炑八韓烤 (MegaBox) (Closed)

黎到megobox 覓食，揀左係炑八韓燒食食左個豐富既午餐，叫左流心蛋烤五花肉飯🐽🍚個飯送到黎既時候有驚喜，因為勁大碗😍仲有前菜免費送，有湯、泡菜、芽菜、蘿蔔🥕呢餐我覺得都幾抵食，盛惠💲6️⃣0️⃣以前食過前茶可以任添，但我今次冇添到，唔知而家仲可唔可以添呢xd?

今天到九龍灣工作，和同事一行二人到MegaBox找午餐吃，同事告知這一間是新開張的，所以便來試一試。中午12時多，不用等位置，被安排坐在梳化位，這裏每一台都會有一個燒烤爐，對於我們吃午市套餐不是燒烤的來說，枱的位置比較細，如果餐廳可以做到午市可以把燒烤爐收起會更靈活一些我和同事點了原條鰻魚泡菜炒飯及芝士五花肉炒粉絲，午市套餐是包含無限添食的前菜，有泡菜海帶及芽菜，都十分好吃原條鰻魚泡菜炒飯 - 鰻魚分量多，而且沒有腥味，再配上泡菜炒飯是十分惹味芝士五花肉炒粉絲 - 五花肉辣辣地，而且肥瘦適中，再配上煙韌的韓式粉絲是十分有咬口！唯一不足之處是鐵板上，感覺比較多油但整體來說，這個價錢有這個質素是十分抵食但是可能因為新開張的關係，侍應常常出錯，落單都要落兩次，而且還要落錯單。希望他們之後會可以有改善

Mega box 近排開左間韓國菜～炑八！之前已經聽聞過，不過未有機會試！難得假期，就出去試下💕💕韓式麵豉醬豆腐湯＋蟹糕伴飯見到個賣相已經吸引！個飯都吾少架～就甘食個飯已經好滿足🥰🥰🥰傳統牛肉飯！吾錯～一定吾會失望🤩反而呢個辣海鮮豆腐湯，我就覺得有少少遜色😣😣吾夠味同吾夠辣😥最後呢個係雞扒蛋包飯！🤣🤣🤣一睇就知好食，因為顧住食，冇影相🤤🤤差不多食曬先記得影🤦🏻‍♀️🤦🏻‍♀️大家可以去試一試！重有一提～茶$，前菜，加一！全部吾使👍🏻👍🏻👍🏻👍🏻

抵讚韓式午餐環境: 由於午飯時間，所以在內用餐人士不多。入到去每個座位都有個鐵板及抽氣管，供韓燒用。今次只是簡單點了set lunch。食品: 未點菜前，侍應就先上三小碟韓式前菜，主意就三小碟都收費的。雞扒蛋包飯: 除左主食雞扒及蛋外，再配上少量沙拉，不錯。雞扒皮脆，肉煮得鮮嫩，比我想像中好食。蛋煮至半熟，亦非常香滑，再配上蕃茄飯，非常好食！名品大醬湯 配迷你蟹膏醬伴飯 : 大醬湯內有蜆，豆腐，蘿蔔等配料，個人覺得如湯有少少辛辣味會更加野。 蟹膏醬伴飯真是必試，飯伴上蟹柳絲，再將蟹膏醬與飯攪拌一同進食，簡直冇得彈！再加入大醬湯，濕濕地更好食！總括，三人食二百元都不用！下次可以再試

話說MEGABOX開左全新概念店，以木做主題,設計係走比較時尚型格既路線之前都有係其他分店食過,我最鐘意就係食呢度既爐邊蛋同爐邊芝士粟米韓燒又點少得前菜有柚子沙律,海帶、芽菜、泡菜、生菜等,呢啲都可以免費添加呢度既霜降牛小排,油花分佈都幾平均,牛味濃郁護心肉非常Juicy仲有佢個芝士溶岩飯都好正佢用既芝士同韓燒爐既一樣店員就會倒芝士同蛋漿落去食起黎芝士味濃，但同時又有啲泡菜既微辣芝士仲做到拉絲正呀！純Oreo冰抹冰都幾綿,頂部有雲呢拿雪糕,同大量OREO碎

