梅之味 (銀幕街)

Open Now

Now Closed

記得由得一次入來幫襯試過牛肉麵，就覺得這店出品有好高嘅水準，麵質夠彈湯底夠濃,牛肉厚切而軟熟，美味非常👍🏻👍🏻👍🏻心諗下次－定要試埋其他食物，所以多數都二點半後來下午茶還有八折😍好吸引！還有很多美味追加小食，每次都忍唔住點幾款😋晚上除咗餐牌裏面嘅食物，原來還有私房菜食的，我每次都約埋三五知己一齊嚟食台灣私房菜，朋友都說很特別，都讚我冇介紹錯👏超喜歡有驚喜🉐️店舖裏面嘅衛生令我們覺得好簡潔舒服，尤其是你去過女洗手間，你就會知道這間店舖是十分十分之有要求，不僅對食物嘅出品有要求，連洗手間都保持得很清潔！真心推介一吃便愛上❤️❤️❤️

-牛肉份量愈來愈少-牛筋居然硬到咬吾開-最慘係跟餐飲品大縮水，變到圖中咁細杯，咁都要慳，沒有下次了 吾明點解生意吾好反而要降低質素，最後一次食了原價76$，下午茶8.5折=65$性價比低，見到杯飲品縮水到咁，真係無下次了

假日下午3點幾行過天后， 見到e 間鋪， 諗起仲未食lunch. 見天后冇咩台灣菜餐廳， 就不如試下。 入到去， 裝修都幾新正， 舒服的。可能過左正餐時間， 冇咩人。叫左個香酥雞扒定食， 跟熱茶。左邊開始食， 有前菜， 有炒蛋， 有雞扒， 仲有一碗魯肉飯。雞扒炸得幾好+ 大塊。 食埋飯就好飽。成set $72.

　【Overall 評分】食物質素：★★★★☆環境感覺：★★★★服務質素：★★★★衛生指數：★★★★抵食指數：★★★★打卡指數：★★★☆回頭指數：★★★★🔜 身處於灣仔區又想食台灣菜，可以黎呢間「梅之味」，主打地道台灣菜，由午餐至晚餐，選擇性都好多，實有一款岩食😂 便當，小菜更係日日不同款，Encore多幾次都吾會厭啦🥳────────────────────【蒲燒鯛魚便當】每款便當除左主食外，仲有三款小前菜同一碗白飯，小菜有醃蓮藕，炒雜菌同蛋卷。鯛魚肉質好嫩滑，加上燒汁調味後，甜甜的好易入口.【台式香酥雞扒便當】愛食香口野嘅你，呢款經典香酥雞扒便當就最岩啦🥳 雞扒外脆內嫩，咬落吾會嚡口，陣陣嘅椒鹽鹹香，超惹味，係台灣嘅味道😎.【珍珠奶茶+冬瓜檸檬檸茶】套餐跟一杯清茶，其他飲品可以優惠價加配呢

天后最近又開咗新餐廳 今次係台灣菜試試有冇驚喜先 餐廳光猛 座位舒適侍應殷勤有禮貌 會介紹食品同朋友一人叫咗一個便當 再加多個小食-古早味肉燥滷蛋便當 $68便當配菜每日都唔同 用類似飯堂嘅盤 一目了然一盤有齊配菜 肉同飯肉燥味道同台灣食到嘅好似 用嚟撈飯一流-台式滷香豬扒便當 $72同另外嗰個一樣 配菜每日唔同豬扒肉質唔鞋而且好入味 -手工香腸 $34好似去咗台灣夜市咁 熱辣辣嘅香腸一啖一件 作為小食就最適合不過-梅之味 (銀幕街)天后銀幕街21號地下

間唔中想食台灣菜，就會諗起梅之味～ 今日lunch又同同事過咗嚟食招牌擔擔麵配豬扒 豬扒同埋面分開上，呢個都幾貼心，佢哋嘅豬扒鬆脆，擔擔面有少少辣，湯底都幾濃有花生香，麵質彈牙掛湯。台式燒鯛魚便當便當會跟三款配菜，款式日日都唔同～ 今日有玉子、蓮藕同炒四季豆，就算係配菜都唔啱feel，而且鯛魚唔腥，醬汁濃濃地撈飯一流。跟飯可以加錢升級台式飲品～ 我哋揀咗冬瓜檸檬茶同珍珠奶茶～ 甜度剛好招牌鹽酥雞 鹽酥雞炸得酥脆又啖啖肉，咬開係外脆內嫩又夠Juicy，用少少鹽花已經香口又惹味～

梅之味 (銀幕街) (天后)椒麻雞扒便當 $72 便當🍱妹抵食😋😋雞扒大大塊👍👍配埋醬汁好好食❤️❤️仲有3款配菜，每日都唔同，包有驚喜😊😊薯仔🥔炸到好香脆⭐️招牌鹽酥雞 $34🍗鹽酥雞好香脆，味道岩岩好👍👍推介😘古早味肉燥滷蛋便當 $68 肉燥味濃郁😆😆仲有滷蛋好入面，用黎配飯食一流👍👍仲有便當配菜都好健康，有菜食❤️❤️飲品珍珠奶茶🧋珍珠煙煙韌韌，奶茶底香濃，美味🥰🥰地址：天后銀幕街21號地下整體評分：4/5味道：4/5環境：4/5抵食：4/5

