敏華冰廳 (+WOO嘉湖)

Open Now

Now Closed

幾年前喺葵芳嗰間食過話係啱啱出爐嘅，酥皮係層次分明而且有蛋香。 呢間都係頭先響鐘有新鮮蛋撻出爐，但如圖見到蛋撻底酥皮根本未得，仲係透明，而且酥皮未見到分層，亦沒有蛋香味，差

我同屋企人食晚餐之前未食過敏華，諗住試下，點知就中左伏。入去前樓面力sell 煲仔餸諗住試下，個煲好大但餸得一半，汁又少比個火爐我煲住轉頭就乾，雞件骨位多又少，唔多掂。另一個扒餐正正常常，唯一優點係熱辣辣，係蒜蓉汁淡左少少。

這間冰廳服務水平實在不錯，我是經常的座上客，亦發現有其他的經常顧客。在午餐或晚餐時段，特別是假期時，經常滿座，需要搭枱。不過其衛生設備不俗，設有頗闊大的活動間版，令顧客食得有安全感。員工服務態度相當不錯，有禮貌，點菜時需要更改她們會照辦。不過當顧客多時，就有顯示出不夠員工的感覺，需要等候久些！食物品質與烹調水準以冰廳來說算是頗高，味道可口，而且價錢亦算合理！不過亦有待改善的地方：就是顧客再多，也不要忘記主動給每位客人一杯水。

星期日假期嘅午市1點幾入座，餐廳內唔算多人，大約有一半座位有坐食客，所以並唔算繁忙的。我同朋友2位一齊坐低掃QR code落單，叫咗兩客碟頭飯（免治牛肉飯&蔥油豬扒雙蛋飯），免治牛肉飯同咖啡5分鐘就上咗。之後等咗好耐，朋友食完都未上另一個蔥油豬扒飯，所以問煮咗未，職員問完廚房隔十分鐘就上咗，但又少咗兩隻蛋，所以職員又取走返個餐，隔一陣又問我哋係咪雜扒飯，咩料呀。。😂最後總共用咗差唔多半個鐘先上到個飯，煎蛋唔錯，但啲飯有啲硬曾經食過敏華嘅叉燒飯覺得好食，所以間中都會幫襯下，但可惜品質越嚟越差，有一次店內食飯順便叫多個蛋撻，一食竟然係餿嘅，唔貴所以唔食隻撻埋單走就算，再有埋今次嘅經歷，唔再幫襯啦

今晚叫咗呢間外賣咖哩四寶飯，我冇叫走汁但會自動走汁！送到嚟係1⃣️份乾淨淨嘅四寶飯真係唔知點乾哽！呢間敏華嘉湖分店真係要留意吓！我上次叫常餐又係比漏多士只跟一舊牛油！估唔到今次仲要乾哽真係唔會再叫呢間外賣囉！

已經知呢間嘢冇乜嘢食,入去食嗰個咖哩雜菜飯,咖哩分開上,點知啲雜菜係超凍,好明顯係就咁解凍就即刻拎出嚟畀啲客食,簡直離曬譜,價錢係$58,咁嘅食物收咁嘅價錢,應該唔會再幫襯.

晚上八點度，去食個簡單晚餐，就行咗去天水圍嘉湖銀座二期嘅敏華餐廳；入到去都見到冇乜客人，服務員都喺度開始做緊清潔，準備收工，問下原來收9點半，都仲有成個鐘，而服務員嘅服務態度都好好！但係餐牌上面所有叉燒都已經售罄，亦都唔係淨返好多嘢可以揀！做乜預貨遇到咁盡，唔通諗住冇乜生意！咁就求其叫咗兩個佢喺出面所謂嘅招牌菜呀，即味噌牛雜飯和香菇滷肉飯！點知呢啲明明就咁放預製餸上出嘅飯，都要等咗半個鐘，成九點鐘先有得食，啲餸仲係勁少，真係啲汁都唔夠撈飯，又冇乜肉；感覺係比人搵笨才！而仲有幾檯客入嚟，但係有啲見到冇乜嘢，所以走人；其實諗住做到八點，咁就不如以後改收八點鐘囉！入到嚟乜都冇得食，而木整出嚟又好似餸頭餸尾咁樣！永不再幫襯！

嬲嬲地～從未打過食評 ～ 未食過咁難食叉燒飯佢個黯然銷魂飯～ 叉燒好韌又硬～ 咁概質素仲衰過平價叉燒飯 ～ 仲衰過食擦膠～ 佢d 叉燒根本咬唔入～ 離晒大譜 ，～ 食到一肚火😡😡😡～ 永不錄用

食常餐既餐廳表表者，不得不提敏華，呢一個真係常餐既王牌。首先佢個Set係有一塊多士，多士係烤過，所以塊多士係好脆口，配埋牛油就係重重既香滑口感。另外仲有火腿，一般常餐火腿都係沒有什麼味道，但係呢度既火腿既咸味係提升左，但又唔會太咸，而且係較一般的厚切DD。仲有炒蛋，炒蛋都好高質，好滑口又唔會炒到碎哂咁，而且都好夠味道。最後仲有個沙爹牛肉公仔麵，味道好燶，公仔麵麵質好彈牙，仲有牛肉份量多，一個字，正！

一個諸事不順的早餐！- 在餐廳手機訊號一點問題（CSL), 搞好耐都落不了！ 最後伙計落單- 問店內WIFI, 只有“有”, 就走人- 落單後送餐還可！- 最後用中移就可以用手機落單- 之後在手機order既食物遲遲未到- 同店員話有order 未到, 店員火速補上- 但數量不對, 店員同我講手機落既單要說明 -_-”- 手機落既單, POS查不到！？- 無言簡簡單單既一個早餐, 都要找店員幾次, 自助落單不會抗拒, 但一波三折真係有夠黑仔！