鮮芋仙 (太古城中心)

Open Now

Now Closed

假期分別同姪仔姪女黎食牛奶冰，原來後生仔女好鍾意食冰，攻陷佢地個胃佢地自然肯同長輩食野，感恩～芋薯圓Q麻糬牛奶冰 $68呢個真係份量十足，而且好多料，有排食，又有飽足感～根據資料，入面有有芋薯圓、麻糬、冬瓜凍、小芋圓。珍珠奶茶布丁冰 $68呢個冇上面嗰個咁多料，但都唔錯嘅，如果本身係珍珠控嘅話，應該就會好鍾意啦～又有雪糕又有布甸，大滿足。呢啲牛奶冰真係好吸引年青人，所以做長輩嘅，唔好下下Ban左佢地嘅提議！年青人就係鍾意挑戰冬天食好凍嘅嘢，加上佢哋好少出現敏感牙齒，點食都冇問題！做長輩嘅，呢個時候就要識do，同佢哋一齊開心下～入座安排繁忙時段，需要排隊，有員工會安排入座。如果想快啲食到嘢，就一定要安排一個家人或者朋友派買嘢食嗰條隊，咁樣入得做嘅時候，就好快可以食到甜品啦。有晚去到非常之多人，有啲顧客因為唔知道呢個安排所以有啲嬲～仲有啊，原來最低消費只係每人20幾蚊，所以一個冰兩個人食都好抵！

行過想飲杯野，但餐牌上嘅選擇有啲茶底啱配料又唔係最想食，望下望下發現哩間鮮芋仙有限定自由配。冰品同飲品都可以以指定價錢買一定份數嘅配料，配搭出自己嘅心水😍飲品茶底就有4種可以選：古味紅茶，茉香綠茶，古味冬瓜茶，仙草甘茶👍🏼

同侄女喺吉之島食完飯，上網check到鮮芋仙收十點，我地就黎咗食。黎到已經九點，但都有唔少顧客。侄女響英國返黎，話英國都有，所以推介我食。本身我地以為有最低消費啦，但睇黎就冇，可以兩個人share一碗糖水都得。先響cashier落單，店員就會比個取食物提示機比你。我地都等左十五分鐘先有得食。熱招牌芋圓 $52就咁睇就真係冇乜特別，不過撩下個底都有好多料，食食下都覺得幾飽。不過個底係紅豆湯，即係比較稀嘅紅豆沙，想食紅豆沙嘅話呢個就會有啲落差。招牌仙草沙冰 $48會跟兩個coffee milk自己倒落去，呢個就有驚喜，因為口感同味覺都比較多。侄女話好味。食食下，見到有客人拎住個牛奶冰經過，好正咁款，下次一定會再黎試。最後希望大家傾計還傾計，都唔好咁大聲。附近有檯女人傾計同笑聲都超大，好多人食食下都要移位避開佢地...

🍧芋薯圓Q麻糬牛奶冰 $68 （😸😸😸😸)呢個刨冰材料份量十足，舊舊嘅麻糬都大大份，食起來Q彈十足，令人一試成主顧😸每次點一份，兩個人都能食得飽飽哋，真係性價比高得驚人！💯雪糕自帶嘅甜味再加埋牛奶，味道更加濃郁，岩晒鍾意食甜嘅朋友！🍨滑順嘅口感，食落好爽，特別係炎熱嘅夏天，來一碗冰涼嘅刨冰，真係無比享受！🌞不過，要留意呢間分店人流唔少，特別係周末，座位會有啲緊張。😅好彩我哋平日來時都唔會太多人😸

之前喺銅鑼灣已經食過呢間鮮芋仙，估唔到而家太古都開一間，幾個月前見佢裝修已經想嚟試，到開業之後成日都見到有人排隊都冇機會試，今日於是早少少過嚟見到條龍唔係咁長就排隊入去食。好彩我哋係兩個人，等咗5分鐘左右就可以優先入去，可能前邊都超過兩個人啦😂由於今日天氣真係太熱，見都有好多人食冰，所以我哋決定叫個刨冰嚟食，佢刨冰都有好多款，咁啱呢期仲有個新口味「泰奶系列」，但係驚太甜，最後都係冇叫到，都係叫芒果冰算數。個刨冰份量都算幾多，好彩我哋兩個人食，如果唔係真係食唔晒😂

本身見新開又想去食下甜品咁就去啦在收銀位置排隊準備落單時, 被問有找到位未,我說未但唔介意可以搭枱, 收銀說唔可以搭枱又話如果無枱唔可以落單,所以如果一個人想去食又未找到位子坐的話就唔好去食啦

打開得半碗 以為無沙冰 結果有小小 但成個份量少得離譜又無奶仔… 個收銀又唔落單淨係企係度發夢 外賣ready 又唔叫 放咗好耐又要問 仲要個時無客… 之後有客又掛住吹水聽到隔離個個話落錯單又好唔情願換 又唔出聲 又黑口黑面真的無下次