炑八韓烤 (歐亞銀行大廈) (Closed)

近排少咗出街，喺屋企煲緊套韓國浪漫喜劇「社內相親」，朋友見我咁沉迷，叫我一定要試吓炑八呢個 「五花肉與海鮮的社內相親套餐」喎！哈哈！有無煲開劇都可以食啦，燒肉我至like！套餐有齊：泡菜煎餅好大件，超飽肚。食嗰時放上爐再烤一烤，更加香脆。五花肉二吃用豬外形嘅木板載住，上面仲有兩件豬外形嘅薯仔，好可愛呀！ 原味同醃過嘅同樣邪惡又美味。拼盤梨汁雞肉、牛五花、大啡菇、八爪魚同蝦。 最吸引係原隻八爪魚，好似個爐面咁大呀。 啲八爪魚鬚咁粗壯，但又夠腍又帶點彈牙，掂呀。食燒肉要配返杯冰凍飲品先夠cool，個餐有加配優惠。 整返杯柑橘鮮橙果茶同皇牌士多啤梨乳酸梳打，香甜清爽。 仲有爐邊嘅芝士粟米同泡菜蛋可以無限encore，想食幾多有幾多！好飽嘅一餐，今晚返去又有精力繼續煲劇啦。

朋友話想食燒肉🙈見附近有間燒肉店評價唔錯～我哋去個日好好生意🙈所以要預時間排隊❤️座位都算大，不過地板比較油要小心跌倒🙉整體評分：7/10味道：7/10服務：7/10環境：6.9/10人均消費：$200-400地址：炑八韓烤 (歐亞銀行大廈) (太子)太子彌敦道749號歐亞銀行大廈地庫三味牛小排 ：分別有三種口味～牛味重得嚟肉質都算滑😋😋😋牛魔王必點！厚切豬五花：真係好大一份五花腩！😍而且擺盤都靚❤️店員推介成個燒完再剪，我鍾意燒得焦香啲～配上生菜一齊食，好有韓式風味豬皮：有驚喜！佢個豬皮本身有鹵過，然後再燒，配上佢個芝麻辣粉好正！膠原滿滿😋蔥蒜牛舌：牛舌係厚切嘅，配上蔥蒜都幾惹味八爪魚 🐙：八爪魚大大隻😍本身已經醃過～燒完啖啖肉勁正😍醬油蒜頭有骨炸雞半份 ：個醬油偏甜口，炸雞都幾好食而且好入味，底下有炸薯條～飲品：-士多啤梨梳打-薄荷荔枝梳打* 另外有爐邊芝士粟米同泡菜蛋、韓式前菜, 例如沙律、泡菜 、大豆芽、 醃蘿蔔等, 可以任加～

太肚餓兩個人叫咗超多嘢食🤣三味牛小排（原味，蔥蒜，韓式秘製醬油） $208肥瘦適中入口即溶！可以試曬3款味，推介推介～炑八厚切五花腩配特製韓國魚醬 $128好邪惡，但燒脆咗配包住生菜好好食！本家豬皮配辣炒芝麻黃豆粉 $85第一次食豬皮，非常彈牙點埋芝麻粉超級香～蔥蒜牛舌 $138唔洗點醬蔥蒜香味都夠！大八爪魚 $108第一次燒咁大隻八爪魚以為會好難燒，點知又唔會而且好爽口醬油蒜頭有骨炸雞半份 $88外脆內juicy！好食～青檸梳打 $38可以走甜 減低罪惡感🤣#Meokbangbbq #먹방 #韓燒 #燒肉 #韓國菜 #韓國餐廳 #韓國燒烤 #koreanfood #和牛 #炑八 #炑八韓烤📍太子彌敦道749號歐亞銀行大廈地庫

上次同朋友食過一次，覺得抵食又好味，今日又想食燒肉喎，所以就提議朋友去炑八喇我同朋友實在太肚餓喇，所以叫下叫下嗌到一枱都係😅，見到有個最近韓劇勁hit果套社內相親套餐，套餐入邊有五花肉二食、雞肉、大啡菇、蝦、八爪魚同埋泡菜煎餅，另外再叫咗個特級牛肋骨同埋豬手另外在叫咗一杯士多啤梨乳酸梳打同埋柑橘鮮燈果茶，配燒肉一流五花肉有兩種味道，一款係醃製過，另一個就食佢嘅原始味道，兩種都好食，但個人鍾意食濃味就喜愛燒汁嘅多啲大蝦夠新鮮，肉質彈牙，一咬落去啲蝦膏必晒出嚟，正😄八爪魚估唔到咁好食，真係一啲都唔韌，又鮮味，真心讚👍🏼梨汁雞肉夠juicy，就算燒耐左都唔乾泡菜煎餅外脆內軟，充滿泡菜味道，但一啲都唔辣，好好食另外食咗個牛肋骨，長長一條見到勁驚喜，放喺上邊煎熟咗再慢慢剪開一塊塊食，醃製過嘅牛肉好惹味，有咬口又唔騷，仲可以用生菜包住啲牛肉感覺冇咁熱氣，咁樣唔覺唔覺就食咗好多舊最後我哋都叫多咗個豬手，皮薄肉嫩，送啤酒係一流另外想講路邊嘅芝士粟米同泡菜蛋都係任食，每次清晒後侍應哥哥/姐姐就好貼心咁問你要唔要添加，好好👍🏼

