炑八Taste

Open Now

Now Closed

食完呢間，你唔會想食pepperlunch。peper lunch，食過不下多次，d牛又乾又窿，飯又一舊舊，好多時牛食晒，d飯都未食得晒。而foodcourt呢間既鐵板飯，賣相同食物雖然同pepper lunch大同小異，但就好食好多！首先，你唔洗自己拎醬汁倒落去，因為佢已經撈左唔少醬汁係d飯度，所以你每食一啖飯都食到醬汁，唔洗擔心好似pepper lunch咁要食「乾飯」。另外，佢落左唔少油，雖然唔太健康，但油味好香，d飯索晒油味，每啖都好好味。最重要！就係d牛好食好多。唔會乾，而且牛味好濃郁，你知自己食緊牛。牛份量都有好多塊，食完成餐都好夠飽。

假期去踩單車，來到這個商場搵食。美食廣場坐滿人，轉咗一圈先搵到位，座位就係炑八旁邊，餐牌有啲似pepper lunch，嘢食又唔太吸引，見到佢有個新出牛肉炒粉絲就試吓啦。牛肉唔算韌，個牛肉汁配埋粉絲味道幾好。碟底的粉絲積聚好多油，食唔到。

第一次在這裡的美食廣場食，見佢裝修得幾靚，於是試吓，男友選了這間，叫了個鰻魚韓牛漢堡鐵板伴飯，在等候期間，見佢個漢堡係用微波爐翻叮熱的，出餐後，淋汁，雖然係鐵板上，但並沒有＂泎＂一聲，一粒聲都無，證明個鐵板唔夠熱🙈，失去佢用鐵板上的賣點，個韓牛漢堡同普通漢堡差唔多，無特別，個鰻魚係大條的，但味道一般，另外要加八蚊先有汽水、凍檸茶果D飲，food Court而言這個價錢偏貴，這個價可以食D質素好啲的晚餐🙈

🔥鰻魚烤牛肉鐵板拌飯🥘 ($82) 燒鰻魚很香，還有醬汁肥牛，兩棵西蘭花加一點健康元素，另外有燒汁和蒜香汁加入石窩中拌飯，鹹淡可以自己隨意調節。食物唔錯 但都係無太特別🙈（近既餐）

💬這店想光顧許久，今天終於有機會，非繁忙時間，可隨意選座位，2人坐4人卡位，很舒服，慢慢吃，慢慢聊天💦🔰特級芝士烤牛肉鐵板拌飯$65(可樂+8.0)，個人喜歡走芝士，粟米粒也算多，又有隻半熟的流心蛋🍳，弄穿蛋黃混和粟米及飯吃，蛋香味美，主角牛肉軟嫩多汁，好佐飯📯整個烤牛肉鐵板拌飯(走芝士)很合我口味，加上夠氣又凍的可樂，吃得滋味開心。以後到這裏，又多一個喜歡的選擇友人吃同一款飯，但沒有走芝士，他也說整個拌飯不錯

$55飯+$8凍飲🤔見到炑八推出左pepper lxxxx最拿手嘅鐵板飯，一於試吓佢嘅質素夠唔夠人哋砌😆套餐一到手，塊板明顯冇咁熱，牛肉偏乾身唔濃味，啲燒汁到上去冇 “sa” 一聲，飯亦好普通......加$8有特飲，檸檬梳打，一個午餐$63，在元朗可以有更好的選擇🙈

又要再讚一次yoho 閒日既泊車優惠好抵，所以又黎左yoho dinner. FOODELI 選擇都幾多，今次試下"炑八Taste"其實呢間野賣既飯有d Pepper Lunch feel. 揀左個"🍴LA 牛仔骨鐵板拌飯🍴$62)"食物黎到，熱辣辣既鐵板上有飯，豆芽，煎蛋，仲有牛仔骨，香噴噴令人食指大動。牛仔骨食落d 肉都幾香牛味，肥瘦適中；飯上有牛油，粟米同埋黑椒，撈埋d 牛肉汁真係好惹味！野飲方便加左8蚊要左杯柑桔檸檬梳打，夠晒解渴。

-🦄炑八Taste-烤牛肉鐵板拌飯 Hkd55Rating🌕🌕🌕🌑🌑-YohoMall開左Foodeli咁耐🍃終於有時間去喇🙈相信都開左一段時間😂😂而且又係平日真係唔係好多人 買野食唔需要排隊👍🏻而且搵位都好快搵到 隨便簡👍🏻😀簡左一個價錢適中又岩口味既炑八鐵板飯🥘用料普通😗其實只係牛肉加飯🥩🍚然後仲有蔥同埋實冇死既燒汁🥢可能鐵板唔係特別熱既關係 唔會整到飯焦而且飯比較濕潤同稀爛 對於我來講就唔太中意個口感因為個人比較中意食乾身少少粒粒分明既飯🍚牛肉都有啲啲韌唔係好咬得開😟😟不過佢落燒汁既話係實冇得輸既 汁撈飯好難唔好食既係Foodeli到有好多好吸引既食物選擇相比之下可能佢這會遜色少少喇🙈🙈🙈同埋佢係$55冇野飲 飲野要加$8😟😟💫💦變左個cp值都幾低下 大食啲既朋友們可能唔會飽Tim-

Yoho Mall新開咗food Court ，好多有名嘅街頭小食都有進駐，於是就被吸引咗去！最後揀咗食炑八~芝士韓牛漢堡扒鐵板全餐($68)都幾惹味，芝士份量都夠，韓牛漢堡扒比一般漢堡扒無咁鬆，都不錯👍🏻另外仲加$8叫咗杯柚子冰茶，柚子肉份量都比我預期中多。

見到炑八竟然出pepper xxxxx 最拿手既鐵板一於試下佢水準夠唔夠人地砌未拎野食已經覺得佢地d 個號碼牌有問題。。因為佢地係角落店，所以落完order 同拎食物係要轉一角落，唔係同一地方。。但係佢個號碼牌竟然係落order 個位而唔係拎野食個位但拎野食個位既侍應又唔會叫no.....依方面應該要改善下。。拎到上手， 塊板明顯無甘熱。。。同埋d 西冷已經熟到過哂龍，超硬超un, 少d 牙力都食唔到。。。同埋就係得甘多舊。。同埋係完全無牛味。。其實係乜味都無。。因為佢無落過任何調味倒左一半d 燒汁落個飯撈，個飯一食又係無味，落哂所有汁先有少少味。。。可能食慣xxxxxx lunch 既濃味。。一食依個好唔慣。。。$88無野飲，塊牛甘既質素。。下次都係叫番韓食d 石頭飯算