炑八韓烤 (MegaBox) (Closed)

今天同同事一起吃午餐。點了蟹膏石頭飯。平時午餐一向吃開這飯也覺得味道不錯。可是食物遲遲不來。我的六位同事差不多吃完，我的飯還沒有來。問了店員多次，他們才跟單。我的飯上的時候，其他同事己經吃完。可是我吃了不夠五分鐘，店員己遞上單要求結帳離開再過五分鐘，她竟再次來要求結帳並且指責我吃得慢。可是我們全部人用膳時間只是三十分鐘。而且遲上菜是店方的問題！認真食物味道是不錯。可是這樣的服務態度，能否改善一下？

同女朋友平日晚餐去食韓燒。由入坐到走果一刻餐廳都未曾坐滿過，唔使等位真係好爽 。未叫嘢食已經上沙律同前菜。沙律上面有個紅蘿蔔笑哈哈，同四款前菜一樣，整體味道不過不失。附送生菜同辣椒蒜頭可以同啲肉夾住食，減低油膩感。仲有豉油，大醬同鹽俾你自己加。可能個火太細，食咗一個半鐘果條蛋先至熟，粟米芝士都要差唔多一個鐘先至溶曬。不過好處就係啲肉會無咁易燶。夢幻特級牛肋骨($288)充滿肉汁，肉質軟淋，值得推介。店員見我哋剪到雞手鴨腳主動幫我哋切開啲肉，好細心。韓牛貝身肉($220)超多脂肪，一咬落去牛脂爆曬出嚟，有點太過油膩。厚切上等鹽烤牛舌($128)好夠厚，牛脷爽身，一定唔係平價貨，但唔好燒太熟，會好韌。石頭鍋飯｛什錦｝($118)有齊牛豬雞肉，仲有雜菜，分量好多，起碼有五碗飯。石頭鍋夠熱，有好多飯焦，超好味。

九龍灣似乎比較少韓式餐廳，甘岩經過megabox見到有炑八，平時都鐘意食韓式飯，就嚟試下lunch。等位等左十分鐘左右，唔算好耐，小食有芽菜同泡菜，仲有一碗紫菜湯。飯分別點左鐵板芝士牛肉漢堡飯，同泡菜五花肉芝士拌飯，味道唔錯，下次會再嚟

又係讓領導先行嘅日子，今日老細就帶路去megabox 間炑八食lunch。呢間鋪需然開起後門，但lunch 成日都好多人排，等咗兩三個字，入得去。起等嘅期間我已經決定好食咩喇。入到去，店員就將啲小食前菜擺晒係枱面度，有醃青瓜，泡菜，大豆芽，仲有昆布湯。除咗昆布湯同大豆芽係比較清淡之外，其他嘢都好甜。雖然你見到泡菜張相好紅，你會覺得佢會好辣，但係結果係唔太辣嘅，連我呢個唔食得辣嘅人都覺得唔辣而且好甜，佢真係唔辣得去邊。好啦主菜嚟到，我叫咗芝士泡菜五花拌飯。賣相其實都OK嘅，佢個鍋就好似Pepper Lunch嗰個鐵鍋咁燒到好熱，所以隻蛋嘅蛋白都熟熟地。我就趁佢未動之前就將佢全部撈勻晒佢。撈勻晒之後個賣相就好似一堆X咁，主菜嘅泡菜同前菜嘅泡菜有啲唔同，主菜嘅泡菜會辣啲。五花籃有啲煙韌，佢切到薄薄地地所以加埋熱鍋啲熱力，整體都好熱好辣口。而飯侒珍珠米，都乾身。 $60 免加一黎講起megabox 都叫做平喇，係有啲覺得太甜。野飲要加$8以上，好貴，冇加到。題外話，佢係一間韓燒鋪嚟嘅，所以呢有啲人會喺度食緊燒肉，佢個抽風系統就唔係幾得啦，好大浸燒肉味，令人覺得好唔自在。

