敏華冰廳 (新都城中心)

Open Now

Now Closed

見尼間有唔少人寫負評，就係尼度分享個人既用餐體驗（絕對中肯，冇擦鞋）果日係禮拜日，約左個男性朋友黎食，出面等左一陣就入得去，自助點餐係幾方便，有d野食遲黎都有問一問個伙記，個伙記都幾有禮貌答既，d野食都ok，味道唔錯茶記水準。尼間分店我第一次食，尼個就係我既個人體驗。

星期日下午5:00想食件多士飲杯茶，唔係好過分啫？入到去坐低，自助落單，系統顯示好多食物都賣晒，所有三文治、多士類嘅食物都賣晒，得返啲粉飯麵同雪藏煎炸嘢。坐低咗費事走，勉強揀咗個雞翼薯條，我從來未見過咁「凋零」嘅薯條，價錢唔係平，咁樣幾條薯片都俾得落手，真係唔怪之得你咁「好」生意。呢間餐廳我睇住佢開業，當時啲嘢食都幾有特色幾好食，做到近年越嚟越差，唔明同樣係太興集團，出品QC差咁遠？其實唔想做嘅不如執咗佢，讓返個舖位出嚟俾其他餐廳經營，俾個機會啲街坊食返正常嘢。

垃圾中嘅垃圾叫佢快啲出餐彩你都硬膠職員行行企企唔怪之得香港餐廳一間一間執笠唔優做都唔係咁嘅服務態度啦如果想貼錢買難受就食呢一間其他分店我唔夠膽評論但係呢一間完全唔值得食

大年初二落樓下揾早餐食老婆話好耐無食敏華想食下呢間分店一早已經blacklist咗因為漏單錯單呢度好基本侍應唔會主動斟水有時自己行去斟但出面幾個熱水壺都無水有時落咗煎蛋但嚟咗炒蛋個侍應仲會屈你係落咗炒蛋總之一言難盡罄竹難書要幾衰有幾衰但老婆話食咪下食囉總之入得去就預咗受氣唔好當自己係客

1.有位唔比客人入去坐, 雖然早餐時段係最繁忙, 都唔可求其2.已經自動點餐, 有3個伙計, 都非常混亂, 負責管理主管都唔係好理3.裡面負責煮蛋員工無跟單出, 追問仲比說話你聽4.未食完就趕住收客人的食物基本上個個員工的質素都需要改善

今日食咗間店嘅沙茶牛肉公仔麵，真係有種意想不到嘅驚喜感覺嚟。嗰份牛肉嘅質地咬落去好滑，味道正宗，混合埋沙茶醬那啲帶甜哋嘅香氣，襯得啱啱好。公仔麵嘅彈性就似剛剛完美跳出水面咁，嗌麻麻哋！再嚟就係個牛油多士，啱啱好嘅焦香味嚟，脆卜卜口感，內裏嘅麵包就又軟又香，搽上嗰層牛油嘅話，簡直係一絕！話晒，一杯熱辣辣嘅奶茶，滋味足，幾霸氣，完全係撫慰我嗰天倦怠心靈既靈丹妙藥。但我要重點讚下嗰滑蛋，真係做到外圍微微金黃，入口即溶，香滑得流晒出黎咁，同旁邊嘅腸仔一齊食，攪和埋一陣「布拉佐」（爆笑）嘅味道，好正！唯一唔掂可能就係要排少少隊啦，但都值得啦。呢家店嘅自助點餐系統仲好方便，用得好得意得嚟，再加上間店嗰種懷舊嘅氣氛，令我有種走進時光隧道嘅錯覺。總括來講，我嘅味蕾已經完全被征服，再嚟食嘅機會，絕對有！🍜🥢📱

入到去呢間餐廳，正一個餓得屙屎都無嘅對下，眼前一亮：「黯然銷魂飯」字眼勁過電影橋段。手指嗌嗲仲快過腦袋，一撳就選中呢碟。叉燒？真係肥而唔膩，又甜又香，煎雙黃蛋花邊啱啱好脆，蛋白得嚟彈牙。每粒飯嚟個抱團又唔會黐得死實，配埋茶味夠哂kick嘅檸檬茶，飲盡一口還真通靈。黃昏，心諗搵塊嘢墊下肚，跌咁撞入「超級什扒飯」，手手搞掂自助點餐，埋單執位。食物嚟得慢唏哩嘩啦，但都值得等。每塊扒嚟都出晒力，各有千秋。豬扒煎得外硬內嫩，雞扒滋味滿滿，腸仔又唔係一般嘅彈牙，餐肉更係油光發亮。整塊嘢企埋一齊，真係得其𠵱！接過嘉惠，填滿心靈。😋🍛🍽 食完之後，個肚感到一份屬於香港嘅溫暖。呢度嘅食物簡單不過，但係就係得味。無論你幾忙都好，試下放慢節奏，嚟場味覺嘅旅行，保證叉燒帶你飛🛫。咁濟民嘅好去處，確實係會令人一試難忘。

午飯時間點了一份沙茶牛面 炒蛋多士，炒蛋等左好耐都未黎，問左兩次職員都敷衍了事，完全無幫我跟，到最後忍無可忍再問先話漏左單，結果等了45分鐘先有。另外，店內環境非常嘈吵，仲有兩位女職員鬧交，場面十分惡劣。

