敏華冰廳 (瀝源廣場)

Open Now

Now Closed

市道唔好，兩餸飯大行其道，敏華都要參一腳，叫做變通求存。抱著一試的心態去看看，誰知咁就中伏.......食物：兩餸飯 -涼瓜牛肉拼蒸鲩魚。份量比較少，只有一般的兩餸飯店的6成至7成，可能對該區的長者來說剛好的。最失敗的是蒸魚，碎上的，從未見過，賣相完成的失敗。味道只是正常的水平。上訴無效，再無下次。環境：惟一可取之處，冇乜人，任揀位，冷氣夠，乾淨程度不錯。服務：茶記不能要求高，正常有回應，但食物問題沒有認真對待。

今日午餐去咗食敏華，平時都好中意食招牌黯然銷魂飯，啲叉燒好厚，雖然有時咁岩叉燒嗰日唔靚肉質比較嚡，好睇彩數，但係個太陽蛋好加分，用蛋漿嚟撈飯好正，忍唔住食晒成碗飯！ 今次叫咗常餐，揀咗滑蛋火腿～個多士烘到好脆，滑蛋好嫩滑～ 將啲滑蛋擺上多士度一齊食好好味，不過唔係幾鍾意食佢嘅腸仔，好多肥肉⋯所以今次選擇咗火腿因為怕肥，所以揀咗米粉，份量都比較少，叉燒今次好失望有啲乾！平時啲餐牌都唔會點轉都係嗰幾樣嘢，希望可以出多啲新嘢！

外賣下單1分鐘即刻做好，厲害訂了2份早餐，廚房一收到單已經ready，唔知係本身已經整定定係其他客人唔要俾我 在外賣平台搜尋附近餐廳, 由於平台顯示沒有外賣員所以改了自取。下單按了俾錢時顯示取貨地址先發現原來唔係附近分店，立即聯絡客服，客服表示打俾餐廳已經做好訂單不能取消。我再自己打去餐廳，餐廳話真係一收到order就出咗餐，由按付款到我打去餐廳前後不足3分鐘，真有效率。訂餐時顯示20分鐘才可自取，搞完一輪平台都仲顯示餐廳仍在準備訂單中😂 20分鐘去取，由於已經出餐19分鐘，所以炒蛋多士同煎蛋多士都凍哂。建議如果1分鐘出餐，自取時間可以寫5分鐘而不是20分鐘

9月26日，不用等待，當時店內只有6成滿。14:33 已完落單。總數兩個餐，1:特餐：超級雜扒餐（雞扒，豬扒，午餐肉，腸仔）+ 凍奶茶. 2: 蔥油雞扒撈出前一丁+熱華田。 超級集扒餐在menu上沒有註明是即叫即煎，及沒有任何提示會制作需時。最後等超過半小時，在第15分鐘，20分鐘，及30鐘時向不同職員查問過是否漏單。可每次都回答這個餐需即叫即煎，需要20分鐘。 沒有任何協助。而同檯的蔥油雞扒撈丁卻在下單後5分鐘內便已到。不明白，為何我個餐只多左一塊豬扒，腸仔，餐肉。便要等超過30分鐘才可以食用。職員態度不好，完全不想理會顧客。餐牌沒有任何提醒字句該套餐需時制作。食物水平跟普通茶記一樣。但人地只需10鐘時間制到上檯。 不建議堤時間的人去幫襯。

2點半想食茶記，選了普通雜扒飯，結果睇住隔離枱s入坐，落單，食完，走埋，個扒飯over半個鐘都未有。追左2次單都係罐頭答案，「要即煎需時」嗯，普通豬扒雞扒腸仔要煎半個鐘？！問都唔幫你問廚房，波都廢事踢…………………………………………………………..下午3點，見到有個廚師返黎，哦～明白了⋯廚師食飯就無人開火？！定係開句聲追單都懶9理……………………………………………………………（店唔多人架，3成滿）

同行一起下午茶， 餐廳唔算好多人，能靜靜地傾下偈......干炒牛肉意粉 + 凍O茶 $51好多牛肉，意粉炒得好乾身，不油...味道剛剛好黯然銷魂三文治 x 2 +凍杏霜 & 凍鴛鴦三文治餡叉燒太肥

3/7 到瀝源邨敏華冰廳用膳，點了早餐兩個B10，B5及B7，坐7號枱。。。。。對於當中幾碗選了濃香雞湯的通粉十分失望，淡而無味，不但沒有雞湯味甚至可說得上無味(見以下附件)。。。。。。。其他分店的雞湯絕對不會做到這個質素，廚房無人監督品質？或是覺得這質素也可給客人？當中一個B10餐轉了通粉，上菜時還上錯左了兩次。。。。。。而當天凍奶茶的味道亦與平日不同，連招牌凍奶茶也做不好，倍感失望。。。。。。。整體來說是一個很差的體驗。。。門外等位等了那麼久，換來竟然是那麼令人失望的一餐，無話可說。

