敏華冰廳 (荷里活廣場)

Open Now

Now Closed

去開荷里活，又想飲奶茶，茶癮起，就聯想到敏華冰廳。入到店內，地方整潔，座位都坐得舒服。依家會用掃QR code 手機下單，都方便既。但有時反光，唔係好掃到個code.叫左個沙嗲牛肉米拼炒滑蛋雙腸及歐式軟多士，配熱奶茶。常餐黎講，唔算平，都成五十幾。可能連所集團吧，定價都會貴啲。沙嗲牛肉都有4-5塊, 米粉軟硬適中, 炒蛋都炒得幾滑, 腸仔都feel 到佢煎過兩下既。奶茶香滑，真係一流。整體來說，都幾好。可以再幫襯。

琴晚同屋企行完荷李活廣場，食飯時間周圍都好多人，於是兜咗去後面間敏華冰廳。食物選擇少，一心想入去食叉燒，7點就已經話無咗，呢個都唔緊要，可以叫其他。我哋都未開口話點餐，有個靚仔服務員就過離好不耐煩地同我哋講叫自己掃碼點餐。點完餐一陣過嚟同我哋講無咗叉燒，咁我叫距幫我取消，我再點其他。再過一陣距上咗杯鮮奶俾我，再一陣又上咗雙腸煎蛋多士俾我，呢d全部都係我剛才取消果個叉燒米粉跟嘅餐🤣，我同靚仔講唔係已經取消咗嗎？距有點噁咁同我講話唔係距取消，係果邊（我估應該係收銀處）話已經取消咗…..最後當然叫距全部攞走。呢個靚仔對隔離檯幾個女人➕小朋友態度更加差，距地話唔識點餐，叫距幫手點，然後距唔理距🤣，咁當然另一個啊姐頂上啦！之後唔知咩事叫個靚仔，個靚仔話距唔知，叫距地穩其他人🤣今時今日咁嘅服務態度真系唔得囉😅

凍齋啡冇甜叫佢加返，夠膽死加羮沙糖落去算數，基本茶餐廳沖茶水平都冇，水吧都唔知係咪求其搵個路人甲臨時拉夫去做。侍應仲要駁咀話冇乜人飲凍齋啡，所以只會沖定凍咖啡，凍齋啡係即沖。雖然佢好大條道理咁，但唔明落砂糖而唔係落糖水有咩point好兜。真係完全接受唔到凍飲落砂糖。叉蛋飯足足等足半粒鐘，三催四請先攞嚟。唔想嘔血者切勿光顧。樓面侍應好似發緊夢，又騰騰雞雞咁，好似聽唔明廣東話，可能要講譚仔話先溝通到。

呢間店越做越差，已經貴，選擇唔多。早餐時段幫襯，入去坐低卡位，侍應仍然係冇咩禮貌，態度麻麻，有時真係似受氣食早餐。算啦，冇計。過左陣，聽到後面枱兩男士話等咗糯米雞好耐，再唔上就取消。然後侍應話要再等多5分鐘，顧客非常不滿，又突然侍應有兩隻糯米雞放上枱，聽到顧客食到一半話凍嘅，點食，離晒譜然，後即是走了。我都點左份餐蛋三文治，一望見灰色，有黑點，一打開中間見到好多未洗鑊的鑊屎。呢間店真好無誠意，又貴。

星期日在敏華冰廳吃下午茶， 今次到鑽石山荷里活廣場分店， 店內環境整潔， 座位舒適。 每次都是吃這裏的常餐或暗然銷魂飯， 今次就點了兩個常餐🍜☕， 價錢不算便宜，大約💰港幣五十幾至六十幾不等， 但食物質素是幾好的👍🏻。 牛肉和豬潤都好腍， 尤其是豬潤牛肉米粉的湯底非常香濃， 薑味十足🤤， 飲多幾啖都不會口渴。 厚多士🍞香脆可口， 太陽蛋🍳和腸仔🥖的賣相都幾靚。 還有我最喜歡的茶走☕， 煉奶是分開上的， 這點值得一讚👍🏻。雖然不算抵吃， 但味道和賣相都值這個價錢， 所以我都幾喜歡敏華冰廳😊。 敏華冰廳地址: 鑽石山龍蟠街3號荷里活廣場1樓101A號舖

已經喺非繁忙時間來食早餐，叫太陽蛋唔駛反咁簡單都可以隻蛋散哂，揾塊多士冚住就上俾客我太太要全熟煎蛋，只係整爛兩隻蛋黃，煎到一pat嘢咁，呢啲就叫全熟煎蛋究竟呢間連鎖茶餐廳有無品質管理？

我自己嚟試過早餐覺得平平哋都可以嘅，阿仔喺呢頭返學，放咗學叫佢同啲同學試下啦，結果........ 就係唔會再有下一次先講等候上餐時間，過了20分鐘仲未有食物送到， 餐飲跟汽水，但係室溫無雪唔凍嘅， 都唔緊要，見到人哋跟冰上但係阿仔同啲同學就咁放低咗罐汽水就算， 叫咗幾次先肯畀杯冰佢哋。幾個麵餐最終等了二十五分鐘仲要漏咗一份， 最後嗰份好似冇乜煮過咁就上枱， 硬到都食唔到， 荷里活廣場選擇何其多， 其實做得咁差真係唔會返轉頭👎☹

