肉餅哥小炒料理 (Closed)

上網睇到元朗Yoho Mall 新開咗美食廣場Foodeli，而咁啱今日三點三有些肚餓，所以去左Foodeli睇下有乜野食。因為怕食得太多，食唔落晚飯，所以到最後揀左食肉餅哥。肉餅哥個名就成日聽，但食就真係今日第一次食，叫左外賣肉餅哥漢堡包配薯角，等左15分鐘左右，可能是因為Foodeli新開張關係，所以堂食好多人，坐滿晒，想搵個位坐下都好難。漢堡包及薯角用紙盒包裝，然後再放入紙袋。茄汁用紙杯裝住，包裝咁好難怪外賣要加$2啦。隔左15分鐘先打開食，包及薯角仲熱既，肉餅厚身，有肉汁，唔會太乾身，可能因為肉餅先係主角，所以其他餡料不多，而薯角就不過不失，正常都不會太難食。因為罐裝汽水都加$5，覺得唔抵飲，反正都是外賣，所以就無叫飲品。總括來講，肉餅係好味既，但$60食一個肉餅漢堡及薯角，有點貴，不太抵食，一樣的價錢，食其他野食，巳經好飽了。

以為好出名嘅肉餅哥，吃完只有兩個字:失望😔$68一份金沙蛋黃煎肉餅，菜飯+$3,飲品+$5唔明點解咁可以咁乾咁硬😣，同平時吃開的菜飯完全係兩回事。肉餅上面有點鹹蛋黃碎，食落都幾香，但肉餅就好唔掂，太鹹，撈埋飯一齊吃就又鹹又乾，肉應該係機器剁，所以好霉無咬口，唐X的章魚肉餅好味好多。😥😥

最主要都係因為啲飯好難好難好難食, 啲肉餅都唔知用咩肉做, 又硬又唔鬆化, 真係同阿媽整嗰啲肉餅唔知點解有好大分別, 可能因為機器大量生產, 真係仲衰過工廠區飯堂嗰啲肉餅飯，佢哋呢幾年生意差咗好多, 樂華村嗰間已經靜雞雞執咗, 最主要都係因為啲飯好難好難好難食，而家仲加入埋做埋小炒，已經偏離咗做肉餅主流菜式，佢個名應該要改為小炒哥, 佢已經可能唔識得做肉餅, 無謂嘥腳骨力去佢嗰度食, 噉嘅價錢我去太興食好過，起碼人哋多款式，地方又好坐

男友是肉餅愛好者，除左屋企成日煮之外，連出去覓食都要食肉餅。知道元朗yoho mall開左肉餅哥，所以專程去試一試個肉餅出唔出色。叫左一個金沙蛋黃煎肉餅，肉餅厚肉，蛋黃味濃，唔需要加豉油都好夠味。男友一個人食份量岩岩好。另一個叫左芝士肉餅。芝士肉餅係中間夾左芝士，面頭亦放左半塊芝士，相當邪惡🙈 但肉質相對冇蛋黃肉餅鬆軟。對女仔黎講，食到一半就已經飽。每個餐加埋汽水要70幾蚊，唔算抵食，而且個餐冇菜做配菜，好容易食滯。

形點food court開左一段時間，呢日落雨濕濕唔想離開商場，終於的起心肝黎試下。聽聞呢檔肉餅哥喺荃灣幾出名，雖然朋友話無本店咁好食，試過椒鹽肉餅偏乾，但反正都要諗食乜就俾次機會佢啦以肉餅飯黎講價錢偏貴，元朗茶記都係三四十，呢個飯唔包野飲盛惠$68，菜飯再加$3個飯麻麻地，無米香，啲菜有啲老。肉餅份量一般，口感正如朋友講偏乾身，但勝在無乜肥膏之餘唔會鞋口。除左面頭果片芝士之外，肉餅中間都夾左溶化芝士，食落帶鹹香，估唔到又幾夾。肉餅其實唔差，但對上價錢同聲勢以言就有啲言過其實值得一讚係店員服務態度幾好。

元朗Yoho Mall 終於開咗美食街好似food court 咁，肉餅哥係其中一間，剛剛開幕當天全部有七折非常抵呀！我就特地去咗肉餅哥叫咗個外賣回家食，台式柚子煎肉餅，回到家仍然熱辣辣，肉餅好厚身而且味道好有柚子味👍🏻果然店名肉餅哥👍🏻