敏華冰廳 (置富第一城)

Open Now

Now Closed

叫個下午茶咸牛肉蛋三交冶，成個餐廳15個客都冇，望住張單16:57落Order 17:17分先有得食，仲要唔係有咩特別🙄趕時間真係唔好食呢間嘢！如果唔係會激L死🤗

諗住食茶記多D揀，去敏華試吓。因為叫外賣入到去就係櫃面，見到櫃面有張餐牌貼左出嚟睇下有咩食點知第嚟睇去都係豬扒蛋飯，雞扒蛋飯，豬扒蛋意，雞扒蛋意，鮮茄蛋牛意，鮮茄蛋牛飯及餐旦麵，腿旦麵，等另外當然有他們招牌的黯然銷魂飯。 睇完餐牌覺得點解咁少野選擇，就問櫃面姐姐佢地個個掛住傾計冇乜理我。問佢係咪只有餐牌上的食物， 她敷衍講咗聲係，我繼續睇餐牌，諗住叫個招牌飯午餐，睇下價錢黯然銷魂飯午餐跟飲品竟然要$71 元😱，十分貴，只是叉燒蛋飯加杯奶茶或咖啡竟然71蚊！最後決定唔跟餐只係叫個飯外賣，盒加一蚊要60蚊，都覺得頗貴，但諗下可能招牌好好食，所以都叫了。D飯ok,幾好食，D叉燒。。。食左一啖即刻想倒哂佢，未食過咁難食嘅叉燒，勁甜，勁多味精，勁難食。真的在此呼籲大家切勿幫襯！

今日同朋友一齊嚟到呢一間新開嘅敏華餐廳到食嘢， 咁我就叫咗個tea set佢係雙拼手三文治， 我朋友嗰個餐都已經嚟咗，我要等成差唔多半個鐘頭佢先嚟，而且我都有追問 waiters 但佢哋都係hea應我。 如果大家要試呢間嘅都要諗諗。Really disappointed.

首先在烈日當空嘅陽光底下，在冰室門口等15分鐘已經很不好受，繼而沒有人招呼你坐下，然後你三番四次去搵侍應去幫你去落單，員工很多但不是在招呼客人，非常失望。很不容易下了單，然後我呆坐在冰室內大約20分鐘還沒有任何嘢食，我開始懷疑自己究竟在等什麼？我去找員工問究竟我是否要等30分鐘才有任何嘢食呢？那個員工向我冷笑一下然後就走了。我在找另一個員工，他仍是沒有幫我跟進。大約30分鐘後終於有我點的食物送上來，我以為是什麼驚為天人的食物，竟然送咗一碟甜到入不了口的暗然銷魂飯，真是失望極了!希望我的意見，能幫助大家提升食物質素。

今日難得姊妹得閒又約咗一齊出嚟T1T,鬆一鬆兼避開辣身嘅太陽。見第一城開咗一間新嘅茶餐廳，於是約埋去試吓，下午茶時間去到門口，見有幾個人排隊，個心期望即刻提高，心諗應該好食所以咁吸引。等咗5分鐘便可以入座，下午茶時間，茶餐選擇不多，得嗰六種，唔係好啱，瞥見餐單角落紅色大字寫住「沙牛最強」，夠膽咁寫應該係撚手名菜，於是揀咗常餐潮式沙茶牛肉麵配腸仔滑蛋歐式多士，配左杯鴛鴦添。兩個家姐就點左勁薑豬膶牛肉米線同埋脆炸雞中翼。上菜速度非常快，沙茶牛肉有五六片，薄獻汁麵嘅份量偏少，女士還可以，男士就一定唔夠食，但以常餐價錢$57 ，價錢貴得來份量又細，心諗如果味道好都值嘅我，試片牛肉唔靭，但味道偏淡，沙茶冇香味只係少少辣味嗲，有啲失望，如果自稱沙茶最強，就真係名過其實，返屋企自己煮可能仲好食啲。滑蛋同腸仔就一般貨色，同大X X差唔多，餐飲鴛鴦有啲澀，而且個杯好細，似玩具杯，份量少，有啲搵笨。至於勁薑豬潤牛肉公仔麵，勁薑嗰陣味都覺得幾香，豬膶淥過咗少少，但未至於「鞋」，都有6分，牛肉就一般啦。最後係炸雞中翼，不過不失，味道同大X X快餐店差不多啲。整體而言，呢餐係貴夾唔飽，味道普通，論性價比就有啲失

今朝同屋企人去食早餐，去到唔使等位直接入得，坐低已經好熱，打算快d填肚就走，叫左三個早餐。首先黎既係兩碗麵食，火腿通粉+榨菜通粉，火腿通粉就算啦，榨菜真係好少。之後等配餐嘅煎蛋多士、另外一份餐：煎雙蛋火腿配多士，等咗20分鐘都未有結果食物質素都係一般般坐窗口位望到好多人排隊，但係餐廳根本就唔滿，完全係樓面職員分工問題。職員行得好慢，出餐又唔去攞，位又唔帶，見到杯凍檸茶喺水吧出咗好耐都冇人去攞，結果嚟到杯凍檸茶都唔凍餐廳環境好熱，睇下冷氣結果係開緊27.7度仲要門口長期開住，食完早餐都出晒汗😓😓😓總體而言食物質素同服務質素都係好一般，價錢又唔係太抵，咁嘅上菜速度真係唔會再嚟。🙄

沙田又開多間敏華茶餐廳啦！之前在馬鞍山開分店，現在又在沙田第一城落腳，每次去這裡吃也離不開就是要排隊！今日早了起身就去敏華醫肚，早餐同中午嘅價錢都差幾多，早餐時間去到中午12點大部分都是$38左右，但見午餐就去到$60左右。B5 忌廉雞湯火腿通心粉拼炒滑蛋及歐式軟多士 $38熱檸檬茶湯底係幾濃郁口感幼滑，喝到啖啖雞湯精華，炒蛋保持水準而估唔到就是件多士很鬆軟又香脆。B10 潮式沙茶牛肉公仔麵拼炒滑蛋及歐式軟多士 $43凍奶茶這裡招牌菜係沙茶牛每次來都會叫，濃濃沙茶醬配牛肉真的很夾，加埋凍奶茶真是絕配。