敏華冰廳 (衛星閣)

Open Now

Now Closed

朝頭早大約10:00三個人一齊去 總共136 少少多人 等咗1分鐘都冇就入咗去 出餐都算快 服務態度正常 榨菜肉絲湯米粉同五香肉丁米粉先到咗 兩個都幾好食 惹味五香肉丁米粉有少少辣榨菜肉絲湯米粉套餐仲有個包 搽牛油幾好食麵包隔離嘅腸仔一般好油膩極之推介公司三文治 真係好正！一碟有四份一個人早餐食完其實都飽咗朱古力棉花糖嘅棉花糖甜品嚟唔厭飲完之後個身即刻暖晒奶茶正常貨色加單咗個紅豆冰 正常貨色服務員應變能力高態度正常好平好抵食 推介

10月1號去咗太古敏華冰室， 因為當日有七折， 首先叫咗一個常餐 有叉燒通粉炒蛋火腿多士 跟住再嗌咗一個榨菜肉絲意配兩隻雞翼 最後嗌咗一個西多士， 常餐叉燒通粉，叉燒都算多， 通粉口感都算彈再配埋一個香滑炒蛋+香煎火腿， 都尚算滿足， 榨菜肉絲意配料都多， 個湯做得唔錯 沙薑雞髀夠大隻配埋個蔥油一齊食， 用嚟送飯都唔錯， 最後西多士， 上面有一塊心型牛油，都幾有誠意， 西多士入面仲有花生醬， 加埋煉奶或者蜜糖一齊食，都可以， 每人再配埋 一杯餐飲，飽而且全單仲有七折，可以一戰

敏華越做越差冇服務冇質素 ，叫咗一個占醬多，竟然只係畀咗一塊方包，一舊牛油同 一盒jam，咁多茶餐廳供應占酱多 從未有一間衰到好似呢間咁，千祈唔好幫襯敏華，怪不得越執越多！ 無心做好自己盤生意，就唔好再做， 簡直侮辱消費者嘅智慧。 叉燒飯叉燒質數好低，好多肥肉 連占醬多都可以整到咁劣質， 可以執咗佢。 茶餐廳係香港人嘅特色，遊客都慕名而嚟。食到呢啲咁劣質嘅食物簡直就係連累香港聲譽。 晚餐時段唔夠十個人，已經可以知道呢間餐廳可以唔使嚟！

本身勁愛胡椒豬肚雞！朋友食過評價唔差，諗住嚟食下，第一次食就已經係雞頸、雞髀頂骨，多肉嘅部分一件都無，我算，回去同朋友講時，朋友話之前佢响新界食果份係ok。好！俾多次機會佢！ 點知！仲離譜過上次，睇著好多嘢，但豬肚都無幾件、又係雞腳、雞翼尖、雞頸、雞脾頂骨🤬🤬🤬，忍唔住同職員投訴！$88蚊食雞骨！之後補咗幾件肉俾我！但係都無下次😡😡😡😡

今早。。8:16分收咗外賣係門口等。。等到前面個男士追。。當時已8:25分問點攪攪咁耐。。我再追。。小姐我都趕時間。。就遲到啦。。當時個櫃枱的人叫其中一位去做包外賣。。但這個人完全無理不停出食物比堂食的客。。我前面2位等外賣的入去吧枱睇住位亞姐包自己的。。到我時。。亞姐話等外賣出去等。。我立即話無人想係到等。。我等超過20分鐘都等唔到先入嚟。。亞姐就話下次叫外賣就問下有無人做。。勁嬲。。我答如果你哋做唔到，就唔應該接外賣單。。你接得就即係做。。勁差

敏華以前一開始都仲好食嘅，但係越做越差，依家啲食物好難食。👎🏻🤬我已經試過佢好多唔同類型嘅嘢食，例如牛麵、火腿通粉，好多早餐、午餐、常餐啲質素都唔好。當中最差嘅就係牛麵。啲沙嗲牛肉湯好難飲，唔知點解係甜嘅，但係就唔係辣嘅😒，然後啲麪質又唔係特別好，極唔推介沙嗲牛麵。👎🏻👎🏻仲有一個問題就係嘢飲，啲嘢飲都係唔好飲。我明明嗌咗凍檸茶少甜少冰，啲冰就多到瀉晒出嚟，跟住杯嘢就甜到連阿媽都唔認得😾。除咗嘢食問題之外，啲阿姐啲服務態度都好差。成鬼日咁暴躁，又冇禮貌，又心急，呢一方面亦極宜改善🤬。其實最主要問題係敏華啲嘢食選擇太少，又唔好食，所以點解我好耐冇再幫襯佢。尤其是遊客，唔值得去試。

