好賞食

Open Now

Now Closed

馬場依家做緊promotion 比80蚊就可以參加佢地既導賞團 仲有同等價值既餐券 對於未入過馬場既我地 無疑係幾吸引😇其他餐廳都係要提早預約既 所以我地就黎到food court揾食 💁🏻‍♀️💁🏻‍♀️海南雞脾飯- 雞脾嫩滑 有油香 佢既油飯特別值得一讚 雞油同米香混為一體 其實唔需要點汁已經好夠味👍🏻時菜牛腩炒河- 牛腩比得慷慨 用七舊左右 更包括牛筋 炆得非常入味 河粉唔油 即炒有鑊氣 大男人都可以食到超飽既份量😂😂另外要左隻燒雞脾- 用蜜汁燒 大大隻 邊邊位仲有焦香 係好味既 只係調味有啲太重手 餸飯會比較適合 雞肉焗得剛剛好 不枉我地等左10分鐘最後跟餐加11蚊就可以用樽裝飲品 食物性價比唔錯 只係food court既座位設計特別 坐得並唔舒適 除非你係腿長手長啦💪🏻🦵🏻

叫咗個豬扒包配一杯熱飲叫左奶茶而豬扒包呢 即整搽咗牛油之後呢就夾塊豬扒入去，面頭再放一啲好似乾炒牛河入邊嗰啲洋蔥🧅禁就成為$40蚊咁味道都好似啲連鎖茶餐廳咁～反而佢杯奶茶呢係沖得比較好飲，佢好滑個喎～反而好飲過茶餐廳嗰啲奶茶。希望佢唔係撞手神。因為杯奶茶好食嗰個包係我意料之外但餐具呢就要問佢拎如果佢唔記得俾你嘅話，因為如果你去到收銀呢，佢比一啲外賣嘅餐具你啦，咁係唔夠力吉入個包。其實呢個food court入邊就仲有一啲餐廳呢係食一啲燒味飯啊咁。價錢都唔會話特別貴既，50幾蚊。海南雞飯就60幾蚊。佢比較特別就係你可以挨住嚟食，無櫈坐。 不過都唔難理解點解冇嘅🌞

馬會搞咗個 Fun Fair，去咗沙田馬場個好賞食 Food Court。因為搞咗個 Show，馬會開咗好多家庭桌。好多美食。我個人揀咗日式照燒雞扒飯。加埋支汽水，用埋張 coupon，總數$57。雞肉好鮮嫩，屬上等食材。飯量充足。價錢公道。

本身沒有想過坐下吃東西，但是由於意志消沉😤，思想混沌🤨，友人又剛好來到，便一起去好賞食吃麵條。據友人所稱，好賞食的牛腩麵非常出色，結果便不嫌悶的，又點了個牛腩麵。首先，一端出來的時候，湯底不多但溫度夠熱 ，味道亦都挺香濃。牛腩的份量也驚為天人，有兩大舊半筋半肉，中間瘦的部份人都不會顯得滿口痴牙，牛味夠香，而且不會太肥，亦不會太乾太硬。另外，就是有件牛筋炸彈，這件牛筋非常之大，可能是「身形比較矮小的少女的拳頭👊🏾」一般大。大大舊，即使咬開來吃，也可能要分開幾啖食🤪，補充不少膠質。如果吃得夠快，麵條不會林得快，味道也不錯。友人的海南雞，蘿蔔絲與油飯較出色。到此場地，下邊的啤酒處吃雞腿也三十元，此處吃麵條較實惠，但電視只有靜音，快食快走；不餓者則毋須試👋🏿。

無啦啦有2張浪琴表香港國際賽事嘅免費入場券，咁就第一次入馬場觀賞賽事啦。咁真係人山人海，可能因為係跑國際賽事啦。咁我地就係馬場入面嘅好賞食搵左間只食咖哩嘅餐廳買飯，咁佢d咖哩牛腩都幾好食，而咖哩雞就一般般啦，但要搵個位坐低黎食都幾難。

玩遊戲中咗$50美食卷, 兩個人共$100, 對上一次試咗魚蛋同燒賣, 好難食, 今次有成$100, 可以有更好的選擇, 但行勻成個food court, 都冇乜吸引, 又唔想食咁飽肚的燒味飯, 又或者粉麵, 而且又大排長龍, 來回行咗兩個圈, 最終都係叫咗d小食, 另外補返幾蚊就得~ 如果幾蚊食就抵, 但成舊水食就當然唔抵啦~ 燒雞脾一人一只燒雞脾, 看似燒得好好, 但其實燒過龍, 雖然預咗雪雞冇雞味, 但都唔好乾哂, 冇哂汁, 乾啃, 冇水飲會啃死人~   熱狗個包好硬, 可能heat住heat到乾哂, 條腸都唔差, 唔會太鹹, 最正都係佢個熱狗醬, 似係芥辣加酸瓜碎, 酸酸地幾正~  凍奶茶有色冇味, 顏色好深, 但飲落只有少少茶味, 完全冇奶味, 唔講真係唔知飲緊奶茶~ 佢個food court唔知係咪唔預你慢慢食, 全場企位, 但佢有條好窄的長條, 比你頂一頂住個pat pat, 但我用來坐, 雖然坐得唔舒服, 但都好過冇~

