敏華冰廳 (荷里活廣場)

Open Now

Now Closed

咕吱最近迷上西多士，Zaza緊係要帶佢試吓 唔同餐廳出品嘅西多士啦🥰試咗十幾間餐廳，咕吱最愛就係敏華冰廳嘅西多士😋 呢到出品嘅西多士，比其他餐廳厚重，大大塊，所以完美做到外脆內軟嘅口感😍 加上方包中間塗滿厚厚嘅花生醬🥜，每啖都洋溢香甜味，係Zaza暫時食過，最好味嘅西多士呀👍🏻除咗西多士其實呢度嘅燒味飯，同埋咖喱飯都做得非常出色，但係由於今次只係食下午茶，所以就冇order到正餐食物，如果有機會再影俾大家睇，同大家開心share😀

今日年初四又係公眾假期早上去鑽石山敏華食早餐。坐低之後發現原來今日+1服務費。 農曆新年年初四又係公眾假期+1服務費都無可厚非。不過唔知敏華呢個企業係咪會同員工分享呢個+1服務費？如果收咗客+1服務費會俾返員工嘅，咁就係一個良心企業，如果唔係就賺到盡 。雖然食物保持水準。服務水準都好。食肆成日話請唔到人點樣對啲員工其實都好重要。 今日吃了濃雞湯火腿通粉，煎太陽蛋。同埋茶走。只係今日太陽蛋隻蛋煎得太生 ，雞湯火腿通粉味道好。茶走保持水準。

2月10日龍年大年初一，揾食肥華和靚媽，買咗早埸飛，在荷李活睇賀歲片，因利成便就在此店食早餐，早知在新春假期，此店會收加一服務費，肥華唔介意，過年俾多少少消費，但肥華最介意係，此店將一張四人卡座嘅枱面，用膠板隔開兩面，即是強迫一啤啤嘅食客要，擠在一邊卡位進食，嘅然顧客願意俾多啲消費，為何比店唔俾個較好環境給顧客用餐，呢個安排祇有令顧客反感。至於肥華今早在此店食到嘅，早餐食物，係一碗牛肉冇味，個湯極咸，麵質尚好嘅沙茶醬牛肉公仔麵，加兩隻凍煎蛋及一塊肥華食咗一半就唔想再食嘅多士，和一杯份量少味道淡啲熱奶茶，呢個劣食早餐就係，揾食肥華在龍年的第一餐👎👎👎👎👎

今日轉左去龍盤苑針灸，十一點針完，對於中意一餐當兩餐嘅我 敏華係不二之選，今次食五香肉丁公仔麵五香肉丁公仔麵香辣味撲鼻。五香肉丁聞落辣味十足食落恰到好處。讓肉質鮮嫩多汁。搭配上彈牙的麵條，整體味道十分美味。餐具一如既往污糟嘅問題，靠自己。經典敏華式炒蛋多士早餐通常唔會失望。多士外層酥脆，內部柔軟，敏華炒蛋發揮正常嘅話係十分美味。今次都正常發揮。而且感覺份量好似多過外賣

敏華其實唔同分店都食過多次，都不是因為有什麼吸引之處，而是正正常常，水準不太好又不太差。通常都在商場內。香港依家在商埸內的食店大多不便宜，有時只想hea 食一餐就會走入去敏華。今日因為周圍都冇位泊車，就去了荷里活廣場敏華食，好在是早上，下午就發生了斬死人的大新聞。講返個早餐：個歐陸全日早餐餐牌寫有雞扒又有魚柳好似好豐富。嚟到就比較失望。雞扒同魚柳都好迷李，夾埋兩塊都冇手掌🖐️心咁大。唔喜歡佢啲軟多士，個人口味。沙牛米就大些，米粉多牛肉少，如果佢俾人轉腸蛋/腿蛋仲好，迫住人地隻腸/雙腿/雙蛋。奶茶杯佢訂做，內籠特別細，看得出佢賺盡心態。總結：會去，唔係佢好食，因為佢佔據咗市場，好多商場得佢一間茶餐廳。咁佢又唔太差。

