敏華冰廳 (海趣坊)

Open Now

Now Closed

今次同朋友食飯叫左蔥油豬扒煎雙蛋飯，凍飲加$3 （包括可樂🥤）因為去食既時間係平日5點幾，所以餐廳冇咩人，上菜速度都幾快👍🏻豬扒超級大塊，亦都唔會太薄，煎得好香，而且豬扒本身唔會太過肥，所以食落啖啖肉😋肉質食得出唔係落咗鬆肉粉，但又醃到好腍，好好食🤤加埋啲蔥油喺上面，真係好邪惡🙈有少少可惜嘅係如果上面隻煎雙蛋係太陽蛋就更加好🥲整體黎講，個豬扒飯份量好多，又幾好食，一個人都唔係好食得曬，個價錢都正常，下次會再黎食👍🏻

晨咁早入左黎屯門，一個唔熟悉嘅地方，眼見熟悉嘅餐廳，都係揀敏華啦時間11:25 都諗緊會唔會無早餐，心裏最想食早餐+鮮奶，已經咁晏所以都期望不大原來都仲有嘅，叫咗個忌廉雞湯火腿通粉，轉煎熟蛋及歐式軟多士～ 唔使5分鐘已經即刻有煎熟蛋同埋多士，同埋最意外嘅係呢個鐘數竟然仲有鮮奶，+$3就可以轉啦支裝奶，it’s my luck講番野食，今次我覺得佢個煎熟蛋真係比較油，落得實在太多油啦入口嘅時候油淋淋，呢個位希望有改善啦！歐式toast ,面頭烤到金黃色的，咬落都好香脆，仲有陣陣牛油香～ 個人真唔落佢配既butter la ，加塊蛋上去已經好perfect 至於忌廉雞湯火腿通粉，上菜時仲好熱辣辣，而且亦都唔會有好重嘅味精味，湯嘅濃度啱啱好，通粉亦都適中唔會好林，同埋佢都有幾多火腿㗎個比例上大約係四比一😍個鮮奶簡直係靈魂，都不用多說了，支裝鮮奶，口感係非常之滑，最重要嘅係好平就加到😍😍

我地入左去坐低叫左野，隔離先生有啲發脾氣，因等左半個鐘頭都未上野食，最後他走人吾知，尼間野真係好吾點，請教下廚房人快手啲。😥😡🤬，我哋都等左15分鐘都要催三催四才出😓😓。最後我決定以後吾黎🙄🙄🙄🙄。服務態度，佢哋都幾好，但是經理要訓練班細，應變能力其他等等😬

嚟到敏華冰室，通常必定叫常餐，餐廳出名嘅有沙茶牛肉麵、炒滑蛋、蛋撻、奶茶等等...我同朋友二人入座，睇到餐廳裝潢以懷舊設計，舖內可睇到外面街景，有陽光折射餐廳，感覺光猛，坐底後用智能平板點了兩份餐。我點了夠薑豬潤牛肉米線配炒蛋厚多士同埋凍奶茶，宜家真喺好少餐廳食到豬潤，敏華嘅豬潤好香滑，牛肉軟綿，米線有嚼口，湯有薑味道，味道唔錯，奶茶香滑，炒蛋好creamy，厚多士好脆好正，五十幾元嘅常餐，值得推介!朋友點了潮式沙茶牛肉公仔麵同埋凍奶茶，我試了一口沙茶牛肉，牛肉切得薄片，牛質軟綿，有濃郁嘅沙茶味道，味道ok!

