大良八記 (Closed)

在雲吞成食了個麵還不夠, 與友人看見大良八記就進去食糖水了. 愈夜愈多人, 有人搭台.我們叫了一冷一熱的杏仁糊 $18. 但遲遲都沒有來. 杏仁糊應該是早就煮好, 只是“筆”上來就可以了吧. 但是等了數個字還沒來. 但一催就來了, 很顯然是漏單了.我要的是熱杏仁糊, 因為今天太凍了, 還是食熱的好. 自從在檳城喝過杏仁茶就迷上了, 再加油條簡直是絕配!這碗大良的杏仁糊, 不太杰身, 喝起都很重杏仁味, 我自覺是收貨的, 但朋友說凍的很苦.不過杏仁糊又是弊在一路飲一路就覺得個口好寡, 飲極都係同一隻味.

難食. 好似變壞左咁. 食第一粒就已經食唔落去.(supermarket的湯圓only)waste $21.合桃糊d粉都未熔哂 @@開粉的糖水onlywaste $20不如自己買即沖的好

週五晚上看電視到約莫11點，因為晚餐吃得早，我和男友都餓了，下樓去找好味道的湯水醫肚，遇上八記，沒有多想便進去了，也許正是電影散場的時候，人有點多，但還是有位子，後來的人就要等位了。 我要了芝麻糊豆腐花，男友要了燉蛋。甜品上得很快，芝麻糊很香，但單吃有點過甜（不過本人口味非常淡，特別怕甜），但是配上豆腐花就剛剛好。豆腐花不是軟乎乎散的，而是有點像啫喱，硬度比傳統的豆腐花要高一點，是冷吃的。燉蛋放在藍花陶瓷小盅里，其實是透明塑料小碗裝著的，沒有小盅那麼深，男友很快就吃完了。我嘗了一口，蛋味很足。 八記的甜品比較“輕食”，吃了回去睡覺，胃也不會很有負擔，值得一贊。

約左友人行女人街,都未夠鐘.又唔想飲COFFEE.行到去始創附近.食碗甜品都得WOO.聞名此店食糊出式.就叫左個核桃糊拼芝麻糊2.5分:本應大有期望,奈何糊身比較"水"左D. 入口唔夠核桃既香. 不過芝麻香就好D.一次一碗又未必能成敗,不過OK之面亦少不了!

晚飯過後，諗住食下甜品，見到大良八記，一心想食下燉蛋，服務員把甜品放下，十分失望，又細碗，態度又差，燉蛋無蛋味，又唔甜，男朋友叫左個燉奶，一樣極細碗，無奶味！除左食物之外，服務員態度極差，雖然裝修靚左，食物款式多左，但今次食過之後，一定唔會再去！

食完尖沙嘴 新潮裝修的大良八記 好好味~~ 太子義順燉奶明顯奶粉味 但尖嘴大良八記就無奶粉味好香好滑唸住大良八記間間應該質素無差幾~ 路過太子呢間就去吃....結果 = = 燉奶好重奶粉味... 而且唔滑既...義順就奶粉+滑...仲要大良八記係細碗d 既 係尖嘴果度都係咁既size 但會加多個膠兜去保暖 (亦視覺上比較大碗...) 看起來亦比較貴氣..但呢間只係用佢唔知叮熱定燉熱既果個內籠兜 無在外面個膠兜盛住... 視覺已經細碗 仲要唔好食....比d 碗 兜又有d 唔乾淨...個waiter 仲聰明到拎黎時用自己既手指試過去捽...你唔係唸住你捽完無左d污跡...就好乾淨下? 而且仲係客面前....仲要個碗係濕 裡面有水既..... 好彩佢大概見到我唔多滿意...自己話換過隻比我... = . == , = 食燉奶 都係去尖嘴大良八記... 無奶粉味 甜度適中~~ 又滑~~坐得又好 招呼又好...

咸到阿媽都唔認得$28。味醬豬軟骨拉麵。豬骨湯底：份量少，配料有粟米、西蘭花、獅子狗，麵質超唔掂，豬軟骨又少，軟骨雖爽脆但唔多個湯太咸了，中晒味精毒，餐後勁口渴$18。首烏芝麻糊則有改善，明顯首烏味道加重了，變得香濃

