猛男廚房

Open Now

Now Closed

荔枝角好多小店，好多都無位坐，放飯都抖下都唔想坐係公司啦，搞到一直都搵唔到時間試啲小店，今日碌碌下openrice 見到呢間新開嘅food court, 即刻拉埋同事過嚟食(⁎⁍̴̛ᴗ⁍̴̛⁎).係漢堡同意粉之間掙扎左好耐，最後揀咗意粉，明太子龍蝦肉意粉🍝大大碟好creamy，即叫即整，叫完等10分鐘左右就有得食，一定要襯熱食，一啖接一啖完全停唔到，明太子帶啲辛辣感，咁平嘅價錢都竟然有一絲絲龍蝦肉，個汁做得出色，完美地掛係意粉上面.同場加映，同事揀嘅意式芝士蕃茄莎莎熱狗包配沙律，呢個超級抵食，以咁平民嘅價錢竟然上枱係超巨型熱狗！我哋見到都好羨慕呀！.正式宣布呢度成為我哋日常食堂之一，下次lunch再試其他🤭

放工又嚟到荔枝角工廈地庫食晚餐，今次試一試這間西餐廳，有猛男下廚😆 環境乾淨企理，坐得好舒適~ 食物選擇豐富，質素高 有驚喜👍🏻 價格親民，性價比高🥰 💖💖💖食評💖💖💖日本黑豚肉扒芝士漢堡配美式薯條✨推薦，高質漢堡包！份量十足好厚身，份量多，豚肉肉質軟嫩可口🤤 配上大量芝士及薯條，好飽肚好滿足，回味無窮👍🏻 薯條好有驚喜，香脆可口😋😋黑松露卡邦尼意粉✨推薦！熱騰騰，黑松露香味撲鼻😋 醬汁超濃郁，好好味😍 灑上大量芝士，配料亦好豐富

主食試左 菠菜忌廉汁雞肉意粉 上面勁多芝士❣️菠菜都好足料～仲要大大碟勁抵食～仲有個 經典安格斯牛肉漢堡 好厚肉 連個包都好大～一啖咬5晒🤣配菜薯條有調過味，5係得個咸字✨每份都好大份好抵食，下午食完應該夜晚都5洗食 XD

近排做facial 嘅姐姐搬咗嚟荔枝角嘅工廈，見時間尚早就周圍行下先，無意中而發現咗係衣服批發中心嘅地庫竟然有地下行食堂😂，好奇心驅使下就落去睇下啦，原來食堂係由數間小店餐廳形成嘅food court ，有韓國菜、川菜連美式burger 都有。我見到有間餐廳叫猛男廚房好得意，原來係賣burger 🍔、 意粉🍝等，款款都係由$58起，都幾抵食😆我地見到有平時好少見嘅羊肉漢堡就諗住試一試，估唔到$68 嘅漢堡包🍔嘅份量都絕不欺場，羊肉漢堡patty都有厚度，雖然係全熟但仍然juicy 😆 ，羊肉雖然有輕微嘅羊羶味但估唔到除咗薄荷醬外，同蕃茄醬同千島醬都幾夾喎，生菜🥬蕃茄都新鮮爽脆。小店仲有一個貼心之舉，有burger 專用手套，咁就唔怕食就周圍都係啦😋我地仲叫咗明太子龍蝦肉意粉🍝，明太子嘅鹹香加上絲絲龍蝦肉🦞撈埋軟硬適中嘅扁意粉💯