晚市開返即刻滿足對燒肉嘅想念😍唔知大家中意日式定韓式呢🤪我會揀後者，因為好中意食kimchi haha 加埋辣醬燒肉生菜包🥬無得輸😍環境 : 7/10 餐廳裝修根本跟韓國燒肉店冇分別，貼晒韓星韓文歌，座位舒適 濃濃燒肉店氣氛 🍖食物：7.5/101️⃣三味牛小排 $208(原味 韓式秘製醬油梨汁辣醬)一次過試到三種口味🙈個人認為原味最出色😍 因為食到最原始既牛味🐂2️⃣炑八厚切五花腩 $128吸睛到100分 💯燒嘅時候油脂好香夾住泡菜同生菜食超滿足🤩3️⃣牛舌 $138輕輕兩面反轉煎就食得 爽脆😼都有好多片👍🏻4️⃣大八爪魚 $108原隻八爪魚上碟🐙燒得啱啱好✨爽口彈牙🉐5️⃣醬油蒜頭炸雞 半份 $118外脆內嫩嘅炸雞仲有薯條伴碟🍗🍟 邪惡之選😈飲品：7.5/101️⃣皇牌士多啤梨乳酸梳打 $482️⃣柚子檸檬梳打 $38基本上兩杯都係酸酸甜甜開胃之餘勁解油膩 同燒肉炸雞好配合 chill🍻💰性價比: 7.5/10 ($400/人) 一個價錢滿足到韓燒炸雞 嘢食仲食唔晒可以拎走😹👍🏻

呢間都可以話係韓燒界既名店知道佢出左新套餐，岩晒我呢Ｄ食肉獸，梗係即時幫襯啦一入黎就見到充滿韓味既韓妹，即時醒神晒有兩個新套餐，就咁睇虎視眈眈餐已經好夠食，所以今次食呢個先韓燒必偏既爐邊蛋同芝士，蛋入面仲加左Ｄ泡菜更惹味，仲可以無限ＲＥＦＩＬＬ！前菜同樣可以無限ＲＥＦＩＬＬ超推薦泡菜！又爽口又夠味沙律同生菜亦好新鮮食肉獸見到一定大喜的燒肉拼盤，因為夠晒豐富入面有醬油五花肉、牛小排、梨汁雞肉、大啡菇、芝士生蠔醬油五花肉既醬油入晒味，咸香又惹味牛小排肉味香濃，又唔會韌梨汁雞肉既少許清甜非常之解膩大啡菇又厚又爽口，好似食緊肉咁芝士生蠔夠晒新鮮，將成個錫紙盤放上去燒到芝士溶晒變拉絲，勁邪惡醬油大王豬扒呢個都可以話係呢到既名物佢係大塊到要剪開一半先放到上去燒味道同口感都唔錯，醬油好入味又惹味而且口感非常鬆軟，油脂分布又平均令佢食落都唔會膩韓國豬手另外仲點左呢個啖啖肉既韓國豬手豬手作為冷盤係其他菜式都好似好少見因為佢係冷盤，所以豬皮食落勁爽又唔會膩最緊要係食落啖啖肉超爽最後再點左兩杯梳打，飲落冰涼又爽口

