鮮芋仙 (屯門市廣場1期)

Open Now

Now Closed

鮮芋仙既芋圓真係久唔久要食😚，呢次去開市中心所以買返屋企食。叫左2碗冰芋圓外賣，最近天氣唔算熱所以返到去啲冰都未溶👍🏻。🔅芋圓3號 ($45)3號有紅豆、花生同珍珠。花生就腍腍地個人麻麻，鐘意脆既花生多啲🤣，不過紅豆夠腍，珍珠都彈牙，唔錯😋。不過屋企人呢兜個底仲成餅冰喺到，都唔知點食🙈，用刀大大力插落去，舊冰都整唔開，刨都刨唔到😂 😂。刨冰拎到返屋企唔溶係就係幾好，但唔係直頭唔溶…所以都幾失望。🔅芋圓5號 ($45)5號就有花豆、白玉同珍珠，啱晒我鐘意食煙韌野既人😂。花豆夠腍，白玉同珍珠都好煙韌，芋圓就更加唔使講😋。嗜甜既我覺得唔算太甜，加埋刨冰口感就更豐富。💬呢次食鮮芋仙屋企人竟然中左伏😂…不過芋圓本身係正常既🤣，希望下次唔好再中🙈。

前幾日天氣突然間熱咗好多，同朋友經過鮮芋仙竟然冇乜人排隊，就咁啱見頸渴，就叫咗依杯仙草鮮奶，鮮奶同涼粉個味道超夾，味道啱啱好又唔會太甜好適合用來做飯後甜品😍😍😍

提供芋圓同仙草嘅甜品店到處都有，鮮芋仙可以開到 11間店，想必有其過人之處。今次嚟到屯門店，試下招牌仙草沙冰。面頭係口感 Q 彈嘅芋圓同地瓜圓，兩者以地瓜圓味道較濃，好正👍。仙草一直係我嘅至愛，呢度嘅仙草爽滑味濃，配埋奶油，口感同味道都一流。至於最底嘅仙草沙冰較為少見，雖然係冰底，但係一啲都唔淡，黑糖味濃之餘又唔會死甜，好啱我口味。睇 menu，呢度仲有好多配料可以加，款款都好吸引，下次幫襯一定要再試。

✨芋圓4號芋圓 口感煙韌軟糯 有淡淡芋香芋頭 有兩大嚿 香甜 軟綿 都係嗰句 我覺得鮮芋仙最好食嘅係芋頭紅豆 香甜 軟硬適中 珍珠 軟糯 彈牙 但有部份係黐埋一嚿刨冰 黑糖水 清甜 帶淡淡黑糖香 冰溶得好快 未上枱已經開始溶✨芋薯圓額外加咗芋薯圓芋薯圓 就係芋圓包住芋泥外層口感煙韌 內餡芋泥軟綿呢個配料唔錯 幾推介加✨焦糖布丁焦糖幾香 唔算好甜布丁 滑溜 口感爽彈 味道有好淡嘅蛋香但味道感覺有啲啲假食物都算唔錯 份量都唔少 食落都幾飽肚芋圓系列我覺得可以兩人分享都足夠環境普通 擺枱幾密 唔算好坐服務唔錯 親切有禮價錢合理 如果唔駛等位 可以一試但要等好耐就唔值

疫情期間有好多店舖都倒閉了，而糖水舖就更加多，依家想食個刨冰都唔係有好多選擇，鮮芋仙都算係我近期一諗起想食刨冰就會選擇嘅店舖。我試過佢嘅其他糖水，例如紅豆湯，呢啲可能偏向台灣人嘅口味，唔似我哋廣東口味，所以對我來講唔啱我，但當我試過一次食牛奶冰之後，就愛上。好似今晚為例，我連晚飯都唔食，因為叫一碟刨冰已經好飽。我叫咗芋薯圓Q麻糍牛奶冰，一個人基本上食唔晒，非常飽肚。頂頭加咗一舊雪糕絕對係加分位，麻糍非常之軟、冧、Q，就算遇到冰都唔會變硬，非常出色！成條最精彩就係芋薯圓，好似一粒湯圓咁樣，皮Q，餡料就係芋頭碎近乎容，超正！

叫咗招牌仙草沙冰。最鍾意食佢哋嘅仙草，好嫩滑。芋圓煙靭，軟林林，但唔係煮到爛晒嗰隻。甜度適中。配合仙草沙冰同少少奶。100分。平日夜晚去，基本上唔駛等位。雖然天氣凍，都堅持要食佢哋嘅冰。覺得佢哋嘅冰好食過熱糖水。份量好大。其實一個人食完飯再去食甜品，食一碗真係好難。但無奈佢哋必須每個人點一樣食物。如果冇咗呢個限制會好啲。雖然我知道兩個人食一碗嘅話，佢哋會賺少咗，但係一個人食一碗真係有啲太大囉。不如限時啦。唔好迫啲客人一人食一碗。

📍屯門市廣場食完飯早早地，行過鮮芋仙就挑起條癮想食芋圓😻都有少少人排隊，但好快就有位🔸招牌仙草冰沙 $45滿滿既仙草同芋圓🥰鋪底既係黑糖汁冰沙雖然今日寒流來襲但都係要食凍野😂飽到上心口😽🔸凍招牌豆腐豆花 $48個碗大到以為係裝丼飯😂有芋頭芋圓同珍珠珍珠多到食到尾都未食哂芋頭好好食😽係台式飲品店用黎整芋頭奶既甜芋頭！豆漿唔會太甜豆花唔係好滑果種，食到濃濃既豆味～

