峰壽司

Open Now

Now Closed

食物同味道唔差, 分量都可以，但工作人員態度，由入門口已感受到差劣，門口個收銀姐姐，入去指去窗口有枱，我見有三張冇人，邊張枱先啱，叫我入去自己問。之後坐低點餐，用QR code 點, 見到隔離枱有窩物，想問店員係邊個餐，個店已用高音加大聲講：「用手機落單！」我第一時間叫佢冷靜,我係想問隔離枱係邊一個餐, 最後救求其講話冇。最後比錢又係個收銀姐姐，冇人係門口，我同另一食客企足五分鐘先過來，我地不斷問有冇人收錢, 五分鐘後先慢慢行過來。下次一定不會再顧！

行到攰，所以食日本嘢。不過星期日等位等得耐d。呢間環境幾好，座位闊落，同隔離枱都唔近，坐得舒服。蟹肉雜菜好好食，最緊要冇蟹殼。佢啲味溝得適中，唔會太鹹，你又唔會覺得佢似粥，又唔會似泡飯。好適合小朋友，老人家食。好夠味。推介。不過佢好似係季節限定。三文魚壽司，秋刀魚壽司，都好食，好新鮮。秋刀魚壽司加咗辣油，估唔到又咁夾。上面鋪左秋刀魚刺身，入邊卷左炸秋刀魚，再加啲辣椒油，雙重口感好好食。三文魚壽司就正常啦，不過佢特長，好似食咗六件咁。性價比黎講，$10件，又係特長，我覺得OK wo。

今日同女朋友行街行到夜晚， 咁啱見到晚市峰壽司有位，即刻入咗去試下🤣🤣一入去店已經主動比咗兩杯水 同 餐具， 仲好細心咁推介有咩壽司多人食，態度友善叫咗大量野食 ， 有三文魚、油甘魚、 海膽。。。。 數到數唔晒， 但出奇地 啲野食又好快到，唔洗等咁耐， 上菜速度好快一嚟到啲野食， 即刻試試佢啲刺身同壽司， 好新鮮同 啲配料夾得啱啱好， 完全帶出食材種原味口感 （私心推薦： 辛辣龍之卷，呢個真係不得了😂）一句講晒， 實會有下次食，極力推薦

上次去吃 然後一个好似长头发 中年的样子的女人态度唔好 名字好似C开头的 具体忘了 不过她的态度很不好。都不想去食了，态度唔好，搞得像客人好似欠左佢钱咁。想到这个我真的气。

I tried the takeaway seared salmon bowl before，was goodso I decided to try again. But this time，the salmon sashimi bowl is not good. It seemed like they are running out of salmon. The fish was thin and not easy to chew as usual.

其實壽司係最容易睇新唔新鮮就咁望到佢啲色都知好唔好食呢間一睇就知中伏海膽好苦三文魚籽好腥吞拿魚茸唔好食而且啲飯好濕好難食難聽啲講完全唔知自己食緊乜除咗帶子 左口魚 同蝦之外其他所有嘢都好唔新鮮好難食

星期四晚七點半光顧，沒有人等位，直接入場。入場稍微被店員們洪亮的日式歡迎光臨聲線嚇親🙈 走嗰陣更加 (其實有陣時唔係大聲就代表有禮貌，日本餐廳強制員工打招呼未必一定係好事) 對於我黎講反而有壓迫感。位還算多，不會太多人，稍微有些空間距離感，不至於太逼。開放式的廚房，不過只睇到師傅嘅上半身，其實睇唔到佢地整壽司，都唔係喺你面前整，出面望入去其實只係睇噱頭。點了海膽壽司、三文魚腩、油甘魚壽司、天婦羅蝦烏冬等...茶是普通茶包式的綠茶，較削胃。我比較喜歡元氣用抹茶粉沖的抹茶🍵海膽壽司顏色看起來不太新鮮，味道也一般。三文魚腩壽司、油甘魚和蝦壽司尚算新鮮，口感與味道細膩，能感受到魚的活潑及魚油在口腔中慢慢融化。（不過友人稱同商場內樓下那一家的蝦壽司更新鮮，同時價錢也更貴）軟殼蟹壽司，還可以。不過不能點太多醬油，這家的醬油很咸。天婦羅蝦烏冬是很小的一碗，一個人吃也不飽。炸魚餅是軟的，上碟方式似章魚小丸子。後尾再追加海螺壽司同三文魚壽司各一客。餐廳風格和食物種類和元氣相仿，但食材和壽司種類選擇彷彿不如元氣多，但優點在於環境和食物外觀沒那麼格式化，有自己的特色。二人晚餐總消費：$323

疫情仲未放緩，所以都係2個限聚，所以今次好姊妹生日只可以2個人食，甘我地揀左呢間食日本餐。服務員首先一定會度體溫，確保你無發燒等症狀先比你入去，做足防疫，一入到去，當然第一時間點d刺身，好新鮮好冰凍，正丫！魚生，甜蝦，帶子必定要點，仲有個魚子蟹肉蒸蛋，好滑好正，之後個墨魚咀軟骨外脆內軟再配蛋黃醬，一流！個蟹柳沙律好大碟，超足份量仲有個好似叫惠方卷既卷物，有驚喜今餐輕便的生日飯不錯不錯，環境又好闊落，坐得好舒服，員工服務好貼心

