峰壽司 (Closed)

係尖沙咀行街 無意間發現呢度有間峰壽司係food court 入面排左20分鐘隊 終於有位叫左好幾款野食 壽司質素中上但價錢又合理 上菜時間都ok 唔算等好耐不過枱就細張左 擺唔得多野食

今日約了朋友系荃灣食峰壽司點了炸蟹餅🦀，炸紫薯🍠餅~ 熱辣辣香脆軟殼蟹🦀手捲~ 軟殼蟹脆卜卜炸蝦捲 🍤~ 脆卜卜熱辣辣 海膽軍艦🍣~ 新鮮 海膽 鮮甜鰻魚🐟壽司~好好味🤗甜蝦🦐🍣·三文魚🐟🍣'北寄貝🍣🐚帶子🍣 ~新鮮-好味蒸蛋~正🤗環境舒適!食物新鮮!

七八年前成日食旺角果間峰壽司，而家果間都執左lu期間都幾驚佢會全線結業，好彩撐得住～雖然成日都食，但都好似試黎試去都未試哂啲野咁，證明update menu 都幾頻密今次佢既期間限定有黃金蟹蓋，只係賣兩個月架咋！蟹蓋上面用左大量既芝士同蛋黃醬，冇得輸既組合啦～再加埋清爽既蟹子就有解膩既作用，食食下仲有幾粒通心粉，幾過癮～不過唔算太驚喜～🤓壽司第一輪黎左親子卷、八爪魚芥辣、同每次必食既蔥粒吞拿魚腩！𡁻好耐都唔捨得停，感受到魚腩既油香係個口度停留好正😍跟住費城卷、火灸玉子同火灸三文魚火灸玉子有驚喜，蛋黃醬加嫩滑玉子俾火彈一彈即時香口哂！費城卷就一樣都係每次必叫，芝士加上三文魚哩個配搭食落層次豐富，有青瓜中和返就唔會太膩😛鍾意峰係因為佢除左壽司，其他既日式料理都好多選擇同質素幾好，大盛蛤仔湯材料十足啲蜆粒粒都有肉，唔使點落調味已經好鮮甜！❤️仲有試過第一次之後就每次都會留肚食既竹輪薯仔沙律外面係舖上香草同芝士炸過既竹輪，包住薯仔蓉沙律，擠少少檸檬汁食更加開胃～希望佢會一直keep 到質素啦！

番promoter job放lunch嘅時間都好唔定時😣有時到3:00或4:00先到我食野🥺附近冇咩選擇但又唔想求其食於是去左大食代果度嘅峰壽司🍣原來佢有好抵食嘅午餐😆仲要去到5:00pm太感動了😭二話不說即刻入左去😆揀左Set A好抵食呀！$58再加一大約$64就可以有咁多野食壽司絕對唔會因爲係套餐而質素差啲同平時食嘅係一樣質素😋😋全部都好新鮮似係即整平時唔食魷魚嘅我今次都專登試下🙈冇我好怕果種滑孱孱嘅質感係新鮮彈牙架🥰近鏡睇下啲魚生同topping好有光澤唔會擺到乾曬係新鮮嘅證據💪🏻咁平嘅價錢有10件壽司已經覺得好驚喜質素都有保證呢下值得再加分💋食飽飽番去即刻同同事分享😂佢地都話下次一定要試下番工唔洗食頹飯喇

峰壽司的價錢比市面其他品牌壽司店經濟，一份午市套餐平均$58-60，包壽司一份、湯一碗及沙律一份，在尖沙咀的鬧市地段這樣的價錢可謂經濟實惠。但正因為是這麼吸引的價錢，所以也不要對食品質素有過分的期待。味噌湯不夠熱，味噌亦非上乘之選，不喝也罷。沙律蔬菜新鮮，份量很足，醬料為蛋黃醬，味道尚可。壽司併盤有8 件壽司和一份手卷，味覺尚可，新鮮程度中等，壽司的刺身亦未見肥美。炸蝦手卷份量足，可惜蛋黃醬太多，炸蝦的炸衣亦太厚，水準一般。另，店內的衛生亦很差。在未被使用的豉油碟中，我們發現其中一隻盛有上一位食客遺下的一片子薑，實在令人倒胃口。沒有下次的食店。

