鮮芋仙 (屯門市廣場1期)

Open Now

Now Closed

芋泥控芋圓控🫶🏻真係太鍾意佢地嘅芋圓🥰🥰好煙韌，芋頭大大件，每次都喺食呢款，都覺得好滿足嘅😊芋頭、番薯🍠、芋圓全部都係澱粉質，每次都同自己講食完再減肥🤣🤣不過最可惜嘅係，點解仙草一定係要配沙冰😅

點咗個牛奶冰啊，企喺度齋等咗多個15分鐘，見啲女店員慢慢check單，效率真係有待改善，應睇睇繁忙時候譬如晚飯後糖水時候夠唔夠人做嘢。我企喺度等嘅時候，有個戶戶送嘅電單車手，都喺度等緊，佢話佢等咗8分鐘，佢又同店員摧，有個後生女店員竟然夠膽由廚房走出嚟同佢對罵，大聲到嚇人。知你做到嘔，但係人哋戶戶送分秒必爭，如果唔係比客投訴，咁樣待客唔係咁好。牛奶冰味道OK，份量驚人，啱三個人食都得！

每次經過這間店舖，門外總是大排長龍！難得有空，就決定等一下店舖位置不多，應該只能容納40人左右。幸好等了大概20分鐘，就可以入座了！選擇困難症又出現了有仙草、芋圓、豆花可以選擇配搭！最後，就選擇了以下2款：《熱芋圓4號》以紅豆湯為底，配上大量紅豆、芋頭及珍珠，口感非常豐富而且喝完紅豆湯，身體暖烘烘的媽媽表示非常滿意！《芋頭牛奶冰》當店員送到過來時，不禁哇一聲，份量實在太大了整份牛奶冰像座山一樣，配上煉奶，香香甜甜芋頭份量亦相當多，每件都大大件，口感綿綿！自己一個人實在吃不完對於芋頭控來說，下次一定會再來我還要試試不同的配搭。

今日見冇咩人所以買外賣返屋企食， 外賣都係排兩三個人，堂食一樣唔滿人….買左招牌仙草冰沙外賣..返屋企打開… 比以前少左好多…..$4x 沒加價 但份量少左一半………….

今日叫咗3個單品冬瓜茶，勁甜，好不知所謂，甜到吞唔到，臨走時候阿姐問我要唔要俾個袋我帶走，坦白講，唔需要，帶走咗浪費多個膠袋，都唔會飲得落。期間限定，紫薯芋頭鮮奶，類似咁嘅名稱，$49 ，有啲貴，味道中等，相當飽肚，不過竟然唔可以揀甜度同埋冰，相當甜，唔知點講好，雖然話係甜品舖姐，但係唔使搞到好似不斷食糖咁，吞唔到。湯圓紅豆湯， $42 ，相當奇怪，真係好似湯咁，冇乜紅豆，真係好似紅豆水，唔識講，第一次食咁奇怪嘅嘢。感覺似係珍珠奶茶店嘅紅豆蓉，求其搵熱水溝開佢⋯湯圓得兩粒，冇乜特別，唔難食，不過一啲都唔好食，整體低分，唔知點解仲未執笠，好奇怪⋯中間啲芋圓都係用珍珠奶茶嗰種，好hea，唔係幾好食

網上見到鮮芋仙周年慶推出咗新甜品紫薯芋泥冰🍠🍧香芋控嘅我放假即刻去試😋結果完全無讓人失望超級好味😋呢間芋圓好味已經唔需要多講🍠而家點『紫薯芋泥冰』仲送仙草茶或冬瓜茶一杯，超抵！(留意係02-10-2022前先有得送)打開個刨冰裡面有個布甸仲有紅豆同小芋圓！正💜

屯門的鮮芋仙分店，服務十分好！如果你想吃甜品，不妨先給他們打個電話，在電話落單，他們就會問你，大概幾多分鐘會到，就會按時間幫你準備甜品，一去到，就可以拎走！今日我點了一個芋薯圓Q麻糬牛奶冰鮮奶….才$58！我另外仲加了一份仙草，都只不過是另外加了$4 ， 好抵食！！返到屋企，刨冰還是沒有溶化，兩個人食一份，分量剛剛好！入邊一條條的Q麻糬，十分好吃，可惜的是，這個項目不能另外加配，這一點就有些可惜了！！

招牌鮮草沙冰（芋圓｜仙草凍｜仙草沙冰）仙草凍食落好嫩滑，有好香既仙草味😋芋圓煙韌但欠芋香，每粒顏色既味道分別唔大。芋圓6號（粉條｜粉粿｜珍珠）粉條晶瑩剔透，粉粿黃色帶少少軟糯，珍珠唔算好甜，口感夠Q，有咬口。紅豆糖水少甜，有好多芋圓。芋頭食落粉糯充滿芋香，而且夠甜，非常高質。鍾意食芋頭既朋友一定要試。整體來講，呢間既仙草同芋頭做得唔錯，芋圓唔夠香但口感搭夠。好味：3.5/5環境：3.5/5客服：3.5/5

