Mellow Brown Coffee by UCC (Closed)

沙田新城市廣場7樓成層都係餐廳，今次入左 Mellow Brown Coffee 食晚飯。閑日關係，唔駛等位~ 印象中呢間成日都full + 要等。第一次食 Mellow Brown Coffee 的原故，入座時悄悄偷睇其他食客食咩，參考一下。目測意粉是吸引的。然後Menu只有4頁，選擇唔多，好快就做到決定。我哋叫左一份沙律、一碟意粉同一個甜品。照燒雞肉沙律 $59除左沙律菜之外，仲有切開一半的車厘茄、西蘭花、青瓜、日式麻醬、蒜蓉包，同主角：照燒雞。日式照燒汁甜甜地，雞肉都幾入味。一口一件，唔洗自己切。蔬菜新鮮D會更好。整體上不過不失。煙肉忌廉意粉 $91意粉同平時食開西餐嘅意粉口感唔同，比較軟身，亦無咁黏身，有點小清新的感覺。想特別講下隻蛋：隻溫蛋真係特別岩我口味～用磁更cut開唔會即時漏哂蛋黃。既可以就咁食，又可以撈埋意粉食。合桃窩夫熱香餅伴雪糕 $66pancake表面淋左焦糖，灑上糖霜，而且好！多！合！桃！賣相比想像還要好一點。pancake表面脆脆地，煎到啡黃色，唔燶岩岩好；入面軟綿綿，而且頗有蛋香。熱辣辣好好食。雪糕都很好，仲幾靚仔無溶到。呢個幾抵食。推薦～合計 $216

星期六日梗係要去high tea開心下架啦~今次就係沙田新城市廣場搵野食~平時都見到呢間餐廳幾多人等位，就決定呢間啦~等左一陣，入到去睇下個餐牌發現都唔係特別多野食，不我地又唔想食麵，就叫2個tea set la~煙三文魚薄餅多士多士焗得好脆，無咩特別，不過都算好食既...香蕉朱古力窩夫熱香餅呢個真係超級唔推介....朱古力佢係就噤放幾塊唔好食既朱古力片係上面，加上一大pat 啖味cream...同埋個熱香餅同我地預期中既有好大分別...可以講得上呢個熱香餅係唔好食.....真係中伏，仲幾嘥錢....

呢間餐廳食嘅嘢好一般，晚餐單點任何意粉焗飯+41元可以有沙律餐湯同埋嘢飲價錢算係平！沙律都幾好食新鮮叫左個pizza 抵夠脆最好就係呢一個芝士海鮮焗飯地方夠闊落，如果係朋友聚會食我覺得都可以！

抱歉今次無影到相，比唔到大家睇事實既真相，但係所言屬實啊！話說當日約左friend去新城市食晚飯，由於未諗到食咩，就上左7樓睇睇啦，因為7樓的食店通常都較為有保證(當然價錢都會相對上較貴)。行左一轉，朋友想食pasta，見又係ucc就諗住應該無問題啦（因為ucc以前都有在新城市，只係宜家搬左上7樓），以前既ucc係非常得，分量大而且好味。我地當日3個人，叫左個白酒煮蜆，紅酒燴牛肉飯，墨魚汁risotto, 菠菜三文魚pasta。三個人食，但係完全係唔夠飽。原因係分量少得可憐，食物上枱後，真的只能用o咀表達。我諗一個女仔都食唔飽。最誇張係個菠菜三文魚pasta，係可以得一條菠菜！！！可惜我地當時太餓，加上入世未深，忘記跟店員投訴，宜家諗返起都覺得唔抵！講起服務員，佢地既態度真係好差，黑口黑面不特止，眼尾都唔望下你。呢d餐廳真係可一不可再，完全係比公買難受，究竟點解佢可以上到新城市7樓呢？定係我高估左新城市7樓既標準？

Pancake出黎嗰下真係呆左，又煎爛，又煎”窿”，咁都肯出比客食。冇客都話要2-30分鐘先有，仲諗住可以期待。去隔離商場百佳買格仔餅好過😂😂😂😂😂😂😂😂😂😂😂。唔會再黎。又唔似圖，連到底呢間野有冇QC我都好懷疑🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢

