Mee...lemongrass (將軍澳中心) (Closed)

今年商場Food Park這邊開了很多食肆，之前食過美琪BB開嗰間和以不同顏色小籠包作招徠嗰間，今天和兩位家姐想試下D新嘢門外見午市餐牌嘅選擇較左右兩間多，決定揀呢間東南亞菜。兩位家姐其中一位楝炸軟殼蟹撈檬套餐，另一位和我就揀馬來蜜汁炭燒厚切豬扒撈檬套餐。如圖中所示，我的套餐包括涼伴螺肉沙律丶炭燒豬扒撈檬、木槺布丁及熱泰式奶茶。呢件又大又厚、表面看似义燒丶又似豬頸肉的豬扒，單看賣相已覺超吸引，咬落去好實在丶又juicy丶好滿足；凍檬材料充足，除檬粉外，有雜菜銯及花生，配上凍檬最佳拍擋嘅魚露，食到我舔舔脷隔離枱的兩位靚女原來嚟過幾次，無私地分享了她們經驗 — 除炭燒豬扒外，海南雞及肉骨茶也是不錯選擇。哈哈，豬扒都未落隔，我已經諗定下次嚟要食靚女以上推介其實我未埋單，都已經急不及待將呢張午餐相分別發給hubby和姨甥仔了，皆因我哋係為食家族

最近外出唔方便 唯有係屋企附近搵下啲好野食 將軍澳中心最近裝修完 今日終於得閒去試下新開既鋪頭！去到將中二樓果然咩野食都有 元氣 老媽拌麵 西餐...而呢間泰國菜算多人排隊 等左大概五至十分鐘已經有位 都算快！我嗌左海南雞飯+海南雞喇沙兩個餐 另外加$14 升級做特色飲品 分別叫左白桃烏龍&芒果芝芝 海南雞飯係招牌主食 果然名不虛傳 啲雞好滑而且唔肥 而個餐配既例湯係老火湯咁 飲唔停口🤭相反喇沙冇送例湯同菜 喇沙味雖然唔算傳統個種味 但都係大眾岩食既口味 唔會好重口味而小食同甜品方面叫左雞翼同埋芒果糯米飯..雞翼食落唔油 而且咬落有肉汁🤤芒果糯米飯個人比較中意雪凍先食 外形黎講好特別 係壽司🍣咁既樣 好得意😍整體黎講呢間餐廳值得再食！

今天相約家人到這間泰國餐廳食晚餐😌這間店是商場新開的餐廳之一，之前都試過佢地嘅其他分店，餐廳座位比其他店闊落，設計有d 似泰國曼谷嘅餐廳。 顏色以青藍為主。 打開餐牌有唔少泰式特式菜。 例如泰式海南雞，喇沙等等。 飲品方面有特式的手搖飲品😋我們4個人點左波士頓龍蝦喇沙，炒貴刁，肉骨茶，蔗蝦。 飲品點了黑糖鮮奶仙草，蜜桃烏龍茶。 🦞喇沙湯底好鮮味，奶味都好濃，不算太辣。 龍蝦🦞多羔，味道很鮮味，喇沙入面有油面和米粉夾雜，配上湯汁好夾。 炒貴刁好有鑊氣，落了唔少配料去炒，有蝦🦐同鮮尤🦑等等，因為用甜醬油炒的關係食落不會太鹹。肉骨茶是馬來西亞藥材味的那種。 不會覺得太辣。 配料都好多例如一字骨，冬菇，腐竹等等。 全部都吸到湯汁😌但湯比較少，可以再多d湯會更好🙆🏻‍♀️蔗蝦上台時還是脆脆熱哄哄🤤食落蝦肉🦐🦐好彈牙同鮮味仲配左粉絲。 飲品方面黑糖鮮奶仙草，味道唔算太甜，黑糖鮮奶味都算濃，仙草都好好味。蜜桃烏龍味道好香蜜桃味，由於無糖關係更可以飲出烏龍茶味😋

將軍澳中心多了很多新餐廳，見這間在網上的comments不錯，今晚試試！看到桌上的墊枱紙才知道原來這mee...lemongrass分店有好幾間，應該是好吃才開了這麼多分店吧，絲絲期待油然而生。不算太肚餓簡單點了兩個菜: 馬拉盞炒通菜 $64 一上枱，賣相不過不失，通菜未能整整齊齊地放在碟中。不過今日餐廳全場爆滿，大概是太忙人手不足吧。份量頗足，味道濃郁，濃郁得個人覺得少少偏咸。亦少少偏膩，如能乾身點就更好食！Mee... laksa $84 看名字應該是招牌菜吧，就點了這款。賣相吸引，滿滿的材料，大蝦蜆肉蟹柳魚蛋豆卜雞蛋魷魚應有盡有。味道不錯，份量合理，$84一碗幾好食，唯有不足的是湯底的椰子味不夠濃，不過總括來說還是不錯的。餐廳地方頗大，今晚滿滿都是食客，食物質素還算可以，下次會再來試試其他餸菜。Menu for ref:

