喵喵怪廚

Open Now

Now Closed

教會boardgame前速食喵喵🐱怪厨，喺駿業街熟食中心二樓，真係要識途老馬先會去，第一台客，見到老闆娘同囡，但見唔到貓貓🐱，原來瞓咗喺櫃入面。叫咗兩個餐，蜜糖🍯雞扒餐同吉列豬扒餐，記得要remark罐罐飯。餐飲唔加錢可以要冷熱茶，我揀咗冷烏龍。兩個餐都快出，不過蜜糖🍯雞扒係茄汁🥫底，我就麻麻，吉列豬扒都脆口。最重要既儀式就係同罐罐打卡同開罐，不過個罐皓熱，要小心👀，都算易開，有治癒❤️‍🩹感，入面有蛋包飯，蛋滑。打卡送單骨雞翼，外脆內滑，正😄，另一個friend冇remark罐罐，得普通碟上飯

難得去到觀塘做檢查嘅時候，檢查完當然要食返餐好㗎啦，我搵搵吓⋯⋯搵到有一間有貓貓喺度嘅Cafe，而且佢啲食材都好得意，擺得好細緻仔仔嗌咗個超好味嘅黑松露扁意粉，而我叫咗個手掣漢堡蛋包飯，嗰度有兩隻貓貓喺門口做守門員，但係好得意成日都喺度瞓覺，估唔到仲有另外一隻好大隻嘅烏龜，但唔知佢叫咩名，都幾有特色，而且啲嘢都幾好味，見到老闆娘行出行入好忙碌，咁樣整嘢食又招呼人，心諗下次一定會再嚟幫襯⋯⋯⋯⋯過咗兩星期後又突然想嚟依間舖頭又再嚟食咗個蕃茄鴨胸扁意粉，又好好味喎，阿仔當然叫返自己心頭好，今次多謝老闆娘，請咗仔仔飲咗個好好味百香果茶

喵喵怪廚Meow Monster Chef📍觀塘駿業街67號熟食市場1樓36號小店以猫猫為主題，小小的舖位也有兩位貓🐱店長🍽️旋風蛋罐罐飯配牛仔骨 + 樽裝清香桂花烏龍茶前菜有椰菜沙律；主食牛仔骨🍖，醬汁非常入味，份量足；罐罐飯打開有旋風蛋🥚，蛋非常滑而且有蛋汁；甜品是地瓜丸，外脆內軟，清甜好味。以罐罐飯作招來，有視覺和味覺的享受。🍽️孜然單骨🦴雞翼烏冬 + 配樽裝青甜白桃烏龍茶孜然味道剛剛好，單骨雞翼，雞翼之中我至愛，因為食起上嚟好方便。整體來說🍛食物方面感受到廚師用心製作；🍴餐具方面配合餐廳主題，最喜歡貓腳🐾筷子🥢和打卡📸必選的罐罐🥫飯；店舖裝修方面，最值得留意是天花板，好吸晴。但熟食中心都是一些比較細嘅舖位，所以座位會比較少和擠迫。#香港 #美食 #觀塘 #支持小店

