Mi Cake

Open Now

Now Closed

屋企附近開咗間少女感爆棚嘅蛋糕店，引得囡囡每日都要探望一下至安落，買過蛋糕盒已經知道好好味，襯住囡囡生日送個驚喜俾佢先~最最欣賞小店充滿人情味同彈性，可以揀選喜愛嘅公仔/顏色/味道同夾心，選擇仲好多添~蛋糕夾心 選2：芒果/紅豆/Oreo/脆脆/朱古力/紫薯/藍莓蛋糕口味選1：朱古力/綠茶/士多啤梨/原味/香芋/伯爵/玫瑰/櫻花難得嘅係蛋糕好新鮮，真係即日整起，而且用料新鮮，用嘅係天然色素同真正嘅淡忌廉，真正嘅又靚又好食，打咭一流，味道亦係一絕，好有層次好好味，性價比超高，真心推介！而且連包裝都靚過人，可惜急匆匆無影相，連附送嘅蠟燭同刀叉都超高質，正如我欣賞佢門口的語句一樣“用心製作每一份甜蜜滋味”相信已令囡囡有個甜美難忘的生日會了

朋友屋企開party搞聚會係Mi Cake 買咗一打靚靚cupcake 一齊食一人一件cupcake 唔洗分唔洗切，衛生乾淨方便Cupcake 包裝好大方得體拎上朋友屋企一啲都唔失禮！有埋冰袋冰包裝住，呢個真係不得不讚由香港大學站搭地鐵去北角站落車再行多10分鐘，大熱天時下保溫都做得好好，完全無影響口感依然好好，正正正味道方面，有朱古力，士多啤梨，抹茶，最鐘意朱古力，唔會過甜食完一個又一個，唔夠喉，朋友個個都大讚，性價比高

經過見到新開蛋糕店，店舖細細但裝修顏色好靚好吸睛，所以係度訂咗個蛋糕慶祝父親節蛋糕有驚喜甜度啱啱好，唔會死甜，同連鎖店買嘅蛋糕無得比，出面買嘅蛋糕普遍過甜，老人家食少糖蛋糕，食都食得健康！難得Mi Cake 嘅蛋糕咁啱口味老闆話蛋糕仲可以跟個人口味調制，用心製作，健康又好味！最重要睇得又食得，門口擺出嚟嘅蛋糕都可整到出嚟！蜘蛛俠蛋糕好靚！來圖訂製都得，價錢合理！平過差唔多類型嘅IG蛋糕店好多，慶祝節日會再幫襯

朋友生日時訂購了這間店的蠟筆小新造型翻糖的蛋糕，第一次吃到翻糖蛋糕裡面內層蛋糕和內餡那麼美味，不會很甜，口感也很好！吃完蛋糕還有玩具可以玩🤣值得推薦訂購的蛋糕店🫰下次還會再來訂購❣️

平時連post都懶得出嘅我，今日真係忍唔住要讚吓Mi Cake Shop今次生日試訂左海洋美人魚(芒果+櫻花味)，6吋，新張優惠，hk600有找呢間蛋糕店咁抵我讚，係有原因嘅1. 蛋糕厚實。我覺得個蛋糕算大個嘅，6吋蛋糕可以分到比8個人食，每人飯後食一件都飽。(之前試過好多間cake shop ，嗰蛋糕細細件，但收好貴)2. 蛋糕口感自然，又好味。雖然嗰蛋糕好藍，但食落唔會有陣蠟味( 好多網紅蛋糕店都係食落好大陣蠟味同死甜味) 。蛋糕都嗰cream又唔膩，唯一缺點係裝飾品都係用白巧克力做，對於我嚟講，單獨食啲白巧克力好甜3. 食材對得住嗰價錢。食得出係新鮮芒果(每一層都夾住滿滿嘅芒果肉同淡淡櫻花香味，食得出唔係死浸係糖水好耐嘅生果味) 4. 效率快。通常cake shop都會要求提早1-2星期訂，快整仲要加多你兩三舊水。我身為deadline fighter嘅廢人，其實我哋係兩日前先訂，但老闆娘勁細心同耐性接我哋單，出嚟嗰蛋糕更加顏值爆燈)呢個年頭，出去烘焙店用兩個鐘去整個細細件嘅生日蛋糕都至少600蚊，好多網紅蛋糕店又剩係得個樣，影得唔食得，所以搵到呢間有料有質素又佛心嘅蛋糕店，真係

見到新開諗住試吓，估唔到有啲驚喜。🎉🎉🎉🎉🎉蛋糕好靚有埋燈💡💡💡勁有心機既包裝！！！🎁🎁🎁而味道方面，一啲都唔會太甜，🤤🤤🤤🤤🤤本身老人家唔太鍾意甜野，呢個蛋糕估唔到佢地咁鍾意，食得曬。入面係生果餡🥭🥭🥭我選擇左芒果，食得岀係勁新鮮高質素材芒果，唔係未熟或者罐頭🥫。蛋糕上面係真花💐💐💐🌷🌷🌷🌷又送蛋糕又送花，一舉兩得👍🏻👍🏻例外見到有好多款式蛋糕選擇，全部款式都好特別，以後買蛋糕又多個選擇👍🏻👍🏻👍🏻

平民區 隱藏左間新開蛋糕店 ……一心唸著試下豪華版芒果pancake …….皮薄Cream唔甜超多芒果好味……….決定父親節一試訂蛋糕試試……..出乎意料.蛋糕超令………….仲好好味唔甜…….夾心超多芒果爸爸超級鍾意………….非常有心機的蛋糕店……….下次會繼續嘗試其他口味蛋糕……………店內還可以訂做蛋糕………..款式都超靚………而且店主好熱心招呼……………………………………………………………………..