敏華冰廳 (海趣坊)

Open Now

Now Closed

文華冰廳開到黎屯門，成日都排哂隊，平日下晝時間先可以唔洗等入去食。當然要叫個招牌黯然銷魂飯啦，所有叉燒都有濃邊，而且厚切，仲有肥膏，加上半熟煎蛋，可以篤穿蛋黃汁撈飯，而佢本身個豉油都好夠味，係幾高分！係食到尾覺得有啲滯。不過$50有呢個質素，真係算好親民價錢高質享受。

此「文華」不同 彼「文華」。😆不過文華冰室都有出名既新新出焗蛋鐽， 暗然銷魂飯。咁早食住，食早餐啦。疑，有部tablet, 開黎睇，系統更新。🙄好彩有傳統餐牌。高科技都係靠吾住。👉 炒蛋厚多士友人話呢度既炒蛋好食，好有蛋味好黃，應該係湖北蛋，呢期大熱。仲有厚多士配Anchor 牛油，正👍👉 忌廉雞湯火腿米粉忌廉雞湯底幾有特色，我以為係好 cream ，不過好重雞精味。同埋米粉少左D。👉 沙茶牛肉公仔面牛肉好好味，但係個面硬左D。份量吾算大，飲埋杯野剛剛好。😋

成日經過都見有人排隊，心諗真係值得花時間排？結果前晚同屋企人決定去試一試。五點幾未夠六點，一去到等左5分鐘左右就有位。落單試下佢個招牌黯然銷魂飯，另外叫左個豬扒飯同茶餐既咖吔多士。三個餐計埋$123，比起隔離翠華黎講又真係平d既。首先送黎既係銷魂飯，叉燒唔叫超好味，不過唔太肥但咬落去肉質唔會太硬，雙蛋就有d太熟喇。然後到豬扒蛋飯，塊豬扒真係好大，但同叉燒一樣唔會咬唔爛！腍得黎帶點咬口！最後黎個多士，雖然賣相係唔差既，但只可以說一句..我唔識欣賞😅。不過以埋單黎計，其實咁既價錢但有咁既水準算係合理架喇。不過，我唔會專登黎食

見間間文華冰廳都要排隊以為好好食，即管專程去屯門碼頭試下，叫了個常餐和茶餐試試。常餐好快到(30秒已到)，沙爹牛肉麵，味道偏咸仲要係死咸嗰種，牛肉有筋完全不到，麵正常，還有雙腸炒蛋厚多士，雙腸(不可轉火煺)唔熱腸仔中心仲係凍而腸仔表面好油，炒蛋亦好多油，厚多士叫做正常，表面微脆。而茶餐榨菜肉絲雞翼米粉等了好耐，食晒個常餐先嚟， 榨菜肉絲冇特別，雞翼有驚喜，用了南乳醃製來炸，所以好入味。凍檸茶冇特別，還有茶走冇茶味，以上種種問題所以冇下次 ><😤😢😭😡😩🤬🙅‍♂️🙅‍♀️👎

星期六難得早起，想起朋友提過屋企樓下有間新嘅茶餐廳開咗，成日都好多人排隊，應該幾好食，所以趁呢個機會就落街試一試～去到門口真係嘩一聲，咁多人排隊嘅...真係估佢唔到，平時附近其他餐廳都無咁誇張～咁一場落到嚟講係要試一試佢個早餐啦～原來佢早餐係供應到12點架！呢樣嘢真係幾好～可以慢慢食唔洗趕～坐低見到有部ipad，以為可以自助下單，店員話未用得...咁無辦法啦～望一望早餐menu，都有7～8款揀，幾多選擇～價位大概三十多元，都幾抵食～點咗個沙茶牛肉麵早餐，改左食米粉～個沙茶牛肉米粉嚟到，好香沙茶味，都幾多肉同埋沙茶汁～牛肉煮得好淋，每塊都沾滿沙茶醬～所以成碟嘢都充滿住沙茶味，加埋米粉好索汁，幾入味～唔錯！另外仲有厚多士，外脆內軟，熱辣辣上枱，加牛油好香～炒蛋應該有2隻蛋～好香蛋味，唔錯！我個人鍾意放落去米粉一起食～餐飲點咗凍奶茶～值得一讚係佢係雪凍咗嘅奶茶，無加冰去溝淡個飲品，真係好有誠意同埋幾大杯～食完之後加多一個新鮮出爐蛋撻～一個好滿足嘅早上，我飽到連lunch都唔使食哈哈！可以返屋企再倒頭大睡啦！

新開餐廳，連續幾日見禁多人排隊，今日即刻來試下，結果中伏。首先講一講坐位安排，門口唔多人排隊，搭枱係唔須要等，因為很多吉位，但經理同同事企左响門口傾計，傾左五分鐘都未安排坐位，仲要我去叫佢先安排比我，真係覺得莫名其妙，當然面口都唔係禁好啦…入到去地方環境都乾淨舒適，但餐單唔係太吸引，或者係單色原因，坐底叫左個早餐，炒蛋還可，五香肉丁硬嘅，個麵好生，有相為証，全個早餐最欣賞柸咖啡，香濃而不澀。最後埋單$34，價錢合理，但已經唔會想再去。

難得見到唔使排隊， 就入咗去試！ 叫咗個豬潤米粉同埋暗然銷魂飯， 味道唔錯！ 希望可以一路保持呢個水準。 呢間鋪頭嘅蛋撻長期都買唔到 希望可以呀喺當眼位置寫出嚟幾點到幾點之間先會有蛋撻買啦！