返工lunch最緊要平靚正，呢個餐有沙律， 麵豉湯， 同十件壽司，都只係$6x，當然要求不能太高，Tsim Sha Tsui lunch time又唔洗等位，有呢個質素，我覺得都可以接受

萬勝節, 一家三口化個鬼妝去尖沙咀趁下熱鬧, 當然係食飽個肚, 做隻飽鬼啦！ 新港中心嘅地庫, 係尖沙咀平靚正食肆多選擇嘅地方。 今次揀一間好耐都冇食嘅 -「峰壽司」。< 熊本拉麵 > 大概係豬骨湯底好多蒜子嘅叉燒拉麵, 「峰壽司」嘅熊本拉麵好有驚喜, 叉燒好厚肉, 而且好似炆豬肉咁, 入曬味。冇乜肥肉, 所以唔會太肥。最特別係有彈牙、爽口嘅奇妙感覺。麵質穩妥, 係日式傳統嘢。湯汁掛麵, 濃度適中。 配菜(木耳絲) 爽、脆、惹味, 令人難忘。 有熊本熊嘅紫菜, 唔知係唔係佢哋獨有, 好得意。< 迷你長腳蟹飯 > 唔好以為有「迷你」兩個自我反正好細, 其實份量都唔少。用料新鮮 , 加咗啲沙律醬落去一齊食, 更加惹味。< 鐵板明太子薯仔 > 呢個小食, 以為得薯仔啦, 點知嚟到, 原來薯仔上面係鋪住啲三文魚腩肉, 真係超級抵食。同埋講真真係好好食㗎!< 費城卷 > 個樣係似加州卷, 但係裏面係芝士同埋三文魚。好味! 就係咁簡簡單單, 兩個大人都食飽曬。BB瞓咗覺, 冇得食, 嘥曬。

今日中午我們同好朋友一齊喺尖沙咀附近做完嘢之後去咗新港中心嘅「峰壽司」食午飯！因當時正正係午飯時間，所以有好多人排隊等位，我們都要等咗一段時間先有位！我們叫咗壽司盛A同海鮮丼，雖然啲刺身都算幾新鮮，但就比較薄身，所以口感唔係好豐富，壽司飯都幾煙韌黏口！鰻魚丼嘅鰻魚肉質好軟滑，味道都幾鮮味，但又係略嫌比較薄身，所以口感欠奉！跟餐嘅麵豉湯「就咁睇」見到有炸豆腐皮、蔥花、等等等等⋯⋯以為味道同睇落都好似幾好，但飲落就覺得麵豉嘅味道唔夠濃郁，呢點係令我們覺得有啲失望！沙律就不過不失！至於迷你烏冬可能煮到過晒時間，所以烏冬嘅麵質係極之腍身，一啲都唔煙韌彈牙！

約左朋友食壽司，見到宜間唔需要等，所以試下。餐廳落單非常方便，每張枱都有iPad，可以自己落單叫食物，唔需要叫服務員。而且所有食物都有圖可以睇，甘就唔會叫錯。坐位都幾舒適，適合朋友聚會。叫左唔同款的壽司同魚生，都好新鮮幾好食，落左單唔需要等好耐就有食物，熱食都有唔少選擇，味道都唔錯。個人覺得玉子同蟹棒壽司好好食，三文魚魚生幾新鮮肥美值得推介。