本人一直非常喜愛北海道/日本鮮奶。但較出名和好評的店鋪都在港島區，突登去食又唔化算。見到這裡有燕窩北海道燉奶，便蠢蠢欲試。當日店鋪人唔多，只有6-7台人，我坐下即點了這甜品，通常不用5分鐘，就應該端到桌上。等了5分鐘，見早到過我來人，才上了一點甜品，所以便多等一會，再第了5分鐘，看來不對勁，便向店員(1)查詢一下，並清楚說明我叫了燕窩北海道燉奶還未到，店員(1)問廚房有沒有漏單，店員(2)話冇，廚房隨即送出一道甜品，店員(1)看都沒有看到甜品，便立刻端到我桌上，我一睇，燉奶唔會是黃色吧！店員(1) 便怪責任廚房弄錯了燉蛋，即時換了燕窩北海道燉奶給我。吃完後，到收銀結賬時，收銀員問我還有沒有叫其它食物，完全沒有記錄似的，要自行報告。我真不知道她們是怎樣管理一家店鋪。如果整間鋪坐滿人，都不知會亂成怎樣？再講「燕窩北海道燉奶」對我來說是巧立名目，燕窩是有的，燉奶郤非用北海道鮮奶做的。只要曾經飲過日本or 北海道鮮奶的人，一定對其奶味濃陏，脂肪滑(漏)，酥香味道，印象深刻，一試難忘。當我充滿盼望地吃了等一口，即時失望，只是平平無奇的燉奶，價錢卻收HKD34，真是不值，我寧願去XX牛奶公司食，都

8月28日, 啱啱先話食完個老苔目樣樣都係澱粉, 但呀菲轉頭又想食甜品喇! 呢期呀菲好鍾情傳統綠豆沙~ 而呢d傳統又唔整色整水嘅綠豆沙… 大良八記又點會唔係表表者?::: 香草海帶綠豆沙 (凍) ::: $15話咁快就到! 呢個鴨屎綠色兼污污wear wear嘅外表雖然唔太討好… 但就真係甜品不可以貌相~ 首先佢夠凍! 絕對啖啖都係香濃兼煲到起晒沙嘅綠豆蓉~!! 平時都好怕食到d成條過嘅香草同大大塊嘅海帶… 但呢個d香草同海帶都切得好細碎咁混入個綠豆沙度, 成碗野甜度適中之餘亦食到香草清香~ 好正丫!!!大良八記最近好似話易主… 所以有一系列革新~ 見到呢到而家除咗d傳統甜品之外仲多咗好多唔同類型嘅甜品同小食! 好的轉變係值得支持嘅~

估唔到大良八記有飯食~ 即刻試下...$22 咸蛋肉餅蒸飯 - 係冇期望架 !事實上，都有驚喜既...上檯時，溫度足 第一口個面乾左d ..... 但個飯底係幾好，唔會淋支支...個飯都好有咸蛋香 .... 算是不錯! (我本人就好怕去到D酒樓食到好"膠口" 既飯)值得一提 - 佢會比個鼓油你 ... 個鼓油D味有調過..... 唔太咸、甜甜地 ... 落落D 飯度 ... 真係會食多左飯 .....

核桃糊溝黑芝麻糊曾經經常來這甜品店食糖水，除了價錢實惠之外，就是食感覺以前覺得店主用心煮的糖水，材料純，味道有水準可是多年後的今天，分店越開越多，糖水質量有變，到底是我長大了要求高了，還是糖水的確遜色了，核桃糊不成糊，太稀似飲核桃露即使不是糊也得有核桃味呀，可是令人失望，而且少了一份核桃香芝麻香味要再來都怕難了

食過晚飯, 間唔中都會來一個甜品時間. 我飯剛食完, 齋妹已經在大良八記坐定定, 食住綠豆沙, 等我到.數傳統而出名的糖水店, 大良八記, 細細個已經聽過呢一個名. 行入黎, 應該是重新粉飾過, 一點古老的味道都沒有. 後來, 從某飲食雜誌中得知, 大良八記已易手, 新東主決定重整旗鼓, 把老店現代化, 翻新升level.我一到, 齋妹的綠豆沙已吃了一大半. 平時係某某糖水鋪看到的綠豆沙, 同圖中既呢一碗比, 算稀稀的, 不能稱之為綠豆沙, 只能稱其為綠豆糖水. 呢碗綠豆沙, 十足料, 沙到成碗槳咁. 足料, 沙多, 夠甜, 屋企煲都未必會煮到咁杰.我要些凍的, 新潮少少的, 點了一個哈密瓜芒果布甸, 一粒粒冰凍哈密瓜, 有個水果汁, 食落, 是用哈密瓜打碎, 水果蓉做汁, 夠哂冰凍, 夠哂甜. 配角已經令人大滿足. 主角芒果布甸, 奶油味她重, 香口甜美兼且有香香的芒果味. 帶少少腍, 證明魚膠落得不多. 多年前來大良八記, 只是食極傳統的中式糖水, 而家改頭換面之後, 多了番新意, 加添了時代感, 又不失傳統的味道, 新人士新作風, 希望大良八記能成功的大展拳腳.