今日諗住食個早餐11:12落單 好快個麵黎左 但啲腸仔 多士唔見 上餐冇先後？到食完好耐11:33 都係唔見 再望下其他枱 都係得個碗係全場每一枱都追餐 煎條腸 焗多士 咁簡單都做唔好 失敗仲要紙巾都冇 太興質素

平時都有食開敏華，屯門就第一次幫襯，成日都要排隊 ，但個日見都係等三張枱就排下。 等左10分鐘有枱一個常餐同一份叉燒飯，待應話個飯要等20分鍾，無問題啦。 過左10分鐘黎野飲，但我杯奶茶黎個時凍哂，糖都溶唔到.....算再黎個飯，飯少過出邊，細碗左三分一，忍.....由佢到個飯食到一半，我個餐仲未到（我見兩枱遲過我都已經食緊多士炒旦）再等多10分鐘黎左碗沙茶牛米粉先，一放個叉落去，d粉少到呢，個分量仲係早餐一半都無，仲好碎。我真係忍唔到要出聲，經理都好客氣 幫我換。到我bf個飯都食完，多士旦都未有，佢都唔抵得要出聲。唉，諗住求其一餐，但無諗過咁差，廚房出品質素差過出邊分店好多。食個常餐要成個鐘

因疫情關係我哋三個人食飯要分開坐。。。 所以一張枱兩個人 ，另外一張枱一個人， 我唔講大家都會估到係有兩張單😌 重點嚟啦👉 一個人嗰張枱食完之後。。。將張單交低比我地亦有同職員交代一聲（出門口食🚬）職員示意知道！！但吾夠一分鐘🙄再有位女職員叫咪問4號檯埋單未？？有職又再望一望我地（我已經有點不滿） 點解職員與職員之間冇溝通🤔🤔🤔 到我哋差唔多食完諗住埋單走。。。。 最嬲最嬲係再另外一位男職員👉 再列印張單放喺我哋枱面話4號張單係度😡🤬 我接受唔到。。。呢個行為實在太差太差😤😤😤 食過咁多間嘅敏華 呢間真係算經典😒😒😒😒

話說突然想食叉燒飯，咁就記起附近開左間敏華。外賣一個黯然消魂飯 69蚊。好食就係好食嘅，不過真係有啲貴。外賣一隻蛋加4舊叉燒...真係唔多抵食。食完都覺得有啲黯然.....我指我荷包

又被停工了每日都同老公食早餐🥣敏華最好就係早餐去到12:00岩晒我地晏起身我必點 忌廉雞湯火腿通粉 炒蛋多士呢個湯好好味，少味精😋炒蛋好滑，多士好厚身又軟老公必點 沙茶牛肉米粉，佢話沙嗲牛肉食到悶呢間係沙茶牛肉，又幾特別喔湯夠濃味，牛肉好林身， 好食

垃圾垃圾垃圾...想食垃圾就幫襯啦真係從未試過食間餐廳咁不滿係極度不滿首先入餐廳前要在門外排隊等候一輪，誰知入到去間餐廳原來只是坐了一半，完全唔係滿座，門外排隊只是虛張聲勢，羊群效應下令到更多人排隊，這生意策略真是不得了落單的時間是1455，係2點55分，請留意時間等咗24分鐘只是嚟咗3杯飲品和三文治同侍應講都係話同廚房講咗要我再等再重複一次，成間鋪係唔滿，只是坐咗一半人如果坐滿人又係繁忙時間我唔介意等待等咗半個鐘終於都等到一塊西多士懶靚咁整個心形牛油把鬼咩食物質素差，整到個賣相幾靚都冇用啦金玉其外 敗絮其中點解咁講，炸足30分鐘嘅西多士肯定會熱辣辣㗎啦，點知係凍㗎，食完成個西多嚿牛油都仲未溶到，可想而知個西多係凍到點，係咪個特色係凍西多，所以要雪30分鐘先上到枱呢？1455落單，1529終於等到個豬扒飯嚟啦可能隻豬未劏，所以要等佢劏埋隻豬先煮到，唔係真係諗唔到點解要等咁耐足足等咗34分鐘，以為個豬扒飯有乜咁特別要煮成34分鐘，原來又係不外如是唔知以為自己食緊法國菜要等咁耐煮足34分鐘嘅豬扒鞋到呢。。。。垃圾都不如食垃圾都要等34分鐘食垃圾已經食到一肚氣，重點嚟啦，以下絕對冇抹黑成份，