趁馬場煞科日嚟沙田馬場行吓，感受吓個氣氛。今日雖然係馬季最後一日，但唔算好多馬迷入場。出面落大雨，啲馬迷擁晒入嚟室內避雨，或者走入餐廳食住野嚟睇馬，咁就有啲迫人。先嚟醫肚，好賞食呢度選擇都好多，有各式美食(或者叫做野食)。價錢當然唔會平，但都係可接受範圍。叫左兩隻特色燒雞脾($29x2)同一枝鮮橙汁($25)。雞脾夠熱，尚算嫩滑，比想像中好食。橙汁就幾好飲，唔係糖水橙水，仲有少少果蓉，算係咁啦。不過呢度個環境就唔係太舒適。

國慶賽馬日，三個人中左4張馬會微信遊戲的$50美食劵，咁就順入黎行下吧。香港人入馬場要支付$10入場費，遊客就免費入場，果真特別優惠遊客!!入到黎Food Court，好多人，好多遊客........食物都好多選擇o既，好多個檔口，有唔同類型o既野食。但要自己搵枱，多數枱都係唔連櫈，只有少部份枱係連一條好窄既櫈，食得唔舒服。$54燒肉义燒飯，$46义燒飯，$49咖喱牛腩飯。三個飯都係一般味道，唔難食，亦唔美味。係燒肉皮脆香口，幾好食。鮮榨果汁@$25，芒果汁同西瓜汁都好味，內含香濃新鮮果香味　免費午餐，不要有太高要求了

觀看沙田馬場銀袋日，登堂入室去到個Food Court點餐。好多個美食檔，我選了東南亞美食檔。係賞麵館點咗扎肉雞絲河。個服務員即場煮個麵，埋單要$42。揾位大約3分鐘，差唔多每個坐位都可以看到即場賽事。個食場環境我相信只有馬會先做到咁ga設備。個賣相好有越式風味。食落去好有口感。因為即場煮，個扎肉用上上等食材，食得出個扎肉好鮮嫩。雞肉份量充足，混入雞肉同扎肉，再加上即場煮個湯河，好彈牙。值得推介。

我曾左沙田馬場工作.有一年暑假好賞食是我返工必到的地方.好賞食其實係一個大食堂.連鎖店.如m記.肯德基.其他的集合多種國家食物.中式.潮式.台式.粉麵,韓式等,坐的位置可對住電視.也可對住出面看人流.講得上食堂.面積當然大.今次選的係鹵水鴨飯31元.鹵水汁不鹹.而且相當夠味,鴨沒肥油.但肉質死死實實.沒有甜味.肉味也薄弱.飯的份量亦不少.加埋水42元合理..馬場最好食的應該是雞脾.

十月下旬‧晴給找了來試菜，牛扒，羊架，咖哩羊肉印度飯，薯仔，胡椒餅，威靈頓牛柳等等等等，原來最好吃的是炒蘿蔔糕。用上的是黑醬油，炒得外層微焦也甜甜的。蘿蔔糕本身足料，好吃，夠甜美又不太立牙。這是今天及國際邀請賽當日也會在這裡供應的食物，值得留意。

由細到大都喜歡吃雞, 特別是海南雞飯, 每次去餐廳如果看到一定會點來吃.不過香港很少有真正好吃的海南雞.這天跟另一半在馬場周圍遊, 其實另一半喜歡看多過賭,我自己更是2樣都沒興趣. 因此唯一樂趣是在內周圍看看有什麼好吃.馬場內的快餐價格貴是鐵定的了. 這天點了個海南雞飯, 但要脾的. (如非脾的話試過不好吃)套餐要HKD$55, 相比外面的店確實是貴.雞脾肉很軟滑, 但雞味較少, 皮亦偏肥, 不過肉淋軟, 我還是覺得比起在裡面吃其他雲吞面, 咖哩飯來得化算. 但飯是很硬的, 也沒有什麼雞油.唯一不好的是沒有位子坐, 大部份都要企位...實在希望馬會可以改善一下這裡的裝潢, 多設些位子給我們坐坐吧!!

十月十七日 (星期日)今日沙田馬場是婦女銀袋日,現場聽說有雪特蘭小馬供合照我和老公仔見機不可失,於是便去了,順道一吃很懷念的鹵水鴨和豬大腸未去探小馬,先醫醫肚來到Food Court好賞食二話不說,老公仔即點了久違了的鹵水鴨豬大腸飯這裡的鹵水鴨肉質嫩滑,極富鹵水味而且份量足豬大腸也不可錯過,很爽口彈牙我則在附近的幾個"攤位"看看最後選定了咖喱牛腩飯豐富的咖喱汁配上煙韌的牛腩極富味覺享受而且絕無偷工減料,牛筋極少

食物選擇‧$23的雲吞麵，$10/500mL的可樂環境‧那條綠色的「櫈」不知想怎樣，好幼，令人似坐非坐，似站非站，很不舒服！‧燈光太暗，馬迷吃飯要那麼有情調嘛？‧座位太少，即使二時多都不容易有位服務‧人手不夠，很多盤沒人清理味道‧雲吞幾好味，不過麵底份量太少，不夠飽‧500mL的汽水賣$10簡直是搶錢......

我係一個好鍾意馬的人...呢種動物.同賭我都鍾意...但經歷低潮的我,今年第一次去馬場.馬會為吸引馬迷極力將馬場變靚的...近年多了駿星匯...好賞食..貴一點的.有中西自助餐食.好賞食更有中.西.台灣.韓國....快餐店美食...但味道方面....點解咁難食?仲要貴一客海南雞飯50元....雞皮厚.又肥....味道又淡...什至無味...顏色雪白....的汁.好普通.個飯仲要又凍又硬......個湯好一點...都有的香味....夠熱...馬會成日埋怨投注額跌...我知賭場一定唔會講良心....敬請高層檢討下....澳門都係主力做賭場.澳門賭場的食物...大部份都好有水準......令人輸錢都會開心.食物係主要因素