鮮芋仙 (黃埔天地)

Open Now

Now Closed

見到出咗新品，朋友話好想試下就去試咗，但真係好唔抵好一般，未食可以唔使食😂🍴 超級芒果冰 $75 (3/10)份量真係好大好多冰墊底，可以3,4個人share，兩個人食真係大個左啲。睇落係幾靚，就係得一個雲尼拿雪糕，芒果肉，冰，都芒果汁。但其實得啲冰多，芒果肉唔多，正常唔酸，雲尼拿雪糕得甜味，冇咩雲尼拿味，個冰真係凍飲碎冰嚟，食落大大舊一粒粒，真係好有口感，好吉口😅芒果汁酸酸甜甜，但太少淨係撈到面頭啲冰，去到第二層已經得返少少黑糖水去撈，同埋勁快溶，食到最後真係太凍同冇乜味，食唔晒😂可以大方啲比返多啲芒果汁去撈個冰，同埋料太少好似淨係比錢食個冰底咁。推薦指數: 2/10不可一不可再，寧願比多啲錢食好啲🫥

每次經過都見到有好多人排隊，終於忍唔住要排番次啦。😆😆今次食咗芋薯圓Q麻糬牛奶冰，出面熱辣辣，入到嚟坐低食個冰真係好舒服。味道方面，個冰牛奶味真係超級重，仲要有好多配料，麻糬煙煙韌韌，芋薯圓幾有驚喜，佢係包心芋圓，入面係芋頭泥。而雪糕係普通嘅雲呢拿味，不過配埋個冰就好夾啦！個冰好大份兩個人一齊share就啱啱好喇！$58呢個價錢好抵食！整體而言好推介，會encore!!!😍😍😍😍😍😍

銅鑼灣、荃灣、馬鞍山、葵芳、將軍澳、天水圍、深水埗未食過上邊依幾個地區嘅鮮芋仙，我就比較下面嘅分店。就服務而言，黃埔、旺角、尖沙咀、新蒲崗分店嘅職員會送食物到你張枱到，黃埔我覺得最好，可能啲姐姐有親切性，另外依四間可能會同你講慢用。就食物質素嚟講，黃埔、旺角同尖沙咀感覺差唔多，新蒲崗果間個粉粿闊度厚度無問題，個長度就好似斬左一半咁，而且佢糖漿唔知係唔係唔勻，搞到一半冰有味一半就無味。環境嚟講，旺角可能最有feel，其次我覺得係黃埔，空間雖小，但無其餘果啲咁迫。唔係地區問題嘅話，我諗我一星期都去一次黃埔/旺角分店。

《鮮芋仙》已經成為我們近來最喜歡的食店之一。原因就是，我們被芋圓這一個食品深深地吸引住了。這一次，我同太太來到黃埔逛逛，就在過馬路去"船" 的位置，給我們看見大大個《鮮芋仙》的廣告牌。於是，我們決定來一個飯後甜品，吃好才 window shopping。招牌仙草冰沙 (加珍珠)。這一個包含了芋圓同仙草的甜品，是《鮮芋仙》的 signature 產品，又甜又滑的仙草涼粉，加上煙韌可口的芋圓，咁有咬口又夠甜的甜品，很少人會 say no。再者，底層的沙冰盡吸了仙草的水份，吃起來也份外的甜美。最後，加點了珍珠，再增添多一份甜甜的彈牙口感食品，感覺更佳。招牌豆漿豆花。豆漿豆花，是台灣流行的甜品之一。很滑的豆花已經擁有濃香的豆味，添上了豆漿，就直接把豆味加倍地升華。黎《鮮芋鮮》，最主要都是食她們的芋圓產品，所以，我一定會加上其口感十足的芋圓在豆花之內。另加的是芋頭，芋頭絕對是香甜香滑，但吃了一兩舊之後，肚子會超飽的啊。總結，依然是很甜美，很令人感滿足。香口，甜美兼QQ彈的甜品，也許就是那份甜同那份口感，令人百吃不厭。至少，令我們一家人，一得閒就會來《鮮芋仙》幫襯，甜一甜，開開心。

夏天就是要吃冰這次來到位於黃埔的鮮芋仙真的超開心加上芋圓及布甸讓人一口接一口地吃個不停鮮芋仙的芋圓很Q彈餐牌上有很多不同的選擇每次都花多眼亂每一款都好想試試看你們又最喜歡哪一款?其實黃埔真的好多美食每次吃完午餐及晚餐都會想要再吃甜品這才像樣芋圓又不會太甜吃了也沒太多罪惡感哈哈自我安慰雖然這家分店細細的，坐位不多但食物水準一直保持不錯所以還是推薦大家來試試下次到黃埔，想不到吃什麼甜品可以來試一下哦！

