貓抓烤肉

Open Now

Now Closed

Fafafoodblog為食花太郎 貓抓烤肉 香港 🍴貓抓鐵板豆腐38 蚊豆腐外面帶d爽脆 豆腐入面勁香滑 好味🍴貓抓烤茄子38 蚊🍆茄子個醬汁好夠辣香 葱花辣椒味道剛好 茄子好軟林 燒得熟同入味 正🍴招牌肥牛丼飯39 蚊肥牛好足料 加埋好多爽口洋葱 飯用左日本米 好彈牙 正🐂🍴貓檸茶22 蚊😼🍴貓草茶22 蚊😽好得意既貓飲品 有椰果 好有口感🍴虎蝦58 蚊🦐勁新鮮大隻虎蝦 就甘食同撈飯食都好味🍴生菜18 蚊🥬用生菜包住肉食再點d醬 七味粉 辣醬都好好味 🍴貓抓好運厚切和牛貓罐頭 268 蚊厚切美國牛肋厚切西班牙黑毛豬五花厚切牛舌厚切日本宮崎a5 和牛厚切澳洲穀飼牛板健🐂🐖#燒烤 #牛肉 #肥牛 #丼飯 #虎蝦 #豆腐 #鐵板Score 平均分< 7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#貓抓烤肉旺角豉油街104 號xx arcade東翼1 樓~~~~~~~~~#faf

店内有各种猫猫元素，连小甜品都是猫爪形状的貓抓好運//*厚切和牛貓罐頭见过装满肉肉的万圣节礼盒嘛门一次性吃到多种肉肉好爽• 猫爪冰沙猫爪爪的造型上来就被萌化猫爪吃着像奶冻 左右摇摇duangduang～~吃起来是草莓酸奶味不得不说 深夜的来吃烤肉真的绝！！每个菜品的单价都很平价。难得香港吃一份和大陆均价相似且好吃的烤肉可能是节假日的关系 所以来到时候正好在做万圣节的烤肉优惠在香港吃上了在深圳的价格绝对抵得了

最近從食友口中得知，晌旺角有家集韓式及日式嘅烤肉店「貓抓烤肉」，啲套餐非常抵食，而且，環境十分寬敞。剛巧早排小病，好番晒當然要食餐好嚟補數啦，所以，就拉咗老表一齊嚟嘆一嘆，又傾吓近況。餐廳位處二樓，因為以貓為主題，一出電梯就睇見大大隻好似招財貓嘅貓公仔，十分搶眼。四周圍都有好多貓貓畫作或得意標語，雖然小弟唔喺貓控，但都覺得有趣。講真，餐廳唔止地方大，而且，樓底夠高，啲卡座仲特別闊落，坐落好舒服。再者，講到服務，幾位侍應有禮之外，更不時主動幫手換爐紙。枱上已放好餐具、燒烤工具、紙巾，仲有就喺幾款蘸料，包括：萬能乾料、清爽柚子汁、牛肉燒肉汁，各有不同特色，最貼心喺餐墊紙有埋圖文介紹幾款蘸料特性，仲加埋烤肉技巧添。此外，蘸料架中仲有一枝喺生油，烤蔬菜時用，令啲蔬菜無咁易燶。餐廳無正式餐牌，掃二維碼落單，分門別類都好清楚。不過，店員就話最近嘅推廣就喺「貓抓好運厚切和牛貓罐頭」同「萌貓燒肉套餐」（分2人 / 4人份），性價比非常之高。而我哋揀嘅2人燒肉套餐（$348）喺M5和牛升級版，內容十分豐富，包括全明星拼盤、秘製西班牙豬五花、咔吧雞軟骨 / 照燒雞腿肉（2揀1）、新鮮小吊桶 / 海捕虎蝦（

位於旺角、以貓咪為主題的烤肉店「貓抓烤肉」，門口擺放了一隻招財貓，勁大隻萌爆，餐廳另外有好多打卡位，包括各種食物都可以打卡，當中以「貓抓好運。厚切和牛貓罐頭」一打開仙氣處境飄出來，看來勁正似的！🐱貓抓好運。厚切和牛貓罐頭 $268 五款肉全部都厚切，包括日本宮崎A5和牛、澳洲穀飼牛板腱、美國牛肋條、西班牙黑毛豬五花及牛舌，一打開已令一衆食肉獸垂涎三尺！可惜肉的質素一般，有些好韌，只係算抵食🐱貓抓牛小排 $108 勁大塊的牛小排，鮮嫩又有肉質，這個反而有驚喜👍🏻🐱貓抓烤茄子 $38 配上特製醬汁帶一點點辣，好惹味🐱招牌肥牛丼飯 $39 抵食🐱貓檸茶$22 好飲，甜味酸味啱啱好

