美景牛雜粉麵

Open Now

Now Closed

平時都食開呢間野，食物方面冇問題，問題係有次落完單，我見好耐都未黎，坐後面既客遲過我落單，但經已差唔多食完，我同落單位姐姐講我碗野未到，佢就好唔禮貌咁話，d野要時間煮麻，等下先咁話，之後碗麵黎到又話我杯凍檸茶都未飲完，姐係點？飲係飲哂先可以食嘢？我不嬲幾鐘意食呢間野，不過d姐姐態度真心差，食餐飯都要受氣，以後唔會再去！！，!!!!!!!!!!!!!!!!!!!!!!!!!!!!!!

乜呢間嘢嘅質素有好過㗎咩？牛腸有舊屎！啲湯完全冇味！啲牛雜完全冇味！新開嘅時候我屋企人食過一次，話佢好難食啲湯係滾水冇味嘅。 之後就一路冇幫襯過佢，直至到舊年年中，見到呢間嘢咁多年都唔執可能有改善啩，又咁啱諗唔到食乜，所以就同媽咪去咗食。點不知仍然係勁難食都係所有材料都係冇味嘅包括個湯，我懷疑自己中咗「武肺」點知……隔離枱嗰個阿叔食食下掉低隻羹同個筷子，跟住講咗句「屏冇味嘅！」咁我就知道唔係我嘅問題喇。

沙田圍站附近嘅早餐嚟講，呢一間都可以講係比較出色果幾間之一。今次幫襯買咗碗牛腩米，講到明要多肥腩嘅。結果冇令到人失望，一舊舊好整齊咁擺喺個碗度，舊舊都層次分明，唔會話完全係肥膏，除咗有油脂，亦都有牛腩本身嘅肉香，以牛腩論牛腩，呢一間都算係做得比好多餐廳出色。反而個湯就比較失色，比較淡，近乎有少少似碗有味水多過似碗牛腩麵湯底。不過佢啲辣椒油都算係幾好，可以追返唔少分數。早餐時段仲送埋嘢飲，40蚊都唔使就落到樓，喺今時今日嚟講，都算係有良心架喇。最後提提大家，嗰日見到有幾個食客嗌外賣，佢都係冇分湯嘅，如果想分湯嘅話就記得落單果陣同佢講喇。有下次嘅

周末下午係沙田行完街就是但搵個地方醫下肚。行行下係發現沙角商場地下街市有間粉麵店，就諗住食少少野，之後再買餸返屋企。舖面幾乾淨，但地方唔太大，客人之間坐得有點逼，之後望望餐牌，叫左碗牛腸牛丸米。米線份量唔多，牛腸牛丸都算幾新鮮，咬落口感不錯，加上魚露同辣椒油，別有一番風味。價錢合理，可以一試。

有時星期天又走到來沙角邨，這次竟然發現沙角邨都有不少食客。於是看到劉萬利或是旁邊那兩間不算太出色的餐廳，都大排長龍，於是終於來到了這間美景牛雜粉麵。其實，一看餐牌，就知道它與大埔富善街附近的美景，應該是同一老闆，因為餐牌以及裝潢都差不多。👀還是點了個牛腩米線多荵，凍檸茶。牛腩米線，米線份量應該比大埔的還少，牛腩有七、八件左右，質地都相當之好看，肥瘦均勻，除了半肥瘦之外，有點脂肪、又有層皮，咬落相當好口感。美景出色之處，就是桌上都會提供魚露，因為我最喜歡魚露撈辣椒油，再撈它的蔥粒，吃起上來又有口感，有味道香噴噴。凍檸茶就相形見絀，記得大埔那間亦都是這樣的，應該是因為美景使用的茶不夠濃，因此即使檸檬夠新鮮，戳原之後凍檸茶也覺得淡而無味。不過如果旁邊其他餐廳的嗒飯我是午市套餐都是$48至到50 ，或是劉萬利更加便宜的話，在這兒吃過不算太飽的粉面加凍飲都要$43 ，還不算太過抵食。

今朝係第一次幫襯呢間粉面店，今朝喺度食早餐，點了以下食物：1. 牛腩麵，做得到要瘦啲嘅！牛腩稔得來唔會死稔，唔會好似煲湯瘦肉咁一絲絲硬掘掘，個湯亦都不會太濁，味道很好！麵爽身，但係質地應該係屬於偏硬嗰隻。2. 腐乳通菜，走油要腐乳汁，附近乙明邨博康邨及沙角邨除咗酒樓之外就只有這裏才可以有這個菜式，腐乳汁做得很好，菜灼完的質地及顏色也得宜。3. 凍檸茶少甜，跟餐平啲，好飲過樓上沙角商場時代冰室的。4. 油菜要唐生菜走油要蠔油，都唔知點解整得咁好食，蠔油汁係溝淡咗少少嘅，唔係好似我喺屋企整咁到啲蠔油落去。不過點解呢度平時見到好似唔係好旺咁呢？我覺得因為第一冷氣不夠，太熱，西斜，面積比較細諗住坐落未必太舒服，表面裝置看不出可以做到這個水準。其實呢間粉面店的凍檸茶、牛腩麵、油菜的水準已經超越了博康邨的香港仔鴻記魚蛋粉了！

Very delicious! The amounts of the cart noodle, both of the noodle base and of the dishes, are super sizable, doubling that of most other restaurants! I got six pieces of pig intestine! They were large as well! In most other providers, you can get three pieces at most! And they would be small! Oh! And it’s fairly affordable! Only 46 to have a three dishes cart noodle, in addition to a free drink! Highly recommended!

今日沙田所有商場火車，的士巴士小巴都暫停成個沙田癱瘓曬。我係科學院呢誒嚟到沙田市中心就開始行路。嚟咗著名村啲，沙角村呢度食嘢。呢間牛雜粉麵誒客人都唔算多呢個時間，咁就啲牛雜都好靚咁啊牛肚啊，好有光澤啊，個撈麵嘅面，嘅顏色都好好啦，生菜同蠔油呢，都生菜都好新鮮咁菜心都好靚。最緊要價錢貴撈麵39蚊，咁就有菜同汽水加埋廿五蚊。呢度環境都算唔錯又唔係好逼咁啊係啲凳坐完凳冇咁舒服，要有卡位坐就好啲啦。新店鋪嚟講都算唔錯。

今日公眾假期，食過午飯，在閒聊時得知沙角村的街市新裝修開返，所以就趁今日放假同爸媽走一趟，睇下新街市和買下餸，去到時已經差不多四點，諗住食個下午茶先去買餸，見街市出面新開一間粉麵店，就一於入去試下。入面地方唔大，大概得十幾張枱，客人都坐得比較逼，我們坐低後就睇過餐牌叫野食先！爸媽同時都叫了一碗牛肚牛膀河，媽咪話，牛肚同牛膀都算幾多，湯底都幾濃味，河粉份量足，牛肚好爽，牛蒡唔會好粉既感覺。幾好！我就叫了一碗牛筋麵，呢度既牛根都俾得幾多，平時好多店都唔捨得俾咁多，呢度就唔同，份量好多，麵好爽，有點彈牙，湯都好濃味。我仲叫了一杯凍檸茶，茶味算幾濃，略嫌檸檬唔多夠，但都可以啦！亞媽就叫了一杯凍奶茶，佢話茶味濃，仲幾滑，好飲過平時在我屋苑樓下既茶餐廳。今次初體驗都唔錯，再有機會都會幫襯！