敏華冰廳 (The LOHAS康城)

Open Now

Now Closed

今日路過康城，係下午茶時間試一試依間既沙嗲牛肉麵。 今日客人大約坐滿一半左右，店員已經好似亂哂籠，周圍既客人都係咁舉手，投訴食物咁耐都未黎。 我係16:11 分落左個茶餐沙嗲牛肉面配炒蛋， 落單三個字後黎左個面。 到依家落單後8個字 炒蛋多士都未到。 最後追左兩次，店員先放底多士俾我。食過好多間敏華都冇咁既問題，依間食到一肚氣。店員十問九唔應，態度惡劣。公居要好好正視番佢地既態度，要佢地重新培訓先好再出鋪面。以後唔會再來

野食等好耐 都算，個公仔麵過到嚟係生既，同佢哋講咗一次又係整返個生既黎，跟住再叫佢整，等咗成20分鐘，將頭先個面再煮，發到脹哂，態度超級差，十問九唔應，叫啲人完全冇反應！

價錢唔係特別平，真的；要排隊，真的；只係茶餐廳服務，真的。但多人排隊就係因為佢比普通茶餐廳好食，如果你唔可以為咗食而接受以上缺點，就千祈唔好去，如此你就少些怨氣、其他人又排隊排快些，可算功德無量。黯然銷魂飯- 叉燒好厚，肥瘦各半，瘦肉部份都好軟滑，味道香口。但肥肉中間可能有筋，所以女士小心咬唔落。蛋漿味道濃郁，加上米飯口感好好，蛋及飯絕不是配角。所有材料都好夠味，怕太濃味或者怕醬汁搶去蛋味，可以選"少汁"。如果單點不要飲品，只是$63，可以平$12。沙茶牛肉公仔麵常餐- 品質又是跟普通茶記有分別。牛肉有口感味道、麵爽口、湯夠濃、有腸衣非壓縮腸仔。熱奶茶- 香味濃郁，茶味普通。凍鴛鴦- 香味濃郁，味道普通。

大大話話都去過好多間敏華，日出康城這一間是第一次，但食到一肚氣，沒有服務不特止，侍應十問九唔應，仲要呼喝人客，客人要睇佢哋面色做人，聽佢哋講廢話，舉手五分鐘，望見都冇人理釆你，枱面仍未收拾好就要客人入座，點餐旦撻，問幾時出爐又不回答，到見到新鮮出爐去order,又叫你自己出去收銀櫃位自取😳問要一杯水，又要自己自行去取，但費用與其他分店冇分別，為何同一公司，有咁大差距，整間店好似無管理狀態－樣。原來當我出聲投訴時，附近左右幾張枱的食客都齊聲投訴，大家有同一感覺，齊聲怨歎都話以後不再來此間。現未通關已這樣，到真正通了關時，真不敢想像🙄現在仍可用此服務態度去營商嗎？

阿伯出嚟講30分鐘我都未有嘢食佢仲同佢講大家聽住呀如果之後見到啲呢個人記住唔好畀你攞嚟食呀趕佢走呀人工都唔憂做葉氏為冇人㗎日日得兩位㗎咋佢話如果唔想食可以去第二間餐廳㗎我搭去隔離個站食嘢都快過佢啦

服務員態度差,等了45分鐘才有一個餐,什麼都沒有,很久都沒有人清潔,衛生十分差,晚市沒有地方坐,有一些參沒有等了很久才告訴別人沒有這個餐又要重新再點過,對於這個它十分失望

黯然銷魂飯都OK，蛋撻賣晒唯有等下一轉，聽到有廣播蛋撻出爐本來好開心，在Apps找不到唯有搵職員落單，點知個職員話：「有廣播姐！唔代表有得賣！」跟住就無人理我。令人感覺唔良好，今時今日咁嘅服務態度，落單好似叫佢還錢咁😑其他野食都ok,價錢唔係平所以性價比唔高。