一個人放工番左將軍澳食晚餐，將軍澳中心新開張之後，開左好多新餐廳。今晚去左Mee Lemongrass食飯。好早之前同朋友去銅鑼灣分店食過一次，價錢又抵食，今晚一人行再黎食過。我叫左招牌海南雞飯。上菜速度好快。雞油飯好香，加入香茅，好濃厚雞油味，飯粒唔算有咬口，但吸哂雞油香。雞件斬件，雞肉鮮甜無咩雪藏味。雞胸位置唔算太鞋口。一個客飯，配上老火湯和油菜，感覺好抵食啊！餐廳做緊飲品買一送一優惠，的確好平！

想食到好味既海南雞飯，記得早d黎排隊啦！係平日既夜晚黎都咁多人，呢間野既人氣應該都唔簡單！必定要試招牌無骨海南雞飯，呢個套餐set好抵食，$80有油飯、油菜、中湯、當然仲有肉質嫩滑，啖啖肉既海南雞，好難搵到咁正宗又好食又抵既海南雞飯！而家飲品做緊買一送一優惠，選擇都幾多，叫左杯雪梨芝芝冰，係用冰糖沖既，會比夠甜，但消暑就一流啦！大大杯都係10幾蚊，剩係飲品都抵返哂！食完正餐就到甜品時間，呢個千層糕好香椰汁味，口感幾特別，非常彈牙，見佢設計得幾有心思，用黎打卡又得！

社會戾氣太重了，區區滿載怨氣，且動盪不安。這日，去了將軍澳，與小雞小豬共享午餐。將軍澳中心，已有數年未曾踏足了﹗商場內，有不少食肆開業。 四通八達的商場，遊走其中，不覺迷路了。在她們遙距引路下，花了一些時間先到達。早午餐連吃的她們，早已飢腸轆轆，傳送餐牌過來，預先點好了食物。 MEE喇沙$76，配有前菜螺肉沙律，以及椰汁甜品，以木盆盛載奉客。只見金黃湯汁上，盡是餸料，有大蝦、蜆肉、蟹柳、魚蛋、豆卜和雞蛋等。據說，香辣惹味非常。 招牌無骨海南雞飯$76，只見木盆上，有一碟無骨雞肉炸花生、一碗海南雞飯、一碟淥菜、一碗雞湯，以及前菜螺肉沙律和椰汁甜品。如此豐富餸菜，也不過是七十六大元，物超所值。難怪，門外大排長龍。 小食拼盤$158，有香口炸物如蝦餅、串燒、雞翼、春卷和無骨鳳爪各兩件，且配有喇沙醬與甜酸醬，蝦餅鮮爽彈牙，其餘炸物，兩人吃得津津有味。無骨鳳爪，據說十分辛辣，啫辣小豬一人獨享。 壓軸的甜品椰汁西米糕$28，是小雞最愛。無他也，貪其椰香濃郁，香軟易咀嚼。

雖然Mee...lemongrass有為數不少既分店，但卡比同朋友都系第一次會一會呢個Mee。而今次入座既時候仲系下午茶時間，卡比同朋友都趕到叫下午茶既尾班車，吾通系聖母瑪莉亞姐姐既眷顧？🔷MEE...喇沙 💰62 💙75/100叫左個tea set，如果正價既呢個要＄84。個yellow object入邊有大蝦、蜆肉、蟹柳、魚蛋、豆卜＆雞蛋，喇沙湯底吾算超級辣，應該好多人類都食到，海鮮配料都爽口鮮鮮，喇沙湯底好岩配豆卜。🔹白桃烏龍奶蓋茶 💰+14💙70/100下午茶餐裹有包埋野飲，$14呢個價錢系加錢選購既。奶蓋都ok但朋友就認為個茶底不太甜所以吾岩佢，相信呢款會適合好清淡少甜既大部分人類。🔷Mee...小食拼盤 💰158 💙75/100串燒揀左雞雞雞全部都系雞，另外仲有蝦餅、雞翼、春卷，全部都各2，盤中間仲放左酸酸辣辣既無骨鳳爪。拼盤既好處系可以樣樣都試下，岩哂末期選擇困難症既卡比。拼盤配埋既兩個醬絕對要點，吾點會對吾住煎、炸得好既既盤中食物仔。個人喜好問題，好多地方既拼盤中，卡比都系一心一意咁偏心系蝦餅到，今次亦都吾例外，醉埃蝦餅個爽口。🔷馬來蔗蝦3件 💰74 💙70/100蔗蝦