靠實力取勝嘅鮮芋仙，一直以來保持水準，永遠嚟到都要排隊，外賣都唔例外，每次都起碼等足15分鐘，不過一切都係值得嘅. 仙草真係好好味😋 另外芋圓都保持到台灣嘅水準😳 搞到好掛住九份呀

香港有兩大人氣芋圓仙草店-嚐仙/鮮芋仙，但我個人比較鍾意食鮮芋仙🤣最近好多茶飲餐廳都推出醫療行業優惠，🌟依間：出示醫院管理局職員證可享8折優惠，至到6月30日！🌟👓招牌仙草沙冰 $45 芋頭+$8芋圓、仙草凍、仙草冰沙鮮芋仙堂食一向好多人，不過好值得尤其同友人當食甜品！分量一向都多，即使兩個人食都未必食得晒。芋圓彈牙又好多粒，較鍾意地瓜味比較明顯地瓜香氣，但芋頭口味反而唔太重芋味。仙草多又滑！沙冰帶有黑糖水，唔會剩係得純冰水底好單調。比較鍾意食芋頭所以加了，兩大舊，味道甜甜的，粉但吾會變成芋泥溶晒，值得加錢食😇評分：7.5/10👓Q麻糬併紅豆抹茶布丁 $38布丁可以選擇珍珠焦糖/珍珠奶茶/紅豆杏仁/紅豆抹茶第一次食麻糬條，見好多人稱讚，黑糖味同原味各兩條，軟熟得來好Q彈，黑糖味好重，不過可能我有別於其他人甘伴牛奶冰一同食，所以沒有太大驚喜感超級好食，同埋食一條已經覺得有少許滯😂布丁方面其實都幾大個，滑，頗多紅豆粒，但係布丁味道稍為普通冇乜明顯抹茶味，如果對抹茶高要求的話請三思叫。覺得包含布丁麻糬嘅牛奶冰可能會比較好食。評分：6.5/10

由於每次去都要排好耐隊，今晚心血來潮想食，決定叫app外賣，送到黎啲冰開始慢慢融，到食果刻岩岩好今次叫左冰芋圓4號，入面有芋圓，芋頭，紅豆，珍珠同埋碎冰，用料豐富，再加左個芋薯圓，勁鍾意佢既口味佢嘅芋圓維持一貫嘅高水準，芋薯圓口感有兩個層次，外面煙煙韌韌，入邊嘅芋頭蓉甜甜地好味道，下次一定會再叫

食完正餐最緊要食返個甜品先叫完滿，鮮芋仙長期都好多人排隊，上次試過牛奶冰太凍太大份啦～今次我簡左招牌芋圓豆花，份量都好大碗～可惜芋圓既份量太少🥲🥲 好煙韌，又好香地瓜同芋頭味😋😍 大大舊既芋頭泥都好香又唔會過甜，仲有d珍珠都煮到岩岩好～配埋豆漿好夾好味😚

同日在黃埔“服務麻麻地👉🏼👈🏼🙄”嘅西餐廳吃完...用餐時間又趕又沒甜品可選，不太滿足😒🤭所以決定埋單後會轉場地再戰甜品🤔原來黃埔美食天地坊開了"台式甜品"🤩戰友們都喜愛芋圓、丸子及雪糕🍧🍨🍡😍啱曬口味👏🏼😂先在...門外排隊等位入座🙄之後...再到門口收銀處落單付款🧐然後...可安心返埋位等...🤭甜品就會送上😆😬收銀姐姐友善有禮👍🏻樓面只見二人輪流出出入入😅原來店員...樓面加收銀服務一腳踢👏🏻😵😂雖然每份拼配甜品不是逐位上，單放在一個大盤送上😳😵原來都好壯觀🤩🤤超快手...大家已經分發好要吃的😋😂雖然布丁口味有幾款🍮但全部都選了...珍珠奶茶口味最為吸引🧋🍮拼配雪糕可選擇喜愛嘅配料e.g.芋圓丸子、白玉湯圓、紅豆...🍡🍨可惜雪糕口味🍧只得雲呢拿😪冇得揀🤣甜品口味款式多...豆漿豆花都不會太甜，自我感覺良好些...冇咁大罪惡感🤭只是豆花不夠滑😅似乎大家口胃都必定預留點位置給甜品，睇嚟開設甜品店服務應該冇得輸?!🤔🥰喜見大家都吃得開心又滿足😋可算為"未完美的午餐"劃上句號。。。😂🤔店內桌上有"溫馨提示"...用餐時間45分鐘，以甜品店來說...真是慷慨👍🏻15分鐘都已綽綽有餘🤭🍦🍧