行完山，來到鑽石山車站附近來個下午茶，友人見到敏華招牌便即講要入食，其實個人覺得敏華麻麻的😅這間座位充足，因是平日星期四下午4點9，人不多，我們兩人都可以坐四人卡位，否則人多就要搭枱，當然中間有塊膠板。服務一般，價格略貴，下午茶餐選擇少。友人覺熱奶茶可以，我原本想飲好立克，但沒有供應，轉了華田，不算濃郁但尚可，有部分餐廳真係開得稀，味淡好似飲奶水。炒蛋多士睇落真係唔錯，多士香脆。朋友想入嚟就係想食佢嘅豬潤湯米，豬膶夠多，不韌，可口，薑夠多，但可能沒有拍薑，薑味不出。不過這是常餐$63，我就覺得貴囉。而我的榨菜肉絲麵夠熱，麵底不錯，雞翼就燶咗少少但尚可。

今晚試咗招牌銷魂飯，d叉燒硬到死，一d都唔好食～以為好似佢個名一樣咁銷魂，點知d叉燒食得我差d冇咗個魂～切又切的得咁厚，切薄d可能好咬d上次試過黃金叉燒飯好食過佢，最少叉燒好咬d。

當日同朋友行左五小時山，落山鑽石山荷里活廣場，我同朋友成日無食野，所以就入左去依間餐廳到食飯。我嗌左個超級大雞扒飯，我朋友叫左個常餐。⭕超級大雞扒飯，雞扒說是即點即，做比較薄身的雞扒也烤得皮薄香口，皮與肉不分離，但肉比較乾，加上蔥油醬撈飯，整體吾錯⭕我試左少少我朋友叫左個沙爹牛肉公仔麵常餐，好濃郁好杰身，每一啖麵都掛晒沙嗲汁呀，洋蔥味同花生味都幾突出，而且牛肉份量多，重口味人士必定鍾意。個人感想：凳同座位之間比較窄，服務員反應比較慢，環境好

敏華在香港去過三幾間. 灣仔,銅鑼灣及堅尼地城.第一次去鑽石山荷里活廣場的敏華.發覺服務比其他幾間都好. 自動奉上熱水自動拿一小椅給人客放手袋. 因我們坐的是兩人位. 不是卡位.所以沒有地方放手袋.女侍應態度友善. 相比堅尼地城那分店好好多.

平日朝早10點幾去到，居然要等位。我叫左火腿雞湯通粉，炒蛋配丹麥多士，熱奶茶。通粉嘅雞湯味少有地好濃，飲落又唔似係平時嘅忌廉湯底嘅味道，似史雲生雞湯多啲，火腿同通粉都正常嘅，通粉唔會太稔。炒蛋：顏色好靚，亦好夠蛋香同埋好滑，亦唔算好油丹麥多士：本身以為係甜甜地果隻danish toast, 原來係普通厚多士，但都整得唔錯，外脆內軟，加埋牛油簡簡單單已經好好食。奶茶：澀味較出，唔鍾意咁重茶味嘅，可能要叫多奶先得

鑽石山敏華啲員工服務態度差真係街知巷聞，琴日大約下午三時，人唔算太多，唔需要等位，眼見餐廳裏面亦有兩張吉枱，敏華阿姐問我幾多位，我話兩位，於是佢叫我搭枱，坐卡位的一半。（嗰張卡位已經有兩個姐姐坐緊，只係用塊膠板隔住）我當時覺得又唔係繁忙時段，又有另外一張吉枱，我問呀姐我可唔可以坐另外一張枱，因為我唔想搭枱（實在尷尬對面兩個人又唔識要同枱食飯，傾偈又唔方便，最重要當時非繁忙時段）我好聲好氣問：我可唔可以坐嗰一張枱，敏華阿姐態度極度惡劣，坐嗰度冇用㗎一陣間都要同人哋搭枱㗎，我話現在都冇人，如果一陣間真係有人嘅話佢咪坐落嚟囉。跟住係咁話唔得，我四周圍一望，近門口個卡位只係坐左兩個人，我問佢點解呢張卡位只坐兩個人？唔係四個人咩？佢話佢坐咗好耐㗎喇，真係唔知咩道理🙄即係我之前一早嚟就可以兩個人一張枱，真係當我白痴，跟住我話我一定會投訴你，佢就死死地講，好啦好啦你兩個坐嗰個卡位啦，吓，即係點呀又得喇？講真有骨氣都唔會再喺度食啦，當你乞兒咁樣，所以我喺度同大家講，如果去鑽石山真係唔好去敏華，商場食肆選擇多，無需要選擇佢，服務態度差，真係無謂去受氣😡

