鮮芋仙 (V Point )

Open Now

Now Closed

而家香港日日都30幾度🥵🥵🥵，真係搞唔掂，出一陣街都成身濕晒，呢日去銅鑼灣食飯，食完飯又好想食鮮芋仙嘅芋圓，於是就去排隊，但見佢推出一系列芒果嘅甜品，一於試下先🤭，星期六晚上嘅時間等位都需時，但好彩流轉率都快，等左大約20分鐘就入得🥶❣️超級芒果冰 $75見好多人都叫呢盤限定嘅芒果甜品，於是放棄最愛嘅芋圓💔，一上枱分量都係幾壯觀，打卡影相都幾靚，可惜味道就真係一般，芒果好酸🥸，刨冰粗幼不一，所以有時食到真係一小塊冰嘅口感🥲，芒果汁同練奶唔多，又唔係牛奶冰底，所以好靠個雪糕嚟加啲味道，最後決定等啲材料融晒，就咁飲又真係好味同消暑好多🤣🤣🤣👅好味度：6.5（10分滿分）賣相都靚，但建議起碼3個人先好叫嚟食，如果芒果甜啲會加分好多，試一次就夠🤭，或者試佢另一個迷你芒果白玉冰會好啲，但無可否認咁熱嘅天氣食下又真係舒服好多嘅🫠

夏天最鍾意就係食芒果🥭見到呢個芒果白玉冰即刻諗起許留山～好懷念🥹刨冰面頭放滿晒清甜嘅芒果粒粒🥭仲有煙韌嘅白玉🤍綿密嘅刨冰🍧再加埋一球雲呢拿雪糕🍦真係夠晒清爽❄️

不嬲覺得鮮芋仙幾好食 見佢出左芒果系列專登黎試試佢老實講根本唔值70幾蚊 原來配料基本上得芒果 你d芒果甜都話 酸到爆 有d仲要未熟 d芒果無返咁上下都唔好出芒果系列啦 如你不幸有牙齒敏感既話真係又凍又酸建議食返原本牛奶冰底好多 配料又多 今次成功伏了

銅鑼灣試試鮮芋仙芒果新品 見到網上大量好評 夏日炎炎 又去咗試試 呢間都成日食 但今次中伏sad.⭐️超級芒果冰$75👍🏻出品賣相滿分 成座山咁高 有兩人份量👍🏻旁邊大量芒果 同芒果糖漿 表面有雲呢拿雪糕🤮重點黎啦 芒果雖然多 但係酸到瞌埋眼🤔冰粒粗身 小吉口 仙草冰滑d🤔但粗身夏天冇溶咁快 可圈可點啦.⭐️迷你芒果白玉冰$48🤦🏻‍♀️同上 多左白玉粒粒.整體產品設計其實ok但今日芒果好酸 直接扣到變左伏唔小心入左 以身試伏系列.#hkfunfoodrecord窮遊香港#hkfunfoodrecord_銅鑼灣#hkfunfoodrecord以身試伏 .#鮮芋仙 (銅鑼灣)地址：銅鑼灣登龍街18號V Point 地下1號舖.⭐️評分：味道：2.5/5 芒果酸扣大分環境：2.5/5服務：2.5/5 自助拎餐抵食：3.5/5.‼️想睇更多資訊‼️ig/youtube/mewe： hkfunfoodrecord‼️fb:funfunfoodrecord.#飲食 #美食 #優惠 #抵食 #hk #hkfood #hkfoodie #foodiehk #hkfoodblogger #hkblogger #h

原本以為呢到淨係得芋圓之類嘅台式甜品食 但最近竟然推出左芒果系列❣️❣️芒果控即刻心心眼😍必食佢地個迷你白玉芒果冰🥭除左淋滿芒果醬嘅刨冰🍧仲有白玉、芒果粒同雪糕🍦真係好豐富 夏日透心涼呀❄️

有芒果冰 當然想去食自己都好鍾意食芒果製嘅任何食品平民vsfoodie真係笑咗出嚟😂你砌得唔靚無所謂冰呢！個高度唔一樣喎大細超到咁得㗎咩唔知係咪台灣冰本身都唔係綿冰真係食緊冰咁芒果少酸 不過可接受程度小丸子唔會差啦其實整體係唔差 有機會都會想再食嘅但係個份量同foodie嗰啲一樣會好啲囉😅飲品幾好飲豆花增加咗個口感幾夾嘅一個配合不過甜咗啲 如果可以少甜會好啲

日日經過都好多野，今日終於有機會一試啦！自助取票，但只限四人更多人數要同店員講，佢會叫你分開兩張飛㩒… 勁奇怪🤔看似好多人，但你嚇唔到我既，等左一陣，都入得好快。枱面上面寫住限時45分鐘，叫左個芋圓4號再加個麻薯點心，個麻薯有黑白兩色，黑色似係黑糖，偏甜，白色友人話無咁甜好味啲。芋圓4號可揀刨冰或者紅豆湯做底，我揀左前者，有甜芋頭、珍珠、芋圓、紅豆🫘全部食物正常發揮$45 都大碗 食唔曬～～但如果要排一個小時食… 就唔建議啦因為都係普普通通咁～ 我見好多人都係三/四人食一個大冰都幾開心🥳