之前見到鮮芋仙新出咗芒果系列， 夏天冇理由唔試掛， 48蚊嘅芒果白玉冰兩個人share岩岩好，一擺落口即刻成個人冰涼左， 芒果同白玉嘅比例合理，食到最後都仲有，唔會得番啲冰！

已經食左好多次都唔覺得厭🤣每一次同friend一齊去點都要食返個冰！！大份夾抵食👍🏻又多配料可以食(˶‾᷄ ⁻̫ ‾᷅˵)個冰永遠都得杏仁凍冇人食😂因為個味真係好怪🫠 佢個麻薯係必食🤤🤤尤其係黑糖味！

睇到雜誌介紹就已經心郁郁想去試，出咗幾日嘅其中一個夜晚去，但竟然賣晒所有芒果系列嘅甜品😱唯有搵日早啲去排隊，今次堂食左超級芒果冰 $75 同外賣咗杯芒果紫米椰奶西米露 $38下次想試埋迷你芒果白玉冰超級芒果冰 - 牛奶沙冰加芒果醬加雪糕同新鮮芒果，份量十足，新鮮芒果夠甜，冰唔會淡而無味，夏天食完成個人即刻降溫，仲要2個人食都食唔晒芒果紫米椰奶西米露 - 有齊椰奶、芒果汁、新鮮芒果、紫米、西米，口感豐富，又唔會太甜

心血來潮就會想食下台灣地道甜品，好彩附近有一間鮮芋仙，每次光顧都唔會覺得悶。最低消費係每人一樣甜品。招牌仙草沙冰 $45.00佢碗野超級多仙草，仙草係健康嘅食物，食幾多都唔會覺得有負擔，上面嘅芋圓亦都十分之足夠，粒粒都咁彈牙好味道。芋薯Q圓麻薯牛奶冰 $52.00這碗東西簡直是店舖的鎮山之寶，因為真係好似一個冰山一樣。上面每種配料都別樹一格，麻薯真係超級好吃，份量極大起碼兩個人先食得晒，雪糕溶咗之後慢慢流落座冰山，成為糖水的一部份。最後兩個人都係食唔晒。次次去都要好多人，所以一定要預時間排隊。座位唔算好坐，大包細包甘去就要諗吓。唔知係食物定位置問題每次食完之後都會覺得極度寒冷，所以如果預咗會去食就帶定多件外套🧥。

成日經過屯門市廣場都會見到呢間店舖好多人排隊，今次咁啱見到得四五個人排隊，而自己又有D肚餓，就決定排隊試下，等多左一陣就入得叫左叫左3款食品 1) 珍珠焦糖布丁+白玉湯圓 + 黑糖粉 2) 紅豆抹茶布丁+芝麻湯圓 +花生粉 3) 芝麻湯圓紅豆湯。 兩款布丁好滑，加珍珠焦糖甜度啱啱好，而白玉雖然細細粒，但就好煙韌，芝麻湯圓，口感好好，而紅豆湯亦不太甜。PS: 布丁口味同圓類配料可以自由搭配  

Their shop recently allow s medical/nursing staff to enjoy a 20% discount. I tried their Shaved Ice that had most of everything. I was so surprised that it was so large. There were so many ingredients each bite gave you a different flavor. After having this dessert, I was so full and didn't need to have dinner. So if you plan to have it after dinner, please share between 2 or 3 people.

#trashmouthig 之前起大陸食過一次，係覺得好普通🤭可能關同邊個人食事～🙊鮮芋仙進軍左香港都一段長時間，我地一直都無幸試到，今次520日終於見無咩人排隊🙈所以一嘗😂等左5-8分鐘😬 招牌仙草沙冰 $45 🧊仙草沙冰鋪底、動L 仙草、芋圓 仲有一粒花奶如果唔夠奶，想加奶要一蚊一粒🪙大推呢一款甜品🤤 仙草好滑好動L…配上冰凍既沙冰簡直透心涼🥶 芋圓真係超級超級好好食‼️ 非常之Q～ 好煙un ☺️好好味 有台灣風味🤣而🐖食果個係芋圓4號唔太推薦🙈紅豆同珍珠可以～但個冰底好甜….芋頭偏硬😅🔅冷氣比較大，帶定外套搵穩😎味道：⭐️⭐️⭐️⭐️🌜（4.5/5）環境：⭐️⭐️⭐️ （3/5）服務：⭐️⭐️⭐️ （3/5）衛生：⭐️⭐️⭐️⭐️ （4/5）抵食：⭐️⭐️⭐️ （3/5）總分：❤️❤️❤️❤️ （4/5）📍鮮芋仙 (屯門)屯門屯順街1號屯門市廣場1期1樓Kiosk C#台灣美食 #520 #唔要你 #我愛你 #芋圓世一 #仙草 #仙草冰 #hkig #20220520❤️🧡💛💚💙