，諗住食個快飯，估唔到啲嘢食又幾正，出人意表地好味😋！🐮 法式紅酒燴牛尾飯 （$58）我食咗午市套餐B「法式紅酒燴牛尾飯」，呢個餐亦都可以選擇跟意粉🍝🫶🏻 我就覺得跟飯比較夾，因為啲紅酒汁撈飯好好味🤤 牛尾煮得好軟腍，牛味好出好好食，仲有紅蘿蔔同菜心😋跟餐仲會送個例湯或飲品，我就加咗$3轉凍飲，飲凍檸水😚總括個餐好味又抵食，會再食！😋😋

黑椒手打牛漢堡飯($58)Lunch黎買外賣，嗌左個秘制手打牛漢堡又厚又大塊，咬落去juicy 又多汁，入面仲加左好多配料，令味道更有層次😋仲送例湯，幾濃同甜👍🏻 抵食推介！

呢間餐廳嘅名稱幾有趣，留下深刻的印象。喺附近返工好多時都係食外賣，所以都會周圍試吓，試試下就見到呢間餐廳。見到無論廚師、樓面都同啲熟客打成一片，有啲經過鋪頭鄀𥅽停落嚟吹下水。係返工食飯嘅好地方。呢幾日食左栗子炆雞、肉餅飯、A 午餐葡汁雞扒拼炸蝦。栗子炆雞嘅雞，都幾滑，大大份，好夠食。肉餅飯瘦肉同肥肉嘅分布合適，有足夠嘅豉油，大大份都幾滋味。葡汁雞好多汁，撈飯食幾好，仲有幾條菜。另外佢啲例湯都幾好，唔咸比較健康

一講到葵芳大家係咪都諗起去葵廣食嘢🤣不過，上次經過呢間餐廳唔算好出名，但入去食發現選擇都幾多～價錢仲幾抵食添😆北菇蒸排骨飯 $40竟然只係$40咋，平時食啲平平哋嘅炒粉麵都唔止呢個價～同埋佢嘅份量女仔來講真係絕對足夠！！味道方面就不過不失啦，都係啲街坊茶餐廳嘢～但係勝在價錢抵食，分量足夠，味道幾正常咁～如果想慳下錢或者食平啲嘅話，呢度絕對適合，因為午餐都真係有幾多抵食選擇！下次經過再試吓其他菜單先！

葵芳飯膠名氣不大，提供的食物卻性價比高，口味十分地道。首先，這裡的咸魚蒸肉餅飯非常出色。肉餅非常軟嫩，咸魚的鮮味和飯的香氣完美結合，入口回味無窮。而且，他們的咸魚不會太咸，口感很好。其次，這裡的黑松露忌廉汁燴飯也是一絕。黑松露的香味和忌廉的濃郁完美融合，撈飯食，正。最後，他們的士多啤梨京都豬扒飯。這道菜式好少出現係其他餐廳既LUNCH SET，將豬扒和士多啤梨醬汁結合在一起，酸酸甜甜，好開胃。而且肉質鮮嫩多汁，唔會乾柴柴。飯膠是一家非常值得一試的性價比高小店。

好少會到街市食飯，今日同同事過來開會，時間好趕住，睇落哩間茶餐廳OK，咁試試啦。午市都提供5-6款套餐選擇，有中式同西式，款式唔算好多，但係平平地50HKD包埋嘢飲，都算抵食啦。今日揀咗美式燒豬仔骨同埋是日靚湯，今日靚湯係節瓜赤小豆煲豬骨湯。湯都落咗幾多料來煲，飲落唔錯，好清甜，之後唔會口渴，OK。美式燒豬仔骨好大一碟，大大件豬仔骨有兩件。豬仔骨燒得唔錯，食落唔會覺得好柴，搭配埋D醬汁好惹味，全部食曬TIM。街市生意真係唔易做，要平靚正才會有街坊幫襯，哩間茶餐廳算唔錯啲選擇。