突然好想好想食韓燒，難得而家夜晚恢復晚市堂食，緊係要出去食返餐！今晚揀左來太子炑八韓燒😋餐廳環境頗大同舒適！岩曬我哋慢慢坐同燒。呢排韓劇社內相親大熱，等我叫個五花肉與海鮮既社內相親套餐先。套餐包括： 五花肉二吃，梨汁雞肉，牛五花，大啡菇，八爪魚，大蝦同泡菜煎餅。爐上既泡菜雞蛋，芝士粟米同所有前菜包括生菜，大豆芽，蘿蔔，泡菜同海帶都係任食，真係抵食，岩曬我呢啲大胃王。主食來拉，睇賣相都流口水，海鮮類睇得出非常新鮮！我哋燒左五花肉先，一放落爐，好快就香氣撲鼻。好快就食得啦，即刻包返塊生菜，放小小泡菜，蒜片，一入口，久違既美味感覺返晒嚟😍去吾到韓國，食下韓燒都吾錯😆其他肉類同海鮮都好好味，呢個份量岩曬2個人👍泡菜煎餅值得推介，煎得金黃香脆，入面啲泡菜超爽口，成碟冇乜油膩感，配埋醬汁食一流。食得韓燒梗係要配上一杯冰凍嘅飲品，見飲品限定推介有皇牌士多啤梨乳酸梳打同埋冰涼薄荷乳酸梳打，跟餐只係$48一杯，緊係要試下！當然仲有其他特色飲品😝成個套餐連前菜，令到我哋食到非常滿足。掛住韓燒既朋友仔可以過嚟試下個社內相親套餐🥰

又到左食韓燒既季節，今次又去左我最愛炑八到食🤧——————🐽 韓式豬皮配炒芝麻第一次食韓式燒豬皮，燒過後油脂好香，配埋炒芝麻一齊食出奇地同芝麻香好夾🐽 梨汁雞腿肉平時喺街食到嘅雞肉又鞋又乾，呢度即使燒完之後都保留到好多肉汁同埋好林滑，相信係因為用梨汁醃過，令肉質唔同左同埋鎖住水分🐽 風味牛肉拼盤黎韓燒點可以唔叫牛肉🥰牛肉肥瘦好均勻，油花好靚，燒到五成熟食落口入口即溶，好高質嘅牛肉🐽 炑八厚切五花腩見到就知佢唔少嘢，兩條肥瘦適中既豬五花，燒緊嘅時候啲油脂香出晒嚟，夾住生菜同泡菜食真係一流🙊🐽 燒海鰻燒鰻魚食落真係啖啖肉，油脂感中要好重同好香，一流😙🐽 泡菜煎餅必叫嘅泡菜煎餅，水準如以往地唔錯，每一啖都食到泡菜既味道

今日食牛牛🐮幫姊妹慶生+Farewell🏃🏻‍♀️下次你返黎🤤又到慶祝我生日🎂揀咗我鍾意食嘅一間韓國餐廳主要係食韓燒嘅「炑八韓烤」其實我喜歡食過呢間好多次因為好味…都會再去其實佢哋而家有成16間分店都好犀利佢個前菜嘅泡菜非常好食點左個新既套餐🔸我們的燒肉時光🔸套餐佢用左個牛既版上打卡一流
依個餐係食彥陽牛肉👍🏻釜山好多燒肉店都係用彥陽牛肉高質肉肉💕入邊仲有兩隻大蝦同埋澳洲和牛肩肉每片都好有肉汁…好香口另外仲有金菇同冬菇😏😏😏我好鍾意食鐵板旁邊嘅粟米芝士食哂之後職員自動過黎再加返滿佢我都唔知原來食完可以再加飽飽了🐷🐷🐷🐷🐷

It's our BBQ time💫 it's a Korean BBQ🥢..終於有返晚市堂食，瘋狂去左食燒肉 & 打邊爐！哈哈哈🥳 今次近近地去食個韓國人氣烤肉店，一間勝價比高親民既燒肉餐廳🍽。2人份量十足，爐邊蛋 & 芝士粟米無限refill，前菜數款亦同樣無限refill，食韓式燒肉當然唔少得既生菜，都可以refill 喔！ll $698大件澳洲和牛肩肉、蔥蒜牛五花、牛舌、大蝦、牛小排、彥陽牛肉、無骨炸雞 6件一份套餐已經不少呢，食食下好飽，當中和牛肩肉油花香，夾上生菜包減底膩感。仲可以+$1xx 配以傳統韓式豬手🐽，啖啖肉口感十足喔！飲品方面，香濃水果茶🍹 會推薦柑橘鮮橙果茶 $48 Tangerine & Orange Tea 滿有橙香🧡，而皇牌士多啤梨乳酸梳打 $48 Strawberry Yogurt Soda 同樣酸甜開胃呢。整體水準可以，不過略嫌抽風油煙太大了吧😝。抵食之選喔！..×××[炑八韓烤(太子店)©太子彌敦道749號歐亞銀行大廈地庫..