今日經過鮮芋仙，見好似冇咁多人排隊，就同朋友排下食下～夏天食翻個牛奶冰真係好爽😋 1️⃣布丁Q麻糬牛奶冰（$58）牛奶冰真係好大份，真係成座山咁，同朋友share食都食到好飽😬配料好多樣，有黑白麻糬、冬瓜凍、小芋圓、焦糖布丁、杏仁布丁同埋雲呢拿雪糕。牛奶冰中間部分牛奶味比較重，食落都幾正～一啖冰一啖配料食都真係好滿足🤤  

好耐之前喺荃灣分店食過一次呢個冰，當時覺得超級難食，唔明點解個冰可以完全冇味，真係得冰水嘅味道，從此之後blacklist。但最近喺銅鑼灣分店比多次機會佢，竟然好好食，個冰好香奶味，細想應該係當時荃灣店落漏咗奶比我😵‍💫

踏入6月尾，天氣開始勁熱，係戶外一陣已經熱到出晒汗，咁就係時候食多d冰涼既甜品消下暑😋。鮮芋仙相信大家都有聽過，佢係一個台式甜品品牌，主打芋圓，仙草同豆花系列，成日都見到大排長龍。 🍴招牌仙草冰沙$45有仙草冰沙、仙草凍、雙色芋圓，同埋一杯奶仔，成個配搭好和諧，份量好大碗，2個人share都夠食，仙草冰沙超級透心涼，真材實料用仙草汁雪凍而成，黑糖糖水唔會太甜，仙草凍滑溜，食到有特殊既仙草味，芋圓口感煙韌，就算係冰凍既都唔會硬晒🤩。

嚟到呢間人氣台灣甜品店🫖一定要食佢哋個布甸Q麻薯牛奶冰🍨份量十足！除咗牛奶冰之外 仲有雞蛋布甸、杏仁布甸、小芋圓、雙色Q麻薯、冬瓜凍同雪糕🍦口感真係非常之豐富 好抵食！

晚上可能時間尚早 未有人潮出現所以一於入嚟試吓之前喺觀塘見到日日都勁多人喺門口等多到唔知原來入面有座位lol網上平台每次見到都顯示外送要等至少80分鐘.由於兩人啱啱食完晚飯所以只叫咗一款仙草底既甜品但係好彩 真係好彩只叫一份因為分量真係超多 一碗對我來講已經係2人份超抵食！底有仙草凍加仙草味沙冰($45)固定配料選擇咗 花豆 小丸子 珍珠呢款另加一份芋圓(+$8).大大碗甜品入面綿綿花豆煙韌小丸子 珍珠 芋圓加上一個奶仔攪均仙草凍同沙冰後唔會成碗係水水嘅感覺啖啖都好實在 食完又唔會溜.見到其他食客食牛奶沙冰都好靚超大份下次要試呢個覺得多幾個朋友一齊share食唔同款會更正.以後一定encore！希望水準不變

夏日炎炎想要消暑一下 就想起了很久沒有吃的鮮芋仙星期六去吃也要等半小時才入座叫了戶縣麻薯牛奶冰 送來的時候嚇了一跳像座山一樣高 配料很豐富有麻薯雪糕還有小芋圓牛奶冰有牛奶和黃糖的味道口感豐富但下次真的要着外套來吃呢

📍鮮芋仙。CausewayBay 銅鑼灣🇭🇰🤍💭芋薯圓Q麻薯牛奶冰🤤💭 -評分：4.5/5評價: 正正牛奶冰🥰🧊而家出一出街都即刻體感40度😢唔飲下食下凍野真係唔掂😖呢個牛奶冰好足料😋又有芋圓又有雪糕~ 仲有啲地瓜球 個人好推！(⁎⁍̴̛ᴗ⁍̴̛⁎) btw 份量好多建議大家叫一個同朋友/男女朋友兩份share就啱啱好(((o(*ﾟ▽ﾟ*)o)))！！價格：$52 _- ——————————店舖名稱：鮮芋仙 @meetfreshhongkong 環境：4/5服務：—地址: 銅鑼灣V-point地下鋪交通：銅鑼灣站B出口行5-6分鐘就到！

呢間甜品真係想食好耐 見到啲人成日都post個牛奶冰🥛上枱真係嚇親 勁大碗 兩個人食都得😂成碗野相當之豐富 分量十足 有牛奶同杏仁布甸、地瓜同芋頭小芋圓、原味同黑糖味麻薯、冬瓜凍仲有雲呢拿雪糕🍦最鍾意係佢個小芋圓同麻薯 口感超煙韌 個冰牛奶味都好香濃！