說實話，我唔係個種次次食完都會有衝動寫食評既人，但係今次真係忍唔到了！呢間大良八記，我真係唔想佢再遺害人間囉！小時候住灣仔，經常去譚臣道個間八記，芝麻糊又香又濃，燉蛋燉奶都是我兒時必吃甜品。這個老字號，我一直都覺得是信心保証，但經過上星期的經歷，絕對要BLACK-LIST佢！我同幾個朋友係新世紀食完飯想食甜品繼續傾計，就揀左呢間八記，入到去，餐牌唔同左樣，樣樣甜品個名都整色整水，價錢貴成倍！我地叫左個‘首烏’芝麻糊，成廿幾蚊！個侍應仔話加左‘首烏’所以貴左，我個fd話唔要有首烏得唔得，又唔得...我想要個杏仁糊，話無熱既，問我用微波爐叮翻熱俾我介唔介意！都算了，我另一個fd要左個熱合桃，上來之後竟然係暖既，個芝麻糊仲衰，成pat漿糊咁，灰色既，唔好話首烏味啊，連芝麻味都無！同行有個小朋友想吃雪糕，佢地竟然連香蕉船咁經典普通既野都無埋！朋友去隔離7仔買雪糕俾小朋友食，買完返黎又唔俾食！話咩外食勿入！大佬啊，你有既我使去第二度買，仲有啊，小朋友吃個雪糕姐，使唔使咁兇啊！態度激差！仲有個個咖哩雜錦，睇住佢擺入微波爐翻叮！d魚蛋出黎皺哂皮！我結果要左個燉奶，話咩北海道牛奶，出黎唔夠熱就梗嫁啦，

不寫不服氣個朋友話想食芝麻糊, 但係我想食雪花冰喎 ! 另一個朋友介紹呢间 "大良八記" !記得半年前曾经幫襯過一次覺得麻麻地，明明係食傳統嘢，學人轉型扮潮, 有不文不類之感！今晚又重臨此地，令我相信以后唔駛旨意再幫襯 !見有位入去坐 ，我哋咪叫咗一個芝麻糊加湯丸同埋兩份雪花冰（分別芒果及益力多冰底），之前佢哋派咗張優恵傳單可以平＄５蚊‧其實雪花冰要$32一份包3配料，價錢普通! 之后等咗5分鍾佢哋先話無益力多，是但我咪改士多啤梨味啦!再等10分鐘士多啤梨嚟咗，哇 ！ 有無搞錯！ 雪花冰得小小山丘，小得可憐！ 我未見過咁少, Hazgen 雪糕仲多過佢！ 偷工減料，仲貴過食Hazgen ! 呻苯！之后， 芒果味嚟到還好D，比我多點但都比外面差很多！ 同理呢兩份雪花冰味道一般！ 最激氣事件:芝麻糊叫咗無嚟！我與朋友食完都未嚟！ 咁我朋友咪揾個男待應追單！佢話整緊話要等多陣！ 唉！ 大佬！芝麻糊加3粒湯九要整几耐? 5分鍾夠未 ！ 大大話話由落單到而家成25分鐘，整幾＋碗都得！咁我朋友照等，黠知在等期間，他們竟然將芝麻糊俾咗後面2枱客（落單不過5分鍾)！ 我朋友咪發

半年前去過,果時得o的亞姐係度,又無招呼 真係唔想再去,今晚同男朋友經過,諗住過去隔離海記食個特價甜品就走人, 點知經過呢度, 男朋友話想試下,企o左係門口30秒,有個著住便裝既男人好快咁行過o黎, 仲笑笑口咁對我地話入o黎試下啦,轉左新產品,比張優惠劵你先啦,諗住又係垃圾宣傳單都唔係好想拎,點知個男人見到,即刻話唔o岩唔緊要,比埋個餐牌你坐低慢慢睇,見佢懶有誠意先睇下,一入到去已經有另一個人帶我埋位,之後點左個什果涼粉同埋豆腐綿綿冰,什果涼粉個樣同xx山差唔多, 試o左一片奇異果係酸o既,其他生果就ok,芒果好夠味又夠凍好新鮮,唔會好似其他甜品舖咁淨係食到糖水味,豆腐綿綿冰就無咩特別都係果o的野,埋單果時個4眼員工話食滿$30有野送計落都ok,唔算貴,令我對呢間野有少少改觀