同朋友午餐時間黎食野佢都幾多人排隊的我地一路排一路睇有咩岩食我地揀左蛋包飯同三文魚意粉蛋包飯醬汁香濃配合菇菇 連飯都係預先用醬汁撈好的 令人感到驚喜套餐連一杯飲品 我揀左熱檸檬茶好岩消滯提神

約了老公去沙田大會堂睇show,未夠鐘就在新城市廣場吃點東西。之前喝過UCC的咖啡很不錯，今次第一次吃它的食物。我們點了海鮮蕃茄湯意粉，蕃茄湯酸酸的，開胃的；然而湯底很稀，像茄汁溝水再加調味料的感覺⋯⋯意粉爽囗的，海鮮亦正常，吃下去的味道一般。然而這個價錢，我期望更多。另外紅酒牛尾飯，汁料頗香，有一點酸甜的味道。牛尾也煮得很淋，起初吃覺得幾好食，但吃了一半覺得很膩不想再吃⋯牛尾太肥美了⋯不過喜歡吃牛尾的人應該會覺得不錯。

黑色西裝貌似經理的服務生在我們叫買單之後去前面買單但隨後喊我們前往餐廳角落的房間買單 並小聲罵了一句痴線 我們買單後經理未理會我們 因服務生態度惡劣我們未拿找錢便離去 mellow brown coffee餐廳服務生素質實在有待提高

星期六又去沙田聽講座，事前要填一填肚，search 一search open rice, 曾經bookmark 過呢間想黎，於是黎左。原來人好多要排隊。門口receptionist 差D唔想理我，不過佢做到口唇都白埋，無晒表情真陰公。雖然人多，但turnover rate 快，所以好快就有位。想食slight D, 嗌白汁菠菜三文魚意粉，星期六無set 跟，但可以加$20飲指定既非洲咖啡，其他都原價。齋啡真係無興趣，寧願原價飲cappuccino.因為坐bar 枱，一邊等，就一邊望住咖啡師整steamed coffee, 真係好有趣，但奇怪無咩咖啡香😅 白汁菠菜三文魚意粉，得個一、兩條菠菜，真係喊出黎... 好想大叫菠菜呢？菠菜晌邊呀？ 應該改名叫白汁三文魚碎意粉呀嘛，咁果兩條菠菜都仲可以叫驚喜... 好彩三文魚唔腥，白汁底調味幾好，食得落口。cappuccino聞落唔香，飲入口先有香味，而且好滑，幾好飲。整體而言，飲杯咖啡, high 個tea食環境應該可以，但lunch 既main course真係唔掂。 不過拉花技術都應該要多多鍛練😅 咖啡師加油加油💪🏻

閒日day off行完文化博物館就去醫肚仔新城市廣場係香港人眼中已經變哂質但夜晚去又ok喎唔係太多內地人/水貨客特別係7樓the menu好多食肆  旺中帶靜  乜菜都有d咖啡控如我見到ucc品牌既mellow brown coffee就即刻心心眼傍晚都照隊咖啡!由於太想飲招牌虹吸式咖啡&想食carbonara就放棄左更抵食既set dinner有得揀咖啡杯顏色呢項服務好有日本feel最後揀左紅色杯同埋巴拿馬geisha(不過同侍應姐姐交流期間感受到佢地唔熟悉咖啡知識, 幾失望)引頸以待  終於等到我杯咖啡一呷好平淡好平淡完全冇虹吸式咖啡既細膩層次連geisha既幽香、豐富果味都欠奉雖然我都知幾十蚊唔會飲到好出色既geisha但話哂虹吸式咖啡係招牌+geisha咖啡豆衰極有個譜好～失～望～啊～反而後來既carbonara算係正常調味ok  溫泉蛋ok略嫌煙肉就真係普通豬肉冇輕煎過表層帶出油香埋單計數都$170說實話  服務麻麻地、不太專業店員滾水渌腳落完單就行開上咖啡時亦都冇建議下客人點樣飲用以ucc品牌而言都幾失望留返d quota試其他餐廳仲好

搬了這間鋪時，初期曾來過一次， 當時已覺得比起舊鋪，有點人面全非感覺。以前沙田UCC大排長龍，因為抵食又好味，選擇多而且菜式吸引。搬了新地方，最初仍有很多人 慕名而來， 可是格調高了，不再抵食，餐牌也大轉變，失去吸引力，實在不用為了他排長隊等也一定要食。今日第二次再來這店，純粹行過不如再試一下的心態。感覺好了些，食物質素唔錯，份量足味道不錯，最喜歡full set dinner有湯或沙律，有飲品又有雪糕甜品！餐牌內食物吸引些，可惜無得轉餐，唯有在set dinner中選食物。今晚點了晚餐兩份，分別是咖哩蛋包飯和鵝肝意大利飯，唔錯而且要讚服務周到，上菜和收碟也很快速今晚再試不至於有癮一定要再來吃，但若找餐廳吃飯也可再列入考慮之選

