Video
1-min walk from Exit C2, Kowloon MTR Station
continue reading
Telephone
21968208
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
踏入位於圓方的MENYA，撲鼻而來的是熬煮數小時的濃郁香氣，決定入去點碗拉麵品嚐下！限定招牌「魚介豚骨湯底」以豚骨、雞骨及多種魚介食材慢燉，入口層次鮮明——先是醇厚的豚骨油脂香，隨後漫出柴魚與昆布的海洋鮮甜，尾韻帶一絲雞湯的溫潤，堪稱「旨味炸彈」。搭配的麵條屬中粗直面，吸附湯汁能力強，咬勁恰到好處，掛湯不軟爛。 最大亮點莫過於「低溫叉燒」，以慢煮工法保留粉嫩肉色與軟嫩口感，幾乎入口即化，脂香細膩不膩口。配料中的魚板與半熟溏心蛋亦屬上乘，前者彈牙帶甜，後者蛋黃濃稠如蜜。限定款「特製魚介沾麵」更將湯底濃縮，鹹鮮衝擊力十足，建議搭配桌上的特製魚醋。 拉麵價格落在 $118 至$148區間，以如此講究的湯頭與叉燒水準，CP值極高。若追求濃厚系拉麵，MENYA 的魚介豚骨組合絕對ok，一碗下肚，滿足感直衝天靈蓋！
continue reading
想係圓方食拉麵，招牌濃厚雕白湯拉麵都冇貨😂真心咩，招牌都冇🥲🍜東京魚介豚骨拉麵 $128用多種魚乾和豬肉熬成的濃稠湯頭配上美味的醬油調味，這就是經典的東京魚介豬骨味道。飲落去係好香濃嘅豚骨帶少少魚味，真係好濃厚嘅，拉麵係直麵嗰種食落去都好煙靭掛湯，叉燒嫩滑。推薦指數: 7.5/10味道唔錯，價錢小貴，圓方算係咁了😂
continue reading
🤔濃厚鯛白湯拉麵餐 $168湯底：賣相呈現令人期待嘅白色魚湯湯底，但係食落又食唔到魚湯嘅味道，更加似係醬油濃湯嘅味道。令我要再睇吓menu，睇吓自己係咪誤會左d 咩，但係menu確實介紹係用魚湯熬製嘅湯底。結論係味道不似預期，點都食唔到魚湯嘅味道。餐檯上有個放左鯷魚係入面嘅油，但加左又唔係鯷魚味或魚露味，反而酸酸地似醋。麵條：麵身比較硬身有咬口，質地okay。但係個湯底食到尾聲，覺得好似多咗少少鹼水嘅味道。唔知係咪麵條本身可d 鹼水味，浸耐左會釋放左d 味？材料：有少量魚肉喺湯面度。另外有兩塊未熟好薄嘅叉燒，浸喺湯底道浸熟佢，質地都幾滑。溏心蛋半熟質地好完美，但係唔入味。
🤔東京魚介豚骨拉麵 $128湯底係濃稠嘅豬骨湯底味道，未算好出色但都正正常常，但問題係都係食唔到魚介/魚乾果種味道。其他材料就同上面碗麵一模一樣。👌🏼跟餐叫左個涼拌菠菜，味道正常👌🏼另外西班牙豬肉餃子都係味道正常。食唔到西班牙豬肉同普通豬肉有咩唔同嘅味道。總結，味道未至於伏，但係食唔到預期嘅魚湯味道，難免會失望。環境： ★★★☆☆ 食物： ★★★☆☆ 性價比：★★★☆☆ 推介度： ★★☆☆☆
continue reading
講起鯛🐟白湯拉麵，可能十個有九個都會講得出中環間《○de▽》神店，不過原來，有勇氣同能力做鯛🐟白湯嘅店原來唔只佢一間。呢間《麺家金鰭》係我無意中發現，所以一探究竟。《濃厚鯛🐟白湯拉麵🍜》香味 (3/5) - 魚香味都算明顯，同埋有陣燒烤味，應該係來自d魚肉。麵條 (3/5) - 中細麵與中太麵之間，直身，算爽口，麥味正常。湯 (3.5/5) - 魚湯味相當的明顯，同响屋企煲魚湯嘅味道有 d 似。非常多泡，口感順喉絲滑，對得住白湯嘅個term。濃度鹹度都係剛好，幾好味嘅。配料 (3/5) - 先講魚肉，同上面提過間神店有異曲同功之妙，都係有燒過，魚肉夠甜，幾好食。豬叉燒方面，應該用五花肉部分，非常薄切，口感麻麻地，肉味唔夠。湯入面加左 d 彩色嘅粒粒，個名叫"五色玄米粒"，好肯定係用糯米造的，有煙煙韌韌口感，對味道冇貢獻，對口感層次係有提升。溏心蛋方面，正常好食，生熟度有控制好，不過冇特別去調味，味道偏淡。整體 - 值得小推薦 👍👍👍點解小推，最主要係因為响香港，想食鯛魚湯拉麵唔容易，而我認為佢都係有心機，整體無論味道同口感都算唔錯。
continue reading
今日經過圓方去咗食呢一間沾麵叫咗一個叉燒拉麵同沾麵麵質彈牙又口感 湯底濃郁不油膩叉燒食落去嘅質感有啲似未熟 有啲咬唔開嘅感覺環境尚可 中間位置有個小花園擺設可以比客人打卡 但係整體環境偏狹窄 餐牌有破爛 餐牌沒有維修好 翻開嘅時候支離破碎食物質素OK 但係呢個價錢性價比唔高 試過一次都未必會再嚟 湯底雖然濃郁，但係冇令人回頭嘅味道同閃光點 價錢：282/2人#香港美食 #FoodieLife #美食日記 #FoodieLife
continue reading