猛男廚房

Open Now

Now Closed

叫咗個蟹籽煙三文魚意粉 ~~睇相可見到個意粉汁好似水咁稀 ~~煙三文魚原來係碎粒~~而且勁少 ~~成個意粉d煙三文魚同蟹籽都好少好少 好似叫左個淨白湯意粉咁 ~~ 無下次 ~~

荔枝角區的工廠大廈附近不愁美食，要揀平靚正美食，見到個名，諗住有猛男，去到當然唔見有，不過好想食西餐，附近平靚正嘅西餐唔多，這間是不錯的選擇。蒜片香草白酒香辣蜆肉意粉 $58蒜片香草白酒香辣蜆肉意粉是一道美味的義大利面菜式，結合了多種鮮味和調味料。這道菜的特點在於它豐富的口味和層次感。大蒜片帶來濃郁的蒜香，香草增添了清新的草本香氣，而白酒則為菜餚帶來一種微妙的酒精味。辣椒則提供了一點辛辣的風味。蜆肉的鮮甜和意粉的彈牙口感使這道菜更加美味。整體而言，蒜片香草白酒香辣蜆肉意粉是一道令人垂涎欲滴的義大利面菜式，絕對值得一試。6寸 Pizza 非常飽肚，大大件，厚批pizza，加上菠蘿芝士，好好食。

呢日放假冇嘢做去咗荔枝角行街，順便去food court 食野。呢個food court 都係人地介紹，話入面既野都on, 性價比都高，所以就去試下。 個food court喺地庫一樓， 入面都有幾間餐廳可以選擇，我哋就揀咗個食西餐。餐牌上唔算好多嘢揀，主要都係意粉同埋漢堡包， 揀呢間餐廳係因為個名好得意叫：猛男廚房 ，入面真係有個好型嘅猛男廚師。所以我哋分別嗌咗兩份 一個烏冬餐一個漢堡包餐 ，都係蚊58咋，已經包曬餐湯，前菜，主菜同飲品。蕃茄湯烏冬配慢煮雞胸個烏冬 煙煙靭靭， 我覺得個雞胸好好味，好似只係用少少甜味料去 醃而且個雞胸唔會好鞋。雙層魚柳漢堡配薯條個漢堡熱既又有少少脆卜卜， 入邊配咗好多醬料 所以食落去好juicy。 嗰條薯條又炸得好好食， 本身已經落咗少少調味粉所以唔使加茄汁都好食。以food court嚟講呢度環境已經算好好,都乾淨企理， 58蚊一個餐簡直就係性價比好高。下次有機會試埋其他餐廳

呢間餐廳位於荔枝角既一個FOOD COURT工廈入面,呢度有好多間餐廳選擇,今次黎瘧呢度見到有間餐廳個名好似好勁咁,叫做猛男廚房,入面個主廚係猛男所以改左呢個餐廳名?我地叫左一份卡邦尼意粉,上面仲有一條好長既蟹柳條,蟹柳條都幾好味同軟熟,卡邦尼就勁CREAMY仲要落埋蟹籽嫁,意粉唔係好硬身易咬既, 另外叫左一個6吋PIZZA熱辣辣既菠蘿火腿涵料,即叫即整都唔錯,拉絲芝士,口感脆餅底,脆卜卜咁,餐廳除左意粉同PIZZA仲有漢堡包餐嫁,包埋飲品。

好耐都冇黎荔枝角既香工，難得今日黎開呢邊，即管睇下有咩好野食。 行見呢間叫猛男廚房，個名好特別，就簡左食漢堡。 最後簡左慢煮脆辣雞肉菠蘿漢堡。 冇諗過佢地個漢堡都幾足料，而且目測竟有成包紙包飲品咁高。 仲可以用刀切得開，好真材實料。 而且大大塊菠蘿仲要有煎過，所以食落就唔會漏水，連入面配埋蕃茄同生菜都唔會太濕，真係好細心。 仲有佢既芥茉醬同成個包既味都好夾，襯埋塊辣雞扒，超正。 最正係塊雞扒切開見到一啲肥膏都冇，仲要好嫩滑。 包又夠鬆軟，睇得出每一層都好有心思砌出黎。 佢地既薯條係即炸既，所以一黎到超香同好脆。 本來以為碗粟米湯好求其，但都唔係wor, 有啲驚喜好可口，同埋去普通既梳打餅竟然都好脆，可見佢地既質素真係好好，好用心既小店。 荔枝角好食既漢堡。