呢幾日都落住雨，為左避雨，留左係室內行下街。經過先發現原來工業中心地下有一條地下街，收埋左有唔同特色既小店。一見到猛男廚房個鋪名，就比吸引左 主打都係西式食物，仲有好多唔同既推廣挑戰，食得辣既朋友可以，試下挑戰3分鐘內食曬死神意粉可以免單貼心小配套，有特色設計既手套，一開頭都唔知係咩料，岩曬食漢堡個時保護雙手芝士漢堡配美式薯條漢堡包口感鬆軟，加上大塊手打牛堡，每樣用料都足，蕃茄有成4塊芝士片係半融狀態，再外加嘅芝士醬，味道好濃郁，整體口感好豐富同juicy薯條粗幼適中，炸得好香脆，仲灑左一層香辣粉係面，以往都中意點茄汁食，但香辣粉好惹味，忍唔住放棄茄汁拉絲吉列芝士豚肉豚肉好嫩，一切開個時聲音都好清脆 豚肉炸完之後肉質都好軟，唔會好乾身，入面包左好厚既芝加士，芝士味好濃郁，唔會太稀，就兒凍左都咬到軟綿綿既芝士口感鮮茄濃湯之手打烏冬食之前一定要飲一啖湯底，鮮茄味好濃郁同鮮甜，用左滿滿蕃茄黎煲，口感綿密！手打烏冬口感軟硬適中，時間煮得恰到好處，口感彈牙，暖粒粒既湯粉，涼涼地食好正 玻璃樽汽水買少見少既童年回憶，見到好開心，跟餐都只係加＄5蚊就有

原來香工地庫有個food court😍入面都有好多間小店☺️其中一間係猛男廚房🏋️ 真係由猛男主理！點完餐就可以搵個座位等。接近晚餐時間去，所以唔會太多人～隨便都搵到座位☺️✪ 明太子龍蝦肉意粉 ⌫💲68味道好香好吸引！醬汁奶滑又濃稠。加咗好多明太子，但整體不會過鹹。✪ 辣肉腸芝士Pizza ⌫💲68Pizza批底香脆，批邊烤得好脆口。上面蓋有滿滿嘅芝士，擺起會見到拉絲，好邪惡！✪ 樽裝可樂/ 雪碧⌫ 加配價💲5用樽裝嘅有氣飲品始終最傳神，好爽呀！【 猛男廚房 】📌荔枝角青山道489-491號香港工業中心C座地庫C1B3A號舖

#ftf_荔枝角猛男廚房有冇猛男？真係去過先知，哈哈哈！廚師夠唔夠猛就見人見智，不過食物質素都幾猛，荔枝角附近練瑜伽成日唔知食咩好，原來工業中心地庫呢度大把嘢食，而且仲好抵食！下午茶意粉先$45 ，漢堡包先$50！蒜片欖油香辣白酒蜆肉意粉 $58⭐️⭐️⭐️⭐️白酒味唔算好強烈，但絕對有淡淡酒香，相對易入口，配搭埋蒜片、洋蔥、芝士粉同辣椒，簡直香氣逼人，蜆肉份量都大方，而且仲好肥美，幾大粒！意粉棉質煙靭，唔會太腍有咬口。加$5仲有玻璃樽仔汽水，真係買少見少！安格斯牛肉漢堡配薯條 $68⭐️⭐️⭐️⭐️塊牛肉漢堡真係成尺厚！牛味香濃，肉汁都好澎湃，配搭埋芝士、新鮮生菜同蕃茄，口感同味道都好豐富！另外薯條都有驚喜，放耐咗都好香脆，唔會笠！🍴猛男廚房📍地址：荔枝角青山道489-491號香港工業中心C座地庫C1B3A號舖回頭率🤡🤡🤡性價比🤰🏻🤰🏻🤰🏻🤰🏻🤰🏻#feedtiffood #吃吧孩子 #吃到懷孕

今日難得地要出到荔枝角啲工廈買野，附近都唔知有咩食，跟人行行下發現點知原來呢到都有個food court 整得都幾靚，餐廳選擇亦多今日揀左呢間「猛男廚房」事關佢個名改得好型，顧名思義入面真係有幾個大隻靚仔係入面整野食大家可以慕名而來野食方面呢到主打burger同意粉，估唔到呢到都有挑戰比人試，朋友見到個辣度220萬意粉挑戰即刻話想試下問我間野係邊到我就留名等睇戲先蟹子煙三文魚忌廉汁意粉，扁意粉煮得岩岩好 唔會太林，粉汁比例較得幾好，條條粉都食到白汁味，脆卜卜蟹籽加上軟林林三文魚柳粒，口感豐富，而且鮮味十足，絕對係perfect match 安格斯牛肉芝士漢堡，一拎個下已經聞到好香肉味，入面啲配料亦好多好新鮮，生菜一啲都無黃食落仲係好爽口唔會變到一pat野咁，最正係入面啲醬汁夠晒多，啖啖都勁濃味，出色！加$5就可以多次玻璃樽裝汽水

