麵 (Closed)

Went here ages ago.I liked the way you get an order form where you could choose the broth, the noodles etc.Chose the vegetarian boat noodles and the soup was pleasingly strong.The noodles were a let down as they didn't really absorb the broth.

好日唔落中環，次次黎四圍啲嘢貴到媽媽聲，見到間裝修唔錯，有自選麵食，價錢唔錯，就膽粗粗行左入。可以全部自選，或者揀set都得，我就揀左雞湯底，烏冬配手撕豬同扎肉。令我最驚喜嘅係果湯配烏冬，扁烏冬入哂味，加埋濃郁嘅湯底，食飽左都想繼續食😂

Lunch食咩有時都好頭痛⋯周圍都要排隊🙊呢間竟然唔洗排！！於是同同事入左去食🙆🏼‍♀️·泰式香濃牛肋骨湯金邊粉🍜（$78）配前菜同飲品...等左一陣有野食時，一望到碗麵真係有點驚訝🙀好多配料！！牛肋骨，肥牛🐮豬肉丸，炸豬皮🐷菜，芽菜，等等🥦鋪頭標榜無味精，平時我好易食完重口味野頭痛，但呢碗麵無！證明真材實料🤓可惜味道真係幾淡下⋯人就係咁矛盾😂😂又要健康又要好食！😛不過要讚既係牛肉唔錯！

這間店好像是開了不久，望門口以為是吃越南菜，原來還有其他國家菜式🤭單人可以坐吧枱（面壁思過岩晒單拖食），然後攞張點菜紙點菜，揀選湯面或炒麵我就選了炒麵自選麵既醬汁-有香辣蒜蓉醬、日式炒麵醬、韓國特色辣醬自選麵底-有蛋麵、金邊粉、日本烏冬自選餸既款式-參考圖片然後廚師會跟據你的要求炒埋一碟我就點了烏冬、肥牛、通菜、豆卜味道不錯👍🏻 只係肥牛超肥無乜肉下次黎會選擇叫餐好像抵食好多🙈有小食和飲品跟～

My colleagues and I walked past Meen this afternoon and saw there was no line so we thought we would give it a try. I ordered the set lunch - stir fried udon with cha siu which came with 2 mini spring rolls as appetiser and a drink. The udon was salty and the sauce tasted exactly the same as the one we could get from the supermarket. The spring rolls were warm and soggy when they arrived. Service was just ok - the staff didn’t allow us to pay by card when there’s a card machine. Overall I think

經過中環，唔太餓，想食d 輕食， 就揀左呢間舖。入到去人唔多， 因為下午茶得三個選擇，所以好快揀好， 但叫極無人理，明明有二個店員， 一個掛住同廚房傾計， 一個可能食飯，所以對所有事不聞不問，連叫一叫另一名員工落Order 的意慾都無。叫左陣， 終於有人理下我， 我叫左個蒜香雞扒湯濛， 點知入到廚房，廚房又問返樓面邊d 單做左， 邊d 未做， （因為係開放式廚房，所以一目了然），佢咁問已令我對間舖好無信心，因為係得一二枱客，已經咁亂😱不過算, d 野好味就ok 。點知， 個雞扒係預製，就咁夾起，完全唔熱， 都算， d 蒜係就咁用炸蒜灑係面😒😒😒。 碗麵到我枱， 湯？ 湯呢？ 未開始食已經咁少湯🤔算，算， 我都唔係鍾意飲湯，所以由他吧。 但是， 我聽到隔離枱個客想加湯，廚房個個廚師係咁罵，仲係咁講無嫁喎，雖然講完一輪都有比， 先話 下不為例。 但態度好差勁。好， 終於開吃， 何來味道？ 雞扒無味， 仲要梅梅地，唉， 食親雞都中伏，難道係命？ 飲啖湯， 都有d 雞粉味既。 自己加左d 辣醬， 食多二三啖， 算。 其實下次唔熟個區， 食d 連鎖店算了吧。 支持小店變自己受罪😩😩

LUNCH 繁忙時間第一次去, 亦會係最後一次, 叫咗兩碗一樣嘅麵, 但前後等起碼5分鐘以上先嚟第二碗, 我哋叫咗牛肉湯肥牛溫泉蛋麵, 個湯幾好味, 不過食食吓就覺得好咸好頸渴, 肥牛又硬又鞋, 溫泉蛋更加係全熟嘅魯蛋質感, 最後亦係最令人失望就係當你食完之後, 夾到一條膠狀疑似包裝袋垃圾, 雖然最後係冇收到嗰一碗麵嘅錢, 但我零願真金白銀俾錢食好嘢。 其間店員亦表示唔係第一次發生,  其實衛生同味道同樣重要, 有邊個想食碗加料嘅麵, 實在係一次都不能接受!