之前食過灣仔分店覺得幾好食，今日做完運動發現天后都開左間，勁方便🤣原來呢到仲有提供生酮低碳便當，岩哂健康人士.花枝酥 $25一份有8粒！新鮮炸起熱辣辣😍口感好扎實又彈牙，外酥內嫩好正清燉牛腩麵 $82 套餐奉送清茶，首先飲啖湯先，甘甜清爽唔油膩，牛腩四大片，軟嫩帶有咬勁🤤白蘿蔔冇根好清甜香酥雞扒便當 $72 朋友叫左便當，店員話便當配菜每日都唔同👍🏻今次就有西蘭花，雞扒睇落好吸引！我試左一件，香酥仲好juicy，超好送飯😝另外我地就加錢升級台式飲品，冷熱同價，叫左冬瓜檸檬茶$16和珍珠奶茶$16，珍珠好煙韌，拍得住出面茶飲店

未有得去台灣，都要食住台灣野止癮既花枝酥有8粒咁多， 好有咬口， 夠彈牙，真係見到花枝架，調味岩岩好，唔會好咸，又唔太油，鐘意食香口炸野朋友真係不能錯過清燉牛腩麵 朋友想食清啲既主食，就叫個清燉牛腩麵，其實清燉仲考功夫，無左濃濃醬汁，好易食到真味，但呢個牛腩都不負所望，燉得夠淋，軟組織同肉既分佈好平均，食落又無渣，牛腩係清燉情況下都吸哂啲湯既精華味道，蘿蔔份量都好慷慨，好多件，朋友都幾滿意招牌擔擔麵配雞扒我就繼續行重口味路線，食個擔擔麵配雞扒，擔擔麵都係考功夫，湯汁濃度要調得好先唔會太稀或變左個獻，呢度都做得唔錯，麵有咬口，最重要既係雞扒外脆內軟跟餐飲返杯清茶，食完要跑返兩圈先得喇

喺天后見完客諗住食埋個lunch先返公司，路過銀幕街就有心水台灣菜食！餐牌主打台式飯麵、小食、茶飲等！午市套餐價錢親民，$70左右仲可加錢轉台式飲品，性價比好高！🍜我點左清燉牛腩麵跟清茶 $82：好吸晴大大舊牛展，忟得好入味，咬落帶點韌度，口感唔錯！湯頭清潤肉味香濃，配埋清甜白蘿蔔一齊食好夾！麵質煮到啱啱好！  🍱同事點左台式燒鯛魚便當 $72: 台式燒鯛魚醬汁香濃而不膩，魚肉軟嫩香口；當日配菜有蛋卷、蓮藕同炒豆角，原來配菜每日都唔同，有菜有肉好均勻！飯量都好足！ 🍗小食招牌鹽酥雞 $34金黃色嘅鹽酥雞炸得酥脆，用左無骨雞腿肉咬落啖啖雞肉勁香口惹味，嫩滑得黎仲有肉汁！推介！梅之味 (銀幕街) 地址📍 ： 天后銀幕街21號地下

見到樓下開咗間新嘅台灣餐廳，之前上一手都係台灣餐廳，所以都唔知係咪同一個老細。不過唔好估啦，入到去食先算，下午茶時間，同老婆叫咗兩個下午茶，一個係牛肉麵，一個係滷肉炸雞扒飯。不過我主要都係食牛肉麵所以都淨係寫呢一個算啦，個牛展味道算係唔錯不過好可惜唔夠淋，咬落去有啲似牙痛有啲近嘅感覺，可能個人口味，比較鍾意食一啲透明位燜到好似啫喱咁諗嗰啲牛展，同埋個湯底有少少油膩，米粉好幼，所以一夾起好容易成舊咁樣夾。啲蘿蔔酒炆得唔夠時間， 唔入味同埋有少少生。不過最敗筆就係杯珍珠奶茶，甜過就咁飲糖水。整體來講麻麻哋，但係個炸雞扒係的確唔錯嘅。

好似新開張了一段時間了，天后區嘅台灣菜食肆較少，試試有冇驚喜？回頭指數多高？一入餐廳，整潔光猛，共有兩層，相信座位不少，坐得舒適； 侍應先問想食飯或麵，再殷勤地介紹有關嘅午餐，整個用餐時間，都見員工們好耐心有禮貌介紹食品、留心食客須要，老闆亦不時詢問食客意見，佢仲特地推介入貨自台灣嘅醬汁𠻹。點了椒麻雞排飯，少少辣少少麻軟滑，胃口大增，3款莉菜，送熱茶，搞笑嘅係，佢用個類似學校飯堂膠盤，一盤放晒前菜、雞、飯，方便清洗，聰明。雞排大驚喜就冇，但食得舒適，味道不俗，可以下次再來試試其他