去完D2 place行市集就係附近再搵野食下，係openrice search 荔枝角既野食，發現左呢間猛男廚房，😂😂😂呢間同泰國個猛男餐廳係咪一樣架？心諗，所以就黎朝一朝聖下，有點小期待😚😚😚😚由於呢度係food courts,而呢間又係open kitchen既關係，猛男廚房都真係位猛男架😳😳😳😳有位著住小背心既大隻哥哥掌廚，視覺上係不錯的😚😚😚，呢到已經有點加分喔🙈🙈🙈我地叫左兩個餐，一個係蒜片欖油香辣白酒蜆肉意粉（$58）同埋6吋厚批一人pizza配辣肉腸（$50）跟餐配野飲加$5，食呢d，飲品是必需的🥳🥳🥳同埋個飲品係玻璃樽架，識飲既一定係飲玻璃樽既，好夠氣嘛🎉🎉🎉🎉蒜片欖油香辣白酒蜆肉意粉，佢係扁意粉黎既，雖然岩岩一黎個下我都呆一呆以為係細份，但我錯了，係我既錯覺，超足料，好多蜆肉丫，仲要唔係咩bb蜆肉，都大粒仔架，粒粒都大粒仔，唔會有bb既出現，蒜味勁香丫，辣又唔會好辣，係食到個辣香，成個意粉係好好食架，仲要係呢個價錢，好ok丫，正正💖💖💖不過比起個意粉，我更愛食個pizza，佢係滿滿既芝士的，超拉芝啦，好開心丫，我冇諗過$50既pizza仲可以係拉芝既，我見到係個大隻哥

今日去左荔枝角香港工業中心搵食，其實呢度都幾多食店，但真係坐底食嘅地方就吾算多，呢度係工廈落電梯一層，有個地方好乾淨嘅食堂咁，猛男廚房就係度啦！呢間都幾多野食，有burger有pizza有意粉等等。我就嗌左碟黑松露卡邦尼意粉$68，即嗌即煮，上碟熱辣辣好香啊，芝士味濃，好creamy又多汁，吾會乾，意粉軟硬適中，有咬口，黑松露味都濃郁，好食。再嚟一個經典辣肉腸芝士pizza，$50，好抵食，有成6吋，一上碟，芝士勁多，流出嚟咁濟，好正啊，餅底又好食，厚度適合，整體滿足。

荔枝角香工原來有個地庫有不少餐廳，而其中一間餐廳賣西餐仲有限定 紙包魚 價錢幾抵就叫各一份同朋友一齊食 @ 猛男廚房檸檬香草牛油紙包魚配白飯，限售8條好彩買到 $58買條魚都不止，打開檸檬味幾香，仲有點洋蔥作底，魚份量大份肉質都可以，配上一個白飯勁足料明太子龍蝦肉意粉$68，意粉口感唔錯彈牙份量都不少，明太子幾濃味醬汁杰度剛好，龍蝦肉正常，混一齊食不錯又飽肚餐加$5配飲品，當然叫返2杯樽裝汽水飲啦款式這裡都不少而且價錢都幾抵食，下次再來試其他食物

