敏華冰廳 (衛星閣)

Open Now

Now Closed

我喺太古城附近做sales 本人食飯得一個鐘頭 諗住文華冰廳開張時來試咗 當時無論出餐亂服務一般 可諒解 但我今日再一次過嚟，諗再試下， 喺門口排隊 差不多等半個鐘都未入座 我前面本身得4個人排隊 但是你入面有好多 吉枱都吾入客人 個男經理(新型特瘦 )騰來騰去好似遊魂咁唔知做緊乜嘢 '又吾幫手清下D吉枱，跟住佢行出嚟帶位語氣好差 板起塊面 好似黑面神咁 即走人 再好食都唔會過嚟幫襯

第一次食係前一晚，落單已經慢慢講都上錯嘢食，以冰室嚟講上菜速度都算慢，等大約20-25分鐘先嚟齊哂。。。 因為搭枱嘅關係，某個waitress懶得行多少少而連續3次喺我張枱上菜俾隔離枱，連隔離枱都realize到佢嘅問題而同我講唔好意思，但個waitress一啲唔好意思都冇。第二次食係早餐，比夜晚多啲人排隊，9:08am落單，上咗份toast加炒蛋同drink，牛肉公仔麵遲遲都未上，第1次問個女in charge，等咗10分鐘，中間都見到佢哋有出同樣嘅公仔麵俾其他客，第2次係問侍應，“哦”咗一吓唔似有follow up，第3次問另1個男in charge，佢直頭冇俾任何reaction，直接擰轉頭大聲嗌追廚房出，同個女in charge一樣，結果9:52am先上到碗沙茶牛肉公仔麵。我唔expect一間連鎖冰室嘅operation可以亂到咁，同埋咁唔識變通。香港大把呢類型嘅冰室，唔值得為咗佢而排隊。

雖然好多空檯，但侍應寧願狂抹同一張空檯都唔安排喺外面人龍入坐。明明有其他侍應，但不斷喺後場騰來騰去遊花園咁，都扮睇唔到出面嘅人，唔行出前門去帶位，似係餐廳有心製造人龍。最基本五香肉丁麵嘅肉丁硬到頂胃，本身好五香肉丁汁 (辣油) ，直頭係食緊肉丁同加淨麵嘅感覺。酥皮蛋撻似係「林」左嘅餅皮多過似酥皮，未食過咁難食嘅酥皮蛋撻。餐具多污跡，地下多垃圾。總之就係唔知自己食緊乜，水準低劣過一般冰室嘅垃圾餐室。唔駛排都唔會再食。

文華冰室開左一排但都無去試，因為成日見到好多人，今日假期三點鐘，諗住去試下。一睇Manual好開心，因為好多野食，大人細佬各取其需，我自已叫做個最basic 既五香肉丁公仔麵，茶走。小朋友叫左個黯然銷魂飯，一食個公仔麵，我覺得都幾唔得，唔知點解個公仔麵又太“林”，同個五香肉丁又唔夾，Treats個度嗰個好食好多，茶走都非常一般，唔難飲，但唔會好想再黎飲，黯然銷魂飯都係Treats嗰個好未好多，呢度d义燒好肥又好多燶，同無咩味。所以整體黎講，可以黎可以唔黎。

第一次食喺太古居民附近的文華冰室，中午的時間來，大約12:30pm到，已經要排頗長的隊了，等了大概20分鐘，4-5張枱左右先可以入座。叫了一碗豬潤牛肉米，亦是店裡推介的食物，大概5分鐘左右就上枱了。湯的味道適中，不會太淡或太濃，亦很夠薑味，非常好飲！粉吸收哂湯的精華，好好吃豬潤煮的時間剛剛好，豬潤是熟透的，卻不會煮得太老或者太鞋，口感很好。牛肉則比較普通，但也頗滑和淋，沒有筋。整體來說也是很好味，下次會再來，不過會揀些不用排隊太久的時間吧

長期都排隊的文華冰廳真的有原因，上次來了食早餐，今天又來吃下午茶餐。我們點了一個T7 下午茶餐，及一個濃湯豬潤米粉。炒蛋牛油厚多士很美味，炒蛋很滑，多士香口，五香肉丁麵麵質爽口，而豬潤米粉湯底夠濃，豬潤亦鮮味，整體來說很不錯呢！

平日 lunch time 經過，永遠都見到條超長龍，起碼二三十人排隊. 可能要排半粒鐘.今早一個人食早餐, 見有位就入去啦. 我叫既都係一般早餐. 火腿通煎雙蛋+熱奶茶. 火腿通最出色係個湯底, 有雞湯香味. 比一般茶餐廳好好多.  但個煎蛋就失敗, 原本煎到金黃色&脆邊應該好正. 但一食落去有炸魚味....應該係用炸過魚既油來煎蛋. 錯曬!!!!  熱奶茶正常. 食完已經又排曬隊. 唔係個煎蛋衰左. 呢間野的當幾好既. 可惜!!!