食過幾次炑八都感覺唔錯，我特別鐘意佢地無限免費refill嘅爐邊泡菜蛋同粟米芝士😆前菜海帶同醃蘿蔔都好好食，refill咗幾次😆今次嚟到炑八首間概念店，感覺環境比其他普通分店寬敞同舒適。同埋呢到係用網燒，店員話啲肉燒出嚟會更乾爽更好食🙆🏻‍♀️.厚切五花腩同牛小排都好肥😂五花腩食落好似淨係咬緊肥膏咁，一定要拎菜包住食得🤣牛小排油脂超級豐富，咬落係feel到啲牛油係口入面咇出嚟😂.今餐兩款肉都好溜好邪惡😂仲要叫咗個又係好邪惡嘅芝士溶岩飯🧀🧀🧀🍚其實之前都食過炑八芝士溶岩飯，一定要趁熱食同撈埋爐邊粟米芝士食🤤建議至少有三個人先好叫😂🙈.最後就算好濟好飽，都要食甜品😝而家年紀開始大，所以其實我覺得女仔唔好食咁多冰😂😂但呢個oreo冰又幾正，冰夠綿夠碎，連埋oreo碎一齊食令我忍唔住一啖接一啖咁食😂食到中間仲發現有細細粒麻糬埋咗喺冰入面，但啲麻糬食落太甜啦🤭仲有額外俾兜朱古力醬，但我覺得不如額外俾多兜oreo碎仲好😂🤣因為當食哂面層啲oreo碎同中間球雪糕之後，我就冇動力再食落去啦🙈食完個冰之後真係覺得好凍，要著番件外套先得😂🤣.飲品一般，見到成三份一杯都係糖漿，嚇到朋友叫我唔好飲😂

12月係聖誕月，又多個借口同家人朋友食食食呢晚同朋友仔行megabox，見到地下開左間新既炑八啵，朋友又話好耐無食，咁就一於gogogoooo呢間新店既裝修同平日既有啲唔同，連紙巾都有靚靚插畫黎得韓烤就食肉啦我地一口氣order左三款肉，兩牛一豬，實行食肉食夠本叫完野食之後，可以refill既前菜泡菜都好快送到，仲有必食既芝士粟米同爐邊蛋先黎既係邪恶既“厚切五花腩配蒜葉”HKd$128+10%一層脂肪一層肉既配搭真係無得輸牛方面我地就要左一份“厚切上等然烤牛舌”HKd$118+10%同一份“降霜牛小排配辣京蔥絲”HKd$190+10%厚切牛舌爽嫩唔韌，而牛小排就香而軟腍，兩者質素都幾好，正食烤肉真係唔可以無野飲架！！！！所以呢晚我就要左杯“荔枝梳打”HKd$36+10%香甜冰涼又夠氣，爽呀

同小表妹溜完冰見餓餓地，佢話想食韓國野咁就一於去底層新開既炑八醫下肚啦啦啦啦炑八既前菜小碟一向可以無限refill，酸辣既蔬菜正好中和烤肉少不免既膩感一向愛好食牛舌既我就order左一份厚切牛舌$118一份有四大塊厚切既牛舌燒至八成熟先剪開黎燒一燒，食得牛舌爽彈，加上係厚切，所以爽嫩既口感一再提升而唔嗜肉既小表妹就要左個韓式大醬湯$78又幾好味啵，暖胃之餘仲有唔少配料，配上軟糯白飯咁食，正填飽咸胃之後，我地仲嗌左個紅豆冰沫$62黎滿足甜胃呢個冰沫份量都唔少啵，甜美既紅豆配上灑滿黃豆粉同杏仁片既綿綿冰，冰沫當中仲要有埋煙韌既糯米糍，味道同口感都好唔錯

🔺厚切上等鹽燒牛舌真係幾厚，比起以前食既水準高好多。醬汁有少少似柚子汁，整體都係好新奇有呢個水準。.🔺厚切五花腩原來係咁大條咁厚身。成條放上去燒完切粒，加入生菜、泡菜、豆瓣醬等等，一流！好掛住韓國🇰🇷😭😭😭.🔺Oreo雪花冰好中意食韓國雪花冰，一大個真係勁飽，加埋煉奶（通常都唔夠），食唔曬😂，上面仲有雪糕🍦.🔺芝士溶岩飯估唔到佢咁好食，仲有勁多芝士（有圖有真相），店員幫手撈埋一齊，好好好邪惡！