朋友近排響香港工業中心附近行街賣衫，發現咗個地下街食堂，個場雖然唔大但勝在企理，就搵日放工去試吓其中有一間叫猛男廚房。食物以美式為主，例如：Burger、意粉、薯條等，另外仲有手打烏冬，樣樣都係舖頭嘅心機之選，真係好難選擇。2份套餐有9折仲送飲品，咁吸引點可以錯過呢。我地分別揀咗一個Burger及一個意粉。芝士漢堡配美式薯條系列（$68）漢堡係由四款入面揀選其中一種口味組成，我哋揀咗拉絲吉列芝士豚肉。漢堡包的醬汁包括蕃茄、黃芥末及他他醬。SIZE都幾大，係男士的份量，兩個女仔share都好足夠，中間的配料都幾厚，好在有店舖貼心準備的burger專用膠手套，如果無手套真係會食到周圍都係。吉列豬扒外脆內軟，可能攤凍咗拉絲就效果唔係太勁，香濃的芝士配搭豬肉，配合埋調教好的混合醬汁，味道非常豐富。中間夾咗新鮮多汁嘅蕃茄片及大量生菜，減低吉列的罪惡感。芝士的麵包好鬆軟似手工製作。套餐包埋脆口的薯條，上面灑咗少少似熱浪嘅調味粉，香脆可口。蒜片橄油香辣白酒蜆肉意粉（$58）個意粉都好正㗎，採用日本多汁飽滿的大蜆肉配意大利橄欖油，表面灑上少量芝士粉，爽甜的蜆肉都幾多隻，意粉的軟硬度適中，配合左大量嘅蒜

之前約了朋友在荔枝角拿網購物，因朋友遲到，小編就開始在荔枝角亂逛街，無意間發現荔枝角站旁有個賣衣服的批發市場，更發現有地下街食堂。等到肚子餓了，決定要去地下街填飽肚子。看到有間吃漢堡「猛男廚房」，還幫朋友點了一份。因為叫兩份有9折😂吃漢堡當然要一口吃，但又怕弄污雙手。不用怕「猛男」為你準備了手套，很貼心。經典安格斯牛肉漢堡 $68價錢相當便宜，$68可以吃安格斯漢堡，還有粗薯條🍟認真抵食👍🏻安格斯牛味特別濃，又juicy，又厚。配上新鮮生菜、芝士和番茄，口感勁豐富。A5 和牛半熟漢堡 $68漢堡第一精華在於牛，第二精華在於漿汁😋😋和牛厚實，爆漿融進整顆漢堡中，完全是鮮爽和肉感滿滿的衝突滋味！一人一份漢堡，好滿足😋餐牌如下。

如果返開荔枝角都知lunch time想搵個位食飯都唔易，而且好多都係連鎖店不過宜家就有新選擇啦, 香工嘅地庫開左food court 地點方便, 食完仲可以上去行街。今次就試左一間叫猛男廚房，自己落完單就搵個位坐簡單叫左兩個意粉，紅酒烠美國牛面肉黑椒意粉佢用左美國牛最嫩滑面肉加紅酒蔬菜去慢煮六個鐘雖然未至於大大舊咁, 但的確好軟滑, 而且意粉嘅軟硬度好適中, 好味!明太子龍蝦肉意粉採用北海道明太子配上美國龍蝦, 調味有驚喜, 上面鋪滿左芝士粉好香!!

今日去咗荔枝角辦年貨行咗一陣香工，發現原來地庫有一個food court就行落去睇一睇可能因為夜晚嘅關係所以人唔係好多今晚就揀咗呢間猛男廚房食一個安格斯漢堡拎食物嗰陣先知原來都係配埋薯條，68蚊嚟講真係平薯條分量唔算少,仲要係粗薯條,食落啖啖薯仔味久違了的粗薯條主菜安格斯牛肉漢堡，我加多咗五蚊燒菠蘿牛肉漢堡多汁配埋蕃茄同菠蘿+生菜食落係完全冇罪惡感朋友就揀咗菠菜忌廉汁雞肉意粉 以為係普通意粉，發現原來係扁意粉，非常掛汁好食雞肉分量都幾多，而且汁多，所以唔會覺得啲意粉夠濃味跟餐加五蚊有可樂，仲要係玻璃樽已經好耐冇飲過玻璃樽嘅可樂仲要係zero整體勝價比高，食物每樣都好平，但係份量大份而且質素高，下次再經過荔枝角會再嚟食下