朋友係食肉獸前排同佢去左食烤肉餐廳以貓貓主題為主環境闊落舒服而且都好抵食！設三款醬汁可以按自己喜好食用。萬能乾料，加入旺仔雪米餅碎。清爽柚子汁有助解膩，同埋牛肉燒肉汁，各有不同風味！萌貓貓主題烤肉二人餐 $348照燒雞，肉質嫰滑。秘製西班牙豬五花，肉質鮮嫰，大理石油花，油脂滿滿。新鮮小吊桶，夠彈牙。酸辣爽脆木耳拍青瓜，爽脆清新！炸薯餅又脆又香口！貓檸茶，檸檬酸同澀味都岩岩好。鮮奶奶凍 +$12 造型好qq，淡淡椰汁味。貓抓焦糖布丁，好滑溜，最中意面層既焦糖，脆卜卜。追加貓抓伴飯 $12放滿了紫菜、芝麻，配烤肉食一流！荔枝蝦球 $38真係整到成粒荔枝咁😂😂蝦球爽口彈牙貓抓鐵板豆腐 $39豆腐帶點微脆內裡十分嫰滑，豆味濃。貓抓烤茄子 $38茄子口感軟綿綿，蒜香味濃郁。

琴日黎左間以貓貓做主題嘅餐廳🤪入到餐廳嘅氣氛，感覺好開心我哋叫咗個厚切和牛猫罐头超抵食！有五款肉提供！全部啲肉都好Juice塊宮崎A5和牛，一煎就好吸引🤩超香！雪花亦好靚！👍🏼👍🏼好好味！黑毛豬五花望落好肥，但煎完好香口！邪惡東西 ，特別好味🤣厚切美國牛肋，好juicy!平時燒肉好怕乾真真，但呢度啲肉都唔會！我哋問店員有咩推介，佢就推介咗貓抓藤椒雞.非常之惹味，好鍾意食辣嘢，啲青花椒好香，雞肉醃時間都好夠 好入味🤪食夠肉，我地叫左貓抓焦糖布丁同埋貓抓鮮奶奶凍估唔到唔係得個樣😂 通常呢啲甜品都係好睇唔好食。但係呢度嘅甜品唔錯，造型夠特別，好吸引人打卡，甜都吾會太甜！

鐘意食肉嘅朋友絕對可以試下貓抓烤肉我地四個女人叫左一個四人餐後，仲單點左肉類同甜品，就知道我有幾鐘意食肉！所以食肉嘅你哋都唔好錯過佢地方大，抽風系統都幾好同埋坐得舒服啲我今次第二次黎食，每次食嘅嘢都唔同，上次食左個茄子🍆好辣，但惹味，今次食左個青瓜🥒，清清地，幾好食肉🥩方面，拼盤可以食到唔同肉類，適合食肉獸嘅朋友。雞🐓嘅話，我鐘意食藤椒雞，有麻有辣嘅感覺，好正！重點係雞好嫩！檸檬茶不過不失，甜品太甜，不過個款好可愛，套餐入邊嘅紅豆豆腐花個人認為太甜啦，但豆腐花個質地好特別。

呢家主題餐廳愈開愈多，貓貓主題餐廳你有冇試過？好耐冇去豉油街食野，戈度原來有一間以貓貓為主題嘅燒肉店，而且更系內地過江龍話到黎香港，提供多款特色小食同平民價燒肉🔥鐵板豆腐又幾過癮，豆腐上沾滿醬汁，香氣十足，豆腐豆味香濃。荔枝蝦球原來系冇荔枝味🤣但荔枝外型好得意❤️裡面蝦膠打得結實，口感不俗。貓瓜全明星拼盤包含多款燒肉，只需$248！印象比較深刻有藤椒雞腿肉 藤椒牛舌 拌牛肉，雞腿肉雞肉夠嫩滑🐔拌牛肉牛味香濃🐮牛舌有嚼勁。貓抓拌飯有大量紫菜絲同飯素，相信好多人都中意，一路食肉一路食飯素會開胃啲。見到好多人飲貓草茶，我又試試💚原來系茉莉茶加Q果，茉莉味道清香，加埋Q果又幾新穎🥥清新解膩。貓抓鮮奶奶凍好QQ🤍有動L可以拍片😆食落其實就系椰汁味道，口感實在。