太可愛喇！竟然用罐罐黎放我地既午餐！(留意 填寫菜單時有問堂食需唔需要用罐罐裝)我地嗌左單點一個日本咖喱吉列豬扒旋風蛋罐罐飯（$83）同埋一個黑松露忌廉野菌罐罐炒意粉套餐（$90）套餐跟左一隻日本溫泉蛋、海鹽枝豆、是日甜品同埋烏龍茶。烏龍茶我地揀左清甜白桃烏龍茶。跟住心多多又嗌左四川風味麻辣shake shake薯條（$32）日本咖喱吉列豬扒旋風蛋罐罐飯（$83）⭐️⭐️⭐️⭐️一打開個罐罐見到個蛋包飯超靚！吉落去見到佢既飯係珍珠米炒飯！配埋咖喱吉列豬扒！味道無好濃，唔會食完好似食左好多味精咁好口渴！唔會好膩！黑松露忌廉野菌罐罐炒意粉套餐（$90）⭐️⭐️⭐️⭐️⭐️未打開都已經聞到好香好濃黑松露！打開埋個罐罐再加埋個套餐加埋隻溫泉蛋撈埋落去！真係好好味！味道好夠，每條意粉都掛哂汁，唔會食兩啖都仲到喉唔到肺咁🤣但唯一可惜既係如果溫泉蛋可以係流心蛋就會更開心🙊四川風味麻辣shake shake薯條（$32）⭐️⭐️⭐️個薯條我地就先得唔係好夠麻辣味！聞落好香，但食落就差少少，有啲可惜另外，佢地做緊個活動係影食物相放係ig story再tag番佢地可以換到小食一份！我地當然唔錯過！換到新疆風味孜然單骨雞翼2隻！唔

駿業街嘅熟食市場有好多好嘢食，我成日都去覓食㗎😎！有次咁啱經過，見到呢間細細地嘅餐廳，裝修都幾靚同埋乾淨，雖然佢嘅價錢唔算好平～但本着「試下你咩料啦」嘅諗法，就入咗去食喇～結果成餐飯都好驚艷😍！仲有貓貓玩添🐈～cute到爆呀🥹！老闆娘服務好周到，好鼓勵你玩下貓貓，好鬼搞笑🤣✨蜜糖雞扒 旋風蛋罐罐飯套餐 $80用呢個罐罐嘅包裝已經夠晒eye-catching🤩！成個set份量十足，雞扒嫩滑，有蜜糖味🍯，再配埋番茄醬🍅，甜甜酸酸咁～成件事好開胃，好好送飯😋！旋風蛋蛋香濃，唔會overcook咗，一啲都唔hea㗎！✨香草什菌卡邦尼炒意粉套餐 $72意粉個忌廉味好濃郁，意粉唔會過軟，配埋個溫泉蛋好好味🤤！特別要highlight嘅係～個甜品熱辣辣，少少甜嘅外皮好脆，入邊仲有好香嘅芋頭蓉，好好味！😍最後，附上同貓貓玩嘅花絮～貓貓咁嗲😚，本身唔係特別鍾意貓嘅我都要改變主意啦🤣⋯我諗我會成日幫襯～咁就可以黎同佢哋玩多啲喇😎CP價：🌟🌟🌟🌟🌟Encore機會：🔥🔥🔥🔥🔥環境氣氛：🧸🧸🧸🧸🧸🔖 #喵喵怪廚 (觀塘) @meow_monsters_chef📞 94579527🔍 觀塘駿業街67號熟食市場1

今日放工無野做係附近周圍行下 入左熟食市場 本身無咩期待 點知無意間發現到呢間餐廳 一入到去竟然有兩隻好可愛嘅貓仔 叫外賣等嘅期間仲非常痴人 會同你玩 唔知仲以為去左貓貓cafe仲一隻龜喺度走來走去 野食即叫即整 外觀都好吸引 外賣包裝非常細心高質 仲有送小食 食物味道都好唔錯 性價比嚟講100分 觀塘少有嘅良心餐廳 好過去啲茶餐廳$60食頹飯 喺附近返工應該會成日黎食 絕對會再次幫襯既餐廳 除左地址有啲偏僻 希望會俾更多人食到支持佢地