因為今天放假，不用太早起身。平常上班就會隨便吃個麥當奴就上班。因為今天是閒日，所以就選擇了開了不是很久的這家敏華（因為星期六日，早餐時間都好鬼多人）。入到餐廳，坐位比想像中的多，環境跟裝修還算ok。第一時間叫了我最喜歡的沙爹牛肉面跟熱奶茶。沙爹牛肉的分量算多，味道亦不過不失。但面就太淋，不是我喜歡的硬身那種。奶茶亦是一般味道。中途佢會響鐘說有新鮮蛋撻出爐。作為蛋撻控的我一定要試一下的但酥皮蛋撻也沒有想像的鬆軟好吃，亦沒什麼蛋味。不過以這個價錢又真的是不能要求太多。

叫杯凍檸茶等左15分鐘當中叫左一次幫忙有冇漏單，15分鐘後到了。無言。。。。。。我叫凍檸茶走甜就來了一杯走冰，當時諗算吧就飲一飲算，但一飲就覺得啲茶淡到一個點就好似細個去冬菇亭大排檔嘅一壺好淡好淡(接近水)嘅茶，天啊30幾度諗住飲杯冰凍嘅凍檸茶姐。後來我叫佢換比我，都肯換嘅，不過來一杯凍檸茶Original(好L甜)囉🤮。。。。。。。重點係全場得5枱客(星期5 6點半入去)

炒蛋好咸、豬膶超難食（好噁心）、牛肉都麻麻😶比較好食係塊多士同咖啡都ok。我問個阿姐 腸仔係咪煎架？佢問我係咪第一日出嚟食嘢，腸仔更係炸㗎啦，邊有煎架，好笑🤣之前食過新蒲崗分店都冇咁差。

2021-01-28下午4點來食下午茶！點了一個叉燒米粉！居然俾d又梅又黑叉燒！要求更換！點知又係果d又黑又梅！食完米粉飲埋杯嘢！埋單走人！冇下次🤬🤬🤬🤬🤬

太興品牌既敏華出品一向都穩陣，但都有失手既時候。話說早餐叫咗一份鹹牛蛋治，盛惠$22 , 烘底加1蚊，算合理，但唔包飲品 。份鹹牛蛋治等咗足足15分鐘先上枱，好明顯係即整嘅，應該會好新鮮，上到枱時賣相都ok，幾吸引，但一入口就出事啦🙈蛋又老又嚡，鹹牛肉餡少，加上鹹度好似落咗成樽鹽咁🤦‍♀️諗住烘咗底既方包應該唔會出事啦，點知頭尾2塊方包油到不得了，應該係烘之前落咗好多牛油所致😂成份鹹牛蛋治又鹹又油，最尾食咗2啖放棄咗🤦‍♀️🙈🙈

今日去左敏華食早餐早餐都幾抵食，雖然早餐款式唔算多，叫左五香肉丁麵 炒蛋多士餐。 食物份量足料，多士又厚又脆。抵讚不過值得提既，鍾意飲奶茶既朋友，如果選擇飲涷奶茶就會比較抵飲。 雖然要跟餐+3蚊 先有涷奶茶，但係相比熱奶茶，涷奶茶大杯好多，而且係無冰架 唔會因為冰溶咗而影響奶茶既味道。而熱奶茶就相對細杯好多 至於奶茶既味道就有代大家評價一下，個人認為奶茶味道就一般，無特別出眾既地方。連鎖型式經營既餐廳，早餐質素不錯。 環境同服務員態度良好。 上餐速度都好快，岩哂趕時間既打工一族

我係超鐘意食麵嘅人，所以出街食早餐，我都偏向鐘意食茶記！之前食開新蒲崗敏華，直至我知道鑽石山會開分店，簡直心心眼。我其實都係常客嚟㗎！必叫「沙茶牛肉麵」，少少辣，但就好夠味！同平時嘅沙嗲牛肉麵唔同㗎！每食一口麵，都有滿滿嘅沙茶牛肉味！我揀嘅係牛乳炒滑蛋配多士，佢呢個多士脆脆地，唔會好硬，搽啲牛油，再配埋炒蛋一齊食，真係好match，好好味！飲品必試佢哋「奶茶 / 咖啡」，因為無冰，就唔怕飲得愈底就愈淡啦！

呢個假期除咗上堂，我都冇特別安排節目比自己，諗住休息吓、執下間房... 簡簡單單渡過一個週末。不過一聽到有朋友喺附近，#小秘書 又忍唔住走落商場搵佢哋😅 本來有人話剛剛做完運動，要食得light啲，不過大家又冇咩頭緒，盪吓盪吓就嚟到 敏華冰廳。大家望咗個餐牌好耐，似乎都無咩興趣。不過揀咗咁耐，唔幫襯就起身走，好似樣衰咗啲🤪 大家唯有硬着頭皮叫咗個 #即食麵餐🍜 估唔到話要食得light啲嗰個，似乎仲未夠喉... 最後仲要多加多兩隻 #蛋撻 做 #飯後甜品🥳 ... 減肥？都話咗食埋今餐先算㗎啦🤪講返啲食物，件 #厚多士 似乎係成個 #常餐 嘅靈魂，搽上厚厚嘅 #牛油 一齊食，特別滋味🥳 不過個 #沙嗲牛肉公仔麵 就只係一般，大家都食淨晒喺度😅 個 #酥皮蛋撻 都OK嘅，剛剛出爐勝、勝在夠熱辣辣🤤 不過喺茶記食個Tea都要$60埋單，就似乎貴咗少少喇😏