疫情期間無得食晚市堂食一段時間🥲最掛住既一定係韓燒!!!是關係餐廳韓燒有好多不同款式既韓式配菜食炑八仲有得任食泡菜蛋同芝士粟米🌽😍仲有好多生菜🥬可以包住啲燒肉食咁就會無咁膩💕.今次叫左我們的燒肉時光套餐有澳洲和牛肩肉 葱蒜牛五花 牛舌 大蝦🦐牛小排 彥陽牛肉 雜菇 無骨炸雞🍗等等好豐富 我最喜歡一定係牛舌同牛五花牛舌兩面輕煎已經可以 有爽脆既口感葱蒜牛五花好軟腍同juicy 醬料既配合令到牛既口感增加 超入味👍🏻無骨炸雞有原味同甜辣味揀愛吃辣既我緊係揀甜辣炸雞😍外層炸到脆脆的 雞肉既肉質嫩滑 另外仲伴有茄汁薯條 邪惡之選💜超正～.另外仲點左特級牛肋骨 超長🤤要用剪刀剪開好多份 牛肋骨既醬汁帶點甜 咬落有爆汁效果愛吃肉既一定喜歡!!!🥩.配返杯梳打特飲 一齊黎chill下啦～❤️

呢排睇多左韓劇想食韓國野😝。好耐都無食韓燒，拉左男朋友黎陪我食。叫左個我們的燒肉時光套餐，包左一盤肉同炸雞。肉既種類都幾多款，彥陽牛肉第一次聽，肉既質素整體都唔錯。炸雞揀左甜酸味，一心諗住黎食燒肉，對炸雞冇乜期望，點知有驚喜，幾高汁！野飲就叫左冰涼薄荷乳酸梳打同王牌士多啤梨乳酸梳打，夠哂凍又可以解下燒肉既油膩感。呢到d staff 好nice，會主動埋黎幫我加芝士粟米同泡菜蛋！芝士粟米真係好食！食左3轉都唔覺漏😝。幾抵食，好夠飽，係油煙味大左D😆。

安坐在寬闊的卡位，享受韓牛滋味。先來韓式前菜4小碟: 泡菜、海帶、醃蘿蔔及豆芽，清新開胃。很喜歡泡菜爐邊蛋和芝士粟米，可以無限refill，泡菜蛋微辣可口，十分滑溜。風味牛拼盤 236拼盤：牛前胸肉、蔥蒜牛五花、牛小排及牛舌，牛前胸肉油脂豐盛，入口軟嫩，啖啖炭燒肉香，過足口癮。牛小排嫩紅，💋口感油潤軟腍，肉汁細膩誘人。牛舌薄切爽脆，咀嚼時釋出迷人肉香，口感彈牙。厚切豬五花 128五花肉份量十足，慢慢燒至金黃香脆，再煎成一口size，連同蒜片包在生菜中吃，肉質充滿彈性，🔥油花豐沛，肉汁香濃。豬皮配芝麻62豬皮透明外層，燒至捲身，煙韌、有咬口，灑上芝麻調味，更加香口。梨汁雞腿肉 88雞腿肉肥美，烤至金黃，雞皮焦脆，入口綿彈多汁，肉味濃郁。 半份鰻魚 148鰻魚質感軟嫰，😋燒時塗上濃郁燒汁，味道香噴噴，入口爽彈緊緻，鮮味十足。泡菜煎餅 88十分香脆，每啖充滿泡菜清香，惹味吸引。

識食就不會有太多罪惡感，對於「食肉獸」的我來說肉食主打烤肉頗多最合我即燒即食融合精緻帶出驚喜「配料、伴菜醃菜、炸雞等食材」，不單有得韓燒之外仲可大展伸手，就讓大家嚐嚐韓國秘製傳統風味，無論單點或套餐拼盤樣樣齊全食得盡興且飽腹感十足前菜七款順序擺放刺激大家味蕾，惹味口感進食時不單調平衡油膩感之餘令烤肉吃下去點點清新炑八「我們的燒肉時光套餐」分別組合牛肩肉、牛五花、牛舌、大蝦、牛小排、牛肉等切割方式分布，入口即溶濃郁質感性價比高，按照喜好熟成程度，在油花細緻底下全方位照顧美食需求，配上無骨炸雞和特飲確實無法抗拒

開番晚市堂食第一時間要食韓燒炑八韓烤係我最鐘意的前菜嘅酸蘿蔔同泡菜次次都高水準極入味 夠酸夠辛辣 食完胃口大開#名品大王豬扒 一整片 燒到差唔多熟就剪成小塊建議用生菜夾蒜頭一齊食別有一番風味 泡菜煎餅香脆唔油膩 唔算太辣 薄片唔會太飽另外推介 #芝士生蠔 每客四隻肉質鮮嫩 燒完都保持到漲卜卜同芝士味好夾拼盤 包括有五花肉 牛肋骨 雞肉每樣有2-3 件最後記得唔好忽略左必食嘅爐邊蛋蛋香味濃 好嫩滑整體黎講食物質素高員工服務快又準環境寬闊 唔會太大油煙味