黎到將軍澳新都城行下就再搵野食，不過想食既都滿了就是但揀了簡單又可以食快d又唔算貴既餐廳食啦，敏華。因為晚餐所以點了雜扒意粉，羅宋湯，凍檸檬茶。雜扒有雞同豬，腸。味道就沒咩特別，不過不失，呢款腸就有少少脆口個種。意粉份量都算正常唔算少既。羅宋湯，正常味道沒特別。凍檸檬茶，普遍既茶記味道。環境方面都算寬敞而且咁岩又唔算多人所以都唔會好嘈吵。呢個餐80幾蚊係夜晚黎講其實就算普遍價錢吧，不過質素平平，自己去敏華通常都係lunch tea時間食常餐多。

喺門口排隊,但裏面大把位冇人執,跟住問樓面有冇位,面黑冇反應,我都冇埋反應..同佢母公司太興一樣,久唔久先幫襯一次,完全冇改善.未食已經畀零分.坐咗幾分鐘見到隔離枱追一個等咗30分鐘嘅意粉,又係面部零反應....

5 點鐘，下午茶同晚飯時間之間路過見裏面水靜鵝飛，肚開始有點餓、唔理咁多一於坐低睇吓有乜嘢食先。超級什扒飯敏華走嘅係純自助落單，個系統都算簡單易用，八達通付款自助落單後待應主動走過來禮貌地話落單後先煮要耐心等候一會，無所謂啦，又唔係趕時間。大約後25分鐘碟飯終於上枱，有豬扒、雞扒、腸仔同餐肉各一件、明顯即點即煎、肉嘅份量足， 豬扒同雞扒入口正正常常，唔會話俾啲鬆肉粉”乸”到滑潺潺果種，主食絲苗大米飯又係熱辣辣、粒粒分明有咬口，係我喜歡嘅口感。成碟飯明顯地落單即煮，加分！其實要等吓又如何？最緊要啱食好味道，要挑剔的話啲蔥油麻麻哋、個樣好似隔咗夜同油咗啲，好彩放咗喺碟邊可以撥走佢。。。綜合嚟講敏華雖然係一間連鎖餐廳，不過出品一直可以保持到水準，足見老板們用心經營，雖然啲伙記睇得出係呢幾年越來越小，因為要縮住皮嚟做，呢個明顯係香港嘅結構性問題，好似呢碟飯只係賣 $58 ，競爭激烈、生意難做，希望大家要用同理心看待同理解，如果唔係只會被怨氣纏身！

昨天早上如常叫咗沙嗲牛公仔麵多士早餐，多士送上枱時職員稱沒有牛油…. 提議用煉奶代替。頓時感到失望，如果早知沒有牛油，我可另作其他選擇。其後，亦見到有好幾個堂食顧客走到職員面前問她要牛油，當得知沒有，其中一個也表示沒有牛油點食多士！職員也擺出一副怨懟的面孔說「我也是受害者，要逐一向顧客交代」。其實在這之前，我在這家食店也有類似經歷，曾經早餐沒有多士，因為麵包缺貨，下午茶沒有檸檬茶，因為檸檬缺貨。這些都令人十分沮喪，這家食店欠缺一種盡力保持自家食物質素精神，食材頻頻缺貨也反映了管理不善之弊。

人手嚴重不足，得二個樓面。雖然自助落單，出食物慢，外賣又慢。催促呀姐，只係話人多慢慢等，厨房出吾切，但見枱面好多食物，又堂食又外賣，跟本係人手問題。希望有所改善。

6月15日約七點去叫外賣，下單沒問題，但是收錢就好亂，伙記say sorry 幾次，只好耐心等候，等了又等。終於請來大家姐，可是找不到之前已下的單，只好重覆一次所要外賣即2個飯，2杯飲品，終於可以付款，但已經用了差不多十分鐘。過了十幾分鐘，去取外賣，見不到有外賣在枱面，接著聽到叫我之前號碼，那就站在店門外等，見到一位女士叫外賣叉燒蛋飯。又過了幾分鐘，那女士的外賣出來了。問題來了，那女士剛叫不久，她的外賣都出來了，我的外賣是否漏單？（我叫的其中一樣係正是叉燒蛋飯）我問伙記，他答外賣已出，轉頭又話未出因為廚房剛完成其中一個飯，他並沒有認真去找客人外賣的情況，基本係亂答一通。到我可以取外賣已經又10分鐘之後。一個等超過30分鐘的外賣，絕對不會再去幫襯。

相信大家對於敏華冰廳，呢個名都唔會陌生，因為佢都係非常之有歷史嘅港式茶餐廳，記得有一次同屋企人去食個快的晚餐，我們點了薑蔥豬扒飯，一試難忘！🤤🤤🤤因為個飯一嚟到，我只係見到大大塊的豬扒，而且非常厚身，再配上香蔥，整個飯都是非常香，而且非常令人開胃❤️❤️話明傳統茶餐廳，佢杯奶茶一定係非常重要，他都能夠保持一貫質素，無論係咖啡定係奶茶，都有非常嘅茶香味或者咖啡味✅✅✅最後環境方面，這間敏華餐廳都是環境闊落，而且有很多卡位，兩人撐枱腳，或者一家人來吃都完全沒有問題😄😄