鮮芋仙 (MPM文華商場)

Open Now

Now Closed

去親其他間鮮芋仙分店，都係要大排長龍。呢一間可能地點冇咁好，所以就排得快啲。🍧🍧🍧🍧🍧🍧但係味道同其他分店都係一樣咁好！夏天就一定要食冰㗎啦！😋😋😋😋😋😋好後悔我冇加到多啲麻糬落去呢一個set度😞，麻糬同埋珍珠真係好好食，再加上雪糕真係一絕🍦🍨，雖然冷氣吹到好凍，但我哋挨住檔都係食晒成個冰😂😂😂😂價錢唔算得係好平，但對比起佢個味道，其他嘅體驗，都算係值得👏🏼

行到有啲攰 天下又好曬好熱 最好就係搵間 食甜品 坐下 休息一下 ~保充一下能量 元氣先滿滿架麻 😘😘珍珠奶茶布丁冰 $68擺設都幾得意 將冰冰堆成山既外形 ~珍珠就圍繞住山底 ~山頂有個好成功企到係度既雪糕球 😚😚份量好大 足夠兩個人 Share 食珍珠好煙韌 份量都足夠 可以享受每一啖都有冰冰+珍珠 既有趣口感 😚😚口感好有層次~奶茶奶霜淋滿冰冰 令個冰冰充滿奶茶香味 但又唔會太甜加埋旁邊既奶茶布丁 感覺真係好有趣總共有3個形態既奶茶味比你 😚😚每一口都係滿足嘅多重口感~

最近同事介紹咗一間好出名的糖水舖，佢哋喺多區都有分店🧏🏻‍♀️「冰芋圓4號」，裡面有芋頭、紅豆、珍珠同埋涼粉，最特別係底部有一層用黑糖製成嘅沙冰，令整碗糖水更加清涼🥶芋頭同珍珠的口感都非常好，咬下去煙韌得來又唔膩😍呢款甜品種類豐富，層次分明‼️不過，大家食嘅時候要小心唔好講得太開心，因為冰沙一溶，整碗糖水就會變得好水，感覺就好似溶咗的雪糕🙂‍↔️個人覺得如果加少少花奶，涼粉會更加順滑😁環境方面，店鋪唔算太擠，商場人流唔多，幾安靜，適合聊天💬總括來講，真係一個好地方，值得再來！

係朗豪坊食完飯，想同朋友係附近搵個地方，坐下傾吓偈，順便食埋甜品，鮮芋仙係唔錯既選擇！8點幾食完飯，去到舖頭其實都好多人幫襯，可能大家都鍾意飯後甜品😋 加上我地有6個人，店員都好好幫我地安排，等左大概20分鐘都入得。先order 野食再坐底。鮮芋仙classic 甜品其實都試過好多次，見佢出左d 刨冰，樣子吸引，又有好多配料，我地都心心眼😻最後嗌咗兩個大冰同埋一份芋圓丸子冰。兩個冰分別係芋薯圓Q麻薯牛奶冰同埋珍珠奶茶布丁冰。送到上枱既時候真係有d 嚇親，因為份量好大，同埋好足料，事實與圖片完全相同。就算六個人食都覺得有d 多😹 個人鍾意牛奶冰多d 。 牛奶冰底比較棉，同埋本身身都有d味, 配合d 芋圓同麻糬，好Q彈Q彈。食完成個人涼浸浸～

好食度：🌟🌟🌟🌟搵位度：🌟🌟🌟🌟抵食度：🌟🌟🌟🌟鮮芋仙既芋圓仙草不嬲都好出名，文華呢間西西界咁啱經過先發現原來有下午茶迷你version，圍起一兜二字頭嘅價錢過下口癮，簡直係一流。食咗個熱嘅芋圓紅豆豆花，同埋凍嘅芒果仙草，最懷念都係浸仙草味，嗰種獨特嘅質感係其他甜品店無既。其他就不過不失，甜品依家嘢好難做得唔好食嘅，芒果就唔太得。平日下午茶時段都唔會太多人，可以坐低傾吓偈。