將軍澳中心近呢幾個月終於裝修完畢，開咗好多間新嘅食肆。近排我見最多人排嘅，就係呢間專食馬來喇沙、海南雞飯嘅專門店。今個星期我同屋企人都襯下熱鬧，試吓究竟佢有幾好食先！首先當然要食佢嘅招牌菜：海南雞套餐。除咗無骨嘅海南雞飯，仲有一碗油飯、一碟油菜，同老火湯！呢度嘅雞的確比外面茶記仲嫩滑，唔會有雪藏味。再點埋海鮮喇沙湯麵，足料海鮮，有青口、蜆肉、大蝦、蟹柳、魷魚等等。唔算辣，個湯好香椰汁味！仲有小食併盤～一次過食到泰式鳳爪、蝦餅、春卷、串燒、雞翼，大滿足！

呢間馬來西亞餐廳我已經食過好幾次，性價比都幾高，喺將軍澳見到有佢嘅分店，所以就入咗嚟食晚餐啦！想講我哋兩個人食咗$400到，飽到食唔晒，份量真係好夠，抵食呀！ 牛柳粒$88 份量好多，食極都仲有，都整得唔錯，整得幾香，都可以叫做色香味俱全。 肉骨茶$86 啲肉好食，如果可以再濃味d 就好啦哈哈！可能呢排我食得重口味咗啲😝😝 軟殼蟹紙米卷 呢款菜式比我嘅感覺好fresh，食落都覺得好新鮮，軟殼蟹好食🥰🥰炭燒豬扒喇沙$72 塊豬扒嘅蜜汁都幾香，肉質唔鞋，幾好食。而喇沙都整得唔錯！ 最後食多個甜品係平靚正之選💕另外呢一間餐廳有一個野飲既bar 鋪，野飲另外自己俾錢買。 我叫左芝士黑糖珍珠鮮奶，味道還好。野飲勁大杯👍👍而家仲做緊買1送1嘅優惠，所以都買得過！

/MEE...LEMONGRASS 💰人均200 7⃣️分‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧泰式蠔仔蛋 💰88 7⃣️分蠔仔但入面d蠔仔份量絕對係唔惹少，唔好睇到個蛋包到佢實一實，一夾開入面就會見到幾舊蠔肉。而蛋本身色澤光鮮，金黃酥脆咁，食落去滿足感十足。/招牌無骨海南雞 💰128 7⃣️分雞肉本身份量適中，但每舊都皮光肉滑咁，引到你肚仔都餓埋。食落去口感未去到好濃烈同入味，但係嫩滑又軟熟就真係做得唔錯。除左雞之外，雞油飯都係一個重點。佢地d飯香味濃，米米飯粒粒分明但又唔會太鬆散，配搭雞食之後更上一層樓。/檳城炒貴刁 💰76 7⃣️分貴刁炒既油分唔會話太多，所以食落去唔會好膩。而且小編好棹忌食既時候見到個碟下面一層好厚身既油，心入面覺得唔健康。佢依款就冇啦，所以小編食得心安理得，即使知道炒都要落多dd油唔係話太健康，但偶爾放縱下，又洗你理，係唔係先？/地道串燒 💰66 7⃣️分小驚喜係佢地除左串燒都會有幾舊菠蘿，青瓜，麵包係度做配菜。等你食完串燒可以d唔同既配菜清洗下你個味蕾之後再食過。串燒本身肉都多，唔係孤寒貴，可惜對小編黎講佢價錢上就真係貴左d，如果平dd就更抵食啦。