原本打算買叉燒通粉俾小朋友食點知嚟咗個五香肉丁公仔麵小朋友點樣食呀😡叫杯凍鴛鴦又嚟咗杯凍奶茶😡唔該你哋啲管理層見到就檢討吓啦☹️外賣食品等超過45分鐘，飲品又比錯，食品又比錯。唔想做顧客外賣單不如唔好做外賣，永遠唔會做光顧。12:12分落單到13:00先有得拎，係唔係真係咁難整呀，（煎蛋免治牛肉飯）都係煎隻蛋再擺飯同肉醬落個外賣盒度啫，真係需要九個字時間，仲要好記得落order同事有覆單但最終食品都係錯漏百出！

咁啱去開太古城中心做嘢就同同事一齊食晏但因為唔想食商場嘅嘢諗住搵間冰室就出咗去食敏華天氣太熱只係出去行5分鐘嘅路都已經濕晒我哋大概2:00出嚟唔使等位，直接入我叫咗個常餐沙茶牛肉配公仔麵牛肉都算多 有成五至六塊公仔麵啱啱好 唔會太淋常餐仲配咗香腸炒滑蛋炒滑蛋，都算唔錯香腸就正常唔要香腸，可以轉火腿多士烘考得幾好外脆內軟 仲跟咗粒牛油我呢個常餐出得好快同事叫咗豬扒煎蛋飯我差唔多食完佢先到但同事都話唔錯，幾好食

夜晚大概七點去到買外賣 店內都只係零星幾台客 嗌咗個古法燜鴨套餐外賣 結果俾咗錢先同我講要等半個鐘要等咁耐難道不應該提早出聲？？好喇 半個鐘我咪坐低等下囉跟住不停聽到廚房內男男女女又講又笑 都唔知係咪做緊野 個侍應只係識得敷衍我 呢個燜嘅要等耐啲 我等呀等呀等 不停催促下 都要等足一個鐘先有得拎食茶餐廳本身就係貪佢快 呢啲要整成個鐘嘅菜就咪鬼賣喇 返到屋企打開個餐 份鴨就熱辣辣 但係個白飯又凍又硬 整體黎講就係不知所謂 劣評！一定唔會有下次

初開裝，食物和服務都很好！但疫情過後，餐廳食物就好像跟疫情一樣，消失殆盡；也從堂食點餐改用QR 掃描落單之後，員工也好像一樣不願招呼、不願郁；只叫你自己掃描落單，這也沒問題，不境時代已進步中；但食物不但沒有進行，返而比街邊食物還要差！鷄扒飯的雞扒全燶黑、煎蛋也燶黑；喑然銷魂飯，果然名不虛傳，义燒喑然失色，又韌又燶；請問廚房的女廚，她見到食物這樣，她還可以送給客人的，她只是應酬式，還是根本不會入廚，求其找些人煎好、弄熟便給人客吃，食物弄好也不好好看一下便給客人吃，還做什麼餐廳，乾脆做街邊快餐，一定沒投訴！這樣的價錢，有這樣的服務態度和這樣的食物質素，還能期望生意興隆！😪😪😪

等位好耐冇人理，自己找到位佢又罵义你，話呢樣個樣，跟往又話兩人一定要坐一邊，终於都係決定走人。其實每次都咁差，如果不是老爸想吃，跟本唔會來。平時坐低order嘢，10次有10次漏呢樣個樣

待應服務態度好差真係完全唔掂。如果真係要去食真係要諗清楚或者去其他分店。入去裡面人流唔多，話說我想落order叫野食。而家要用網上落單叫嘢食，但今日上網落單load來load去都load唔到，結果我彈出彈入攪咗5分鐘都入唔到去叫唔到嘢食。心諗不如放棄叫待應用人手落單。結果待應話叫我繼續用網上落單我話就係上網落唔到單先叫你哋人手落單。我比埋畫面佢睇真係load唔到，待應話無可能叫我繼續試，咁麻煩用人手落張單都唔肯。結果我哋無食就出咗門口。待應咁既服務態度真係唔掂

週日晚餐廳內唔多人，全店一半枱冇人坐。但我叫外賣卻等了44分鐘，只係一個雞翼米粉啫，要整咁耐？堂食遲過我嘅都有得食。唔只我一個，週圍等外賣嘅客都好不滿，催咗好多次，仲入埋廚房追。

嚟到太古搵食，好耐未入過敏華冰室，就睇吓保唔保持到水準，我們叫咗兩個餐，分別黯然三文治，蛋牛治配咖啡奶茶，味道一般無特別，食完再加點蛋撻，呢個唔係好得，接近難食對呢間冰室有點失望感。

去咗康怡廣場果間，個男待應超差，態度照差😡 轉頭重要同其他同事講我客照鬧，好似好得戚咁😡再叫佢佢話聴唔到見唔到，叫到成間餐廳都聽到佢扮聽唔到睇唔見，望都唔望，但係跟著好得戚咁望吓你行咗去😡離晒大譜🤬 第一次嚟食以後都唔會去敏華！！！🤬🤬🤬🤬🤬🤬