呢間餐廳都有好多分店,今次黎到日出康城店見人少少就去試下,朋友話蔥油豬扒煎雙蛋飯好食,所以即管一試,我覺得豬扒的水準不過不失,價錢唔算平,所以佢再切厚點就更好啦,現在係比較薄,煎蛋蛋味濃既,蛋汁送飯幾好味,佢地落蔥油都幾孤寒,真係得好少,仲有杯奶茶用既茶杯亦都好細杯,整體來講,我會嫌貴了點囉。

其實康城真係太少茶記，先無奈幫襯呢間。康城敏華食物質素方面都叫正常，但效率實在離譜！本身11:40諗住排隊入去，點知排到11:50都仲有六七個人喺前面，於是索性叫外賣早餐！叫完好記得係11:57，一路等等咗我半個鐘頭，最後12:27先離開到餐廳！正常早餐20分鐘都食完，而家呢間只係排隊、等餐，前後都等咗近乎1個鐘！呢度香港嚟㗎，乜都要效率同快！花近1個鐘排隊等餐，實在唔能夠接受！各位食家，如果冇咁多時間等候，真係要慎選呢間餐廳！

從將軍澳的海濱公園一路沿著海邊行過康城入到商場後想搵個地方小休及下午茶飲下嘢😉🥰舖面外吸引及好大間大半落地玻璃的裝修感覺好開揚及整潔😍好多卡座位,寬敞舒適☕茶餐馬來三叔公咖吔多士 配餐茶 $34咖央醬料好味, 唔會太甜配合大大嚿的牛油入口, 好有口感😋但略嫌多士唔夠熱, 還好的是烘得夠脆口紅豆冰 $26紅豆口感夠綿身,好足料😍可能揀咗小冰, 所以飲到尾都仲有好濃香奶味👍餐茶：熱鴛鴦味道濃沃夠滑口😋好有地道茶餐廳嘅feel

平時喜歡食敏華，因為有沙嗲牛食，今次都一樣叫左個常餐，一黎食左個多士，算正常，食埋條腸，凍既，即刻感覺不好，杯凍啡咖好奇怪，好似放左好耐，唔凍得黎好淡，希望能改善

去完康城商場睇完戲，跟住之後就當然搵嘢食啦。想搵一間快靚正嘅，於是就嚟咗呢間文華冰室。見到有個特色餐：係黯然銷魂飯，於是就叫黎試吓啦，唔錯喎，個蛋煎得啱啱好仲係流心嘅添，啲叉燒嫩口鬆軟配埋個熱奶茶☕️奶茶味香濃。整體都係唔錯，環境乾淨衛生光猛。

員工無生氣，唔熟餐牌，問乜唔知乜，叫早餐又會比少左個包打電話去打成15分鐘可以唔接電話，問佢點解唔接又無解釋。員工完全唔知做乜，唔明點解買個外賣都可以搞到一肚氣

朝早打電話叫左B10外賣，一去到就有得拎，番到去發現唔係炒滑蛋，變煎蛋，仲要煎熟曬，衰在拎個時冇check﹐破壞成朝心情。所以記得一定要檢查清楚，有問題即時要佢換

間間敏華都多人都癲，多人排隊～係嘅，不得不承認佢嘅嘢食唔錯，又叫幾抵但職員service 未免太差，可能因為太多客，佢地又忙啦，佢地老闆真係要請多幾個人，因為想搵個人幫手都等好耐一坐低都聽到附近幾枱都係話啲單有問題，有食客叫staff拿野，個staff聽到又走咗，搞到枱枱都嬲咁...今日仲要等咗40分鐘都未有嘢食，係門口要等都好明白，因為多人，門口等咗20分鐘，坐低又40分鐘，早知去第二間...入到嚟叫嘢食，我都知煮要時間，但40分鐘真係難以明白，仲要本身我哋叫咸牛肉蛋治，等咗半個鐘先話冇咸牛肉，咁轉餐肉囉...飲品叫咗紅豆冰，諗住耐冇飲先試吓，not bad嘅，唔太甜我公司樓下間敏華都冇佢呢間咁癲...希望Lohas 呢間做返啲措施改改