聽聞有抵食泰國菜喺將軍澳中心，所以行去望望，6點3拎飛已經要排廿幾張枱，見到有限定推介，$84原隻龍蝦喇沙想試，就照排吓~好在前面啲no.好多走咗，排咗廿分鐘左右就入得🥳牛骨湯河($68) : 湯底好正，河粉入晒味，有牛丸，肥牛，牛栢葉，蘿蔔(睇返張餐牌相先記得應該要有牛腩，但我當時夾極都只見肥牛...🙄)，除咗呢樣，其實呢碗粉所有野都好味，值得再食。波士頓龍蝦喇沙(原隻)($84) : 一心就係嚟食呢碗，數量限定，不過夜晚嚟到都仲有得食~真係好大隻，都多膏，但肉質比較鞋...喇沙就有啲辣(因為走醬，所以少辣)，麵係油麵同米粉加埋一齊，而豆卜可以索晒啲味。可能我食咗牛骨湯河先，先入為主，反而呢碗味道變得普通，但係都抵食嘅~

今日去左將軍澳同朋友睇戲，睇完戲之後我哋行咗陣街，原來呢個商場幾多嘢行，又多衫買，又多野食。終於有機會食到呢間海南雞飯🐣店😊因為太鍾意食 #蝦餅 🦐 $68所以蝦餅就係「必叫」，黎到既時間，發現已幫我地切開兩半，感覺好細心😊食落口唔算太熱，岩岩好#串燒 $66亦係我必食既選擇，雞同牛各有兩串🐥🐮兩個人就岩剛剛好，但唯一不足係沙嗲汁太少了#厚切豬扒 🐖 $72嘩，一上枱先見到咁兩大塊，仲好大件添，蔥油同香茅味都好出‼️值得再食#炒貴刁 🥘 $76好大碟，而且夠晒鑊氣、夠熱。蝦🦐、魷魚🦑、青口、都有好多件。最後，最期待既 #海南雞飯 🐥出場啦 $80雞肉好嫩滑，完全唔「鞋」，飯又好有油香味，個雞飯豉油同個雞汁都好夾☺️而且仲送多碟菜TIM‼️不過個雞飯既湯就唔岩我飲，因為佢地係出奇地俾菜乾湯😅😅-✨溫馨提示✨個度有個特色點：咁鋪頭入面有供應特色野飲，咁如果你自己行出去買既話，就唔駛收加一。當然你唔介意俾加一既話，你可以坐係度叫既😂

呢間野都好多分店 ，一齊冇機會試今日行開將軍澳中心，見唔係太多人 ，終於去試下了一黎就叫左個小食拼盤，份量幾多 ，每樣都兩件兩件， 咩都有得試！炸雞翼水準正常，無骨鳳爪幾爽口，兩串串燒，一串雞一串牛，兩串都好野味，炸蝦餅都係好彈牙，炸粉唔會太厚，春卷都好yummy！跟著就叫左個牛骨湯河， 不得了！$68蚊一碗既價錢，十分超值。湯底濃厚，真係鮮捱出黎好有牛味， 另外佢有一舊舊牛腩肉，份量唔少啵！半肥瘦，好淋好入味，兩粒牛丸爽口彈牙，生牛肉岩岩黎到浸多兩浸先熟，唔會過份老，牛柏葉都係好爽口彈牙， 值得比like！好推介蝦醬炒秋葵，好惹味，岩哂送酒食，平時食秋葵淡矛矛，太健康唔岩食，而家加埋蝦醬辣辣地好開胃， 原來秋葵都可以咁好食架最後甜品叫左呢隻芒果糯米飯，$48大大碟， 芒果🥭好甜唔會太酸！岩哂我口味最後叫左杯茉莉珍珠奶茶，大大杯兩個人些牙都得！我地一路飲一路行街街

終於開到黎將軍澳啦，今次係食期待左好耐嘅泰國菜，今日終於同朋友試吓。兩個人嗌唔到太多，叫咗個面，同埋啲小食，非常滿足。軟殼蟹米卷，一份有六舊，軟殼蟹炸得好鬆脆，入面有啲蔬菜，減輕咗炸軟殻蟹嘅利口感，食多兩舊都唔會覺得漏。前菜嚟講就不得不提呢個泰式鳳爪。我成日都好鍾意食啲酸酸甜甜嘅嘢做前菜，夠哂開胃，加上佢已經去哂骨，辣得嚟又唔會過火，真係好啱食主菜前食㗎。我哋做嗌咗海南雞喇沙。海南雞全部已經去哂骨，而且雞肉唔鞋，配埋本身又有粗麵又有似米粉嘅喇沙，飲埋啲湯都唔會覺得口渴，都幾推介！朋友話想食少少串燒，我哋就嗌左呢個牛同雞嘅信拼串燒。佢燒得啱啱好，唔會過火同埋老。最特別嘅係佢個沙嗲汁好香，令我哋每人都食到兩串，仲想搵個汁嚟撈飯添！