食完飯之後朋友突然間話想食甜品，就諗起最近係旺角朗豪坊附近開左一間鮮芋仙，咁就即時行過去啦 😉 本身食到好飽，真係諗住過下口癮，又費浪費就2個人share食一個啦 🤣🤣 叫左仙草4號，由於每個人有最低消費，所以+ $8 加左冬瓜凍，咁就岩岩好啦 ！ 入而有芋頭，紅豆，珍珠，芋頭係一大舊既 （有2大舊），幾好咬口，唔會一pat pat甘，芋圓好Q彈，其他配料不過不失。 總括嚟講都冇咩驚喜，唯一係夠大碗，都尚算抵食既，叫做可以一試甘啦

同事介紹了一間馳名的糖水舖，店舖名稱聽到也感可愛，原來多區也有分店。趁今日下午茶，外賣享用了一道糖水，為繁忙的工作增添了一點動力。我選擇了「冰芋圓4號」，包含芋頭、紅豆、珍珠及涼粉，最特別的是底部有一堆黑糖製成的沙冰，令整碗糖水更清涼順口；芋頭及珍珠的煙靭程度，甚為可口美味。這款甜品種類豐富，不僅層次分明，更讓「三點三」呢刻心情愉悅輕鬆。大家食嘅過程千祈唔好顧住吹水，因為唔可以太慢，當冰沙溶化後，整碗糖水就會變得水汪汪，情況就好似溶咗嘅雪糕⋯.我個人認為加入少量的花奶，可令涼粉更順滑更完美，大家不妨試一試。P.S.外賣盒大約有7cm ×12 cm，雖然很大碗，但不建議兩個人分享，因為食材真係好難平均分配，也試唔到真正的味道，尤其是那堆冰沙。

鮮宇仙 旺角同朋友喺旺角食飽飯 想食返個糖水見到最近附近有間鮮芋仙想過下口癮 所以就揀咗呢間近近地唔洗行入面款式有好多 天氣開始熱 想食下凍嘢消暑嘅就一定要揀個冰沙底😎😎嚟鮮芋仙一定要食返個芋圓啦 出名係啲芋圓就煙靭 同埋有芋香味😝所以就揀咗個招牌仙草冰沙～ $48一上個招牌仙草冰沙 會附送多個奶 可以俾自己按個人需要淋上去個份量都算大碗 芋圓數量都唔少 最緊要係有好多仙草😍底嗰度全部都係冰沙本身見到個小丸子配料都好唔錯 但係驚太飽就冇加到啦$48嚟講 價錢算中近價位啦對於啱啱食飽飯 又想食糖水嚟講 感覺個份量啱啱好👍🏻👍🏻所以如果經過附近想食糖水，會再揀呢間食～ 好適合鍾意食芋圓嘅人

聚餐完嘅飯後甜品，就嚟咗呢間位於旺角砵蘭街244號MPM文華商場1樓B號噶舖鮮芋仙 ，環境舒服，商場人流不多，比較安靜，又係聊天噶地方4人點左1個超級芒果冰，3個招牌仙草冰沙，先付款後上食物超級芒果冰，一端上嚟嘅時候，四人都呆咗，真係估佢唔到咁大份，鍾意食芒果嘅朋友呢個係必點，上面還有個雪糕，芒果嘅香還未放入口都已經好吸引，芒果肉加冰加雪糕簡直就係飯後甜品噶第一位。招牌仙草冰沙，上面有芋圓，煙煙靭靭 ，仙草Q彈，配埋仙草一齊打嘅沙冰，一口下去層次豐富。糖可以選擇加或不加。幾好。咁樣嘅聚會又完美結束了。

突然想食芋圓，就諗起最近旺角開咗一間鮮芋仙，所以就自己一個去堂食慢活人生一下🫢🩵甜品：冰芋圓5號$48冰芋圓有粉條、粉粿、珍珠配沙冰底，芋圓咬落Q彈，加上其他配料，食落口感豐富，沙冰夠甜，夏天食消暑一流😍