荔枝角office多食客多，好嘢食亦多，今日經朋友介紹第一次去香港工業中心地下嘅食街。見呢間舖叫「猛男廚房」咁得意就試下，個職員真係男的。舖仔細細，但都有近20個餐選擇，有意粉，有漢堡，有pizza等等。今次簡簡單單揀左蒜片香草白酒香辣蜆肉扁意粉。第一印象係蜆夠多，唔係得個名，算真材實料，意粉有足夠蒜香味，加上輕微嘅辣味，唔錯。每個餐都有跟湯，沙律同飲品，齊齊整整一個餐。忌廉湯正常味道，配一塊梳打餅，好香港特色。想簡單食個飯，呢度都係個好選擇。

係荔枝角工業區行街，係香工地庫搵到呢間個名好得意嘅餐廳食下午茶，歇下腳休息。果然係猛男廚房，點餐後即煮，好快就煮好拎得，真係快靚正。♥️慢煮脆辣雞漢堡配薯條套餐脆辣雞好惹味夠辣，配埋芝士，蕃茄同椰菜絲，係好好食！CP值好高。♥️白松露什菌忌廉汁意粉套餐醬汁好creamy，洋菌同什菌好多，夠香又好食。♥️每個餐都有前菜，係青瓜配麻醬。♥️甘筍忌廉湯配餅乾，原來都夾。♥️套餐仲有甜品同埋紙包飲品，真係超級抵。

晚市提供意粉、意式蕃茄濃湯和漢堡套餐及多款猛男小食，價錢由二十多元至六十多元左右，相當經濟實惠。意粉套餐跟餐湯和沙律忌廉湯：個湯好濃稠，加左塊脆脆餅乾，倍添滋味。沙律：青瓜新鮮，入口爽脆，配千島醬汁，清新既前菜。蒜片香草白酒香辣蜆肉扁意粉：擺盤顏色繽紛，鮮艷誘人，拌有乾蒜、香草、蕃茄，蜆肉數目都多，鮮甜夠juicy，扁意粉爽口入味，平均沾滿醬汁，帶白酒芳香，整體味道有豐富層次。漢堡套餐配薯條特長八吋美式芝士蕃茄熱狗：熱狗包總長八吋，烘到軟綿綿，包裡面有德國肉腸、椰菜絲、蕃茄、芝士，配上甜酸番茄醬和惹味芥辣醬，份量十足，重量級美食。薯條炸得香脆又唔會太油膩，作爲小食一流。總結，所有食物即叫即整，味道好，店主細心有禮，值得支持。

放工嚟到新開嘅Food Court，Men's Kitchen，有料到，連個名都作得特別吸引，本身以為講笑原來有真猛男烹飪🤣 入正題，小店主打多款西式料理，意粉、漢堡、薄餅，行平民路線，整體份量多，兩個小鳥胃叫一份都得，性價比高！私心推介呢度嘅熱狗，有成八吋長，好正，香腸又大又多汁，外層脆皮唔厚，啖啖肉，麵包軟熟，搭配芝士、番茄、菜同經典醬汁，讚！另外有蒜片香草白酒蜆肉扁意粉，熱辣辣，蜆肉新鮮，意粉軟硬度適中，調味都OK，套餐二人份起送飲品，跟餐仲包餐湯、沙律同甜品，扺食！

《荔枝角美食 猛男廚房》.🔹流心吉列黑豚肉芝士漢堡 （$68）有驚喜的漢堡包🤩份量夠大，豚肉長過個漢堡，仲要新鮮炸出嚟🤩你咬落去入面啲芝士係辣嘴，同埋可以拉絲，而且佢個漢堡包加咗芥辣同茄汁🥫就好似食緊熱狗🌭但佢個餡唔係腸仔，而係熱新新嘅芝士拉絲豚肉😋🔹蒜片香草白酒香辣蜆肉扁意粉 （$58）意粉蒜香味好重，同埋佢啲蜆夠多，唔係殼大肉細嗰種😍係真係同個殼成比例😂係一個真正嘅蜆意粉😋每個餐都會有飲品同甜品👍🏻

【荔枝角•猛男廚房】ππππππππππππππππππππππππππππππ荔枝角Ccmall地庫食堂漢堡意粉餐廳！蒜片香草白酒香辣蜆肉扁意粉 58$甘筍忌廉湯配餅乾 意粉製作得恰到好處，融合了蒜片、香草及白酒的香氣，使得每一口都讓人愛不釋手。蜆肉也是非常鮮嫩，搭配香辣醬汁更是顯得格外美味。漢堡套餐特長八吋美式芝士蕃茄熱狗 配薯條 58$特長的熱狗讓人一眼就感覺飽滿有料。酥脆的麵包搭配著多汁的熱狗，吃起來回味無窮。而撒在熱狗上的芝士更是讓整體感覺更加濃厚。 再來說到薯條，炸得金黃酥脆，外酥內軟，濃郁的香味伴隨著一點點鹽巴的味道，讓人一口接一口欲罷不能。兩個套餐均配送飲品餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 106✨✨✨✨✨✨✨✨✨✨✨✨✨猛男廚房荔枝角青山道489-491號香港工業中心C座地庫C1B3A號舖