🐹鼠弟一直叫肥老鼠帶他去韓燒，為了滿足他的心願，選擇了近近地Megabox新開的韓燒，誰知就成為了惡夢的開端星期日6:00到，店內滿滿都是人，剛好有一張枱，而且下一輪訂位是在7:30，所以可以即時入限時一個半小時。一坐下來，店員馬上為我們加爐邊蛋和芝士粟米。可惜，這次之後錯事不斷。我們點了餐後，等了十五分鐘都未有菜到，原來是漏單了。然後，點飯品時來來回回三次，才點到有貨的一款。韓牛前胸肉（半份）$135影起來就美，食起來就已經控制了火喉，沒有過熟，但仍然是充滿韌性，沒有牛味，冷味重，甚至懷疑不是聲稱的韓牛。這個價錢在一田減價時買塊牛，都不會是這個味道霜降牛小排（半排）$98的確是霜降，是冰箱的雪霜味，霜味重到呢又是彈性十足，感覺有口腔內玩了場乒乓波賽，最後硬生生地吞下了薄切牛舌 $118已經是最好食的一碟牛，不是因為牛靚，而是牛舌本身的口感。可惜，離靚牛舌還是有一段距離，油脂感剛好，但還是不夠爽脆。五花肉 $148可食物都拍得太好了，瘦肉跟油脂分佈平均。確實，燒起來是油肉均勻，但食下去一般過一般，肉質不好是原罪，食之無味、棄之可惜。大八爪魚 $108這隻大八爪魚幾經波折先來到，先是漏單

前幾日去到九龍灣，唔算好餓但又想搵個地方坐低同朋友傾吓計🤭於是決定平平哋食個下午茶。發現原來呢到的下午茶都幾抵食㗎，唔使$50就有一個餐。今次我就試咗辣炒年糕配紫菜卷。食落年糕小小辣，但感覺幾惹味。紫菜卷都幾足料，咬落去啖啖滿足。另外枱面上的泡菜是自取的。泡菜的款式是白菜泡菜，有用辣椒醬等調味好，食落小小辣可以加入年糕裏面一齊食，雙重滋味。🤣🤣值得一題的是，這個時間店內客人不多都幾適合聊天。.🏠炑八韓烤 (九龍灣)九龍灣宏照道38號企業廣場第五期 Megabox地下21號舖

We went to this restaurant for lunch as we want to have some Korean foodThe lunch set is quite cheap as we can have a try on the meats and small dishes with rice , only cost around $100 for the lunch set. You can add the cheese and egg for the barbecue It is fine to have Korean Barbecue during lunch time. We are having a great time here

今日黎食韓食，因為冇得book位，所以要攞票等位，但因為太多人黎食，所以都等左25至30分鐘，之後入到去坐低就叫野食，因為時間關係，係出面等既時候就睇定食咩，之後服務員就上水同小菜，小菜有三樣，青瓜，芽菜同泡菜，因為我唔食辣，所以我只食左青瓜同芽菜，兩樣都好好食，重可以無限添加，非常好，之後上左牛肋骨煲，d牛肋骨煲得好軟，放入口，唔使點咬就可以吃落肚，超好食，個飯唔太硬，適中加埋d牛肋骨煲個汁，超好味，絕對會再去食，試下其他野。

超正超正！燒烤爐兩邊有芝士粟米同蛋，等佢慢慢燒熟就可以食，食完仲可以叫店員補充，設計得好好。我仲叫左好多肉類，有唔同款式，肉質鮮嫩，口感一流，燒熟仲聞到陣陣香味，令人垂涎三尺。

最近megabox開左一間燒肉店，但係午餐時間門口都會一條長長的人龍，當同事們都議論紛紛，討論緊點解有咁多人可以有時間午餐時間食燒肉之際，有同事提出原來是有set lunch首先，前菜是任食的，包括泡菜，所以食完可以再叫，如果選擇的是燒肉套餐，則可以無限享用爐邊蛋，芝士要再加錢，飲品亦不包含在套餐內我選了雞扒蛋包飯，雞扒和蛋上菜時很熱，相信是即製的，而且飯是炒飯，不是白飯，再加上碟上亦有沙津，所以絕對夠食，而且好食，價錢方面亦不貴