沙爹醬同沙茶醬有乜分別，番查網上資料，係潮汕人仕由東南亞帶番本土，為迎合當地人口味，將甜辣度降低，咸香度提高。而"爹"發音同潮語"茶"發音一樣，文字表達就變咗沙茶醬。早餐送到，第一時間試舊充滿沙茶醬嘅牛肉，一入口即時吐番出嚟，完全係食緊一殼鹽，駛唔駛咸到咁。用湯沖走佢，其實唔錯，牛有牛味，彈力十足，唔韌，份量不少。最正係個炒蛋，香滑有濃濃奶味。煙韌多士大慨有3吋x3吋x1吋，淨係炒蛋多士搽埋牛油加埋飲品，已經係一份幾好嘅早餐。總括黎講係一份適合大胃王嘅早餐。

同屋企人去食下午茶，叫左個黯然銷魂飯，等左好耐，揮手叫侍應都成日扮睇我地唔到，我地知道飯要等的，但最起碼可以跟進一下大約等幾耐個蛋撻好好味，酥皮好鬆脆，唔會太油膩同埋皮唔會太厚呢個咖喱有d辣，魚蛋無乜特別，但牛丸好彈牙呢個三叔公馬來咖吔多士賣相幾特別，多士唔夠熱,佢烘左之後攤凍左，d牛油就唔會溶，不過就嫌佢太多牛油，太肥，間唔中食下或者同屋企人朋友share就得咖啡幾好飲 比較多奶

下午茶時段到來叫了炸菜雞翼公仔麵、公仔麵煮得唔淋唔硬幾好、而雞翼大細適中咬落口感有熱度又不會乾身，煮法及整法比起好多茶記及價錢中高檔嘅食店煮得更好，但有時就會無了熱度就像放埋一邊好耐雞翼咬落只有外面有溫暖度而內面就無，有時雞蛋都係一樣太陽蛋煎得唔夠太陽，蛋面上面仲有許多新鮮打破嘅蛋白係到仲有點凍，而有次雞翼煮法唔同咗睇落縮咗水連雞翼賣相都唔同咗，到第二日背脊勁痛，餐飲凍檸茶味道幾好但有時會茶味重過頭有苦澀味，而店員忙於工作都一樣樂於為顧客帶來視聽服務，而呢到嘅食客和店員好有默契，直頭就係我到過嘅食店當中最多嘅一間！

今次再叫黯然銷魂飯，飯唔硬唔軟幾好，义燒太乾身也燒得不夠燶沒有了碎口感义燒切得太厚好難咬，奶茶放得耐有點老'味道苦澀，店內環境比起附近茶記夠潔淨坐得舒服係最好嘅一間，而店員服務態度一直都幾好，幾個月前對答仲非常之流暢，當時經常都會來呢到午膳簡唔中成個背脊及膽囊位置都會好痛，就多口問了一句今日有否加'鹽'？就即刻回答到話無啦，簡直就係經驗豐富呀！

今日天氣好，又溫暖又有太陽，把握時機，沿着河邊跑下步，最後到屯門碼頭海翠商場，出咗一身汗，當然要食飯充飢啦！必定要去敏華冰室！我每次都會叫暗然銷魂飯！即刻叉燒煎蛋，好似睇緊食神咁叉燒夠厚又夠淋，充滿蜜汁，咸咸甜甜咁，依到嘅叉燒肉梅肉做，肥瘦適中，食到肥肉時，d肥肉係爽口㗎！一d罪咎感都無😂😂而且d飯係用金鳳米，煮得剛剛好，米飯夠乾身有咬口，撈埋d蛋汁，真係一流，而且秘製葱油先係個重點，包保你成碗飯都食清光最抵就係50幾蚊個餐，有個無敵大海景相伴食飯啊！