放工同同事約咗嚟食貓抓烤肉好彩book定位 一到步就可以入座座位都幾闊落 枱面嘅空間都夠位擺嘢食超萌貓貓主題烤肉二人餐套餐都包幾多嘢可以唔使傷腦筋自己揀全明星拼盤由牛、豬、雞每款肉都有獨特嘅調味 食落去真係突出到肉嘅味道 完全唔會重複套餐貓抓烤茄子烤茄子火候啱啱好一夾就起味道通常非常美味調味料大蒜、橄欖油、鹽同胡椒充分提升香口程度都極致烤茄子肉軟糯口感層次豐富 令到人食唔停口套餐藤椒雞好嫩滑 燒完都唔會好乾另外仲加咗$68嘅惹味完隻八爪魚仔串八爪魚仔全部大大隻燒完都唔會縮水好多非常新鮮套餐虎蝦好新鮮虎蝦肉質緊實燒烤後都保持良好嘅水分令到每一口都充滿鮮汁肉質富有彈性咀嚼時能感受到獨特的口感套餐貓抓拌飯 紫菜同秘製汁撈埋一齊配埋烤肉一齊食簡直一流我哋仲加咗個$268嘅貓抓好運，厚切和牛貓罐頭個擺盤真係用放大版嘅罐罐去裝肉嘅部位都唔少同埋全部都厚切有牛舌、澳洲穀飼牛板健、日本宮崎A5和牛、美國牛肋條、西班牙黑毛豬五花每款亦都好高質套餐拍青瓜酸辣爽脆開胃一流$32嘅燒菠蘿係食烤肉必食食完啲肉燒返舊酸酸甜甜嘅菠蘿調劑下Perfect套餐都包兩杯嘢飲套餐仲送兩個甜品分別係紅豆豆腐花同貓抓焦糖布甸賣

係旺角豉油街中間好大塊招牌容易搵座位十分闊落、室內十分光猛抽風勁無油煙味冷氣夠凍飲埋杯凍飲好快涼返晒套餐幾扺食、上菜有埋乾冰幾有GIMMIK散叫其他小食都唔貴仲幾吸引特別必叫鐵板豆腐外脆內軟幾新奇!店員服務幾好 會不時主動換油紙防痴底接近每燒一款就換張新既、包保唔會燒焦厚切和牛猫罐頭 $268全部肉都主打厚切及大大塊好抵食最吸引當然係雪花位滿滿既厚切A5和牛燒到單邊焦香後反轉微微加熱就可食用五至六成唔使太熟好淋又易入口牛肋肉及牛板鍵都好大塊肉量十足原肉冇落味粉發大、實際啖啖肉自已加汁正好多肥肉及精肉比例岩岩好、好岩二人份量不會太油猫爪烤茄子 $38茄子肉量幾足又容易拉起成條肉微辣既豆瓣醬及大量既甜蒜蓉好夾雖然一上枱好熱但真係熱食好味好多猫爪鐵板豆腐 $39口感似臭豆腐外邊炸至香脆但豆腐蕊軟滑最重要係無任何臭味 個人十分中意加上豆瓣醬辣辣地好惹味招牌肥牛丼飯 $39有別於市面既汁醬淥肥牛係用烤焦既肥牛片配上香氣十足既黑椒汁加上洋蔥及半熟蛋既甜味完成度及滿足度十分高

朋友話最近去咗一間以貓貓為主題嘅餐廳，身為奴才嘅我二話不說就約埋主子契媽去試吓！Menu有好多款式，有拼盤又有散叫，店員推介我哋點做緊優惠嘅「厚切和牛貓罐頭」，大大份先話$268，啱晒唔想用腦只想食肉嘅我哋！呢個拼盤一上枱就令我哋好興奮，因為佢用一個巨型貓罐罐裝住啲肉，店員一打開罐蓋，乾冰嘅煙霧效果就出晒嚟, 非常高級，梗係要狂影相啦！貓罐罐入面有厚切美國牛肋、厚切西班牙黑毛豬五花、厚切牛舌、厚切日本宫崎A5和牛同埋厚切澳洲縠飼牛板腱，冇錯！呢個罐入面全部都係厚切，啖啖肉真係好滿足！除咗厚切牛舌比較難咬之外，其他肉都好腍，主打嘅A5和牛真係好好食，油花分佈剛好，唔會成口油～一場嚟到，我哋仲點咗電視節目有介紹嘅貓抓泡椒肥牛，見到一排肥牛上面滿滿嘅泡椒醬料，兩個人合力夾住頭尾搬上去燒烤爐，好快就食得！呢款肉真係全場惹味NO.1，泡椒辣得嚟好清新，雖然食完要飲水解解辣，但真係辣得好過癮呀～朋友見貓抓洋葱牛小粒都係餐廳推介，就心思思想點嚟食，但之前同佢食燒肉放題食到咬唔爛嘅牛小粒，我哋都有啲擔心同類產品會唔會有一樣問題。結果呢度嘅牛小粒冇筋之餘仲好軟腍腍，而且份量都多，仲炒埋個洋葱嚟食，勁香口