年三十放早，當然要食返餐好，賀一賀佢。放工直接去咗v walk揾朋友再逛一逛，之後就入咗商場呢間峰壽司食午飯。呢到午巿外賣自取有85折又幾抵食。不過堂食價錢都唔貴，大部份餐都係100蚊以下。今次呢個壽司定食B餐$89。有麵豉湯，一份炸物，沙律加10款壽司。食完真係又滿足又頂胃😆。先講碗麵豉湯，冇平時飲開果啲咁重麵豉味，清清地，幾好飲。沙律份量比想像中大，味道正常冇特別。炸薯餅好好食，外皮脆得黎唔乾身，鬆軟爽脆，唔油膩。壽司用料新鮮，一啲腥味都冇。唯一挑剔係鰻魚壽司，口感味道都差啲。

其實幫襯過佢無數次，之前一路都是好好的，仲俾個唔少好嘅評價佢地。好記得以前响尖沙咀新港嗰間店做得非常好非常好，但係唔知點解當分店越開越多嘅時候，峰壽司嘅品質就每況愈下😔😔我諗食完今次之後，VWalk 分店短時間之內都唔會再去😆😆見到佢外賣嘅生意非常之旺，可能因為外賣生意太好，影響咗堂食嘅質素，不過以一個食客來講我就唔係好接受呢一個原因🤔🤔今日食物相片欠奉，因為冇一樣想同大家分享，點解個評語會咁差，其實係因為以下幾樣食物，唔係好明白點解可以處理到咁🤷🏻‍♂️🤷🏻‍♂️炸雞-凍嘅，係一上枱就已經凍😩😩火炙壽司系列-一連串火炙嘅壽司又係凍冰冰嘅，最離譜係個鵝肝，我印象中我冇叫半生熟鵝肝😡😡

今晚去朋友屋企玩，買壽司上去食。5個人叫左1個特上盛+1個1人前A+一盒炸雞+4件燒三文魚腩壽司。外賣有15% Off，埋單每人$134。自問唔細食，都7成飽，唔錯。D野食都好新鮮，有水準，除左炸雞凍左少少。呢間可以再試!!

今日放假終於可以食平價午市定食👅兩個人嗌一個定食再加少少野食都夠飽😋我地揀左一個定食C, 加一碟極上吞拿魚腩，加一碗烏冬，份量對我地黎講岩岩好前菜都大大份，碗麵豉湯幾足料，炸物就可能次次唔同，如果係張相既炸雞軟骨就好嘞😂呢件唔知係叫可樂餅定咩，過下食炸野既口癮黎講都算唔錯😌不過佢地冇俾沙律醬點炸物，唔知係漏左俾定本身都唔跟沙律醬🤔黑色碟左上角同右下角三件壽司係一樣既，呢三件都好好味😋基本上，黎親食吞拿魚蓉、三文魚、鰻魚、帶子都實冇死。中間6舊都係男朋友食，聽佢講都ok, 唔腥唔un。👍🏻極上吞拿魚腩有少少入口即融既感覺，但食到最尾有舊根，比起之前v walk樓下間日本餐廳食既大拖羅，覺得呢件冇咁腥。烏冬冇影到相，不過份量都唔少，啲配料都鋪滿面入座後職員俾左個qr code我地scan, 自己用電話落單，個人覺得都幾方便快捷由點餐起計，壽司大概10分鐘就黎左，對於得一個鐘食lunch既打工仔非常友好，不過我地係食12點至1點時間，唔知1點至2點係咪都係咁快手呢😂

7點30打電話叫定外賣 服務員話10min左右到會有 最後等左35min先有 最好笑係比我遲落單既外賣仲可以快過我拎👍👍服務員話唔係跟單no.整 唔怪得我個咁耐🤣🤣

啱啱係度食完嘢，諗住用銀聯俾錢啦，咁我銀聯係有密碼既。有個戴護目鏡長頭髮既女侍應一開頭問我係咪有密碼，我話係，之後佢問我密碼幾多，仲要拎枝筆出黎想mark低。唔係咁樣嫁嘛下話😊已經同經理講左，希望可以處理番：)

👩🏻‍💻今日俾個fd野生捕獲，就即時被脅持咗一齊食晚餐🤣咁啱大家都係「食自己」，個地鐵站咁大，又咁啱「撞到正」，於是就食餐勁嘅賀一賀佢🤣🤣💯💕👍🏻壽司食到似放題🤣🤣爽歪歪啦‼️​​🍣特大廣島炸蠔 HKD$39​🌟肥美新鮮😋熱辣辣入口香脆十足😋‼️​​🍣人氣三點盛 HKD$34​🌟三文魚新鮮，口感肥美可口😋💕​​🍣墨魚壽司 HKD$12​🌟鮮甜，口感彈滑😋👍🏻​​🍣火炙鵝肝 HKD$76​🌟金箔點綴👍🏻賣相滿分💯🥰鵝肝口感幼滑，齒頰留香👍🏻😋回味無窮​​🍣辛辣龍之卷 HKD$78​🌟特色卷物💕💯色、香、味俱全👍🏻用薯片入饌，口感對比豐富有層次👍🏻​​🍣八爪魚芥辣軍艦 HKD$18​🌟鮮甜可口，芥辣味令人為之一振👍🏻🤤​​🍣蔥粒吞拿魚腩軍艦 HKD$28​🌟吞拿魚口感細滑，味道鮮甜👍🏻🤤​​🍣海膽軍艦 HKD$56​🌟新鮮不在話下💯💕😋​​🍣軟殼蟹手卷 HKD$64​🌟軟殼蟹香脆可口，分量適中🤤💯💕​​🍣火炙帶子 HKD$38​🌟新鮮肥美🤤火炙令帶子留有餘香👍🏻💕​​✒️小記：幾乎對每件壽司都係有讚無彈‼️質素真係唔差，對得起呢個價錢😋👍🏻‼️💯刺身食得安心，味道再三回味😋環境闊落舒適，服務貼心周到