新開張，一切都標準，但流程完全中伏，由等落單，等食，等餐茶，等人追單，。。。。。食物 ok, 但這樣的流程，價錢，旁邊的上市茶記好多了。食物味道標準，但份量我個人覺得偏少，沙爹牛肉麵，只有3片牛肉，其他都是汁。。。多士 ok, 炒旦就一般，唔怕等，唔趕時間，唔怕等，可以試試。

平日嘅下午 一個人嚟到文華冰廳,享用一個港式快餐. 坐一陣，好快落order, 食物都好快上枱。果然係港式快餐的特色--快!叉燒半肥瘦，入味，軟硬適中，好彈牙，可惜得幾塊， 不過常餐一般都是， 唔會很多叉燒的。湯底夠熱，唔會太鹹，合格。意粉夠軟熟。酥皮蛋撻， 新鮮熱滑，好味，酥皮好脆酥皮蛋撻當然要配一個港式奶茶 。奶茶，一般港式奶茶😂 如果杯奶茶更熱會更高分個多士， 烘得剛剛好！！外脆內軟！！滑蛋好滑，好好味因為出面好多人排隊，所以都唔好意思坐太耐， 享用完個好味的快餐就走了。

屯門新開餐廳，梗係要試下新野文華冰廳旺角店我都食過，見屯門店仲有新款式，我梗係吾會放過凍奶茶，茶味濃，奶香味道同太興奶茶相似，但有一點比太興差，就係少左個冰震就係因為少左個冰震，令到奶茶keep 吾到冰凍效果，所以好快就吾凍啦新款式黯然銷魂飯整體感覺：一般第一，叉燒太厚 ,令到叉燒冇麥燒香味，要知道叉燒既精華就係頭頭尾尾，加上蜜糖，一流因為佢太厚，所以做吾到呢種效果。老實講，要比較既話，美心叉燒好食太多仲有，太厚仲令人難以咬入口。第二，荷包蛋到做流心效果第三，飯太少，加埋d 蛋汁，食吾夠一半已經覺得膩總結：呢碗黯然銷魂飯要$50,雖吾差，但吾多黯然性價比低左少少。p.s. 我發覺文華冰廳，無論係旺角店定屯門店都有一個統一弊病，就係入座安排差搞到次次都排好長龍，等好耐❗️如果間餐廳係吾比人搭枱既，外面排長龍我可以理解。但文華冰廳係比人搭枱都可以搞到排哂長龍明明入面有位，仲要已經收拾好枱，都冇人帶客人入座。若以一個性價比低，食物味道吾多出眾，又要人等好耐先可以入座既餐廳黎講，我下次未必再去🤷🏻‍♀️

今朝一家三口去試新嘢, 今日星期六預咗要排隊等位, 因平日行過都見要排隊 (相反翠華就無人排) 可能大家都想試新嘢啦! 我哋去到大約8:45, 排咗15分鐘左右, 都算合理.呢度嘅早餐由7:00-12:00, 比起其他食店遲. 以後就算遲咗起身, 都唔怕無早餐食.-忌廉雞湯火腿通粉+炒滑蛋+牛油厚多士 X2 @32.00-沙茶牛肉公仔麵+炒滑蛋+牛油厚多士  @34.00奶茶(多奶) , 好立克, 檸檬水--火腿通粉湯底濃郁, 唔太咸, 通粉軟硬適中, 略嫌火腿絲太少, 得幾條.--沙茶牛肉麵入口香濃帶辣, 麵質亦都軟硬適中, 牛肉唔韌--牛油厚多士已飛邊, 入口非常香脆, 掂!--炒滑蛋尚算嫩滑, 入口充滿奶油香, 正!--好立克非常足料, 唔會水汪汪, 唔落糖都好濃味--奶茶唔落糖都無苦澀食食下聽到廣播話蛋撻出爐, 梗係要試啦! 叫多2隻蛋撻--真係新鮮出爐熱辣辣, 蛋汁偏甜, 但配上淡味嘅酥皮撻, 又剛剛好喎, 正!埋單$111.00

今日起身好想食返餐廳嘅常餐，去咗試食文華冰廳。呢間野好似主打叉燒，堅拒餐廳入面周圍都推介呢個暗然銷魂飯，不過最咩我就揀咗常餐試試。果餐有一塊厚多士、炒滑蛋、煎雙腸、叉燒湯意粉同埋一杯熱奶茶。厚多士烘得唔夠脆，炒滑蛋真係好滑，腸仔正常，叉燒啱我口味因為偏瘦同埋唔會太咸，意粉正常唔會煮得太淋。不過我最鍾意都係杯滑滑熱奶茶。但係呢間餐廳食物種類好似唔係太多有啲普通，都係煎豬扒煎餐肉叉燒蛋之如此類，短期內都未必會再嚟

聽閒近排屯門開咗間「文華冰廳」無論早餐，午餐，下午茶，晚餐時間都是長期爆滿關係，所以一直未食到！今日是平日，再加上可能是落大雨的關係，人流冇咁多，都排左半個小時，才入到去。本來是想來食下呢到最出名的暗然銷魂飯！但可惜入座後才發現己賣完了。之後就叫咗個超級雜扒飯(雞扒豬扒腸仔餐肉)份量都勁多下！呢個雞扒肉質嫩滑，豬扒勁淋勁鬆化，配上豉油，薑蓉香口惹味，再加午餐肉同腸仔，係絕配下次可能真係要早點去，才有得食呢到的招牌菜<暗然銷魂飯>期待下次再來！