由外賣小店，到駿業街熟食市場做堂食，真不簡單。老闆娘係有愛心，好愛寵物之人。餐廳設計有心思，以貓貓為主題，黑白色設計，好有風格，而且夠哂光猛。餐廳出名罐罐飯，以貓罐頭為藍本，相信係未貓奴見到都會好開心。蜜糖雞扒旋風蛋罐罐飯打開蓋子就見到熱辣辣蛋包飯，蛋味香濃，完美旋風形態，好啱打卡！有味飯用日本珍珠米配上醬汁調味而成，雞扒煎得嫩滑配埋茄汁，配飯一流！日式咖哩吉列豬扒旋風蛋罐罐飯豬扒大大塊炸得香脆而不油膩，肉質夠厚仍鬆化，配埋咖哩汁簡直一流。有個細心位，咖哩汁跟薯仔粒做底，不會將咖哩淋在炸物上影響口感！芋蓉地瓜丸地瓜丸外脆內軟，餡料飽滿，芋蓉好香濃，口感煙韌，無油膩感！孜然單骨雞翼孜然味道剛好，唔會太重，單骨很方便，一口就攪掂！

今日同事午飯前請飲咖啡，突然醒起呢間單點外賣自取價錢極優惠，單點少左既飲品岩岩好由咖啡填補，Prefect Match!之前試過堂食，印象不錯，今次就試下外賣質素。外賣包裝用心，特別個袋方便拎，十分欣賞。 我順手幫同事拎m記外賣，依呢個外賣袋可以掛上手腕到，十分方便。今次叫左雞扒蛋罐飯，外賣自取$54係$54咋，附近間燒味店飯盒都$5x，呢個價錢真係極優惠！我拎返辦公室時仲暖，質素同堂食差唔多，好食！不過有條件的話，建議堂食，始終都熱d。請左同事食地瓜球，同事表示滿意。下次有機會我應會買地瓜球小食返去請同事食。十分推介大家去試，印象中有做網上外賣平台，當然價錢就可能無咁靚了，但就住食物質素，都係對得上個價錢！

驚喜又新奇的罐罐飯，第一次係外賣到附近公司，黎到食物仲熱的💛份量比想像中大份，點了生薑豚肉飯，好好食😂仲好飽！我係食唔晒既😂謝謝送了水果做小食🥹之後在堂食再去吃鴨胸茄汁意大利粉，食物係即叫即整，想開箱罐罐落單個陣剔罐罐飯就可以了。很喜歡紅菜頭、甘荀、蘋果汁，但限量供應，過左午市要睇彩數既限量健康飲品。呢度飲品選擇好多！唔洗被迫飲汽水😊仲有茶同飲。老闆娘仲好好人，成日好客氣。食物唔會好重油、味道適中。價錢合理。

🥚🍚🥡特色罐罐蛋包飯▫️外賣自取八折▫️送小食紙巾☑️ 自家製牛肉漢堡扒旋風蛋罐罐飯（單點）-$68配料用紙盒上，而蛋包飯就用罐罐上。打開罐罐，見到蛋好靚，雖然焗咗一陣，但係都唔會過熟，仲有蛋汁，飯不是白飯，是用上珍珠米再加上醬油調味，連埋流左落去嘅蛋汁就比較濕。牛肉漢堡扒有2塊，都好厚實，牛味香濃，調味都好好味，而旁邊仲要椰菜絲沙律清下。☑️ 鐵板炒什菜-$32炒雜菜色彩繽紛，除咗有椰菜，仲有紅蘿蔔絲同埋菇菌，調味都好好，吾會好鹹👍🏻☑️ 蜜糖雞扒旋風蛋罐罐飯（套餐）-$80雞扒大塊，煎得幾好，皮脆肉滑，而個汁簡直冇得頂，甜甜辣辣，撈飯一流，下面都有椰菜絲墊底。由於叫咗套餐，所以會有枝豆同埋筍做前菜，仲有一枝茶（白桃烏龍或桂花烏龍）同甜品（維記雪米糍）。茶試左白桃烏龍，幾好飲，都濃味。☑️地瓜丸 （店家贈送）送咗兩粒地瓜丸，紙袋更有手寫字，寫上多謝字句，感受到店家嘅誠意，而最重要嘅係都幾好味，脆得黎吾會好油，餡料多，地瓜味濃。