荔枝角有好多好嘢食，其中之一係呢間位於香港工業中心地牢嘅「猛男廚房」，老闆真係個男的。我同朋友叫咗兩個餐，不過其他嘅餐我覺得都可以試吓，都主要食意粉同漢堡。吉列雙層魚柳芝漢堡魚柳煎得好香，醬料適中。個麵包皮好好食。配合新鮮生菜，簡直係健康之選。明太子蟹肉蟹籽忌廉汁扁意粉顧名思義個意粉有蟹肉同蟹籽，但值得留意佢條蟹柳係成隻手臂咁長（誇張咗但都有成隻碟咁大），蟹籽吊味啱啱適中，忌廉汁亦好Creamy。每個餐都有跟湯，沙律同甜品。好有心思。

走過猛男廚房，有種意想不到嘅發現。呢間餐廳嘅Burger同意面一試難忘！😍安格斯牛肉芝士漢堡一上桌，肉香四溢，啖啖肉汁流出嘅感覺，完全係味覺上嘅享受。墨西哥辣肉豆蓉薯條更加係，夠晒驚喜！薯條嘅鬆脆加上辣豆蓉滋味，口口刺激，食嗰陣邊食邊喺度讚，太惹味喇！而意粉呢，我試嘅蒜蓉忌廉蜆肉意粉，簡直係美食嘅代名詞。軟滑嘅忌廉汁同新鮮蜆肉嘅鮮美緊緊相扣，真係"好食過癮"！😋 咬落去，即刻感覺到意粉嘅彈牙同蜆肉嘅鮮甜，每一啖都滿足到不得了。有人喜歡埋頭苦吃，不過我就更加鍾意俾呢啲小確幸幫我撐腰啦。去猛男廚房，唔止係填飽肚子咁簡單，仲會滿溢出一種幸福嘅感覺。仲有啲嘢，叫現場猛男們煮嘅食物，你就會知，好食其實唔單止係口味，視覺同享受嘅過程都同樣重要。下次你想搵個滿足味蕾又有趣嘅地方？記住啦，係猛男廚房等緊你！🔥

最近到長沙灣行街，原來地庫有一個美食廣埸，我決定造訪一下，睇到有一間一家以多國菜聞名的餐廳，於是試吓佢！今天點了白酒清酒煮蜆意粉定食，包含忌廉湯、小食芝麻青瓜和一份重量芝士披薩拼煉奶。這間餐廳提供左多元化菜單，有漢堡，Pizza，意粉，飯，啱晒心多多嘅你！首先，白酒清酒煮蜆意粉定食。意粉煮得剛剛好，滿溢著清新既白酒香氣，口感彈牙，帶有微妙既酒香，淡雅而迷人。配菜方面，忌廉湯濃郁滑順，充滿奶香，絕對是一道溫暖胃既湯品。而芝麻青瓜清爽爽脆，帶有酸酸味道，平衡左整餐風味。接下來是重量芝士披薩。這份披薩外皮酥脆可口，上面鋪滿了豐富濃厚既芝士，每一口都散發出誘人香味。芝士與餅皮既搭配相當完美，口感濃厚，令人難以忘懷，呢個Pizza我一個人都食得晒！而食到一半，我哋決定點煉奶，加咗煉奶嘅Pizza又有唔同口感，細膩柔滑，帶有濃濃既奶香，甜度適中，是一個完美既鹹甜選擇。而家睇返啲相都好想再食！在美食廣埸有期間多元化餐廳，真係呢度嘅居民一大福氣！因為價錢好相宜，而每一道菜式，都展現了餐廳廚師既用心和專業。

去香工行街，買衫，買完有d肚餓。行完落左去地庫食飯，有中，韓，意式餐廳，樣樣齊。見到猛男廚房個老闆真係好猛男，就試下佢。🤣🤣🤣前菜有麻醬青瓜，餐湯係白湯，之後就係主菜。明太子蟹肉蟹子忌廉汁扁意粉。明太子醬出到黎橙橙紅紅好靚，忌廉汁幾香好creamy，掛晒上每一條意粉上面，起呢到食到咁既味道算係唔錯。意粉中真係有蟹肉，所以有d海鮮味。上面有一大條蟹柳，好似食親子”蟹“意粉咁，食左人一家。🤣🤣🤣加幾蚊有埋飲品。