剛剛和朋友午餐，但差不多吃完時，才發現有一條扭成條狀膠袋物體在麵內 (因牛骨湯底接近深啡黑色)我們立刻問職員，職員立刻取之問廚房，出來時，完全無任何交待，只從賬單中扣除那碗麵的價錢......我們再問另一位負責人，他竟然第一時間反問我們有沒有影相？我們說沒有，他說這在該點時常發生，很普通的事情⋯⋯我實在估不到該店可以不理會食客健康，妄顧食物衞生到如此地步......如果衞生署想要人証，我必定第一個出現....而且店員和負責人也是滿口流利英語，應該接受過一定程度的教育.......但卻視食店最基本的食物衞生置之不理⋯⋯太過份

叫二人份量外賣攞走，已經問左個外賣係一個餐定兩個餐，佢check話兩個，點知番到去都係得一個餐。叫魚片頭俾錯魚蛋，算。係米我地太蠢應該要開蓋check下啲食物。

今日出中環搵媽媽食 lunch, 母親大人鍾情亞洲菜😂少食西餐, 佢又一直同我好想試下呢間餐廳, 就去試下啦。餐廳唔大, 座位都好窄, 不過係中環地方真係冇辦法啦😆餐紙設計得好靚, 所以忍唔住影左張相。而我地為左避過食飯高峰期, 所以3點先去食, 原來 2:30-6pm 係有 tea time 20% off, 即刻覺得好抵啊可能係下午茶時間關係, 選擇比較少, 主要有2張紙, 一張係已經定好晒餸嘅麵類, 另一張係可以自選餸。哦？咁未變左車仔麵😂母親大人揀左雞湯解蝦札肉通菜金邊粉。我偷左一啖湯黎飲, 湯底好清新, 適合年紀大喜歡清湯嘅人。蝦有2大隻, size 都好大, 但不夠解, 通菜份量都較少😳但札肉好好食, 冇諗過札肉咁好食, 佢地嘅札肉較濃味, 用香料做, 所以配合湯麵味道剛剛好。而我自己叫左特濃牛骨湯肥牛秀珍菇金邊粉, 個湯底冇令我失望, 濃湯底最怕太鹹, 佢唔太鹹之餘, 仲有好香嘅牛味。但其餘嘅餸都係一般味道冇咩特別。要特別一提係個金邊粉, 我自己好鍾意食幼河粉, 而且特別挑剔, 佢地嘅粉好彈牙, 而且同濃湯底配合得好好。值得一讚💕總結: 2個人, 計埋 20% off,

簡評： 叫左牛肋骨湯金邊粉，等左半個鐘未到，吹完黎碟前菜，涼拌雲耳，好重蒜味，麻麻地。再過十五分鐘未有野食，再吹，黎左個暖既牛肋骨湯金邊粉，唔夠熱已經扣哂分，湯係夠濃唔差，事後好口渴，應該好多味精，舊牛肋骨賣相好靚，都夠淋，不過食落臭臭地...唔係酥味，擺開無食，D粉重係一舊舊，一pat野咁，好難食。另外有碟豬皮，唔係鬆脆，係硬脆，唔知擺左幾耐。又過左十五分鐘，飲品都未到，再催飲品，檸檬茶味道唔差，無咩特別。埋單$78 唔會再食。

$58點解個麵要炒到一餅餅咁搞到好難夾之餘都唔知點樣影好😂但係我覺得個麵係好食嘅撇除黐埋一舊呢樣野其他我都滿意😗雖然係炒麵但係食落唔覺太油膩我揀嘅蛋麵仲好彈牙好有咬口😍日式炒麵醬嘅甜味同鹹味balance得幾好仲好濃味下啱我呢啲重口味人士🤤

難得見中環有呢種車仔麵式亞洲粉面店，味道唔錯，份量又足，本來想將佢納入食堂之一。但佢地店員既服務水平真係有待改善，想排隊唔問佢唔識得俾飛，有客走又唔識執枱俾人坐，要自己去問佢係咪有位可以坐，上菜慢等等，呢啲都係小事。可以接受。但係今日同事食碟炒面，咬到好幾粒好硬既金屬/砂粒，咬到牙痛，初初懷疑係因爲隻碟生銹甩咗的coating 出黎，（雖然係新舖，但在坐幾個人隻碟都有崩咗唔只一個位）第一次我同事好平和咁問侍應呢啲係乜，個侍應就話幫佢炒過，點知第二碟黎到（換咗碟）都仲係咬到，今次個同事直頭咬崩埋隻牙，唔敢再食，咁我地又再同侍應講啦，叫佢不如去check 下係咪裝食材隻碟有甩coating。佢話唔好意思，唔知點解又中招，之後就冇其他回應，到我地埋單都當冇事發生過咁。最令人嬲既係我地行到個半open kitchen, 見到佢地放材料啲碟都係同我地食嗰啲一樣，我同我同事講，「可能係嗰啲碟」，之後佢地個廚師A就扮哂同廚司B講，「可能係佢地頼得就頼姐」。我地冇講啲咩就走咗。我覺得有你咁既態度，其實已經講完，睇下佢地啲「加料」炒面要再咬崩幾多隻牙佢地先肯檢討。我地冇興趣再番去試。

今日跟同事黎食下就，食完有d失望。自選餐揀左 特濃牛骨湯 配 蛋麵，再要日式秘制叉燒 另加18蚊。***價錢58元起****有加一服務費牛骨湯係夠濃味，蛋面普通沒咩特別。另加18蚊的秘制叉燒得4件，味道普普通通唔知點解叫"秘制"，仲要有一舊全肥，非常失望。質素與價錢不成正比，個餐整體評分得4分(最高為10分)

今日行過見到有車仔麵食，我覺得食物就有心機但味道清淡啱OL. 但係出咗兩個問題(1個小事上錯麵，一個就大鑊) 就係如OP題， 鐵碗生鏽。 生銹位俾湯浸過，仲要滲出紅色的水。員工仲要話唔係第一次，問題出事有幾個月但係無處理