見到罐罐飯就心血來潮想試，因為外賣八折所以叫咗漢堡扒旋風蛋飯外賣。整體真係好可愛，外賣袋可愛，袋飯嘅罐都好可愛，雖然呢個罐唔係金屬，係類似維他奶盒喺入面鋪咗層嘢，但係保持溫度好好，攞返公司仲係熱辣辣。打開後賣相很吸引，有椰菜沙律做前菜，食落幾清新，漢堡扒外面少少脆，食到有牛味，蛋好滑，有啲蛋汁喺飯好好食，仲有送一粒地瓜丸做甜品，清清甜甜幾好味。而且仲送咗張貼紙同包紙巾。呢種宣傳手法不錯。雖然價錢有少少貴，但係有視覺同味覺嘅享受，加上店員態度唔錯，我個人覺得值回票價。

同事搵到呢間喺觀塘街市新開既餐廳，係用貓貓做主題😸.餐廳得大概十五/六個位左右，仲有一隻好cute既陸龜周圍行添😆🐢.✨漢堡扒蛋包飯便當✨落完單新鮮熱辣整出黎既😝蛋包飯好出色，上面既蛋仲有少少流質狀，而飯唔係白飯黎，係有味飯💛.✨漢堡扒食得出唔係來貨野，上面仲有日式燒汁🥰同蛋包飯一齊食一流～～.✨前菜既枝豆同荀都一樣用心制作，西瓜又甜，餐廳仲請我地食地芋泥地瓜球添😋😋雖然佢既價錢喺街市黎講係貴價，不過質素對得住價錢，堂食有9折，外賣自取有8折添😛

新開左係觀塘駿業里街市樓上水準依舊旋風蛋飯唔會因為罐罐焗住變得太老，飯都有調味手打漢堡扒2件夠哂分量外賣仲有8折（同埋外賣先有罐罐咋）而家仲有地瓜丸送性價比好高

今次同朋友去食飯，價錢平民化，食物賣相超可愛，由其個貓罐罐旋風蛋包飯。好大份，女仔胃細食唔哂。其他食物都食到廚師精心調教，味道很好。本人好喜歡個牛腩粒，勁香。仲有嗰個水牛城雞翼真係好好味，啲雜物都非常之正，推介炸南瓜餅，炸紫薯波！都非常好食。去到甜品，更加驚喜，有老闆娘親自設計既仙草紅豆西米！ 真係好好食！佢仲用咗四種唔同嘅士多啤梨材料去做窩夫，粉紅色即刻少女心！佢地既餐具都非常精緻！愛貓人士必到！

之前一直都有叫呢間既外賣，知道佢地搬左鋪有堂食，lunch time一於黎試吓。一去到門口真係「嘩」左一聲，間鋪頭好靚，有好多好多貓貓係間餐廳入面😍餐廳設計好靚，好得意，又有d型格，地方雖然唔算大，但勝在入面夠光猛完全唔覺得細同迫。最重要入面全部都係貓貓🐱🐱🐱🐱今次叫左個香草雜菌卡邦尼意粉套餐，即叫即做熱辣辣，堂食更加好味👍🏻👍🏻最開心既係我追加雞翼小食，老闆知我兩款都想試，佢話見而家無咁忙就專登整左兩個口味既雞翼比我，仲要話只係今次特別為我而設😍😍四川風味麻辣 & 水牛城單骨雞翼 兩個味都好好食呀🤤🤤堂食既餐具好多都係關於貓既野，睇得出老闆好用心去挑選過，細緻到連筷子同食啫喱既匙羹都有貓貓腳😍😍靚女老闆娘同大廚老闆超級好禮貌，令到我好有賓至如歸既感覺😂😂今次係間鋪度仲係咁影左好多相，因為鋪頭入面實在好多貓貓，推薦貓奴既朋友可以黎食野同埋順便黎打下卡📸📸今次既總結，堂食比起外賣更加有驚喜，真心誠意推介👍🏻👍🏻👍🏻👍🏻👍🏻