聖誕節🎄總係要同朋友仔聚埋先開心同去咗炑八喺Megabox嘅新分店新分店裝潢較時尚型格而且座位空間大感覺好舒適前菜有柚子汁蔬菜沙律仲有爐邊泡菜蛋、芝士粟米、泡菜、海帶、芽菜、生菜都係可以Refill的霜降牛小排 - $190牛魔王最愛的牛小排牛小排油花均勻肉質軟腍 輕輕沾上少少鹽已經超正!炑八特製護心肉 - $128原來一隻豬只有200g - 300g 護心肉唔知我地呢碟有幾多g呢？護心肉口感同一般豬肉唔同燒熟後口感既爽又彈牙韓式大醬湯 - $78凍冰冰嘅時候最好就係飲啖熱湯大醬湯內的配料好豐富用來配飯就最適合不過石鍋雪糕(綠茶) - $58綠茶味雪糕放在結冰的石鍋內雪糕可以保持住一定溫度可以慢慢享受紅桑子沙冰 | 柚子檸檬梳打紅桑子沙冰 - 粉紅色好靚...係少女鍾意嘅顏色柚子檸檬梳打 - 柚子味永遠都係我Best Friend

估唔到黎開九龍灣Megabox 呢頭 見到炑八原來係新分店 😬鋪頭比以前既好唔同 例如餐廳佈置得好簡潔 枱凳都係用木做主題 位置十分闊落 另置有抽氣扇 食完油煙味都冇乜😇前菜方面 個人好欣賞佢個海帶 甜甜地 又夠爽口五花腩 牛小排 兩個都好鐘意 各有特色🥳五花腩滿是肥膏 配上爽口既生菜🥬好惹味牛小排肥美多汁 如果有蔥蒜配料 你地話幾好呢？😍Oreo 沙𣲙 竟然細心到比埋朱古力 不過小編真係食太飽 放棄左加醬既念頭拉相信大家睇到圖一 都會杯pink pink 飲品 吸引住好拉 容許小編隆重介紹 佢士多啤梨沙冰少不了仲有芒果味🥭 兩者果味十足 甜度適中 係配韓烤既佳品😙最後想講下d服務態度 店員好有禮貌同勤力 特別多謝🙏店員特登走過黎烤肉 (十分有耐性‼️)溫馨提示:⚠️⚠️新店開張設有限時優惠⚠️⚠️由即日起到今年 12月30號，幫襯2碟或以上燒烤既產品的話，就可以免費得到「牛臉肉」或「護心肉」一份。

食韓烤嘅心癮真係停不了， 剛過去嘅星期天我們去了Megabox 行街shopping, 就喺入門口地下嗰層我哋見到炑八開咗新嘅旗艦概念店。 難得見到空間感咁闊落嘅餐廳， 以為自己去咗外國, 樓底超高，設計型格。入座後, 店員亦放上圍裙，六小碟嘅前菜, 沙律蔬菜藍, 並放上芝士粟米和泡菜蛋在爐邊, 這些都可以免費refill的, 我哋都食咗幾個round嘅芝士粟米, 因為爐邊熱起嚟好快熟, 啲芝士加熱到有微微金黃嘅脆邊， 非常美味。六款泡菜都好好食尤其係醃海帶，調味適中唔會太酸。 芽菜好爽脆，夠乾身有麻油香。Kimchi 味道標準, 差啲都要refill 臨近聖誕, 推出唔少嘅限定嘅聖誕餐。因為之前已經試過，今次又想試吓其單點嘅肉類。降霜牛小排$190切得厚薄適中， 油花分佈均勻，色澤靚。 每边燒一會已經食得，入口甘香，油份刚刚好又唔會食到滿口油，肉味夠濃，正！厚切五花腩$128店員細心教咗我哋點樣燒， 首先成條腩肉放上去， 煎到每邊嘅皮都脆， 再沿住邊緣剪開一小段一小段， 用蔬菜包著吃加辣椒或韓式大醬，風味一流！芝士熔岩飯$128店員把熱辣辣嘅鐵板放上 滿滿的芝士碎條， 芝士味香濃帶微