經過呢間餐廳幾次，但每次都見有人等位，無諗到今日禮拜居然門口無人。一於入去試試，好可惜第一次比我感覺就像門口及餐廳裡面感覺一樣。都是冷冷的！等了5-6分鐘左右，期待會令我提振的公仔麵擺在我面前，第一時間拿起隻义食，無諗到碗麵係和暖，當堂胃口大減！接下來又係一杯和暖嘅奶茶而最令我不滿的就是那份炒旦多士，個侍應一聲不響的掉下就走多士差啲就跌落枱上，我睇一下馬上想到要影返張沙龍！我唔明點解牛油會放在多士下面，炒旦又好似擺完展覽咁，雖然見到有汁但又已經風干咗，再試埋件牛油厚多士可以總結！果然係冷冰冰廳！！食物冷冰冰，侍應冷冰冰！二個字講曬！！乃嘢！！

鰂魚涌番新工，中午行去太古食「文華」。依間「文華」並唔係商場裡面，佢係係民居附近。諗住中午12點應該唔洗等啦，但商業區果然係商業區，已經爆晒，等咗6、7張枱。當日，好彩等既位置唔係露天，有野檔檔個太陽，如果唔係會熱到癲！朋友叫咗黯然銷魂飯 + 菠蘿冰 (唔記得影相) VERY GOOD 首先，最頂個隻荷包蛋，一吉，裡面啲蛋黃即刻爆流出黎。跟著，啲叉燒係半肥瘦， 部分外邊有黑色燒燶位，食得出有好多蜜糖，正！常餐 A4 濃湯豬膶牛肉米粉 拼 炒蛋牛油厚多士（飲 熱咖啡）雖然看似有好多油，但唔緊要，飲落去好濃既薑味，味道幾好！

太古城區茶餐廳不多, 文華冰廳最近在這裏開業。 雖然其位置不在商場內, 但見其門外經常大排長龍。 排隊的地方沒有冷氣, 在這天氣下來說也頗辛苦。 今早與家人路過見有位子, 便走去試一試其早餐質素如何。店內環境算整潔。 店員服務態度也可以。價格方面也合理。 我和家人點了熱奶茶, 也分別選擇了:送來的食物外觀雖然普通, 但炒蛋炒得香, 也算滑。 煎蛋同樣煎得香, 火腿亦香口。 厚多士果然厚, 好像人家兩片的厚度, 已烘, 還脆脆的 奶茶是可以的, 一般水準。 但值得讚的是所有食物均是熱呼呼的送上。

食物是可以的 ， 但三次不快經驗已是容忍極限：1. 晚上八時半左右入座，看餐牌看了不夠30秒， 已被紮辮染髮女侍應催，話last order 十點！ 什麼態度? 什麼邏輯？2. 侍應生抹檯很馬虎， 塊布應該勁唔衛生，抹完檯面一腥臭味！3. 今天已外面有長龍，我剛經過有位男士應大叫有冇一位，見冇人反應，我於是進入餐廳找那單丁位坐下， 點知又有位阿姐喝我要我出去排隊， 我問男侍應他也示意我坐｡ 點知阿姐好唔可以踢咗張凳一下行開， 結果我也離開了。 客人是有尊嚴的，祝你生意興隆！

繼上次試過早餐，無幾耐之後下午茶時間又心郁黎呢度試蛋撻當然仲有試其他野啦！咖央多士 $14新鮮哄起，好食，加上有咁大塊牛油好難唔好食落單時有問我要唔要茶餐，都係差不多價錢，我話唔使，其實絕對唔係差不多價錢，茶餐咖央多士連飲品係$27!! 差一蚊可以叫多份啦大佬😂😂我覺得定價有少少唔合理。酥皮蛋撻 $13(2個)本身鍾意食曲奇皮蛋撻，呢度得酥皮，但佢個酥皮整得唔錯，鬆脆得黎唔會太散，唔會食到成咀成枱都係，推介仲有叫左個常餐唔記得影相，濃湯豬潤牛肉米粉，有驚喜湯底有d薑粒，豬潤煮得岩岩好，熟哂又一d都唔老，正，今次d牛肉幾好，比上次沙茶牛肉d肉好唔同，我覺得新鮮d，下次會為呢個米粉再反黎！最後偷影人地叫既葱油豬排飯😂好大塊煎得好靚好吸引，想試

知道太古最近開左文華冰廳，其實一直都未食過，包括其他分店，機緣巧合下去左食早餐！廢話少說，入正題。叫左一個沙茶牛肉公仔麵配炒蛋多士，熱茶走。沙茶牛肉正正常常，牛肉肉質就一般。同埋可能我個人鍾意沙嗲味多d😅茶走不錯，夠茶味，鍊奶自己加。炒蛋就麻麻，不是近年興的炒滑蛋，份量夠。多士有烘過，微熱，入口微脆內軟，幾好。本來仲想試蛋撻，見佢話新鮮出爐，又差不多每枱既人都有叫，心郁，不過飽飽地，下次比多個機會佢

今次第二次惠顧午餐，分別和第一次差別非常大!難道呢間餐廳只有常餐才可保持到餐廳嘅質素??? 今日一行三人，食了叉燒燒魂飯，豬扒蛋飯，同埋雜扒飯。 三碟飯都係非常之失望! 叉燒蛋飯個汁好鹹，多汁到好似食‘‘滑蛋叉燒飯咁‘‘。煎蛋飯豬扒好油膩，因為個蛋係令立立，好多豉油，同埋用熟油打‘‘顯‘‘。雜扒飯，不過不失，同樣都係多汁多油， 熟唔熟蛋都已經唔重要，因為都係冇跟指示做，2碟飯熟蛋都不是熟蛋，難道每茶餐廳都有不同定義??之前，來過食常餐覺得非常之有質素，所以今日特登帶兩個朋友來食，但失望!

好多人覺得食茶記唔要求有咩服務，但今次確實太過份。我地一家三口諗住食個下午茶，以為咁好彩唔駛等位，而我地小朋友已經係識行識走自己坐一個位。點不知入到去，班伙記係都要我地坐張夾係中間既二人位，係，你無睇錯，要三個人坐二人位！當日仲要唔算係繁忙時間，門外無人等位，餐廳入面亦無坐滿。點解班侍應係都要逼一家三口坐二人位？蝦小朋友？簡直離哂大譜！奉勸各位有小朋友既，唔好去呢間茶記，佢地梗係覺得細路仔唔會自己叫個餐，所以不會把佢地當人看。