可以自由搭配布丁口味同圓類配料，今次揀左珍珠焦糖布丁+小芋圓雪糕，一次滿足晒想食布丁同芋圓嘅願望。食晒兩樣都唔會太飽太heavy~布丁好滑，加埋珍珠糖度啱啱好，雖然芋圓細細粒，但系都好煙韌👍🏻

屯門呢間鮮芋仙位置唔算好大，但坐得都舒服。9點幾都幾多人外賣同排隊，但外賣比較細碗所以堂食🤣，等多左一陣就入得。🔅招牌仙草冰沙 ($46)揀冰沙好處就係下面係冰可以keep住夠凍😝，同埋就算唔計冰都幾大碗。芋圓有咬口彈牙，食食下都好飽🤣，仙草都無乜特別夠滑唔錯！唔想太甜所以都無再落奶，本身咁都夠甜。🔅招牌豆漿豆花 ($48)呢個有好大舊芋泥！芋圓都係一樣彈牙，有豆漿就香啲。雖然普普通通不過都唔錯👍🏻，推薦鐘意食芋泥既朋友。💬通常食鮮芋仙都一定會叫芋圓，好多地方芋圓都唔好食😂，但佢keep到種口感，又唔係算好貴，所以想食芋圓糖水一定會黎食😝。

成日經過呢間都好多人排隊，今次見冇乜人排就即刻去試吓。芋薯圓Q麻糬牛奶冰$52一見到嘩咗一聲原來咁大份，有芋薯圓、小芋圓、Q麻糬、冬瓜條、布甸，我覺得呢個份量可以食2-3人，性價比高，唔怪得知長期都咁多人排隊😅

國慶假期，與女友入屯門市中心行下，路經鮮芋仙，因為之前夜晚在CWB排隊堂食不成，難得條隊唔算好長，於是就排下等下試下。點知都係等了半小時先入到座，而且要求每人都要點野，為左食個刨冰，唯有多點一杯豆漿。刨冰終於出場啦，份量望落去都幾大份，甜度適中，但略嫌冰刨得唔夠碎，但整體都算可以，我仲笑口同女友講，呢個餐根本係可以當正餐食。但係試過一次就算了，因為真係太多人排隊呢。

久仰鮮芋仙大名好耐，終於同fd子夾到時間黎食牛奶冰，食完只可以講成份牛奶冰都無得彈個牛奶冰方面，都ok重奶味，而且沙冰都夠碎，唔會話有好大舊冰喺度影響口感好多餐廳整沙冰嗰陣都係落太多水，搞到沙冰口淡淡咁而鮮芋仙就好完美咁跳過咗呢個「沙冰雷區」，令我重捨返對沙冰嘅愛啊咁芋圓方面，佢哋嘅芋圓真係俾咗好大嘅驚喜我，一啖咬落去，滋味無窮，因為入面加咗芋頭餡，令個芋圓甜度適中得黎又有芋香，真係令人回味無窮而個雪糕方面，就係雲尼拿味，又滑又軟又濃，超好味配埋牛奶冰一齊食就最正而啲黑糖粉粿真係不得不讚，煙韌中帶點QQ，黑糖味重但又唔會太甜，好好呷最後，價錢方面，鮮芋仙嘅牛奶冰真係抵食夾大份，除咗份牛奶冰之外，仲有咁多美味嘅餸，真係物有所值㗎加上咁大份，我同fd子些牙食都仲得，二人除返開都係$30有找，真係平到喊鍾意食甜品嘅你千祈唔可以錯過呢間鮮芋仙吖

呢間糖水舖自從喺市中心開咗之後，夜晚經常會見到有唔少人喺門口排隊，今日的起心肝想試吓，就一同排隊啦點知一排，就排咗接近半個鐘了到可以入咗之前，顧客可以喺門口嘅收銀處落單，之後會有個取餐通知機俾埋顧客，當甜品準備好之後，個取餐通知機會響動，顧客就可以自己去取餐。落咗單之後等大約10分鐘左右就可以取餐。芋圓彈牙好味同紅豆珍珠芋頭好夾，而芋頭粉嫩，味道好香濃，成個甜品都好足料，食完好滿足仙草滑溜，配搭清涼的涼粉，好啱夏天食。額外加咗個雲呢拿雪糕，呢個雪糕幾有驚喜，雲呢拿味好重，拍得住大牌子嘅雪糕。整體來講，都算係一個幾高質素嘅台灣甜品，唔怪得每晚都有唔少人喺度排隊等啦！

Q麻糬奶茶布丁拼盤 $38招牌豆漿豆花 $48總匯八寶冰 $62食過鮮芋仙好幾次，都係第一次嗌總匯八寶冰🤣 聽個名有啲似八寶粥，但原來依個組合(綠豆、蓮子、薏仁、地瓜、紅豆、花生、花豆、冬瓜凍)加埋牛奶冰、雪糕，又出奇地夾喎‼️ 感覺都係幾健康既甜品，食多啲都唔怕肥啦😎

芋圓癮又起照舊例牌🥰•招牌仙草沙冰+ 芋薯圓今次另加佢之前係家用盒包裝都可以食到既芋薯圓 依舊好煙韌 中間有芋頭餡 正正原配芋圓凍仙草沙冰 加啲花奶好滿足呀🤎🤎🤎