前幾日Megabox有間運動用品店做大減價，睇完運動鞋之後去左佢樓下幾層嗰間新既炑八度食個韓燒🍢設計係走比較時尚型格既路線，有一半左右係開揚既卡位適合多人聚會，另一半就係獨立既雀籠咁幾有私隱度😎👁‍🗨 前菜（7.5/10）除左柚子沙律之外，其他包括爐邊泡菜蛋、粟米芝士、海帶、芽菜、泡菜、生菜等通通都可以免費添加😱大部分都唔錯，係略嫌個芝士鹹度高左少少😳值得一提係之後年輕店員們見我地食曬都有主動問駛唔駛再加，今時今日呢種服務態度👍🏻👁‍🗨 霜降牛小排（7.5/10）💲190霜降牛小排既油花分佈都幾平均，厚度適中，食落肉質夠曬軟腍，牛味濃郁，而且有黑椒粒調味得宜😍👁‍🗨 厚切上等鹽烤牛舌（7/10）💲118呢個牛舌真係夠曬厚身大塊，一開始第一塊唔知係咪燒得太耐，食落某啲位稍微韌身難咬👉🏻👈🏻所以之後嗰啲我地縮短燒既時間兼夾剪細佢，後尾就無再話韌到咬唔開之餘，又可以保持到一定既嚼勁😛👁‍🗨 芝士熔岩飯（7/10）💲128個飯一上台，店員就會倒芝士同蛋漿落去，再撈幾撈就可以做到🧀拉絲，呢個最緊要係趁熱食，泡菜都落得重手，入口香辣惹味，而且必定會飽肚🥘👁‍🗨 純Oreo冰抹（6.5/10）💲62

下班後，和朋友來到megabox閑逛，看到九龍灣Megabox 炑八新開幕啦！新店環境闊落，而且擁有全新獨特、型格設計，塑造至「韓」 新據點！🙆🏻‍♀打卡一流！首先來的是前菜，有海帶絲、腌蘿蔔、泡菜、芽菜之類，可以無限refill，我最喜歡就是海帶絲，爽口又開胃！芝士熔岩炒飯芝士熔岩炒飯好正 事先有用泡菜炒過的飯淋上蛋漿同大量芝士店員襯鐵板的熱力幫手快速撈勻💕一旁望著的我好期待🤤🤤炒飯起先口感濕潤 到後尾d蛋熟曬變得有d位焦脆 😍泡菜的微辣同芝士超夾 這份惹味好適合冬天食 補充脂肪😈😈.接下來是霜降牛小排牛肉的脂肪分佈猶如雪花般，放在鐵網上燒十秒，翻面再燒至7分熟，入口即化。我喜歡撒上一點黑椒鹽，提一提牛味，非常滿足！特製護心肉配韓式魚醬護心肉有獨特的醬汁腌製過，不需要額外調味，燒熟後軟腍多汁。而且分量足夠滿足我們兩個食肉獸！最後少不了韓式刨冰，我們選了紅豆味綿密的刨冰内藏大量紅豆，表面鋪上杏仁和黃豆粉，如果不夠甜還可以自己加上煉奶，整個甜品奶味和紅豆味平衡得不錯另外我們的兩杯飲品（冰雪芒果特飲）和（海底椰雪梨茶）也相當不錯，甜度剛剛好，這個季節還能吃到芒果，很清新一點也不酸！.後來店

雖然我喜歡食韓燒,但響香港食真係怕怕,因為d油煙味好重,食物又hea,今次去呢間又唔會有呢個情況wor~究竟概念店係甚麼分別我唔知,但可以肯定就係坐得好舒服,好有feel,而且抽氣做得好好,就算旁邊D人係咁燒都唔會一陣味上主菜之前有一堆前菜,泡菜好爽口唔會好辣,怕辣嘅朋友都可以試~咁多款裡面我最最最鍾意就係海帶!!因為好少香港韓國餐廳會提供呢款前菜,佢爽口之餘又有少少辣味,好開胃~~盤沙律D蔬菜好新鮮好爽,柚子醬汁酸酸甜甜,剛好用黎打底同解膩,高質!霜降牛小排配京蔥絲 $190牛小排油脂豐腴又分明,上面D黑椒同鹽令牛小排燒嘅途中不斷入味,平時燒肉我一定舊舊都要加烤肉醬,但呢塊牛就咁食都好夠味而且牛肉味好出又多汁,必點之選~~厚切上等鹽烤牛舌 $118就咁睇都見到牛舌超級厚,不過燒烤嘅時間又唔係好長咋喎！厚切令牛舌更有嚼勁,我覺得再落多少少鹽同生菜一齊食都唔錯,唔會覺得佢好油,燒燒下都聞到香濃牛味,喜歡口感嘅朋友不妨try try~(但沙拉私心都係牛小排~哈哈)芝士溶岩飯 $96當我地埋頭烤肉嘅時候,店員已經好快手咁幫我地炒好個飯,難怪突然會有陣陣鐵板芝士味~新炒好即刻食D飯有微焦效果,