朋友話想食糖水，結果我就帶了她去吃鮮芋仙。諗住7點幾，會有太多人食糖水。。。但都係 full house，都係要等一陣。之前都有食過，不過我通常都係食鮮草，但由於天氣太凍，我們便叫了兩碗芋薯圓紅豆湯。一嚟到，我們都嚇呆了，因為實在太大碗，其實可以兩個人食一碗。🤣🤣🤣紅豆湯味道不錯，因為紅豆夠軟稔而且又不太甜，啱晒我口味！但芋薯圓就一般喇，因為蕃薯味外皮蓋過了芋頭嘅味道，原全食不出芋頭味出來。如果大家想去試......記住要早 d...因為都幾多人！

每次行過都見唔少人幫襯👻多人到唔想排🥺難得呢晚黃埔店有位 即試😙齋睇Size已經feel到好抵食😂芋圓大大粒 夠晒煙韌彈牙 數量唔少🥰蕃薯好甜又大大舊🤪中間係啲黑糖刨冰 連埋周邊啲配料食🤓嗰種冰凍感覺好正❄️仲有珍珠同薏米 同樣好有質感 超好𡁻頭😬一個人食都未必食得晒 兩個人share都得🤘🏻肯定有下次😏

食完晚飯之後過嚟諗住食個甜品啦 但係八九點嘅時候 呢度都幾多人排隊 而且喺出面望入去餐廳都唔算大 所以都要等成四五個字先入到去食我地就嗌咗 芋薯圓q麻薯牛奶冰 52蚊好大兜 而且佢啲麻薯都幾好食 有隻係朱古力味添! 亦都有啲包餡嘅芋圓 同好細粒嘅芋圓仔 煙煙韌韌好有咬口成座冰雖然係好嚇鬼 但係中間嘅冰其實冇咩味 只係甜甜地 佢雖然話係牛奶冰 但牛奶味就唔係好出 同我平時喺台灣食開嘅牛奶冰嘅味道有啲唔同好在佢加埋舊雪糕係個頂到 咁等雪糕有啲味可以配搭返舊刨冰嚟食 52蚊黎講都幾抵 一個人一定食唔晒!我見到隔離枱有食其他細細兜嘅糖水 有芋頭芋圓呀等等 下次可以再嚟試下!

天氣去到10月都仲熱辣辣，食飽飯當然要食啲甜品降降溫！嚟到黃埔呢間鮮芋鮮，細細間，但非常爆場！等左唔夠10分鐵終於入得喇！見到人地大大碗成4個人分，問職員後先知呢碗叫「總匯八寶冰」！即刻叫番碗！一上台，超級豐富！八寶冰包括有：綠豆、蓮子，薏仁，地瓜，紅豆，花生，花豆，冬瓜凍，上面仲有雪糕，下面仲有好似係焦糖味嘅冰墊底，2個人食都超級足夠！大家口痕即管試下啦！

依間黃埔分店～鮮芋仙，雖然地方唔算好大，但排隊都唔算耐🥰好快就入得啦！係炎炎夏日食到牛奶冰真係好正🥲依度既牛奶冰份量好大好足料，夠晒兩個人Share，值得encore💯1️⃣芋薯圓Q麻糬牛奶冰 $52依款牛奶冰入面有芋薯圓、Q麻糬、小芋圓、冬瓜凍、雲呢嗱雪糕同冰冰，材料十分豐富。其中芋薯圓食落煙韌，好彈牙🥰入面仲有芋泥，食落好香芋頭味口感好豐富，而中間嘅牛奶味刨冰有煉奶同埋慢慢溶緊既雲呢嗱雪糕，一條條個啲係Q麻薯，其中黑色既款黑糖味，食落味道同甜度都比較突出，好香同重黑糖味，食落彈牙，而小芋圓就細細粒，食落無咩味，冬瓜凍睇落就好通透，食落有啲脆口好似啫喱甘🥺總括黎講，呢個價錢食到咁多款唔同嘅配料，同甘大份量真係幾抵，下次會去其他分店再試！