😓今朝去食早餐，個侍應幫完隔離枱個叔落單，咁我就叫佢幫我落單，佢好悔氣一句叫我自行掃code落單，然後走咗去，之後我叫第二個侍應幫我，點知都係同樣態度同回應。我心諗駛唔駛咁呀！唔可以好聲好氣講嘅！最終都有個侍應幫我落單。啲嘢食到咗，第一個我叫佢幫我落單個侍應攞俾我，我忍唔住問返佢，而家係咪唔會幫人落單㗎喇！佢話“唔係！我諗住你哋後生女識自己落單，有啲阿叔阿伯唔識，所以先幫佢哋落，仲話有時佢哋好忙，所以幫唔到我。”但我望嚟望去都係得幾張枱，我係度諗佢究竟忙咩呢！😂

之前在這餐室吃過一次超大雞扒飯，念念不忘，雞扒大大件，肉嫩多汁，很滋味。昨天再去吃超大雞扒飯55元，今非昔比，雞扒不再是大大件，變成正常份量，味道變成難吃，雞肉硬，味道過咸，價格亦已上漲，令人失望。黯然銷魂飯59元，水準仍可接受，今次落單時刻意要求荷包蛋改為煎熟蛋，食物上枱後，賣相吸引，煎熟蛋一大片，叉燒四大件。煎熟蛋外層有少少香脆，內層沒有過熟。兩件肥叉燒入口即溶，甘甜香口，很滋味。兩件瘦叉燒很硬，不合格。白飯稍硬。自家調味頭抽醬汁美味，與雞蛋及白飯一起，美味。總結：今非昔比，價格上漲，質量下降。

今日去拜完車公廟, 同奶奶去咗鑽石山食早餐。經過見到見到敏華，睇吓個餐牌見到12點可以食早餐就行左入去。兩個人食左$86 人均消費$40算平敏華嘅奶茶係最好飲，因為個茶系一早雪咗先，唔使加平👍👍👍香滑濃郁

唔知大家有冇發覺集團式嘅茶餐廳或者食店，其實質素都係有參差㗎，有啲會好好，有啲差到貼地，不過今日唔講呢樣嘢啦！話說早兩日我屋企人去敏華食早餐，咁食完早餐就打包一份俾我啦，咁食完之際收拾好啲外賣盒，突然間眼前一亮，見到一啲似曾相識嘅嘢，一見到白色的杏霜像是帶着神秘，然後再望吓竟然寫住，風繼續吹，西多會嚟！再望落去真係不得了，呢一個膠袋突然間升值左，因為好多粵語流行曲嘅情懷，真係要喺度土生土長，同埋好熟悉粵語流行曲嘅人，先至會有一份歸屬感，雖然沙嗲牛肉麵依然係沙嗲牛肉麵，雖然個炒蛋係乾左啲，件多士都唔係好脆，都因為外賣嘅，但係見到呢個膠袋，原來比我有好多美好嘅回憶，咁我對敏華呢一間餐廳又多咗一份喜感！要讚一讚呢位設計師，用咗粵語流行曲你做包裝，好有創意，我鍾意！我愛廣東話！我愛粵語歌！我愛酥皮蛋撻，講完！下面玩下估歌遊戲先🤫🤫👏🏻👏🏻👍🏻👍🏻圖1）紅色跑車-太極樂隊圖2，3）終生美麗-鄭秀文圖4）風繼續吹-張國榮圖5）在水中央-林子祥圖6，7）激光中-羅文玩完啦！😂😂😂By the way 唔知呢一樣嘢使唔使拎版權嘅呢？😂😂😂😂