好耐無食過壽司🍣喇！經過峰壽司，過左晚餐時間，唔洗等位太耐無黎食喇，已經轉左電子下單，唔洗要侍應等住落單，又有曬圖片，可以慢慢選同看圖識食！點左北寄貝刺身做前菜，好鮮甜；又點左我最愛既赤貝壽司，好爽口，醋飯亦唔太大舊，唔會食幾件就脹住，可以試多幾款！面豉湯好足料，唔知有無人同我一樣喜歡將舊壽司飯撈湯食呢？仲點左飛魚子軍艦 同 我覺得好新奇既—秋葵墨魚軍艦，口味好新鮮，兩款食材出奇地match，作為秋葵控的我表示Like另一樣好欣賞既係火龍卷，聽個名好勁，大大份又好長架，先$68咋！抵食之選！炸蝦配合飛魚子同沙律醬，仲有估佢唔到既熱浪薯片，口感同味道都好特別，小朋友應該好like壽司拼盤$198全部食材都好新鮮，最緊要三文魚係真既，唔係鱒紅魚扮既，就無咩可以再挑剔喇最後食埋個炸蕃薯甜品，有小小雪過龍，同埋唔明點解糖漿唔係係廚房整熱再淋上蕃薯到。全個晚餐黎講都好滿意，係個甜品稍稍令人失望左dd

被逼早收工同朋友仔一齊食晚飯佢地話食壽司，我就當然舉腳贊成原來新港有呢間日本野，完全唔知第一次食呢間，全部壽司都好新鮮，尢其是D魚生👍🏻而且其他熟壽司都好正，佢個甜蛋有個峰字，點都要試一試先，蛋香又甜味，like 👏🏻腐皮又係好得🤪佢個三文魚湯好好飲，我一個人飲哂😅😅雖然D三文魚就少左D，不過仍然高分👍🏻值得要讚嘅係D軍艦壽司即叫即製，個塊紫菜仲係脆㗎，呢D先係之前遇到爭記有個女朋友話嘅好昧🤣🤣🤣

對於慳家既我 係尖沙咀想搵間好野食係有小小難道 今次就試左呢間峰壽司 位置係food court 果層 有自己鋪位 等左陣就入得 兩條友比4人卡位 nice 熱茶任飲 最正係可以用tablet order 然後等食 三文魚既壽司都好多種 大約兩件既價錢就食到長身切既壽司 滿足感十足 有d令我諗起日本既壽司 另外叫左個蟹蓋 蟹膏鮮味十足 可適蟹肉似蟹棒碎上 感覺有小小假 壽司店黎講 峰壽司抵食選擇多 呢間會係我長期bookmark 會食既壽司店之一

今日去咗尖沙咀個food court 睇吓有咩嘢食，最後決定咗去食壽司。佢哋個lunch set都唔貴，款式都幾啱我口味。我叫呢個有三文魚、鰻魚、蝦等壽司，仲有miso soup同沙律。整體評價都唔錯，價錢有合適。

同男友一齊放假就出左尖沙咀行街，順便去埋新港中心睇一睇我地黎緊擺酒個場地睇到咁上下就落左黎地牢搵野食。見呢排都冇麥點食過壽司，就入左黎呢到食啦。呢到釆用電子產品點餐，既環保又方便快捷。壽司種類都幾多下，味道還算可以。壽司飯偏多，食多兩件已經感到飽飽滯滯最愛大大條三文魚刺身，足足有1⃣️個手掌咁長 正

等緊人但有d肚餓, 所以去左食壽司, 試下一個人的浪漫ma好彩唔係好多人, 可以靜靜咁食~首先叫左個軟殼蟹卷軟殼蟹炸得熱辣辣, 仲有黑色既蟹子一齊食, 口感脆卜卜三文魚腩壽司/油甘魚盛/玻璃蝦玻璃蝦好大隻, 三文魚腩真係好肥美, 咬落啖啖肉,油甘魚有3舊真係好吸引, 食落勁好咬三文魚子/飛魚子呢2款壽司係我既至愛, 放落口脆卜卜, 食到三文魚子好新鮮, 食完仲有陣魚子味係口到tim赤貝/左口魚邊赤貝好新鮮, 左口魚邊都好爽口