買個外賣成肚火！今日第一次食敏華，買外賣，明明無咩人食，門口等左足足20分鐘，問佢拎餐果時有位白髮呀姐叫我比返單佢，話認單唔認人！(好唔耐煩嘅語氣)我：你都無比單我!白髮呀姐:下次記得問我拎單!聽完我O左嘴，單唔係應該你主動俾食客㗎咩？乜要食客主動問嫁？ 明明又冇乜人堂食，企咗門口20分鐘得我一個人叫外賣，仲以為你慳功夫連單據都唔使俾我，自己做漏野插返我轉頭，野食又唔係出色，又唔係平！服務唔需要好好，但未至於你個態度咁差先！尼間野我唔會再幫襯！幫襯隔離間大快活好過！

$23嘅原味凍鴛鴦，佢唔會加冰，但提議你嗌少甜，本人覺得偏甜😳 同埋如果唔飲開冰，唔使叫少冰嗰啲，佢本身都係冇冰㗎！個杯細杯咗，價錢都加咗$1，雖然真係沖得幾好飲，但係真係貴咗啲🥲 未必會再飲

十年都無寫食評，今次真係嬲到要寫。。。。之前嚮堅尼地城第一次食黯然銷魂飯，驚為天人，居然係買外賣，都好食到變左家燕媽，真係好食到爆哂燈，之後再試其他分店mikiki 同荷李活廣場都唔及得上，多數係唔夠半肥瘦。今晚打去瀝源店叫定過去攞，講明肥叉，因為通常咁講先半肥瘦，姐姐答，佢地無肥㗎，係半肥瘦，我話啱呀…總之千其唔好咁瘦，拎左返屋企，絕望。。。係又瘦又乾好難食囉…真係好嬲囉！

都唔係第一次嚟，之前嚟可能唔係繁忙時間，落單、上菜速度都可接受。今朝第一次嚟食早餐，落餐後等等等，沙牛通追了兩次單，啡走直情漏單，而啡走又點解會比杯加咗奶嘅咖啡？！收錢仲特別，首先樓面阿姐話比張單我地埋單用，擰出去埋單又唔啱，收錢個阿姐又唔識POS嘅操作，搞咗一陣先搞掂🤦🏼‍♀️今次嘅總結：好亂，眼見好幾枱都要追單或送錯餐。香港人去茶餐廳，首要「快」「準」，今日呢間餐廳係兩個基本標準都未做到。

是日外出用午膳，沙田的「敏華冰廳」的牆壁裝飾很特別，綠悠悠的草坪，是馬迷夢想的草皮（贏馬），我會聯想起「沙田馬場」，也可能設計者覺得沙田區的特色。餐牌的人氣港式咖喱套餐，有多款選擇，咖喱魚柳飯很合心意，咖喱汁有薯仔和少許洋葱，汁液沒有油面都不錯，魚柳外脆肉軟，碟頭飯份量頗多，可以兩人分享。我們還分享久遺了的，鹹牛肉烘烤三文治，鹹牛肉夾滑蛋吃很美味，祇是較油膩，幸好兩人分享，沒有咁重「罪惡感」😂人均消費$45。

近排愛上左食敏華，因為佢嗰凍鴛鴦真係做得好出色，不過記得同佢講少冰少甜，因為個人覺得佢哋啲飲品不嬲都偏甜嘅😝外賣嘅三文治或者西多士都做得好出色，如果下午茶可以一試😋不過真係要預返時間等候，普遍來講落咗單之後都要等25分鐘以上！

依家疫情嚴重咗，所以為咗避免成日出街，但又懶得自己煮，唯有叫外賣食😆咁就叫咗敏華嘅外賣，咁就叫咗一個三文治同埋一個雞扒飯🤣咁個三文治呢嘅入邊嘅火腿呢就煎得到啱啱好，咁蛋方面呢其實都唔係吵得特別老，但運送嘅過程中已經凍咗，因為離屋企遠🥲不過份量都幾足，但普通另外就係個雞扒飯，個雞扒都好大塊，幾好仲配埋啲姜蓉，姜戎撈飯簡直係正，個雞扒冇乜雪藏味，煎得啱啱好，可惜就係啲醬汁太少，所以撈唔晒成個飯，最後亦都冇食晒成個飯

敏華冰廳都開咗一段日子平日見其他分店早餐排曬長龍咁今日嚟沙田呢度見冇乜人咁就黎試下叫咗個忌廉雞湯火腿米粉配煎蛋多士$36凍檸茶少甜少冰+$3煎蛋多士先送到隻蛋幾大隻多士都好厚身，烘到脆脆地配上牛油，唔錯唔錯然後等一陣個米粉就黎咗咦～好似有啲細碗飲一啖湯⋯⋯有啲太鹹然後食幾啖成碗冇曬⋯⋯作為一位女士，食量唔算大竟然食唔飽呢一點就有少少失望最後係杯凍檸茶驚喜嘅係佢檸檬比咗就半隻茶味都有相對一啲連鎖冰室，佢杯嘢飲唔算好差而價錢上，喺沙田嚟講都算均價不過不失啦