由於我哋屋企有養貓，我同老公都係貓奴，所以一聽到貓抓響香港開咗已經好想去試吓，睇相見到啲環境都好可愛，希望唔係得個樣啦! 一上到去已經見到一大座貓響門口迎接我哋，全間店幾乎都係卡位，空間充足坐得好舒服食物方面，我地見餐廳周圍大部份人都叫咗個貓罐頭樣嘅牛肉拼盤，所以都叫嚟試吓，上菜嘅方式好可愛，真係模仿一個巨型嘅貓罐頭，一打開就飄啲煙出嚟，可愛程度爆燈，非常適合打卡二百幾蚊就有咁多肉食，性價比都好高，大家嚟到都可以叫下~ 另外個炸雞都好正，新鮮炸起外皮好香脆，已經忘記咗有幾熱氣了~ 一邊食飯一邊俾啲貓貓卡通包圍住都幾開心，不得不講餐廳啲肥貓仔真係畫得幾可愛，啱晒鍾意貓嘅人總括嚟講餐廳環境很可愛又好坐，地點方便，都幾適合朋友聚會，下次我都可以同朋友嚟叫吓其他嘢食

人氣深圳過江龍 貓抓烤肉開咗喺旺角Arcade 商場一樓！ 咁啱同朋友傾過放工聽日出旺角行街一於試吓！ 上到一樓已經好香燒肉味同坐滿人我們兩個人點了貓爪全明星拼盤包咗燒茄子，兩個紫菜飯同埋兩杯檸檬茶，仲有兩個貓爪甜品！食物味道非常入味，每款肉本身已經醃好咗，燒完嗰時基本上唔使點醬汁已經好好味另外，Menu上亦有其他貓罐頭套餐，非常吸引飲品亦都好出色！甜品沒有兩款可以選擇！我同朋友食得好開心，一定會再黎一次

旺角中心地帶全層佔地面積夠大坐卡位望住鬧市旺城景一枱一個抽油煙機 唔使驚食燒肉食到成身燒烤味另外仲有一支射燈附着抽油煙機上面食物影相打卡，效果非常好好幾種醬汁 仲有惹味燒烤粉一定要加厚切和牛貓罐頭 $268厚切美國牛肋 厚切牛舌 日本宮崎A5和牛 西班牙黑毛豬飯，澳洲穀飼牛板腱真係一個罐頭形式呈上 所有肉類厚切大大份268可以食到咁多種高質素肉類 留港價好抵 希望長做長有呢個價錢前肩胛肉（150g） $78精選牛板腱（150g）$88另外加咗兩份牛肉 質素唔錯肉片嘅大細 血色 賣相都得鹽焗野生海捕虎蝦 $58鐵板鹽焗 加入少量花椒粒焗到外面脆口乾身 裏面仲有少少濕度脆到可以連殼食

上次食燒烤，是自己一個食海鮮燒烤，今次食燒烤，則是和太太一起去食烤肉。去的地方是一間來自大陸，名字有趣，叫做「貓抓烤肉」的燒烤餐廳。顧名思義，這間地方簇新，環境光鮮企理的餐廳的特色，是以貓做主題，這晚我倆一踏入餐廳，便看見一隻等身大的巨型招財瓷貓一手遮眼，一手抬起來迎接我們。侍應招呼我倆入座後，也見到牆壁上有不少令人會心微笑的貓海報和一些餐廳食物的介紹。看餐牌，這裡的「二人套餐」（原價$525，特價$348）是十分抵食的，所以兩夫妻一致通過，就點這個「二人套餐」做晚餐，另外，還加點了一份「烤雜錦蔬菜」（$39）調和一下這套餐裡肉類偏多的缺點。先說另叫的「烤雜錦蔬菜」，這小吃包括紅色的蕃茄、綠色的翠玉瓜、白色的洋蔥和黑褐色的冬菇片，顏色鮮艷亮麗，全部都是健康食物，在吃烤肉之前先吃點蔬菜，最好不過。那麼「二人套餐」呢？這套餐就豐富了，首先有「川味涼拌小皮蛋」，足有八顆的黃色小皮蛋，雖說是以川汁涼拌，其實辣度輕微，少許的刺激，作為開胃小吃，都幾稱職。在「雞脆骨」和「口蘑蝦滑」兩者中，我就揀了後者。一客六個，三大三小的蘑菇，菇內釀入了蝦膠，烤熱之後，汁液澎湃，味道都不錯。「烤茄子」和「鐵板豆腐