今日上完廠係沙田收工 要一個人食 原本打算去supersandwiches 食就算 但超多人於是上頂樓睇下有咩食 因為想食西式 見到有晚餐 環境又幾好 就入左去食點知一上菜就出事 由於唔記得問餐湯係咩湯 侍應都無講原來係粟米蛋湯但佢無粟米甜味 得咸味 似蛋花水想做一間中高檔餐廳 唔係好得 寧願係普通既羅宋湯主菜 望上去還可以 有三隻蝦 三隻帶子 幾隻蜆 食落就真係麻麻 意粉太冧 無過冷河 帶子超老 蝦還好 有d 甜味 但最失敗係 超 多 油！但由於我肚餓 都焗住食到落底 因為佢份量唔多 但又唔係唔飽既食到落底 係一浸油味道就都ok 既 有咸味蒜 香草味lo 最好食係佢甜品 雪糕雖然佢menu 無寫 我以為係其他野 都夠香夠滑 可能係雀巢嚟咖啡並啡機沖 比較淡 但咖啡味都可以總結 裝修想做一間高檔既cafe 但對食物處理未夠指細 129呢個餐價錢 算係合格啦

從這裡的食評中，有好評和劣評，星期日就去試食了，週日的黃昏，不用等位，二人點了香草大蝦意粉，鐵板原味法式多士，雪糕奶茶和水果茶。先來香草大蝦意粉，大蝦四隻，意粉入口彈牙，香草醬撈得混均，份量和味道都是不錯的。甜品鐵板原味法式多士，製作需要15分鐘，普通貨式，不能說好吸引和特別，真的不出色，普通烘麵包加上牛油，雪糕，cream 和焦糖吧！雪糕奶茶，當雪糕溶化了，變成好奶水的奶茶。（忘記為奶水奶茶拍照）水果茶，比起某台灣cafe的水果茶完全失色，雖然入口鮮甜果汁味，但水果份量少，不新鮮， 款式少。總括來說：以這個價錢相對這樣質素，是不值的，如果是平宜價錢，我覺得是接受！ 整體食物，比上不足，比下有餘，說不好吃，它不是，說好好，亦未說得上，如果與其他地方提供同類食物比較，UCC絕對比不上！

我同朋友5月1日假期去.假期LUNCH無限時坐幾耐都得, o甘可以坐耐Ｄ傾下計.坐ｏ既位置好大，有ｂｂ椅供應。待應同門口同事都好專業。叫左個香草醬蝦意粉同海鮮芝士焗飯，好食但呢兩份菜上ｏ既時間差好耐，應該有8-10分鐘。埋單＄３００左右（2X主菜，2X飲品）。

好久沒到沙田，以前到新城市廣場都會偶爾去一下ucc食飯，感謝良好的，現在舊店已經沒了，搬到7樓，新型像，感覺西餐元素多了，餐牌都比較簡單，英式報紙設計，但非常殘舊，而且一張張不整齊，當我們點完菜，想點飲料找不到，問服務員在那他都在找，我說你們的餐牌太零碎了，那個服務員，用其差態度回答，我們是這樣的，然後哼了一聲離開，本來我都沒什麼所謂，算，後來上了個炸薯角，味道是不錯，由於太熱我不小心燙到舌頭，我就示意叫一個穿黑衣服畔胖的服務員，要求要一杯冰水，她是有回應我的，但過了半分鐘，她只掛住去結帳，並沒有幫我拿，我再叫另一位就是那個哼我的服務員，她一面不滿的態度，不理會我的要求，我再次叫她，她勉勉強強回應了我一下，然後去帶其他客人，由於我真的非常不舒服，我再次呼叫了，我說我燙到，麻煩給我一杯冰水，叫了5次才真正有人拿給我，本來餐廳菜色是不錯，但服務態度有零分，我真的想給零分，非常不愉快的用餐為什麼ucc變成這樣，真的超級失望。