Mecca Restaurant

Open Now

Now Closed

系貴小小哩間鋪頭細細的埃及小食店，兩間分店食評都幾好，眯試下嘍。前台系一個外籍人士，基本廣東話溝通都可以，問佢乜野系shish 亦會解析系雞吾系羊。叫左個9吋蝦pizza， 等左大概15分鐘，熱辣辣的pizza就整好，跟兩盒沙拉醬同茄汁，送一罐飲料。-pizza有大概6,7隻細蝦，影相都吾系太容易睇到，食落蝦亦無乜味，-cheese系幾多，味道吾錯。- pizza底系厚底，幾鬆，吾硬。- overall, $80蚊一個無乜料的pizza，仲只是外賣，性價比覺得低嘍。

海鮮pizza 多料多芝士拉絲，有黑橄欖有點酒味，夠晒熱，不錯。埃及牛肉飯的牛肉很惹味，牛肉做得非常好入味無筋夠淋，有附送酸忌廉同辣千島醬，白飯有少少乾，加了醬汁後食是另一個層次！現今來說外賣食物做得夠熱已很難得。

Pizza無論係賣相定味道都係一流，細size都有9吋 $70 贏哂Burger 一層都等於其他快餐嘅兩層厚 醬汁同肉味比例均勻其他同事嗌咗海鮮意粉同雞肉意粉都話好食最後衛生情況都尚可接受，煮食伙記有戴手套同口罩

已經是第三次惠顧，牛肉漢堡係好食，薯條好香脆，沙律食品是新鮮的，今次牛肉pizza太乾，食物味精非常之重😫😫，食完之後可以口渴到成晚瞓唔到😵應該不會再買來食

呢一間餐廳如果唔係我老公食素我諗我都唔會幫襯🤣開初幫襯佢嘅時候係嗌Deliveroo👅原來睇睇地址同屋企都幾近下👍🏻分別叫個Pizza 同roll💖間舖頭細細🧐真係估唔到佢哋嘅衛生意識係幾好👍🏻👍🏻👍🏻因為見到佢每樣嘢都會用唔同嘅手套帶着去整💯Pizza味都唔錯不過餅底就有d厚😆雞卷果醬好好食次次嗌都唔會厭❤️‍🔥

初 嘗 埃 及 菜 每次經過MECCA門口 都見到有很多網上外賣平台的速遞員等外賣小店鋪面比較細 沒有堂食的位置 只可以外賣.今次經網上平台落order自取🍴我對Pizza🍕同烤卷🌯都有興趣 心大心細 但一個人食 所以最後選擇了烤卷佢主打係埃及菜 所以我就選擇 埃及烤雞卷🌯.拎完外賣 返到屋企 打開個盒就已經好大香味撲出黎烤卷並沒有太過乾身雞肉既份量好多 再加菜🥬既配搭 感覺都健康咗咬一口肉汁就流哂出黎….(餐廳附上一包茄汁 不過個人覺得唔加茄汁已經好夠味).經外賣平台自取仲有八折 埋單$57.6依個價錢 依個份量 好抵食.拎外賣時 見到佢地即場整Pizza🍕再放入垂直烤炭爐內 吸引到我下次會繼續嘗試食其他食物

撳food panda搵野食個陣意外掃到呢間埃及菜，本住嚐鮮既心態就決定會一會佢炭燒雞烤卷辣辣地好正呀，啲雞會食到好重香料味，好鍾意食到生洋蔥個朕味連埋其他生菜青椒一齊食，成個配搭好夾食到辣辣地個陣，我就會食下薯條解下辣，我覺得呢隻茄汁係偏甜少少，解辣就fit哂薯條份量唔算多，同埋唔係炸到好脆個種，不過我就覺得ok既，因為可以當佢冇咁熱氣狂食😂😂同埋就算係外賣食落都熱辣辣，感覺係岩岩新鮮炸起咁😂至於個包主要係男朋友食，我食左一啖咁大把，炸雞都大塊，食落唔錯丫記得落單個陣係有滿$100或以上8折既優惠，以上呢個價錢係未折既，俾大家參考下only