星期日既Megabox到處都好多人，由10樓掃落去搵野食，發現下午茶唔係好多選擇，掃到地下果層，都預左要求其食d野，就俾我發現係好偏偏的一邊，有一間韓式餐廳。地方都好寬敞，主力for俾人韓式bbq。睇menu都好吸引，主打有$48下午茶 (包主茶、小食、前茶、湯&飲品)，仲有一種食貴少少，唔同set唔同價錢，由$42-$90不等，不過就唔包飲品，小食亦要加錢。我同老公都選擇叫$48 tea set。首先送上前茶，泡茶+芽菜，可以冇限添加。老公唔食呢d，我每樣試左少少，芽菜係普通野，泡菜都唔錯，對我而言就辣左d咁。迷你烤牛肉流心蛋飯真係好迷你，唔好預大碗，飯係少d，但牛肉對比之下係算多，而且唔係薄切，食落好入味，亦唔會好乾身，有質感。不過擺隻蛋就求其左少少，如果放係中間會更加美觀。韓式炒粉絲都係細細碗，好多配料，粉絲反而唔多，呢點有d失望，味道都偏淡，過口癮就可以。甜辣炸雞+薯條呢個小食可以encore，炸雞細細舊，但都唔少，個醬料都好惹味，我個人食唔到有辣，可能之前d泡菜太辣掩蓋左la。薯條係放炸雞下面，已經軟身，冇左脆口感覺，不過都應該係即整，因為最遲上枱。韓式炸餃子望到個樣係好吸引

係香港食韓燒有好多選擇，我就鍾意去炑八。坐底無耐就上哂啲前菜。個沙律加左柚子醬，酸酸甜甜咁，啲菜都好新鮮，好開胃。炑八的前菜係可以無限refill，我地當晚都加左幾次泡菜蛋同芝士粟米，好味護心肉好淋，燒一陣就食得，不過肉味唔重。五花腩係韓燒必食之一，望落已經好吸引，厚度適中，油分好夠，燒個時搶哂火，層肥肉都燒到好香口，不過肉質就硬左啲。雞肉就麻麻地，無咩特別，可省略。最好味係個牛肋條，上枱時係一大條，燒一陣就可以剪開佢再燒多陣就食得。肉質夠淋而且多汁，加少少鹽已經好好咪年糕同魚糕都仲好煙韌，但啲配菜就偏淋，無哂口感。

同朋友溜完冰，行過竟然發覺新開左間炑八，就一齊入去試下。裝修同以往去過既炑八好唔同，感覺清新d，座位寬落d。店員介紹話呢家推出左新套餐，就一於試下。以濟州為主題，同幾個朋友點左個濟州風情燒烤餐（$588）同黑毛豬豬肉拼盤（$188）。厚切五花肉肥落肥瘦相間，將佢放上爐上燒至黃金，入口焦脆！特級牛肋骨就非常震撼！一拎出黎份量相當驚人，牛肋骨經過醃製，入口非常juicy😍新出既柑橘水蜜桃特飲都唔錯，用左濟州出名既柑橘去整，配合水蜜桃既果甜，飲落都幾解膩❤️

每次行Mega Box 都好想入去試下，但因為總是中午時段去行街，但又不想午飯食所以遲遲也沒有機會試下，這天晚上友人生日想食韓燒，真湊巧地還選了這間。我們一行五人被安排了近門口位置的圓枱梳化，但個人覺得實太逼....下次去一定不會坐這張枱，大家去洗手間🚻也不太方便。先說說服務態度，因為我們坐的位置較遠，所以每次差不多想叫食物也要行出中間位置叫服務員💁‍♂️，建議不如裝置服務燈吧！很不爽呢！不過服務員💁態度是好好的。再說說食物質素，相當不錯👍新鮮，飲品也有很多選擇，詳細（見圖），整體來說這晚的晚餐是滿足和滿意的

Mega box分店睇相其實唔差牛舌👍🏻牛肋骨肉👍🏻梨汁雞肉👍🏻牛拼豬拼都好既不過.👉🏻👈🏻張枱唔夠位擺食物.而服務員來到求其就想擺底走.同佢講你地諗諗方法好woo跟手好耐先番...唉泡菜.芽菜.生菜......等都可以免費再叫.又係一樣.叫左佢個人影都冇左咁.問左3個人先有一個直接去眼見佢人手嚴重不足（因為真係唔見人）