今日喺旺角行行下街，發現朗豪坊對面嘅文華廣場居然有一間鮮芋仙！位置都有啲隱蔽，喺莎莎隔離拾條小電梯上一層就會見到。我五點鐘左右去到，店內只有一組客人，竟然完全唔使排隊，坐得十分舒服。叫咗一碗招牌仙草冰沙，一碗嘅份量多過平時港式糖水舖嘅一碗糖水好多，一個女仔應該會食唔晒。 $48真係好抵食！佢嘅仙草真係十分滑嫩，而芋圓就凍食都保留到煙靭嘅口感，食得出天然芋頭香味，水準同喺台灣食一模一樣。 佢喺用黑糖冰沙鋪底，唔會過甜，好清爽。仲有淡奶可以自己選擇落唔落。

鮮芋仙 (旺角) @meetfreshhongkong 📍：旺角砵蘭街244號MPM文華商場1樓B號舖🚗：旺角地鐵C3出口 步行2分鐘📞：+852 2638-0068💲：~HKD60/head for dessertFood quality👌🏼：仙草冰沙3號❌：布丁Q麻糬牛奶冰總結：🤔見佢開咗好多分店以為都有啲質素 點知太失所望 應該唔會再食下次🤔仙草冰沙3號都算正常啲 雖然要$45碗但料都落得足嘅 有紅豆🫘花生 珍珠配仙草 但真係冇咩調味又要好大碗 食咗三分一已經膩到唔想再食🤔份量真係好多 一份兩個人分都夠哂食😨佢嘅布丁Q麻糬牛奶冰真係幾難食😂 尤其佢嗰布丁🍮係好劣質完全零蛋味得動L質感 食咗幾啖真係食唔落 麻糬q就真係幾q 但又係膠味濃 牛奶冰正常 😨長期都好多人排隊 唔建議大家浪費時間食垃圾 同埋都坐得幾逼下

平時黎食鮮芋仙，都係叫芋圓同埋仙草，又或者叫開杯裝紫米珍珠，今次想試吓新嘢，所以就堂食叫咗豆腐花，點知出哂事豆漿豆花6號：一送上枱見到都知會出事，首先碗嘢剩係得一攤白色嘅水，雖然知係豆漿嚟，但真係好稀…. 冇乜豆漿味，再者，豆花都係同樣冇乜豆味，唔知係咪因為溝咗啲稀豆漿？ 粉粿同埋粉條就無乜特別同埋味道，一睇都知係現成嘢！我叫左熱嘅豆腐花，但係碗嘢送到上到嚟係*暖*既，絕對稱不上係熱，最後食咗幾啖就冇食走咗總結： 鮮芋仙都係芋圓同埋仙草比較出色，同埋大份，其他都不了

同朋友喺朗豪坊食完飯，想繼續坐低傾吓計，就黎左鮮芋仙啦～繁忙時段好似係坐60分鐘，不過甜品黎計都可以啦鮮芋仙配料多，成日都選擇困難要諗好耐。今次揀咗仙草4號，配料有芋頭，紅豆同埋珍珠。我嘅芋頭煮得好綿，紅豆同珍珠都俾得好多。如果可以少啲珍珠，比兩粒芋圓咁就啱啱好啦！而我最鍾意佢嘅仙草沙冰同埋仙草，絕對唔係出邊用涼粉代替～好好味一個人食晒成碗其實係非常飽，最後連朋友叫嘅麻薯都食唔落，唯有下次再試啦👍🏽

我哋兩個人大約15:00入座，入去嘅時候店員叫我哋坐低慢慢睇餐牌，之後再去counter俾錢落單，過咗10分鐘左右嘢食就嚟。兩個人叫咗一個期間限定嘅芒果甜品 味道都唔錯 芒果夠甜 如果鍾意食芒果嘅應該都會覺得好食