返工路過發現，完全唔起眼。亦冇諗過長沙灣區會有地方賣呢類中東菜。結果超正超好食！！order 咗兩樣嘢Egyptian cheese salad同Chicken tiki with fries綜合嚟講真係超有水準！ 兩樣嘢加飲品都係一舊水，正到痺！！一定會再去試吓其他菜式！强烈推介！

其實只係行過餓覺得好似香香地所以試下le間ge burger,, 但係好有驚喜🤣個熱狗好足料腸仔分量ok 燒得香ge,, 雖然好似乾咗dd個夢條+沙律好味,, 尤其係個沙律醬!!! 薯條都好新鮮 唔會冧哂出哂油 都仲係脆ge實際價錢唔記得咗 好似30幾蚊 係一個餐嚟,, 會再食推介

區內多數係茶餐廳或中式餐廳，可能因為咁，所以呢間另類嘅小店有好多少數民族嘅顧客幫襯。餐廳主打外賣快餐，賣burger、熱狗等等。見佢其貌不揚，但menu上個個burger都Double layers，所以決定一試！Order左牛肉burger, 魚柳burger, 炸雞burger。全部double layers，三個burger跟餐都係薯條同沙律。薯條熱辣辣，新鮮炸起，而且係粗薯條，仲要多到滿瀉。沙律就係普通沙律菜，冇乜特別，值得一讚就係沙律醬另上。份量好多，一定夠飽！不過餐就唔包飲品。三個burger以魚柳最出色。魚柳夠厚夠大塊，唔會炸得過乾。牛肉burger嘅牛肉夠juicy，不過味道係中東風味，香料味較重，未必人人中意。炸雞burger同魚柳burger好似，可惜雞扒太薄，雖然炸得夠乾身，夠脆口，但係比較乾，唔太推介。以咁嘅質素，咁嘅份量，再配咁嘅價錢，真係超抵！

本人幾鍾意食印度薄餅，土耳其轉轉烤肉等，見長沙灣開左間土耳其式轉轉烤肉店心感期待，但見竟然開係小食x旁又擔心，眼見每幾個月，佢旁既小食店都比佢打殘，最耐個間賣雞蛋仔都只能頂兩年，希望佢頂得住啦說回食物，價錢同係油尖旺，中西區差唔多，但size大少少，食過兩次烤轉卷都係即叫即整，拎到回家沖完涼都仲係熱抵食今日叫左個土耳其式烤肉，問個老闆係牛肉，食落好似漢堡朳，味道一流，可惜係我非常大食（食米線可食過橋），食完都係未飽，唯有當小食多餐，晚d食水果補數

店面好細，冇地方堂食，只可外賣。裡面有個爐，係卡巴那種垂直烤肉爐。廚司係外國人，只會講唔純正英文。收銀會講廣東話及英文。叫了E-30 埃及特式烤卷，要等１０分鐘，５０蚊。都幾多人買，但冇旁邊小食店咁多人。一個交袋有用紙袋裝的卷，一小膠盒醬汁，兩張紙巾。個卷唔知有咩肉，冇問，估有羊肉同雞肉。有菜。個醬汁都係一般中東／印度食物白色醬，應該再加了辣椒粉。個卷切開做兩段，好多汁，漏晒出嚟，食到一手都係。好香，未打開個袋香味就飄出來。味道好豐富，一口接一口。份量唔算多，一般人可能只會覺得剛剛好。５０蚊冇嘢飲，這區算貴。而且算等得耐。不過佢得一個廚司，冇辦法。

因為係附近工作，同區嘅食物都食到厭倦，剛好可以試試新菜式。搵咗日 lunch 試食，叫咗個埃及烤雞卷試（話曬都係埃及菜，應該都算招牌掛 😂）。外賣返公司，未打開，d香味已經飛出黎。打開見到除咗雞，仲有好多菜，幾健康咁。d雞睇落好似有d乾，不過食落一d都唔覺。仲跟咗個好特別嘅 sauce。味道都幾好。店鋪唔算大，但menu選擇都幾多，仲有d特飲，易拉架上見到都好飲幾吸引，下次試試。價格方面就比同區其他選擇高。整體感覺良好，味道唔錯，值得一試。