敏華冰廳 (奧海城一期)

Open Now

Now Closed

食左個下午茶雞翼湯米粉配凍o茶,平時都飲開凍o茶,估唔到呢度凍o茶飲落好香 有D似奶茶 好香但真好飲 湯米粉也ok 下次再去食 現在仲有疫情 問店員拎外賣餐具食都好好會比 環境干净企理 光猛闊落 唔逼

今日探完朋友好肚餓，行過商場附近見到有間敏華冰室，上次旺角食嗰個咖咉多士唔好味，不過實在好肚餓，就俾多次機會佢。極肚餓嘅關係叫咗個沙茶牛肉麵，問侍應可唔可以轉出前一丁麵底，佢竟然答呢度係冇出前一丁，啲面係佢哋自己嘅，咁更加要試吓啦。跟餐有火腿炒蛋牛油多士，牛油係分開上，自己塗幾多就幾多，啱晒我。火腿有兩大片，加埋炒蛋同多士，已經有少少飽，感覺偏油。沙茶牛肉麵湯底勁濃，重口味人士啱晒！自家面底都幾彈牙，牛肉亦唔錯，可惜份量真係太少，整體來講味道幾好，為上一次挽回不少分數，牛肉調返去正常份量會更好。

從前茶餐廳通常都係地區小店, 做街坊生意; 但現在都開始被集團式壟斷, 就算逆市都可以開新舖! 究竟敏華點解咁犀利?我估其中一個原因係敏華掌握到現代人嘅心態: 相機食先! 佢嘅裝修用懷舊冰室同老香港作主題, 一來夠貼題, 二來絕對吸引打卡!要睇一間茶餐廳食物質素如何, 叫一個西多就睇得一清二楚。 敏華嘅西多中間冇餡, 但就標榜用荷蘭煉奶, 厚度適中 (因為港式西多唔係越原越好), 但佢就炸得比平常西多再鬆脆多啲, 啲邊有啲好似食油炸鬼嘅感覺, 幾得意! 當然最重要就係佢捉到大家「 相機食先」 嘅心理, 心形牛油! 而且嗰塊西多士擺到同個碟嘅logo 同一方向 (唔係嚟到先至放反正㗎) 超低成本但有心思, 咁咪捉到大家嘅喜好囉!鴛鴦做得幾好, 咖啡同茶嘅比例恰當, 茶膽亦都非常香濃, 質素十分高; 雖然個杯同個茶碟好精緻, 一邊印有敏華嘅logo, 另一邊就係黑白淡奶嘅logo, 但其實個杯好細, 有少少唔夠喉!唔知係咪新開舖嘅原因, 定係小人客, 服務非常好, 中正大部分茶餐廳嘅死穴!今時今日要成功, 茶餐廳都要搞啲花臣!

見到奧海城新開左一間敏華 所以就專登趁佢第一日開張去試試😁 本身想試試佢哋馳名嘅暗然銷魂飯 但點知好早就已經賣晒啦 唯有下次再試啦😅 所以最後揀咗常餐常餐 叫左沙嗲牛肉麵加炒蛋、雙腸、多士配一杯熱奶茶 -沙嗲牛肉麵味道幾濃郁🍜 但牛肉片略嫌有啲韌 炒蛋炒得好綿密真係好欣賞佢個炒蛋🍳 多士亦都暖暖地鬆軟可口🍞 成個常餐份量都幾大 整體味道都唔錯👍🏻-最後仲叫咗新鮮出爐嘅酥皮蛋撻 暖暖地溫度剛剛好 淡略嫌有少少太甜

最近在樓下開咗間新鋪，今日中午去試吓外賣，見到有個招牌飯叉蛋飯，於是就叫啦。落單嗰陣無講要等幾耐，咁就中咗伏啦!!! 落單時間是2:20pm，一直等......，到2:40pm，就問門口個哥哥，點知佢話通常都要等30至35分鐘，因為喱個飯係佢地嘅招牌飯，好出名架。我心唸去茶餐廳食個叉蛋飯姐，使唔使等咁耐呀。繼續等，等到近3:00pm，終於有啦。返到屋企一試，火都黎埋，D叉燒韌到咬唔開，去燒味鋪買25蛟條嗰D都好食過佢，仲有杯奶茶一般。永不錄用。